والنبى ياللى هتقرأ طول بالك على وخليك معايا للآخر.........
علشان اكون صريح معاكم
أنا من أول أشتراكى فى المنتدى وأنا استخدم اسمى الحقيقى علشان انا اهبل و مبحبش الكذب ....لآْ مش صح قوى.علشان كمان أنا عمرى ماكنت بخاف واما كتبت حاجات تزعل منى الناس اللى كنت بكتب لهم عن تطوير التعليم والظلم اللى على المعلمين وغيرة.
أنا يامحترمين كنت قبل الكادر مدرس أول ثانوى أد الدنيافى مدرسة طلعت حرب الثانوية بالمحلة لمدة11 سنة والله بجد.. وكنت اعطى دروس خصوصية و عندى مركز وعايش لكن لما قالوا الكادر قلت ليه تعذب نفسك خليك محترم واقعد فى بيتك فى وسط عيالك وصل الرحم وخلافة والحمد لله على كدة.
كنت طمعان من بداية عملى فى التربية والتعليم انى يكون لى وضع محترم لدرجة أنى لم أمكث فى الاعارة سوى عام واحد وعدت الى بلدى لأنى بحبها جدا .
ودخلت امتحان الكادر (مش كان أسمة كدة؟) ونجحت وقبضت .حلو الكلام.....
وأصبحت أمنية حياتى أنى اترقى زى خلق الله لآن التواصل مع الطالب فى الفصل أصبح صعب وخاصة مع فارق السن الكبير وقالوا لازم الدرجة..... وهى دى المشكلة.... تبعت شكوى ما تبعتش. الرد واحد وهو معناه
أنت عبيط والا أهبل درجة أية اللى عاوزها ؟أنت مش أخذت الكادر؟ أمثالك من دود الارض ملوش درجة و علاوة تشجيعية .طيب ياجماعة دا أنا عانيت من شلاليط الرسوب الوظيفى اللى خلانى اتساوى بالطلبة اللى كنت بدرس لهم من 11 سنة؟ بس ياحمار..... دى كان معنى الرد اللى كان بيجيللى كل ما أشتكى .خد عندك كام الم وشلوط من سيدنا المرحوم بها ءالدين وطبعا قفايا مسلمش من تلطيش يسرى الجمل والننوس احمد بدر هى هاتييجى عليه؟ لغاية ماوصلنا لجمال الدين ووانتوا قعدتوا تهللوا بوصول الناصر جمال الدين اللى هيرجع لكم حقوقكم درجات وحوافز وغيرة....الخ
وجه الناصر جمال الدين .... وكمان شلوط وقلمين اشمعنى هو لأ؟ ياراجل هو قفاى عزيز على معاليه
الغريب أنكم كنتم منتظرين كرمه وعطفه لكن العبد لله كان من عبطه مبيفكرش وخلصت معاه على كدة بس قلت الناس اللى فى المنتدى دول بيفهموا احسن منك ماهو أنا عبيط بقه..
وأمبارح كالعادة دخلت على الموقع اقرا اللى بتكتبوة زكان عندى لكم خبر حلو بس مرضيتش اكتبه واللنهاردة كان عندى لكم خبر حلو وبردة مرضيتش اكتبة مس ببخل عليكم لاسمح االه لأ... لأنى كنت عارف انه خبر جعر وقلت أستنى الوزير النهاردة يقوله بنفسة علشان تفرحوا باللى قومتوا الدنيا ومقعتوهاش لما بقى قاهر الصليبيين وزير التعليم. عارفين كان الخبر أْية؟
الوزير يدرس أعادة الدرجات للمعلمين.. والله بجد ده كان الخبر اللى اتنشر أمبارح فى جريدة الخبار واليوم فى جريدة الاحرار... ولأنى عبيط مصدقتش وخفت عليكم من الفرحة لتعيطول ذى حالاتى لما مبارك الله لا يرجعة قولوا آمين مشى وترجوا تعيطوا من الوكسة لما تكتشفوا أن دة هم وكذب زى اللى الناس الطيبة بتعماه فى البلد دلوقتى وكأنك يا أبو زيد ما غازيت أقول لكم أشتموا فى الموقع ذى ماانتم عاوزين فى اللى انتم عاوزين تشتموه وقولوا حسبنا لله ونعم الوكيل ذى الولايا ... بس دة مايمنعش الشلاليط والضرب على القفا اللى هاتخدوة لآن لا فية درجة و لاحوافز ولا ترقيات ولا غيرة..
ياوزير التعليم
أنا حمار وعبيط لما فكت اكون مدرس فى بلد لاتحترم المعلم ولا التعليم
أنا حمار وعبيط لما فكرت أن لما أشتكى أعرف آخد حقى.
أنا حمار وعبيط علشان عمرى ضاع فى وظيفة غير محترمة ولا هاتبقى محترمة طول مأنتم ممشينها قرارت
أنا عاوز أعرف كان أيه احساسك لمل حسنى طردتك من الوزارة؟ حسيت أنك مظلوم ؟ وأنا كمان دعيت على اللى ظلمك؟ أنا مش هاأدعى عليك عارف ليه ؟ علشان أنا حمار وحقك على.
وأنتم أوعوا تتغيروا..وأنا هاقرا اللى بكتبوة ومش هاضحك...اه والله ..مش هاضحك!!!
سلام يا mens

الاخ الفاضل

دعني اقتبس بعض الكلمات منك

ياوزير التعليم
أنا حمار وعبيط لما فكت اكون مدرس فى بلد لاتحترم المعلم ولا التعليم
أنا حمار وعبيط لما فكرت أن لما أشتكى أعرف آخد حقى.
أنا حمار وعبيط علشان عمرى ضاع فى وظيفة غير محترمة ولا تتبقى محترمة طول مأنتم ممشينها قرارت

حقا وزراه العبيد

من باب جلد الذات وقلة الحيلة مش اكثر أنا بقترح تغيير المسميات بتاعتنا
يعني حمار مساعد , حمار , حمار أول

من باب جلد الذات وقلة الحيلة مش اكثر أنا بقترح تغيير المسميات بتاعتنا
يعني حمار مساعد , حمار , حمار أول
أنا أول الموافقين على هذا الاقتراح

لا اله الا الله محمد رسول الله

شالو آلدو جابو شاهين ..... جمال الدين أبو الروتين

يارب هو الياس وصلنا للمرحلة ده



الصبر مفتاح الفرج

لم نجد وزير يحب المعلمين على مر التاريخ الكل يحب المنصب فقط

بسم الله الرحمن الرحيم
سيادة المشير / حسين طنطاوى والمجلس الأعلى للقوات المسلحة
سيادة الدكتور / عصام شرف معالي رئيس الوزراء
تحية طيبة وبعد
نحن المعلمون بمدرسة / ............................... إدارة / ........................ محافظة / ........................
نرجو من سيادتكم الموافقة على طلبنا هذا بحل نقابة المعلمين الرئيسية والنقابات الفرعية التابعة لها نظراً لأنها لم ولن تعبر عن أراء المعلمين الحقيقية وعن حقوقهم المشروعة فى ظل النظام السابق ونظراً لأنها لم تعتمد على الانتخاب الحر المباشر بل على التعيين بما يرضى هذا النظام ، مع التحقيق معهم فى تضخم ثرواتهم خلال فترة عملهم فى النقابة ، ونطالب بإجراء انتخابات حرة لأعضاء جدد للنقابة تمثل الروح الحقيقية للمعلمين .
ولسيادتكم جزيل الشكر والتقدير
م الاسم التوقيع

يارب هو الياس وصلنا للمرحلة ده



الصبر مفتاح الفرج

لم يكن فى حكومات مصر المتعاقبة للفرج اى مفتاح
وانما القرارات لرجوع الحق أو لأخذ الحق تنتذع انتزاعا
اما بالإضراب او الاعتصام او المظاهرا ت او الثورة واحنا
سكتنا فى بداية نهاية سقوط مبارك ولم نفعل ما فعله
موظفو البنوك من مظاهرات ... أو البترول ... أو الاتصالات
او السياحة أو أغنى موظفى الدولة . وافتكرنا اننا محترمين
ولابد ان الحكومة تحترمنا ... وترجعلنا حقوقنا بدون صوت عالى
ولكن يبدوا ان النغيير اصاب السطح ولم يصب العمق .
فالله نسأل أن يستيقظ المعلمون من نومهم ويهبوا من غفلتهم
و لا ييأسوا ..... فما ضاع حق وراءه مطالب .
وادعو جميع من له الحق فى الدرجة المالية ان يرفع دعوى قضائية
امام المحاكم لاسترداد حقه . وسوف يكون القضاء فى صفنا لأن
ذلك حقنا قانونا طبقا لقانون العاملين المدنيين للدولة وكذلك الماده 89 من
القانون المشؤم المسمى بقانون الكادر وايضا القرار رقم 221 و 222 للجهاز
المركزى للتنظيم والادارة الذى تجاهلته الوزارة .
وشكرا
وحسبنا الله ونعم الوكيل

انا بقى هدعو عليه كل شوية لكى يتجرع الظلم ........... هذا الوزير الظالم الظالم الظظظظظظظظظظظظظظظظظظظظظظظالم

ومنين راح يجى الصبر
والدنيا كل يوم بتسود
والظلم راكب حصان بيطير فوق البشر
الحمار شايل 24 حصة واجره 560
والحصان مش شايل ولا حصه واجره 1600
الحمار علشان شغله كتير يبقى لازم يغلط وينضرب بالجذمه( الجزاءت)
الحصان علشان ما بشتغلش ما بيغلطش ما بنضربش
الحمار بقاله 11 سنه معلم
اما الحصان اترقى واصبح كبير ولا خبير
قوللى اجيب الصبر منين

والله حرام لما يعطوا لناس الدرجة فى 2008 بعد ما امتحنوا معنا الكادر نفس امتحنا ونحن نحرم منها

والله حرام لما اللى اتعين قبلى بس بشهرين مرتبه يزيد عنى 200 جنيه الى ان اطلع معاش وقتها نتساوى لان سبب الظلم ( الكادر ) غار وولى

والله حرام لما اللى اتعين بعدى بـ 8 سنوات يتساوى بى فى المسمى الزفت والـ 50 الهباب

أليست هذه مفارقات غريبة منهم لله !!!!!!!!!!!!!!

عمرى ضاع فى وظيفة غير محترمة
حسبنا الله ونعم الوكيل

اخي الفاضل لا يجب ابدا ان تقلل من قيمة نفسك ولا يجب ان تقول علي نفسك مثل الذي قلته باختصار شديد ان احسست بالظلم فالكثير مظاليم وعليك العمل ولا تنتظر الثواب الا من الله سبحانه وتعالي وتذكر ان القادم هيكون افضل فلا تتعجل الرزق .

يا اخى كيف لا نتعجل الرزق ولنا اولاد نخاف عليهم فى ظل مهنة لا تسمح بحياة كريمة
بجد كلامك مؤثر جدا بس يارب حد يؤثر فيه
المعلمون للاسف جبناء لا يتحركون ولا يطالبون بحقوقهم
عارفين الناس بتقول احنا ما بنطلبشى حقوقنا ليه
لان فلوس الدروس مغرقانا ومش محتاجين ال حاجة تصوروا

الاخ الفاضل

وانا كمان اسمحلى اقتبس الجزء ده

ياوزير التعليم
أنا حمار وعبيط لما فكت اكون مدرس فى بلد لاتحترم المعلم ولا التعليم
أنا حمار وعبيط لما فكرت أن لما أشتكى أعرف آخد حقى.
أنا حمار وعبيط علشان عمرى ضاع فى وظيفة غير محترمة ولا تتبقى محترمة طول مأنتم ممشينها قرارت

حقا وزراه العبيد

من باب جلد الذات وقلة الحيلة مش اكثر أنا بقترح تغيير المسميات بتاعتنا
يعني حمار مساعد , حمار , حمار أول
اجمل شئ قرأتة على النت هههههههههههههههههههههههههههههههههههههههههههههههههه هههههههههههههه

ههههههههههههههههههههههه

امال انت لو مكانى كنت هتعمل إيه يا عبد المنصف بيه.
أنا حاصل على الدكتوراه فى الفلسفة وأعمل مدرس ابتدائى وأكمل الجدول بحصص أمن يعنى زى موظف بالإعدادية وكل يوم يأتى موجه دبلوم معلمين" مع احترامى للجميع" يفك عقد النقص على العبد لله ، لما حصلت على الماجستير قالو لى هناك حافذ 100 جنية فرحت وقدمت طلب لكن رفض أول مرة لماذا؟ لأنى حصلت على لفت نظر منذ عشر سنوات !!! وهذا الحافر لا يصرف إلا لمن هو برفكت على حد قول مدير شئون العاملين.
تقدمنا بتظلمات وفى الناية رفض أيضا لأن البيه مدير المدرسة كتب لى فى التقرير جيد جدا على درجة واحدة 89% بهدف تعطيل الحافذ والسبب معرف.
وفى الناية رسيت على 4 جنية .
وعندما حان وقت مناقشة الدكتوراه رفضوا إعطائى أجازة 3 أيام !!!!! لماذا لأنى غير مدرج على بند مش عارف إيه رقم 6 خاص بالعاملين الذين يدرسون فى الثانوية وما شابهها لتحسين أوضاعهم يعنى الدكتوراه أصبحت محصلتش ثانوية عامة وظل السيد المدير حفظه الله والموجهين يجتهدون فى التفتيش على دفاترى وكل يوم استجوابين لإتلاف الأعصاب وكتبوا فى التقارير إنى لا أصلح للتدريس لسنة رابعة ابتدائى .. تصور عملت إيه ؟؟؟!! تصور.. قدمت طلب بنقلى ليس لمدرس ألعاب بل لعامل عهدة حتى يحلوا عنى والشهادة لله المدير العام رفض وأعطاهم جزاءات المدير والموجهة ، السيد الموجه الأول من يومها جعلنى فى ذهنه وصورنى للناس على أننى شيطانى وبتاع مشاكل وعيل نزق ومفسد ومخرب وعلى الجميع أن يحترسوا منى ..
اضحك بعد ما حصلت على الدكتوراه ذهبت لأقدم ووثعت على التخلى عن علاوة ال4 جنية نهائيا ووعدونى بحافذ 200 جنية
كل يوم أذهب للأستاذ محسن يقول لى فوت علينا بكره وبعد سنة سبعة أشهر قال لى ورقك ماشى وفوت بعد العيد بعشرة أيام.. وبعد العيد قالوا لى إن ورقك قد ضاع وقدم ورق جديد ..ليس هذا فحسب الثقل لسه جى وراا
قدمت طلبات على مدار سنتين ( حوالى 30 طلب ) لطوب الأرض لتحسين وضعى الوظيفى لأنى حاصل على الدكتوراه فى الفلسفة ثم جاءنى الرد يقول بإمكانك أن تقدم للتعيين على وظيفة مدرس إعدادى عندما ينزل إعلان ..ههههه
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخ

الوزير الوزير الوزير الوزيز اكبر ظالم وخطير

لاتحزن كلنا مثلك

أنت مدرس =أنت حمار
أنت شريف =أنت عبيط
أنت مخلص= أنت أهبل
لكن كل شىء وله نهاية كتر الضرب على القفا بيعلم الجفا

هاء هاء هاء( التوقيع حمار اول ا ) المفروض المعاش بعد سنة ونصف وراحت درجة كبير ولا عزاء ........

هاء هاء هاء ( التوقيع حمار اول أ ) المفروض المعاش بعد سنة ونصف وكان المفروض احصل على درجة كبير ولا عزاء

يا عزيزى كلنا حمير

ما عاش و لا كان اللى يقول عليك مثل هذه الصفات

فأنت و إن كام الزمان قاسى افضل من لصوص المليارات نعم نحن نعيش بشرف أفضل من اسيادنا المنافقين

أنت فى نظرنا أفضل و أشرف من هؤلاء و الله مطلع و لا تقلق فالله منتقم جبار

هذا المدرس المتواضع استاذي واحترمه فهو في قلبي وعقلي دائما واحبه في الله كثيراا
أنت مدرس =أنت شريف = الاستاذ المتواضع المحترم جدا / محمد عبد المنصف مثال حي في الاخلاق والتواضع
ياستاذ محمد حضرتك راجل محترم ومتواضع جدا بارك الله فيك وفي عائلتك الكريمه وحفظكم ونور لكم الطريق
حضرتك استاذي وانا تعلمت من حضرتك كثير جدا مش اللغه الانجليزيه فقط ولكن تعلمت اداب الحديث والحوار والسلوكيات المحترمه المؤدبه لكي نتعامل مع ابنائنا من التلاميذ
كثير من المدرسين و الطلبه تفخر بهذا النموذج المشرف من المدرسين لانه قدوه في السلوكيات والاخلاق بارك الله فيك اللهم امين

يا سيدي من يهن يسهل الهوان عليه
من الآخر
طالما عملتوها دراما
احنا السبب

و لا عزاء للحمير !

حسبنا الله ونعم الوكيل

ياوزير التعليم
أنا حمار وعبيط لما فكرت اكون مدرس فى بلد لاتحترم المعلم ولا التعليم
أنا حمار وعبيط لما فكرت أن لما أشتكى أعرف آخد حقى.
أنا حمار وعبيط علشان عمرى ضاع فى وظيفة غير محترمة ولا هاتبقى محترمة طول مأنتم ممشينها قرارت
دفعه 93 تشرف على دفعه 85 لنظام الكادر الجهنمي

شالو آلدو جابو شاهين ..... جمال الدين أبو الروتين

الشكوة لغير الله مذلة اطلبوا الصبر من الله هو صاحب الحق ربنا مع المدرس المخلص المجتهد فى عمله و,ثوابه عند الله ككككككبير

( ارفس ) راسك فوق أنت ( معلم ) مصري :022yb4:
مع الاعتذار لمعاشر الحمير

نعم فالحمار هو الذي يحمل مالايرغبة لانه سخر لهذا فلو علم الحمار ماعلي ظهره لقذفه علي الارض ونحن المعلمين غلبنا علي امرنا ولا حول لنا ولاقوة من هذا الوزير بتاع الاطفال علي بتاع القانون الي غيره والخ............................
السؤال هل سنظل حميرا الي مالا نهاية
ام نقوم بوقفه تكون يوم غضب لجميع العاملين بالتربية والتعليم حتي تنصلح احوالنا
نعم مرة اخري انا حمار لاني لو عملت في مهنه اخري غير هذه الوزارة الملعونة لكنت اصبحت شيئ اخر
حسبنا الله ونعم الوكيل في كل حمار ضيع حق المعلمين وخذلهم

اخى الحبيب محمد هون عليك والدى كان مدير ادارتنا و كان مديرى فى المدرسة صديق والدى و كان يفتخر انه و و الدى اخر جيل الحمير و كان يقصد حمير شغل ولكن اعتقد ان سلسال الحمير لم ينقطع لان انا و انت نسير على نفس الطريق
حمير الى ان يكشف الله هذه الغمة

وفى النهاية هتعملوة اية يا رجالة هنفضل نبكى كدة على طول ولا لازم يكون لنا موقف تجاة الظلم اقترح على السادة الزملاء ان يتم الاعداد لاضراب عام يشترك فيه كل المعلمين وليكن فى بداية اعمال امتحانات الثانوية العامة حتى نرفع ما وقع علينا من ظلم ونجبر الجميع على احترامنا لان الظاهر ان البلد دة ما بينفعش فيها غير القوة

وفى النهاية هتعملوة اية يا رجالة هنفضل نبكى كدة على طول ولا لازم يكون لنا موقف تجاة الظلم اقترح على السادة الزملاء ان يتم الاعداد لاضراب عام يشترك فيه كل المعلمين وليكن فى بداية اعمال امتحانات الثانوية العامة حتى نرفع ما وقع علينا من ظلم ونجبر الجميع على احترامنا لان الظاهر ان البلد دة ما بينفعش فيها غير القوة



انا مع هذا الرأي : يوما واحدا نتخلى فيه عن البردعة ونترك مجتمع الحمير

والبردعة لن تذهب بعيدا فهي في انتظارنا وظهورنا مستعدة لحملها من جديد ؟م

أنا اللى طول عمرى بصدق كلام الوزرا فى المواويل
و أنا اللى طول عمرى بقول المدرس عمره طويل
من كتر ماكان الشغل واخدنا
وكل حلاوة الدنيا فى إيدنا
لا فكرنا وزير يقدر يعاندنا
و لا حتى حكومة تقدر تبعدنا
وعشنا التدريس بالأيام
وكل حصة فيها أحلام
وأتارى كل ده أوهام...
وكل وزير ورا وزير
ساب في قلبي جراح
دبت أنا في ليل السهر
و عقلى عمره ما ارتاح
و منين نجيب الصبر ياأهل الله يداوينا؟
اللي انكوى بالكادر قبلينا يقول لينا
و سافر من غير وداع...يا جمال الدين

لست الوحيد فكلنا حمير فقد قبلنا هذا الوضع وعندما طلبنا ان نقوم باعتصام خرج علينا بعض الاعضاء في المنتدي بكلام كبير ثوره مضاده وحرام عليكم وانتوا امن دوله فاذا كان طلبي لحقي ثوره مضاده فان من اعضاء هذه الثوره وسوف استمر في الكتابه بكل مكان فهذا ما استطيع ان افعله حتي يستجيب القدر لدعوات الغلابه فهل نكسر القيود ام نظل ؟

اخوكم في الثانوية العامة جبت 90% وكانت تربية بتاخد من 85 وتجارة بتاخد من 86 فقررت دخول تجارة لاني مش بحب مهنة التدريس وخلصت كل المراحل وجيش وكلو :::::تمام :::::::::: ولفينا قطاع خاص سنة::::::::وبعدين مسابقات البنوك والكهرباء وخلافة :::::::::::::::: وطبعا انتو عارفين ايه اللي بيحصل في المسابقات دي ::::::::::::::::: واخيرا ليه خال ربنا يسامحو قلي تعالا اقدملك في التربية والتعليم ::::::::::::::::قلتلو انا تجارة ازاي::::::::::::::قلي عادي مهما بيكملو العجز من غير التربية :::::::::مع ملاحظة اني ما رضيتش ادخل تربية ::::::::::::::::::المهم بقيت مدرس :::ولية زمايل في البنوك ::::مرتب زمايلي حاليا من 2000 الي 4000 جنية علي حسب البنك اللي بيشتغل فية ::::::::::::::::::واخوكم 355 جنية ::::::::وهما اتثبتو وانا زي ما انتو عارفين ::::::::::::::::::واخيرا عرفت السبب في دا كلو اية ::::::::::::::ان اخوكم اللي هو انا:::::::::::::::::::حمار مساعد ::::::::::::::::::::: واسعي لاكون حمار::::::::::::::::ثم حمار كبير :::::::::::::::::ثم خبير :::::::::::::::::ولا حول ولا قوة الا بالله

حضرتك خد فلوس الكادر ويتقول على نفسك كدة امال الى انتظر الدرجة المالية علشان يدخل على درجة كبير قبل المعاش ولكن للاسف لا خد فلوس الكادر ولا الدرجة المالية احب اعرف كل اعضاء المنتدى ان من انتظر الدرجة وما دخلش الكادر برضة اتحرم من الدرجة المالية ازاى ما اعرفش الى عندة حل او تفسير يقولنا

والله حرام مهنة:( الانبياء والرسل اصبحت لا احترام لها ولا للفائمين عليها وحسبنا الله ونعم الوكيل

كل اللى اقوله
حسبى الله ونعم الوكيل

حررررررررررررررررررررررررررررررررررررررررررررررررر ررررررررررررررررررررررام

والله لست 00000000 أخى العزيز ولكن دول شوية ظلمة همهم ارضاء بتوع الوزارة ويعملوا قرشين محترمين فى اقصر مدة وليذهب المعلمين بمظالمهم الى الجحيم انا فى قمة الحزن ان الوزير الذى قوبل بالمزمار والترحاب الى الان لم يفكر حتى يرد المظالم الى اهلها لن نطالبه بفلوس ولكن عاوزين حقنا المسلوب وربنا لايرضى بالظلم وليأخذوا من حسنى مبارك عظةبعد العز تبدل ذل ومهانه وتاريخ يحذف وشتيمه ليل نهار على جميع القنوات فسبحان الله المعز المذل ليس لنا الا الصبر

حتى المرتب بعد الكادر المهيب لا يكفى برسيم

حمار مساعد ::::::::::::::::::::: واسعي لاكون حمار::::::::::::::::ثم حمار كبير :::::::::::::::::ثم خبير :::::::::::::::::

نسيت حمار أول ثم حمار أول بشرطة ..
المهم أن تكون قد تعاقدت تعاقدا مميزا وأن تكون قد عينت على قوة التعليم الإعدادى حتى تكون لك فرصة الترقى ح.... ثانوى
على فكرة عندما قدمت أوراقى للتعيين سنة 99 وجدتهم يطلبون من كل المتقدمين المحظوظين استمارة اسمها ( ع.ح.) لاستكمال أوراقهم وكان الناس يبحثون عنها فى مكاتب البريد وعندما سألت عن معنى استمارة (ع.ح.) قال لى البعض إنها اختصار لعبارة " عاوزين حمار"

استاذي العزيز
كلامك يمس القلب لانه انا حاسس انه طالع من القلب

بس حضرتك انا شاركت باكتر من مشاركة في هذا المنتدي عن المعلم واحواله
و قلت فيها " لا يغير الله ما بقوم حتي يغيروا ما بأنفسهم" واوضحلكم كلامي

ظهرت المناشدات عن الاضراب للمعلمين واننا مش هنقوم بالتدريس الا لما حد يعبرنا ( يعني وزير التعليم )

وظهرت المناشدات بلاش كده احنا مربيين اجيال - احنا معلمين - احنا قدوة ...الخ من الشعارات

مع ان حضراتكم لما اعتصم دكاترة الطب والممرضين نالوا حقهم وما حدش قالهم حرام عليكم العيانين اللي سبتوهم يموتوا

ولما اضرب عمال قناة السويس خدوا حقهم وما حدش قالهم حرام عليكم مورد الدخل القومي يتعطل

ولما اضرب عمال المصانع والغرف التجارية وبرضه خدوا حقهم ما حدش قالهم حرام عليكم الاقتصاد المصري وقف ووصلنا للخط الاحمر

ولما ...........

ولما ........

اشمعنا لما حاولنا احنا يا معلمين نعتصم ونطالب بحقوقنا وبدأت الحملة الغير جادة لذلك ظهرت الشعارات البراقة واحنا قدوة واحنا ......الخ

اعذروني لأننا مش عاوزين نتغير - اتعودنا علي حاضر ونعم وننفذ بالامر - اتعودنا ننضرب علي قفانا وينضحك علينا واحنا مبسوطين - لا تزال رهبة الخوف من الحزب الوطني وامن الدولة معششة في قلوبنا

أو لأننا سلبيين - مش عاوزين نتغير - أو متواكلين عاوزين ننام في بيوتنا ومدارسنا وغيرنا هو اللي يدورلنا علي حقوقنا - الكل عاوز حاله يتحسن بدون بذل اي مجهود -

طب وماله لما تتعطل الدراسة شهر كمان ونقفل المدارس ونعتصم ونطالب بحقوقنا لحد لما الحجر الهمام اللي اسمة جمال الدين يعبرنا ويهتم بينا ويكون لينا راي - ما لحد دلوقتي فيه محافظات لسه لم تبدأ بها الدراسة
ولا هو حرام لينا وحلال لغيرنا

فوقوا يا معلمين حتي لا نصبح اسفل طبقات هذا المجتمع ماديا واجتماعيا

ياناس حرام عليكم مرة واحدة قبل ما اموت نفسي اشوف رجالة التربية والتعليم ايد واحدة
ولا احنا ما نعملش رجالة غير في الرجوع للوراء ونشبع تريقة من خلق الله -

الم تتعظوا مما حدث قديما

- ولي امر يتهجم علي المعلم في المدرسة
- الطالب يرفع الكرسي ويضرب معلمه
- الطلبة بعد انتهاء الامتحان تعمل رباطية علشان تضرب الملاحظين بعد اللجنة
- والزير الهمام ما فيش معاه غير الطالب - الطالب - ونسي المعلم تماما
- كل القرارات ضد المعلم لحد لما هيبتنا راحت
- - حتي الاعلام في المسلسلات والمسرحيات بتتريق علي المعلم لكن ما شوفناهومشي اتريقوا علي ظابط او قاضي
-

ارجوكم افيقوا افيقوا افيقوا افيقوا افيقوا افيقوا افيقوا افيقواافيقوا افيقوا افيقوا

أفيقــــــــــــــــــــــــــــــــــــــــــــــ ــــــــــــــــــــــــــــــــــــوا من الغفلة يا معلمي مصر

ثورتنا جاية جاية
فاضلها سنة وتخرب
فلا تيأسوا يارجال

دكتور فى جامعة بنى سويف قال كلمة
جاء الوقت الذى يكون للمعلم مكانة
فسالناه : ازاى
طبعاً : رفض ينصحنا
فقال مش عارف ... شوفوا انتم

وسؤالى لكم :


ايه هو الحل لكى
يكون للمعلم مكانة

يا عم حد يقولة ارحل الله يرضي عليكم


موقع رئاسة الوزراء
http://www.cabinet.gov.eg/

ايميل وعنوان وفاكس وتليفونات مجلس الوزراء
http://www.egypt.gov.eg/arabic/guide/directory.aspx

ايميل الدكتور رئيس الوزراء
pm*cabinet.gov.eg

دليل الجهات الحكومية
http://www.cabinet.gov.eg/Links/Links.aspx

وزارة التربية والتعليم
http://knowledge.moe.gov.eg/arabic/

عنوان وفاكس ورقم تليفون وزارة التربية والتعليم
http://knowledge.moe.gov.eg/Arabic/P...ervices/title/ (http://knowledge.moe.gov.eg/Arabic/Parent/newcitservices/title/)
http://www.egypt.gov.eg/arabic/guide/directory.aspx

3 شارع صفية زغلول من شارع القصر العيني القاهرة .
12 شارع الفلكي من شارع المبتديان القصر العيني القاهرة .
رقم التليفون : 27946145
أرقام الفاكس : 27963734
او 27953102


شكاوي المواطنين المصريين
http://www.egypt.gov.eg/services/Loa...ction=citizens (http://www.egypt.gov.eg/services/LoadxtrServices.aspx?PgURL=54253&section=citizens)

كل المشكلة أنه لم يعد بأيدينا تغييره

إلا بمظاهرة فى ميدان التحرير

وميدان التحرير ملك له ولرفاقه

شكرا على الموضوع

كل المشكلة أنه لم يعد بأيدينا تغييره

إلا بمظاهرة فى ميدان التحرير

وميدان التحرير ملك له ولرفاقه

شكرا على الموضوع


ميدان التحرير ملك لمصر والمصريين يا اخ ضياء

الا اذا كنت من اهل ميدان جامع مصطفي محمود بتوع بنحبك ياريس ومع السلامة


وهو طلع سارقنا ومطفحنا الدم


انت لو رحت التحرير وقلت انا مصري مش راح يمنعوك

اليوم بيتحول المعلم المساعد الى معلم وانا معلم اول بينى وبينة ثــــــــــــــــــــــــــــــلا ُُُُُُُُُُُُُُُُُُُُُُُُُُُُُُُُُُُثــــــــــــــ ـــــــــــــــــين سنة خدمة
يعنى هو على الدرجة الثالثة وانا بين وبينة 30 سنة خدمة واشغل الدرجة الثانية الرسوب الوظيفى قـــــــــتلنى
كل زملائى فى المصالح والوزارات الاخرى على الدرجة الاولــــــــــــى منـــــــــــــّذ عــــــشر سنوات
ارحمنا واعتقنا يا سيادة الوزير ممن نحن فية من احباط

ارجو مقاطعة كل شىء و شكرا

ميدان التحرير ملك لمصر والمصريين يا اخ ضياء

الا اذا كنت من اهل ميدان جامع مصطفي محمود بتوع بنحبك ياريس ومع السلامة


وهو طلع سارقنا ومطفحنا الدم


انت لو رحت التحرير وقلت انا مصري مش راح يمنعوك

----=========----------------


كل معلم محتاج لرأى زميله ووالذى يشعر بألامه

وليس لوجود أمثالك بيننا

ليتك ترحل مع سيدك وزيرنا المصون

السلام أمانه وانت بتحب على إيديه

طيب واللي شغال بالحصة نسميه ايه ؟ حمار بالاجر

نرى جميعا مدى تخاذل وزارتنا عن نصرة المعلم
وارى أننا سبب أساسي فعلا لا يوجد تنظيم صحيح وكلما حددنا موعد لاعتصام لا يتم لان البعض متكل على البعض الآخر ومنتظر أن يتم انصافة وهو في بيته
والأمر الأخر أننا منتشرون بكل المحافظات ويصعب على البعض التجمع بالقاهرة
وقد فكرت فعلا
ان يتم عن طريق منتدى الثانوية العامةاو مجموعات (الفيس بوك) تكليف عدد ينوب عن كل محافظة ويكتب هنا أرقام تليفوناتهم ومهمتهم تكون جمع توقيعات من مدارسي محافظتهم (الاسم والمدرسة والرقم القومي ورقم التليفون والتوقيع) ويتم التنسيق النهائي بين مندوبي المحافظات كلها ليتجهوا الى رئيس الوزراء والمجلس العسكرى بمطالبنا
واذا لم نوفق في تحقيق مطالبنا يكون عندنا قاعدة بيانات نجتمع على أساسها ويحدد الاعتصام ومن يتهاون بعد ذلك يكون فعلا ظالم لنفسه

إخوانى الكرام
نحمد الله أن العيب ليس فينا ويابخت من بات مظلوم
معلم = مظلوم
معلم أول = مظلوم أول
معلم أول أ = مظلوم أول أ

ياعبد المنصف خليك مُنصف

ألم يتركوك تعيش فى مصر

ألم تأكل الفول الوطنى والطعمية المحترمه

ألم تتنفس هواء فى مصر بدون مقابل

ألم تجد من يهتم بك ويعطيك شرف الضرب على قفاك من كل أطياف المجتمع

ألم تصرف كل شهر منحة بطالة

لماذا هذا الجفاء ونكران الجميل



ولكن لا

متزعلش أنا أصبحت زميل تلميذى منذ 15 سنة ويُعطينى تلميذى حصص احتياطى فى يوم اشرافه

28 سنة ولسه معلم أول

اقتربت من 49 سنة هى عمرى وتلميذ تلميذى نصابه 24 حصه وأنا 22 حصه

حصتين أقل فى مقابل كم من الأعباء والإشراف واللجان و..........و............الخ

وتقول تلميذتى ( تلميذتى ) مفيش حاجة اسمها قديم وجديد

ولكن لن تكون لنا كرامه إلا بعد أن ننفذ قول الله سبحانه وتعالى :

(( إن الله لا يُغير ما بقوم حتى يُغيروا ما بأنفسهم ))

فالساكت عن الحق شيطان ..............!!!!!!!!!!!!!!!!!!!

متزعلش أنا أصبحت زميل تلميذى منذ 15 سنة ويُعطينى تلميذى حصص احتياطى فى يوم اشرافه

28 سنة ولسه معلم أول

اقتربت من 49 سنة هى عمرى وتلميذ تلميذى نصابه 24 حصه وأنا 22 حصه

حصتين أقل فى مقابل كم من الأعباء والإشراف واللجان و..........و............الخ

وتقول تلميذتى ( تلميذتى ) مفيش حاجة اسمها قديم وجديد

ولكن لن تكون لنا كرامه إلا بعد أن ننفذ قول الله سبحانه وتعالى :

(( إن الله لا يُغير ما بقوم حتى يُغيروا ما بأنفسهم ))

فالساكت عن الحق شيطان ..............!!!!!!!!!!!!!!!!!!!

مع احترامى لرأى حضرتك

دعونا لانحرق أنفسنا بأنفسنا

فكلنا معلمون ونتعامل مع بعضنا أكثر من أولادنا لمدة 8ساعات فى اليوم

لاقديم ولاحديث الأن

المهم المطالبة بكرامة الجميع

فهل هناك انسان فى أى وزارة يتقاضى 105جنيه إلا في التعليم

وندعى إنهم هم المستقبل وهم من غيروا مصر وقضوا وكشفوا الفساد

بيضحكوا على مين --- وليه دايما الخاسر فقط المعلمين

الكل تنفذ طلباتهم فى يوم وليله إلا نحن

الصبر جميل

وشكرا

----=========----------------


كل معلم محتاج لرأى زميله ووالذى يشعر بألامه

وليس لوجود أمثالك بيننا

ليتك ترحل مع سيدك وزيرنا المصون

السلام أمانه وانت بتحب على إيديه

هو انا مع الوزير ؟؟؟؟؟؟؟؟

بترد من غير ما تقرا

انت تقصد نفسك طبعا

يالا يا مندس


وبعدين هذا الموقع ملك للجميع وليس لك ولشخصك

وهو سيدك انت :) امثالك هم من لعقو الاحزية لمبارك واولادة ووزرائة

فاوصلونا لما نحن فية من مشكلات

مهنة المعلم ليس لها اي احترام و كل سنة و انت طيب
المدرس اقل المهن العلمية علي الاطلاق
المدرس اضعف شخصية في المجتمع
اين الهيبة و الوقار و الكرامة و الوضع الاجتماعي و المادي
في المشمش

الاحترام داخلى من نفسك إذا كنت بتقول على نفسك كده غيرك هيقول أيه
أى رئيس دوله قادم لازم تكزن نظرته على التعليم بس لازم احنا نكون مستعدين بمقدرتنا على قيادة قاطرة التغيير

إلى الأخ / محمد عبد المنصف محمد
لماذا تشبه نفسك بالحمار وقد كرم الله الإنسان ، ولماذا تقول أنك فى مهنة غير محترمة لا أعظم مهنة على وجه الأرض ولست حمارا بل إنسان ذاق مرارة العذاب والظلم ولكن لماذا نسكت على هذا الذل والهوان ؟ تعالى معنا يا أخى فنحن عندنا وقفة يوم 5 /4 /2011 الثلاثاء لتقديم طلباتنا لأربعة جهات وهى ( القوات المسلحة - رئاسة الوزراء - المالية - التربية والتعليم ) بس نحن الآن نقوم بتجميع توقيعات المعلمين فى أغلبية المحافظات فأنش الخبر بميعاد الوقفة أمام وزارة التربية والتعليم الساعة العاشرة صباحا ، ولماذا الأخ الذى علق عليك وقال (حمار - حمار أول ) لماذا التقليل من قيمة المعلم لماذا الخطأ ، فإذا كنت تريد أن تكون هكذا فهذا شأنك أما بقية المعلمين أناس على قدر المسئولية ، فتكلم أنت عن نفسك فقط وهذا رقم موبايلى 0162035847 لمن يريد معرفة أى شئ عن هذه الوقفة وتقديم طلباتنا

هو انا مع الوزير ؟؟؟؟؟؟؟؟

بترد من غير ما تقرا

انت تقصد نفسك طبعا

يالا يا مندس ( أنا حزب وطنى ولواء أمن دوله وبراقبكم هنا وساعات ببقى ضابط شرطة هههههههههههه)


وبعدين هذا الموقع ملك للجميع وليس لك ولشخصك ( وأنا أكتر واحد ضايع حقه هنا )

وهو سيدك انت :) امثالك هم من لعقو الاحزية لمبارك واولادة ووزرائة ( وبتقوللى مدرس- الأحذية !!!!!!!!!!!!!!)

فاوصلونا لما نحن فية من مشكلات (مشكلات لكم وفوائد للعبد لله ؟!!!!!)


إن كنت معلم فعلا فهذه مصيبة بكل المقاييس

فيه معلم بهذه الأخلاق

فيه معلم يكتب بهذه الطريقة

سامحك الله ورفع عنك كل هذا الحقد لخلق الله بدون سبب

لا حول ولا قوة الا بالله

لاتحزن كلنا مثلك

أنت مدرس =أنت حمار
أنت شريف =أنت عبيط
أنت مخلص= أنت أهبل
لكن كل شىء وله نهاية كتر الضرب على القفا بيعلم الجفا

أشعر أن هذه الكلمات وسام على صدر كل مدرس، أعني ( حمار )

( ارفس ) راسك فوق أنت ( معلم ) مصري :022yb4:
مع الاعتذار لمعاشر الحمير
اللــــــــه على جمال التعبير
التوقيع : حمار أول

http://www6.0zz0.com/2011/03/19/20/873089319.jpg (http://www.0zz0.com)

عليك العوض وصل المستوى للألفاظ دي