بسم الله
السلام عليكم ورحمة الله وبركاته

شوفت الصورة دي على منتدى مرة

http://img127.imageshack.us/img127/35/2e00f93d88.jpg (http://img127.imageshack.us/i/2e00f93d88.jpg/)

بيقولك إيه حكايتها بقى؟

كان واحد في عيد ميلاد حبيبته


راح عند المكان الي هي ساكنه فيه قبل ما هي تروح بيتها





وطلع عند جيرانها كلهم وطلب من بعضهم يفتحوا النور وطلب من بعض الجيران يقفلوا النور ..





عشان في الاخر يطلع ليها الشكل ده ويقول ليها بس كلمه واحده





I love u





( عشان الي ثقافتهم الماني )





يعني بالعربي بيقول ليها


انا بحبك ..





شوف انت بقا ,طلع عشرات الشقق وقعد يقنع فيهم ويتحايل عليهم ومنهم الي أحرجوا ومنهم الي اتريق عليه ..وممكن واحد يكون شتمه وممكن يكون واحد ضربه





. لكن هو ده الحب بيعمل كده ..








شوفت المحب بيعمل ايه ؟؟ شوفت تعب قد ايه عشان يقول ليها الكلمه دي بس ؟


http://up.1aim.net/uploads/images/www.1aim.net-70f4da42ea.png

بغض النظر عن الأخطاء الشرعية في القصة بس عايزين ناخد الشاهد منها
و هو قد إيه الراجل ده تعب عشان يبرهن لها عن حبه ليها
طب انت بقى ... بتحب ربنا بجد ولا حب كلام وخلاص؟
عملت إيه عشان تبرهن عن حبك ليه؟

النهاردة جايبة كام حاجة كده نقدر نقول عليها ترمومتر أو مسطرة نقيس بيها مدى حبنا لربنا ونعرف هل احنا بنحبه بجد ولا كلام وخلاص

http://up.1aim.net/uploads/images/www.1aim.net-70f4da42ea.png
نبدأ كلامنا ببرهان من القرآن الكريم .... تعالوا نقراه و نشوف إلى أي نسبة احنا التزمنا بيه
ربنا سبحانه وتعالى قال
قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ
) (آل عمران الآية 31


هاه ..آدي برهان أهوه
إيه النسبة المئوية اللي عملتها في حياتك من اتباعك للنبي صلى الله عليه وسلم

استنى بس قبل ما تحسب
عايزين نتفق على إن اتباعك ليه مش عبادة وبس
لا ... لأ
اتباعك ليه في العبادة...اتباعك لأخلاقه الحسنة في المعاملة... وأخيراً اتباعك لتوصيل رسالته -الدعوة إلى الله
قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ
(يوسف الآية 108)

لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيرًا
(الأحزاب الآية 21)



دلوقتي احسب بقى


http://up.1aim.net/uploads/images/www.1aim.net-70f4da42ea.png

فيه حاجة في الآية الأولى لو لاحظتها
!ده مش برهان محبة بس
دا ربنا هايحبك ويغفرلك ذنوبك كمان
يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ

وأبشرك بحاجة كمان
لو انت حبيت ربنا بجد ده هايكون دليل على حبه ليك شوف الآية دي
يَا أَيُّهَا الَّذِينَ آمَنُوا مَنْ يَرْتَدَّ مِنْكُمْ عَنْ دِينِهِ فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ...الآية
(المائدة الآية 54)
فقال يحبهم الأول يعني ربنا أحبك فانت حبيته
اقرا البوست ده ... فيه كلام جميل جداً

http://up.1aim.net/uploads/images/www.1aim.net-70f4da42ea.png


تعرف اللي بيحب حد دايما بيدور إيه أكتر حاجة الحد ده بيحبها ويعملها له وإيه اللي يزود محبته في قلب محبوبه فيعمله


طب انت عارف أكتر حاجة ربنا بيحبها إيه وإيه الحاجة اللي بيها ربنا يحبك؟

ربنا قال في الحديث القدسي
وما تقرب إلي عبدى بشئ أحب إليه مما افترضت عليه، ولا يزال عبدى يتقرب إلى بالنوافل حتى أحبه...الحديث


نتكلم في الجزء الأول
مما افترضت عليه
الفرائض ! بفضل الله أنا تمام فيها و بعملها كلها

مواظب ؟كويس...بس

بس يا ترى انت بتسقط الفرض وخلاص ولا بتاخد ثواب عليه؟

ما هو اسقاط الفرض حاجة و إنك تاخد حسنات عليه حاجة تانية
!!!فيه ناس تعمل العمل وما تاخدش عليه أي ثواب
!!و ناس تأثم عليه
!وناس تاخد الثواب لكن مش كامل
ولله در من قُبل عمله وأُجر عليه كله

هاه انتَ و انتِ عاملين إيه في الفرائض؟
بنسقط الفرض وخلاص ولا إن شاء الله نرجوا منه ثواب عليه
ولا بنأثم عليه؟
http://www.alamtany.com/new/public/style_emoticons/default/unsure.gif
ولا ما بيقبلش؟
http://www.thanwya.com/vb/images/smilies/SnipeR (72).gif

http://up.1aim.net/uploads/images/www.1aim.net-70f4da42ea.png


- نكمل كلام ولا طولت عليكم؟ -

طب نقول كلمة صغيرة خالص عن الجزئية التانية و بعديها نختم كلامنا
الجزئية التانية كانت
ولايزال عبدي يتقرب إلي بالنوافل حتى أحبه
مين فينا مش عايز ربنا يحبه؟ ... أكيد كلنا عايزين بل إنه الهدف الأسمى في حياتنا

في تعاملنا مع بعض بنقول كلمة
.. انت تعبك راحة ..
ده من حبنا للشخص...مش كده وبس دا احنا كمان ممكن نتمنى إن الناس اللي بنحبها تطلب مننا حاجة عشان نعملهالهم

فانت بقى

تقدر تتعب شوية زي صاحبنا اللي حكينا قصته فوق ده عشان تبرهن عن حبك لربنا وتوصل لمحبته, ويكون تعبه بالنسبة لك راحة؟


الانسان الي بيحب ( بجد ) مش مهم عنده أي شيء في الحياة غير هدفه وغايته وحبه اللي هو عايش عشانه

بيقولوا : الأجر على قدر المشقة
لو بتسعى لحب ربنا ,اتعب عشان تناله
و صدقني بجد يمكن تتعب في الأول شوية
لكن بعدين
هاتحس بلذة القرب ولذة الطاعة دي
ونفسك لوحدها هاتشتاق إليها ومش هاتبقى مُتعِبة ليك
لأنك في خدمة محـــبــوبــــك...الله
... اللهم إنَّا نسألك لذة الأنس بك ولذة الشوق إليـــــــــك ...

http://up.1aim.net/uploads/images/www.1aim.net-70f4da42ea.png

نختم كلامنا بقى
قلنا إن اللي بيحب بيشوف إيه اللي حبيبه بيحبه ويعمله
وبرده اللي بيحب بيتجنب كل ما يغضب محبوبه
ولو عرف إن فيه فعل محبوبه بيكرهه بيسيبه

إذا كان ده حالنا مع الخلق فكيف يكون حالنا مع الله؟

بل والله تصل بنا محبة الخلق أحياناً إلى بغض ما يبغضه محبوبنا وحب ما يحبه محبوبنا
حتى ولو كنا نحب من قبل ما يبغضه ونبغض ما يحبه

فكيف حالك مع الله؟
أتبغض ما يبغض وتحب ما يحب؟
أتسعى جاهداً دوماً لترك ما نهاك عنه؟
أم أنك إذا ذُكِّرت أعرضت و قلت اقنعني الأول
أو قلت ادعيلي ربنا يهديني ولازلت قائماً على معصيتك

احنا بندور إن يكون حبنا لربنا حب بجد مش كلام وخلاص
يعني أول ما اسمع أمر في القرآن أو السنة
ما قولش لأ مش مقتنع ... لأ أصل الشيخ فلان قال -والشيخ فلان ده ماعهوش دليل على اللي بيقوله أصلاً-
وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالا مُبِينًا
(الأحزاب الآية 36)

اللي بيحب بجد
يسمع الأمر..... على طول .... سمعنا و أطعنا
يسمع النهي.... على طول...سمعنا و انتهينا

ومش كده وبس
ده اللي بيحب بجد لو عرف إن حاجة من المكروهات بيجتنبها ولو عرف إن حاجة مستحبة بيعملها
أصل علاقته بربنا مش مجرد علاقة خوف من النار و رجاء الجنة وخلاص
فيقوم يعمل الفرائض ويجتنب المحرم بس
لأ ده سمى لمعنى أكبر بكتير ده بيبعد عن كل حاجة بيكرها محبوبه .. الله .. ويعمل كل حاجة بيحبها محبوبه ..الله

http://up.1aim.net/uploads/images/www.1aim.net-70f4da42ea.png


آااااااخر كلمة
اللي بيحب لا يفتر عن ذكر محبوبه ولا يمل من الحديث عنه أو سماع وقراءة كلامه
فانت حالك إيه لما بتقرا وتسمع القرآن أو محاضرة دينية وهل انت دائم الذكر أم غافل ومنشغل عنه سبحانه؟؟


فكر في كل كلمة قلناها ... وشوف انت فين بالظبط من محبة الله عز وجل
هل بتحبه بجد ولا بتحبه كلام و خلاص؟؟

بجد موضوع رائع و ربنا يكرمك على تعبك و يزيدك يارب و يجازيك على قدر ما تفعل و ننتظر منك المزيد من المواضيع الرائعه .

موضوع فى قمة الروعة بارك الله فيك وجزاك خيرررررا

شكراااااااااااا على الموضوع الرائع ...
اتمنى ان يستفيد منه الجميع...... ....
بارك الله فيك .. وجزاك خيراااااااااا..

موضوع جميل
جزاك الله خير........

جزانا الله واياكم

أاسأل الله العظيم ان نكون جميعا قد استفدنا من الموضوع

ونكون كلنا قسنا درجة الحبه

ان المحب لمن يحب مطيع

اللي بيحب لا يفتر عن ذكر محبوبه
ولا يمل من الحديث عنه أو سماع وقراءة كلامه

فانت حالك إيه لما بتقرا وتسمع القرآن أو محاضرة دينية
وهل انت دائم الذكر أم غافل ومنشغل عنه سبحانه؟؟

موضوع روعة وانا احبكم كلكم في الله

:wub::wub::friendsxs3::friendsxs3::friendsxs3::fri endsxs3::friendsxs3::friendsxs3::friendsxs3:موضوع روعة وانا احبكم كلكم في الله

جزاكم الله كل خير

اللهم ارزقنا حبك

أسأل الله أن يمن علينا بمحبته و القرب منه آمين
جزاكم الله خيراً

جزاكِ الله كل الخير

جزانا الله واياكم