دعوة للاعتصام لمعلمى شمال سيناء امام المديرية الاحد القادم ضد وكيل الوزارة
السلام علكيم ورحمة الله وبركاته
يبدو والعلم عند الله ان وكيل الوزارة لسة عايش فى العصر البائد ومش حاسس بالثورةوالتغيير اللي حصل
الباشا بيقول اللي ليه حق مش حياخده ومش سائل عن الناس اللي بيسافروا من العريش الى رفح والشيخ زويد ولا نقلهم للعريش ولا حتى سأل فيه
كمان الباشا بيوصى مديرى الادارت انهم يهددوا الناس بالغاء عقوداتهم ومش عارف ايه
ده طبعا جه على لسان الابلة الهام مديرة ادارة بئر العبد
اخر عناد وكيل الوزارة انه مش راضي ان المعلمين ياخدوا حافز المولد النبوي وكاننا عايشين فى دولة تانية غير مصر
طبعا معلموا بئر العبد اخدوا الحافز وبسلامته قرر انه يتخصم من مرتبهم اللي جاي
مش عارف اقول ايه؟منتهى العناد
ياناس قولوا انت دلوقتى مش قبل الثورة
قولوا اصحى ياباشا
مش عارف ان الناس دلوقتى تقدر تتظاهر وتطالب بحقوقها
من شوية كدة كنت بتصفح النت لقيت ان سبب عناد الباشا الوكيل هو اه كان طلب من الوزير احمد زكى بدر
انه عاوز مركز اعلى فى الوزارة لكن احمد زكى بدر اداه قفا ورفض طلبه
ومن يومها هو عاوز يطلع بلاه على المعلمين
طب اسال نفسك (هو ابن زكى بدر راح فين دلوقتى؟)
عموما ان شاء الله الاعتصام حيكون الساعة سبعة ونص الاحد القادم امام مديرية التربية والتعليم بالعريش
عاوزين نطالب بحقوقنا وبالمرة عاوزين نشيل وكيل الوزارة
وياريت المدرسين مايروحوش المدارس ويعملوا اضراب حتى تستجاب مطالبهم
اخيرا بطلب منكم ملتقى معلمى شمال سيتا على الفيسبوك ياريت تدونى اللينك لو عارفينه
عشان عاوزين نكبر الموضوع
وسلام ياحبايب