السلام عليكم
امبارح روحت التأمينات الاجتماعية لاشوف رصيدى من التأمينات
فوجئت بان الرقم التامينى بتاعى بتاع شخص اخر موظف حكومى
طبعا قالولى بالتأمينات اكيد الرقم نقلاه غلط
وهل انتى اول شغلك عملتى استمارة1 تأمينات
وورهالى وهى استمارة زى استمارة البطاقة القومية بس خضراء
طبعا قولت للموظف مش فاكرة
قالى روحى اتاكدى من الرقم التأمينى
طبعا روحت البيت قلبت الدنيا على الورق
فعلا لقيت صورة شهادة الميلاد اللى فى اول عملى بالحكومة ودتها التأمينات لاجيب الرقم التامينى عشان دفتر التأمين الصحى
فعلا لقيتها وعليها ختم التأمينات الاجتماعية وموقعة من هيئة التأمين ورحت لدفترى الصحى لقيت نفس الرقم عليه فوق
والدى ذهب للتامينات اليوم بهذه المستندات وكمان ارسلت معه صورة من مفردات المرتب اللى فيها انى بيتخصم منى تأمين صحى وتأمين ومعاشات
كانت المفاجأة
ان رقمى بتاع واحد تانى خالص
رقمى اللى فى الدفتر بتاع التامين بتاعىىىىى
بتاع شخص اخر
وقالتله هى ليس لها رقم تامينى
طبعا الادارة هناك فى التامينات اتهدت لان انا معى اثباتات بالرقم التأمينى
المهم قالوا لوالدى يجيب صورة من شهادة ميلاد بالكمبيوتر وهيعملولى واحد جديد(رقم جديد) يوم الاحد
باذن الله
الكلام ده لسه عرفاه الان
طب ايه الحل
هل اعمل رقم جديد؟ طب اللى فات من 2007 وبيتخصم ده ايه خلاص راح؟
طب راح فين بجد
الله يكرمكم كل معلم مساعد بالاسكندرية يذهب الاحد للتأمينات يتأكد من رقمه
بتاعه ولا لا
ورصيده هناك ايه
وطبعا لو كله لقى زىى كده
يبقى الموضوع واضح
بس الحل ايه؟
واشكر الزميل الذى نبهنا لهذا الموضوع من 3 ايام تقريبا هنا بالمنتدى

لاحول ولا قوة الا بالله عليه العوض ومنه العوض:(:(:(:(

الموؤمن مصاب مبتلى


مشكله عويصه ربنا يحلهالك

لاشكر على واجب اختى بس هى دى الحقيقة المرة عندنافى الاسكندرية وللاسف فى كل المحافظات

وانت عارفة المصيبة الاكبر ان احنا فى التمينات ملناش تامين ولا هناك مستحقات وكله راح علينا

الدليل

ادخلو ا على موقع التامينات الاجتماعية اكتب فى جوجل موقع التامينات الاجتماعية

وادخل على دخول المستخدمين فى اعلى الصفحة

وبعدين اعمل مستخدم جديد

وبعدين سجل بياناتك

هيبعتلك الرقم السرى على الايميل

اعمل دخول بالرقم التامينى والرقم السرى اللى بعتوهولك

هتلاقى بياناتك والجهة اللى انت شغال فيه

للاسف مافيش جهة هتلاقيها

وانت متسجل عندهم بدون عمل

طيب والحل ايه

صفحة التسجيل اهي من موقع التامينات

http://nosi.gov.eg/Arabic/pages/Register.aspx

نرفع كلنا قضية في مجلس الدولة بعد التعيين مباشرة

دخلت على موقع التأمينات الاجتماعية وجدت أنه مؤمن عليا وجهة العمل الادارة التعليمية بالمنيا و لكن لا يوجد رصيد ..............الرصيد صفر .

انا فتحت الصفحة بتاعتى ولقيت الحالة التأمنية مكتوب فيها مؤمن عليه وانا تعاقد 2004 ومكتوب التأمين من تاريخ اول التعاقد بتاعى بس كاتب لغاية 2006 فقط ومش عارفة معنى كدة ايه ان من 2006 مكنوش بيسددو التأمين الخاص بيا ولا ايه وفى خانة المهنة كاتب المدرسون الذين لم ترد مهنهم وفى خانة القطاع مكتوب لا يوجد ؟؟؟؟ يعنى ايه معنى الكلام ده

الرقم التأمينى اجيبو منين

برضوا نفس المشكلة

نرفع كلنا قضية في مجلس الدولة بعد التعيين مباشرة

هو ده الحل الوحيد

كاتبين فى صفحتى الحاة التاميينية مؤمن عليه والمهنة موظف اما باقى البيانات كاتبين لا يوجد يعنى مش كاتبين عندى تاريخ التعاقد ولا المبالغ اعمل ايه ازاى مؤمن عليه ومافيش تواريخ

انا زيكم دخلت علي موقع التامينات لم اجد لي رصيد و غير مؤمن عليا و كأني لا اعمل مع اني اعمل بالتعاقد منذ 2006 نفسي اسال سؤال الاستقطاعات من المرتب و المكأفاة راحت فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مكتوب عندي المهنة : لايوجد
الحالة التأمينية : لايوجد

انا فعلا دخلت على الموقع ولقيت مؤمن عليا واسم الادارة بس مافيش اى استقطاعات ولا اى حاجة هنعمل اية دلوقتى

دى عيلة واطية ونصابة هاتوا الفلوس الى عليكوا

ايه الوضع؟
مش عارفة

واضح ان فيه اصلا لعب برقم التأمين بالاسكندرية لينا كمعلمين متعاقدين

وتبدأ فضائح الإسكندرية
كل المدرسين المساعدين ( علي ما اعتقد ) لم يسجلوا في التأمينات و ذلك عن طريق المشاركات التي قرأتها
و بسؤال بعض المدرسين في المدارس و الإدارات المختلفة
ألإدارات كل شهر تخصم تأمينات و في المكافأة تخصم منها تأمينات كل ده راح في بطون الحرامية
حسبنا الله و نعم الوكيل

والدى اما راح اليوم
قالوله ان التأمينات هتسجلنا فعلى من بعد التعيين

لو سمحت فى خانة اسمها الرقم التأمينى منين نعرف الرقم ده

انا دخلت على الموقع وطلعت بياناتي مظبوطة
بس في لخبطة بسيطة في المحافظة
لكن التأمين محسوب من 1/4/2008
وجزاك الله كل خير

السلام عليكم

اعتقد كفاية كده استهتار بالمعلم

وكفاية فرقة ارجو ان نتكاتف من اجل ايجاد حلول لمشاكلنا


لا نريد احمد جمال الدين وزير للتعليم

نريد وزير تعليم مصر يكون مدرس تربوي حاصل علي دكتوراه او حتي ماجيستر في التربية

يشعر بالحال المدرس


يعمل علي حل مشاكلنا


مش كل ما يكلم يقول والله ده مش اختصاصي


يحل مشاكل النقابة

ويشيل اللي سارقنا في الادارات والمدريات


يصلح المناهج

يخشي علي ابنائنا مش ينزلهم المدارس في حالة اضطراب امني


وكمان يعمل جدول امتحانات جيد


عايزين وزير لما يشكل لجنة لحذف اجزاء من المنهج يجيب مدرسين المادة


مش مستشارين ياخدوا مليارات وفي الاخر يحذفوا درس من كل منهج


ارجو من معلمين مصر ان نتكاتف

واي مجموعة علي الفيس بوك تخص معلمين مصر

تكتب في صفحات القوات المسلحة

وصفحات رئيس الوزاراء شرف



جملة واحدة


مش عايزين احمد جمال الدين

نريد وزير التعليم المصري مدرس حاصل علي دكتوراه او ماجيستير في التربية


الفيس بوك (http://www.facebook.com/pages/%D9%86%D8%B1%D9%8A%D8%AF-%D9%88%D8%B2%D9%8A%D8%B1-%D8%A7%D9%84%D8%AA%D8%B1%D8%A8%D9%8A%D8%A9-%D9%88%D8%A7%D9%84%D8%AA%D8%B9%D9%84%D9%8A%D9%85-%D9%85%D8%AF%D8%B1%D8%B3-%D8%AA%D8%B1%D8%A8%D9%88%D9%8A-%D9%8A%D8%B4%D8%B9%D8%B1-%D8%A8%D8%A7%D9%84%D9%85%D8%B9%D9%84%D9%85/174036215977073?created&sk=page_getting_started#%21/pages/%D9%86%D8%B1%D9%8A%D8%AF-%D9%88%D8%B2%D9%8A%D8%B1-%D8%A7%D9%84%D8%AA%D8%B1%D8%A8%D9%8A%D8%A9-%D9%88%D8%A7%D9%84%D8%AA%D8%B9%D9%84%D9%8A%D9%85-%D9%85%D8%AF%D8%B1%D8%B3-%D8%AA%D8%B1%D8%A8%D9%88%D9%8A-%D9%8A%D8%B4%D8%B9%D8%B1-%D8%A8%D8%A7%D9%84%D9%85%D8%B9%D9%84%D9%85/174036215977073?sk=wall)



الصفحة الرسمية للقوات المسلحة علي الفيس بوك (http://www.facebook.com/Egyptian.Armed.Forces?sk=app_4949752878#%21/Egyptian.Armed.Forces?sk=wall)


الصفحة الرسمية لحكومة شرف
(http://www.facebook.com/pages/%D8%A7%D9%84%D8%B5%D9%81%D8%AD%D8%A9-%D8%A7%D9%84%D8%B1%D8%B3%D9%85%D9%8A%D8%A9-%D9%84%D8%AD%D9%83%D9%88%D9%85%D8%A9-%D8%B9%D8%B5%D8%A7%D9%85-%D8%B4%D8%B1%D9%81/194490363904389?sk=wall)

لا تنسوا خير الكلام ما قل ودل


جملة واحدة


مش عايزين احمد جمال الدين

نريد وزير التعليم المصري مدرس حاصل علي دكتوراه او ماجيستير في التربية

و في شمال سيناء نفس الوضع
دخلت لقيت بياناتي الشخصية صحيحة لكن كاتبين مدة الاشتراك بتاريخ قبل تاريخ التعاقد اصلا و كمان اسمي كاتبينه على ادارة تانية و لا يوجد رصيد
حسبنا الله و نعم الوكيل

انا دخلت ف خانة الاستقطاعات لقيتها لا يوجد ..... حد يعرف يعنى ايه او ايه السبب وكمان ف خانة بيانات مدة الاشتراك لقيت اخر مدة يوليو 2008 طيب اسال فين عن يوليو 2009 ويوليو 2010

نفس المشكلة فى كفر الشيخ أنا لقيت الاسم و الرقم القومى و الرقم التأمينى صحيح لكن المهنة(ممرضة مؤهلة متخصصة)والاشتراك من 1997 وأنا معلم تعاقد 2008 الواضح أنهم بيدخلوا بيانات غير صحيحة و لا يوجد دقة ولاضمير فى العمل.سأتصل على رقم16217 يوم الأحد للاستفسار عما يمكن عمله. والله المستعان

ربنا يرحمنا والله
اما سأل والدى بالتامينات قالوله كل المعلمين المساعدين مش هيدخلوا تأمينات غيلا اما يتعينوا
طب بيخصموا منا تأمينات من زمان ليهههه؟