هاي يا جماعه.انا عضوه جديده معاكوا.
عايزه اتعرف عليكوا من خلال مشاكل كل واحد فيكوا.
فايه رايكم ان كل واحد فينا يعرض مشكله خاصه بيه ونحلها كلنا سوا,,
يعني في ناس مشكلها المذاكره ( زي انا طبعا )
وفي ناس مشكلها الشغل وهكذا,,,,,,,,,,,,
فيريت تشتركوا معايا في الموضوع ده..

حضرتك فهمتى غلط القسم ده عشان الى عنده مشكلة فى المنتدى

حضرتك قسم خاص بالكلام ده اسمه اهداءات ومناسبات وتعارف (http://thanwya.com/vb/forumdisplay.php?f=67)

تم النقل
وشكرا يا بودى

ومنورنا يا بوسى..

خلاص صح كده مكانه صح :D

نتكلم بقا:rolleyes:

انا مشكلتى هى مشكلتك ومشكلة كل الى فى ثانوية عامة:D

تم النقل
وشكرا يا بودى

ومنورنا يا بوسى..

لا انت فهمت غلط بوسى ده بنت مش ولد

منورانا يا بوسى

عارف انها بنت

غلطة

طيب انا مشكلتي اني بدي واديت كتير اوي ومخدتش غير جرح وكل ما اساعد حد هنا بدو ذكر اسماء بعد ما بيعدي المحنه بينسي وبيقول انا قررت ابعد كد احسن

اولا ,,شكرا يا جماعه علي مقبلتكم ليا.
ثانيا,,بالنسبه لمشكله المذاكره فانا عايزه حد يحلها لي.
اما ثالثا,,بالنسبه لمشكله the sad angel انا من رايى انت بتختار الناس الخطا.
وعمتا اللي بيساعد المفروض ميستناش مقابل.
وده رايي ويا جماعه يا ريت تشاركوه او تساعدوه برايكم.

لا تنتظر معروف من اعطيته

شكرا ليكي يا بوسي علي الموضوع الجميل
و مفروض انه كان مكانه قسم الاخصائي الاجتماعي بس الله يرحمه بقه
بالنسبه لمشكلة المذاكره فمفيش حاجة اسمها طريقه مذاكره تمشي علي الكل
انا اعرف ان كل واحد له طريقته و الطريقه اللي تريحك تبقي هيا دي طريقه المذاكره

علي العموم ليا عوده كمان شوية كدا

بالنسبه للمذاكره كل واحد له طريقه اتعود عليها بيذاكر بيها
وده صح
بس فيه حجات بتدلك ازاي ترتب للمذاكره
يعني تقعد انت مدي دهرك للمصباح الكهربي
مثلا متذاكرشي وانت في حجرة نومك
وهكذا

بالنسبه للمذاكره كل واحد له طريقه اتعود عليها بيذاكر بيها
وده صح
بس فيه حجات بتدلك ازاي ترتب للمذاكره
يعني تقعد انت مدي دهرك للمصباح الكهربي
مثلا متذاكرشي وانت في حجرة نومك
وهكذا


يا نجم دي حاجات يقولها العلما عشان يعملوا كل حاجة
دي طرق علميه و زي الفل و كل حاجة
بس متمشيش علي كله
نفرض ان انا بقه طلعت من ضمن اللي متمشيش عليهم يبقي اشتغلت نفسي و خلاص
بص الطريقه الصح انك توصل للحل الامثل
انك تذاكر كتير
والله تذاكر كتير هتعرف ايه اللي يناسبك و ايه اللي ميناسبكش
عامله زي التمرين علي المذاكره كدا
بيبقي عندك خبرة
ده المقصود يا نجم
و علي فكرة انا عندي واحد صاحبي بسم الله ماشاء الله جايب 98.7 % و كان بيذاكر و هوا علي السرير و متغطي كمان
اهوه ده واحد متمشيش عليه القاعده
يبقي كل واحد عارف ايه اللي انسبله
بس

طيب انا مشكلتي اني بدي واديت كتير اوي ومخدتش غير جرح وكل ما اساعد حد هنا بدو ذكر اسماء بعد ما بيعدي المحنه بينسي وبيقول انا قررت ابعد كد احسن


انا حاسس بيك يا عمار بس عايز اقولك من حبنا حبناه وصبح متاعنا متاعه و من فارقنا فرقناه يحرم علينا اجتماعه
ياعم انت ساعدته
خلاص بقه متستناش منه رد للجميل ولا شكر زي ما الراجل قالك

بس يعني ايه " قررت ابعد احسن " كلمه غير منطقيه في موضوعنا

ايه يا جماعه هي مشكلكم خلصت ولا ايه؟:o
ولا انتم مش عايزني اتعرف عليكوا.:(
عمتا شكرا علي مروركوا.:)

أهلاً بحضرتك معانا فى المنتدى
حضرتك منوره
ومستنين مشاركاتك معانا فى كل مكان فى المنتدى

أما بخصوص مشكلتى

أنا عندى كام سؤال منهم انا بعانى منهم شخصياً
ومنهم أسأله من باب العلم بالشىء

نبدأ بالأسئله الشخصيه


جوايا مشاعر حلوه أوى نفسى أصلح الدنيا بس للأسف لما باجى أطلعها بلاقى الصد والرد عليها بطريقه جافه جدااا تكثر الجبل
بكون مخنوق ومضايق وقرفان من الدنيا واللى فيها بس للأسف مينفعش أطلع ده بل بالعكس دنا مطلوب منى أنى أبتسم
الناس كلها مش كلها بس معظمهم بيحسبونى على أقل غلطه وهما أصلا بيبقى عباره عن غلط ماشى على الأرض ومحدش بيحاسبهم

أما السؤال اللى نفسى أعرف إجابته هو


لما تكتشف إنك حبيت إنسان غلط بس قدرك إنك لازم تفضل تحبه ومجرد التفكير فى غيره مش من حقك :(




رغم إن على فكره موضوع حضرتك مكرر

وده لينك الموضوع الآخر
http://thanwya.com/vb/showthread.php?t=30569

اولا: شكرا علي استقبالك.. ويا ريت افيدكم...
ثانيا:بالنسبه لمشاكلك * جميل اوي ان يكون جواك مشاعر حلوه زي دي. بس للاسف مجتمعنا دلوقتي نادر يكون فيه شخص نفسه يصلح الدنيا زيك فمن راي مش حيفيدك في حاجه انك تطلع مشاعر زي دي ( واعتقد انه متوقع رد الفعل ده ).
اما المشكله التانيه * لما تبقي مخنوق و مضايق و قرفان من الدنيا ممكن تقعد لوحدك , ممكن تبكي . المهم محدش يشوفك وانت كده احسن .
اما المشكله التالته * الناس اللي بيحسبوك علي اقل غلطه قولهم ان مفيش حد مبيغلطش وحسسهم ان هما كمان بيغلطوا ( بس من غير متعيرهم بغلطهم ) وميهمكش كلام حد المهم انك متاكد انك صح ومبتعملش حاجه غلط.
لكن المشكله الاخيره دي انا مش حقدر افيدك فيها( sorry ):(
.ويا ريت يا جماعه تساعدونا في المشكله الجامده دي .:confused:
وتقوللنا رايكم فيها.;)

بصى يا بوسى
أا ستقولك طريقى انا لما كنت فى الجامعه والحمد لله جابت فايده
بس فى الاول لازم تعرفى انك لما تزاكرى مش هتنفعى أى حد غير نفسك يعنى لازم يكون فى أمال فى الحياه ولازم نسعالها
بصى يا ستى
كنت بزاكر من بعد صلاه العشاء حتى الساعه 12 بالليل دا متواصل
ثانيا ساعه نت راحه يعنى
وبعدين أرجع من واحده بالليل كدا لحد قبل الفجر بنصف ساعه
لانى كنت بقوم أصلى صلاة السحر
وبعدين أصلى الفجر
وأجى من الصلاة أقرآ سور (يس) وأدعى لان يس لما قرآت له
وبعدين أراجع اللى زاكرته لحد الساعه 7 الصبح
بس
لكن لازم تعرفى ان الإرتباط بالله عز وجل بيحل مشاكل كتير اوى اوى وجربى اللى انا قلته وصلى بالذات صلاة السحر وهتعرفى الفرق