فكر فى فعل الخير
السلام عليكم ورحمه الله وبركاته
الإخوة والأخوات أعضاء هذا الصرح الجميل
ياريت كلنا نفكر مع بعض
لماذا الطلبة عازفون عن المشاركة بايجابية فى القسم
التعليمى
نبحث عن السلبيات والايجابيات التى تمنع الطلبة عن
المشاركات الفعالة مع المدرسيين
كل واحد يفكر فى هذه المشكلة
لن أطيل فى التحدث
الكل يبحث فى السلبيات حتى نزيلها وتبقى الايجابيات
لكى نسعد جميعا بفعل الخير
ياريت تكون ايجابيا وتشارك
والسلام عليكم ورحمه الله وبركاته

فعلا اشعر بقلة مشاركات الطلاب فى القسم التعليمى واحتمال يكون السبب فى ذلك ضغط المذاكرة
ولكن رغم ذلك عندى أمل كبير فى ان يزداد عدد الطلاب فى القسم التعليمى وبخاصة وأن الجميع يعمل من أجلهم

بسم الله الرحمن الرحيم
السلام عليكم ورحمه الله وبركاته


نص المواضيع اللى فى القسم التعليمى المرفقات اللى فيها مش شغاله
الأعضاء بتحط السؤال بيتجاوب عليه بعدها بسنه
قسم اللعب اللى جميع الأعضاء بتدخل تضيع فيه وقت وبتنسى إن المنتدى فيه قسم تعليمى

الردود المستفذه من قبل بعض الأعضاء فى الموضوع اللى المفروض إن المدرس هو المشرف على القسم مش بيشلها وده لإن المدرس متعيش مشرف فى القسم وهو مش عارف إمكانيات الإشراف بتاعته
الساده المدرسين والأعضاء لما ينزلو المنهج كشرح مش بيتحط بالترتيب
والمواضيع بتنزل فى الصفح اللى تحت ويرجعو تانى ينزلو الموضوع أكثر من مره وده بيسبب بلبله للطالب والمدرس بيفتكر الطلبه مش بتشارك يعنى بالمختصر الأقسام من جوه مش مترتبه صح
المدرسين مش قادره تعمل مع الأعضاء جو وترابط أسرى خالص يعنى المدرسين المفروض يطلعو يشاركو معانا فى باقى الأقسام ده هيعرفهم على الأعضاء وبإسلوبهم هيقدرو يجذبوهم
الطلبه لما بتيجى توجه سؤال لمدرس لو حبت تبعتله رساله خاص مش بتبقى عارفه تخصصه فى المفروض الخطوه بتاعه تلوين المدرس باللون الأخضر دى كان بقى معها كمان خطوه وهى بدل كتابه مشرف فوق المدرس ينكتب مشرف وأستاذ ماده اللغه العربيه مثلا وهكذا

عمتاً دى رأى مجرد رأى فرد يا ريت تتقبلوه بصدر رحم ولكم حريه القبول أو الرفض وإن شاء الله أنا معاكم فى أى حاجه تطلبوها منى

السلام عليكم ورحمه الله وبركاته

رائيك محترم جدا وواقعى
وعلشان كدة انا شلت اغلب المواضيع التى لا تعمل
واقوم بترتيب الاقسام وممكن تدخل قسم اللغة العربية المواد الاختيارية (http://www.thanwya.com/vb/forumdisplay.php?f=18) الكيمياء (http://www.thanwya.com/vb/forumdisplay.php?f=60)
الاحياء (http://www.thanwya.com/vb/forumdisplay.php?f=62) وجارى العمل فى باقى الاقسام
وكله بالتعاون والافكار سوف نصل لحل

وفيه بعض المدرسين مش منشطه الرسائل


الخاصة بتعتهم يعنى لو طالب حب يبعت رسالة


مش هتتبعت

وزى ما قال محمد لا زم المدرسين تخلق جو ترابط


بينهم وبين الطلبة


وشكرا

تمام فكرو معنا سوف نصل الى حل
معلومة مهمة اخى حسام
سوف نجمع المعلومات ونوجهه الى المدرسين

اقدر اقولك دلوقتي شكرااا علي الموضوع
عندي افكار وباذن الله هقولها بس مستنيا عدد يمر قبلي عشان حاسسه اني باافكاري ديه
المنتدي هيقلب

لا تعليق بعد الى قاله السادات

بارك الله فيك يا أستاذ عصام وجزاك الله خيراً
أفكار السادات جميلة فعلاً

- إضافة المواضيع المهمة في التوقيع عنصر مهم وبيساعد على إحياء المواضيع الميتة
- التنسيق بين المدرسين بتقسيم شرح الدروس إن أمكن وعمل موضوع مفهرس لأهم مواضيع القسم وتثبيته
- عمل تمرينات دورية يقوم الطالب بحلها وإرسالها في رسائل خاصة أو على حتى يستفسر الطالب عن جزئية ما من خلال الموضوع نفسه دون أن يكلف الطالب نفسه عناء الحل ثم الكتابة ثم الإرسال
- تنسيق الموضوع بقدر المستطاع وتزويده بالصور وعمل معاينة للموضوع قبل النشر وتعديهل بحيث يتناسب مع النشر في المنتدى
- على الإدارة عمل فهرس في الصفحة الرئيسية يضم اسم المدرس وأهم الموضوعات المنشورة في القسم التعليمي من برامج أو مذكرات أو شرح أو امتحانات

في انتظار أفكار الإخوة الأعضاء الكرام

وجعل الله ما تفعلونه وما نفعله في ميزان حسناتنا
اللهم انفعنا بما علمتنا وعلمنا ما ينفعنا
تقبل الله منا ومنكم صالح الأعمال

جزاك الله خيرا

بارك الله فيك يا أستاذ عصام وجزاك الله خيراً
أفكار السادات جميلة فعلاً

- إضافة المواضيع المهمة في التوقيع عنصر مهم وبيساعد على إحياء المواضيع الميتة
- التنسيق بين المدرسين بتقسيم شرح الدروس إن أمكن وعمل موضوع مفهرس لأهم مواضيع القسم وتثبيته
- عمل تمرينات دورية يقوم الطالب بحلها وإرسالها في رسائل خاصة أو على حتى يستفسر الطالب عن جزئية ما من خلال الموضوع نفسه دون أن يكلف الطالب نفسه عناء الحل ثم الكتابة ثم الإرسال
- تنسيق الموضوع بقدر المستطاع وتزويده بالصور وعمل معاينة للموضوع قبل النشر وتعديهل بحيث يتناسب مع النشر في المنتدى
- على الإدارة عمل فهرس في الصفحة الرئيسية يضم اسم المدرس وأهم الموضوعات المنشورة في القسم التعليمي من برامج أو مذكرات أو شرح أو امتحانات

في انتظار أفكار الإخوة الأعضاء الكرام

وجعل الله ما تفعلونه وما نفعله في ميزان حسناتنا
اللهم انفعنا بما علمتنا وعلمنا ما ينفعنا
تقبل الله منا ومنكم صالح الأعمال
تمام افكار جميلة وجيدة شكرا استاذ محمد
هل من مزيد من الافكار

جزاك الله خيرا
ابنى الفاضل هذا ليس موضوع شكر شارك بايجابية وابحث عن السلبيات

السلام عليكم ورحمة الله وبركاته

مع ان اكثر مشاركاتى تعتبر فى قسم جرس الفسحه
بس انا ملاحظه فعلا ان المعظم نسيوا ان ده منتدى تعليمى قبل ما يكون اى حاجه تانيه
وانا من رأيى ما دام الامتحانات قربت يبقى قسم جرس الفسحه يتقفل مؤقتا
وبعد الامتحانات يتفتح تانى
اما بالنسبه للقسم التعليمى فكل الطلبه او المعظم معتمد على الدروس فبيبقى مش مهتم اوى اذا كان المستوى التعليمى ف المنتدى كويس او لأ
وحتى اللى بيدخل عشان يستفيد لو هو مثلا ضايع ف ماده وبيحاول يدخل المنتدى عشان يساعده مش بيلاقى اللى هو عايزه
يعنى زى ما دخل زى ما خرج
وبالنسبه لو فى اى مساعده انا تحت امركوا