مهم جداااا جدا لجميع اعضاء المنتدى ارجو الدخول [الأرشيف]

جمانة2

18-03-2011, 08:41 PM

السلام عليكم ورحمة الله وبركاته
اسالكم بالله اللى يدخل ويقرا الموضوع
ميخرجش الا ما ينفذ اللى انا هقول عليه
دة بعد اذنكم طبعا

انا عايزة كل شاب يدخل يقول اللى مش عاجبه
فى اى بنت هنا من الناحية الاخلاقية
وفى اسلوب حوارها مع الاخرين
وايه الحاجات اللى ممكن تسقط صورة البنت
من نظر الشاب
حتى لو كانت تافهة
وتقولوا عالتافهة بالذات لان الواحدة ممكن تغلط
فى شىء تافه وهى مش وخدة بالها
دون توجيه الانتقاد لشخص بعينه
بل انتقاد الخطا فقط

وعايزة من البنات
تنفذ نفس الطلب:bosyht9:

على فكرة انا عاملة الموضوع عشان ينفع الطرفين:friendsxs3:
مش عشان تعملوا منافسة فى الكلام
وعشان كل واحد يستفيد من اخطاءه حتى لو فى حاجة تافهة
مع العلم ان الحاجة التافهة ممكن تخلى الناس تقول عليك مش محترم

تنبيه هام
مش عايزة اى حد يوجه
كلام لواحد تانى بيقول
رايه وينتقده
منعا للخلافات
كل واحد يقول وجهة نظره
بهدوء وبتوضيح دون التعرض
للاخرين بالنقد
ودة اهم طلب

واللى اهم منه ادعولى ان اكون من اهل الفردوس الاعلى
وانجح فى الامتحانا بتفوق:(

love ur life

18-03-2011, 08:54 PM

ايه الجمال دا ...والله توبيك تحفه جدا جدا..وان شاء الله هتبقي من اهل الفردوس..

انا اللي مش بيعجبني ان الاعضاء بيخدوا الكلام ع نفسهم ....رغم ان الموضوع بيبقا عام جدا

..ومش بشوف الاراء البّناءه..يعني انا بدخل الموضوع بلاقي ردود ع مشاركات عضو مش ع التوبيك نفسه
مش بستلطف الفكره دي ..فيه حاجات اه بتبقا عايزه تعليق ..بس مش بالطريقه دي..

وردة امل

18-03-2011, 09:12 PM

موضوع جميل اوى
وربنا يجعلك من اهل الفردوس

انا بكره الولد اللى بيعاكس البنات برخامة:slap1qk6:
واللى بيشرب سجاير:p
بيفتكرها رجولة:006et4:

وسورى يعنى والولد اللى بيسقط البنطلون
ببقى نفسى اولع فيه:p

التوأمان

18-03-2011, 09:20 PM

موضوع بجد تحفه :av4056bb7jp3:

و انا بقى فى حاجات كتير مش بتعجبنى فى الشباب :stickjo4::stickjo4::stickjo4::stickjo4:

منها بقى على سبيل المثال مش الحصر :049gc0:

الى بيدخنوا و فاكرين انهم كده صح و الى ميدخنش للاسف يحسسوه انه جبان و مش راجل :o

الولاد الى بتفتكر نفسها كبرت على اهاليها و بتعوقها ( مع ان دى توجد فى البنات ايضا ) :bosyht9:

الولاد و الموضه المهببه الى بيعملوها فى بنطلونتهم و شعرهم و لبسهم كله و الحظاظات و الانسيالات و السلاسل بجد مسبوش حاجه للبنات :bosyht9:

و الولاد بقى الى بتعاكس فى البنات بجد قمه قلة الادب تلاقى الواحد منهم بيعاكس الى رايحه و الى جيه و مش مهم سنها و لا شكلها بجد الواحد بيحس انها مجرد اشباع رغبه مش اكتر (اوعوا حد يفهمنى غلط ههههههههــ ) :)

كفايه كده احسن لو اتكلمت تانى هطلع كل الى جوايا و ممكن اعمل مشاكل :blush:

و بجد موضوع روعه و ربنا يزيدك .

Mr. Ali 1

18-03-2011, 09:33 PM

أتمني من الجميع الالتزام بما نبهت بشأنه كاتبة الموضوع
وكل عضو أو عضوة يعبر عن رأيه فقط دون أي تجاوز
وخاصة في الألفاظ .
وان شاء الله أقول رأيي في الأخر علشان محدش يعلق عليه :d
ربنا يوفقك في الامتحانات وتنجحي بتفوق ( كده دعوتين , كان فيه دعوة قبل كده )

بحب ربنا

18-03-2011, 09:34 PM

:giljotiiniug3:الحاجه الى غيظانى قوى:mad: ان الولد يصاحب بنت ويمشى معاها وتيجى عند اختو ومحدش يتكلم :040vk0:
طيب مش البنت الى انتا مصحبها دى ليها اخوات زيك بيخافو عليها طيب انت يتخاف على اختك خاف على البنات التانيه:slap1qk6:
واكيد الى بتعملو فى البنات هيتعمل مع بنت قربتك او اختك :mad::mad:
وكما تدين تدان:giljotiiniug3:

الأستاذة أم شاهندة

18-03-2011, 09:35 PM

موضوع رائع فعلاً

أكثر ما يضايقنى

تجاوز الحدود بين أى من الطرفين والبدء باستخدام كلمات (عسل _باشا_ قمر) بين الجنسين

ليس من اللائق حدوث هذا سواء فى الحياة أو فى المنتدى

لابد من وجود حدود فى لغة الحوار حتى لا يسمح بتجاوزات أكبر

ومرة تانية موضوع مميز حقاً

Heartbeat

18-03-2011, 09:43 PM

دايما موضوعاتك جميلة يا جمانة
ويارب تكونى من اهل الفردوس الاعلى حبيبتى

انتى قصدك توجيه الانتقاد يكون للاشخاص فى المنتدى بس
مش الحياة العامة.... مش كده؟؟؟
اصلى شايفة ان فى ردود على الحياة العامة بس

بالنسبة للمنتدى فممكن اكتر حاجة مش بتعجبنى فى تصرفات بعض الاعضاء
هى التدخل فيما لا يعنيهم
وكمان ساعات بلاقى انتقادات للبنات عموما بطريقة مش لذيذة
وساعات كمان ناس بتستهزء ببعض الموضوعات وكأنها داخلة الموضوع علشان تهزر
وتظهر خفة دمها;)
بجد دى حاجة بتضايقنى جدا
لان المفروض اننا نحترم الموضوع حتى لو مش عاجبنا

تقبلى مرورى يا قمر:)

Heartbeat

18-03-2011, 09:48 PM

اه وافتكرت حاجة كمان هتشلنى:blush:
بالظبط اللى الاستاذه ام شاهندة قالت عليها
وشوفتها وبجد كان نفسى اضرب العضو اللى قال كده
وكنت مستغربة جدا:o
كنت اول مرة اشوفها فى المنتدى

هى "والله انت عسل"
وللاسف كانت من بنت:(

ربنا يهدى

hassan43

18-03-2011, 09:57 PM

ربنا يكرمك و يجعلك من اهل الفردوس الاعلى

اللى بيضايقنى عن جد و ده رأيي الخاص انى الاقى اب و ام محترمين و يسمحوا لبنتهم ان تلبس و تتزين بملابس غير محترمة و غير محتشمة
انا لا اصادر على حرية احد
لكن المفروض يكون فى احترام لشعور الآخرين
المفروض نربى بناتنا الصغار على لبس الملابس المحتشمة و لا نعودهن على الملابس القصيرة
حتى اذا كبرن يعرفن ما لهن و ما عليهن و لا يحتجن لنصيحة من احد
ارجو الا اكون ضايقت احد برايى

ربنا هب لنا من لدنك رحمة و هيء لنا من امرنا رشدا
اللهم يا و اسع المغفرة اغفر لنا يا ارحم الراحمين اللهم اعطنا رزقاً حلالا و هب لنا من لدنك وداً و إقبالا يا من إليه المآل اصلح لنا الحال و بدل حالنا من حال الى أحسن الاحوال و بلغنا الامال و و ارزقنا صدق النية لله فى الافعال و الاقوال و الاحوال و اخرج اللهم الفاسد من اعمالنا وطهرنا ظاهرا و باطنا و سلمنا من كل فتنة و محنة و جعلنا اهلا لمحبتك و ارقنا لذة طاعتك و محبة اهل مودتك احشرنا مع الصالحين بجاه سيد المرسلين سيدنا محمد صلى الله عليه و سلم
آمين

جمانة2

18-03-2011, 10:33 PM

انا عايزة رايكم بخصوص
الاستهتار اللى بيحصل
فى المنتدى بالخصوص
وفى الحياة بشكل عام
وشكراااااااااااااااااااااااا
لكم اخوانى على التفاعل
الرائع والمهم جدااااا للبنت والولد

عاشق البلانكو الابيض

18-03-2011, 10:44 PM

انا مش بيعجبنى لبس البنااات الايااام دى خااالص
يعنى انا وصغيرررر كنت دايما بشوف البنات لابسة الخماار
ومفيش بنت بتلفت النظر وهى ماااشية فى الشااارع
ام دلوووقت اعوذ بالله يعنى الا من رحم ربى
ويقولك هى دى المووووضة نعمل اااايه
وكمااان تلاقى الوحدة حااطة برفااان وسط الناااس
يعنى القى فى القطرر وحدة حاطة البرفاان فى شنطتها
ومطلعاه تحط منه هى وصحبااااتهااا واصلا لو راجل شم
ريحته عليهاااا هتبقى زانية
وكمااان اللى تعرف ولاد فى الجاااامعة
علشااان يصررررف عليهاااااااا وهو العبيط
مبسووووط بكده
يلا كفاااااية كده بقااااااااا
شكرررا على الموضوع الجميل

H.H.KH

19-03-2011, 12:04 AM

اللى مش بيعجبنى فى الاولاد ان فى منهم فاهم الرجولة غلط تماما
يعنى فاكر انه كل مايوقع اكبر عدد من البنات يبقى كدة هو وااااااااو يعنى ديه اول حاجة
وكمان فى اولاد _انا مش عايزة اقول عليهم رجالة عشان خسارة فيهم الكلمة _ بيكونوا تقريبا حالفين ليكسروا قلب اللى البنت اللى بتحبهم بعد ما بيوقعها فى حبه يعنى ويعملها البحر طحينة
مش عارفة اقول ايه تانى بس ده اللى عندى دلوقتى :blush:

waleed ansary

19-03-2011, 01:09 AM

موضوع أكثر من راااااائع
جزاكى الله كل خير
بجد موضوع رائع وبيناقش قضيه هامه
ومش هتكفينى صفحات المنتدى كلها علشان اوضح وجهة نظرى بس كل اللى اقدر اقوله
ربنا يهدى شباب وبنات المسلمين إلى كل ما يحبه ويرضاه

الـشـيـمـ ء ـا

19-03-2011, 02:48 AM

الموضوع جميل جدااااا
شكرا ليكى يا جمانه

واكتر حاجة بتضايقنى فى المنتدى
ان فى موضوعات كتير وردود كتير بتبقى باللغه العربيه الفصحى
هههههههه
اصل انا بلاقى كل الناس بتتكلم باللغة العاميه اكتر ومتعودة عليها
وبحس ان اللغة العامية بتلمس القلوب اكتر
و مش بتكلم فصحى الا فى اسئلة درس العربى:d
وممكن يكون فى لفظ بقى صعب كدة ومش عارفاه فاحس ان انا بتكلم لغة تانيه:(

و بالنسبه للحياة عامة
ان فى ولاد كتير بيبقو فاكرين انهم احسن من البنت لمجرد انه اسمه ولد
وبيدى لنفسه حق انه يقول على نفسه راجل ايا كان طباعه
وعلى هذا الاساس بيعمل تصرفات مستغلظة فى الغباء

T!to

19-03-2011, 11:05 AM

انا اكتر حاجة بيضايقنى فى الجنسين
اللى بيعيش حاجة مش على مقاسه
خصوصا البنت
حاجة مش بتاعته اصلا
مش عارف وجهة نظرى اتفهمت ولا لا
وجزاكم الله خيرا على الموضوع

التوأمان

19-03-2011, 11:18 AM

انا اكتر حاجة بيضايقنى فى الجنسين
اللى بيعيش حاجة مش على مقاسه
خصوصا البنت
حاجة مش بتاعته اصلا
مش عارف وجهة نظرى اتفهمت ولا لا
وجزاكم الله خيرا على الموضوع

انا عن نفسى مش فاهمه حاجه خالص و نفسى افهم .

جمانة2

19-03-2011, 11:35 AM

الموضوع جميل جدااااا

شكرا ليكى يا جمانه

واكتر حاجة بتضايقنى فى المنتدى
ان فى موضوعات كتير وردود كتير بتبقى باللغه العربيه الفصحى
هههههههه
اصل انا بلاقى كل الناس بتتكلم باللغة العاميه اكتر ومتعودة عليها
وبحس ان اللغة العامية بتلمس القلوب اكتر
و مش بتكلم فصحى الا فى اسئلة درس العربى:d
وممكن يكون فى لفظ بقى صعب كدة ومش عارفاه فاحس ان انا بتكلم لغة تانيه:(

و بالنسبه للحياة عامة
ان فى ولاد كتير بيبقو فاكرين انهم احسن من البنت لمجرد انه اسمه ولد
وبيدى لنفسه حق انه يقول على نفسه راجل ايا كان طباعه
وعلى هذا الاساس بيعمل تصرفات مستغلظة فى الغباء

ههههههههههههه
انا بقول نتكلم على الغلط والكتابة باللغة العربية الفصحى مش غلط
بالعكس ياريت الكل يكتب بالعربية الفصحى
عشان الاعضاء يكونوا مثقفين وفى لباقة فى كلامهم

Hopeful Girl

19-03-2011, 12:08 PM

شكرا على الموضوع ده

كويس انك فتحتيه

لأن بصراحة الواحد زهق من اللى بيشوفه

أنا بيضايقنى أوى اوى الولاد اللى بيقعدوا يعاكسوا فى الرايحة والجاية

وسبحان الله تلاقيهم قاعدين بيعاكسوا حتى فى البنت المحترمة اللى ماشية فى حالها

وفى البنات

تلاقى البنت لابسة هدوم بصراحة اللى يشوفها مش يقول عليها مسلمة خالص
ولما تيجى تنصحيها
تقولك انا حرة
عندها حق
وأنا مالى بيها

اذا كان أهلها مش قادرين يفهموها الصح من الغلط

وتلاقيها ضاربة جهها فى الخلاط
وبصراحة
تلاقيها زى عروسة المولد
او زى باربى

mano 4 ever

19-03-2011, 01:54 PM

انا بكره فى البنات انها دايما بتشوف ان الشباب دايما مش كويسين بس مبيفكروش (ان هى السبب فى المعاكسات الى بتحصلها طبعا ببعض البنات )
اما بقى بالنسبه للشباب دايما شايف نفسه ان هو يقدر يعمل اى حاجه وان كل حاجه بيعملها صح الثقه الزائده بالنفس

وبجد موضوع حلو اوووى

miss_me21

19-03-2011, 08:13 PM

ميرسى على موضوع الجميل بجد وياريت الكل يستفيد

ان فى الولاد مبحبش الى يحب يظهر نفسه ادام البنات يعنى يعمل اى حاجه عشان يلفت نظرهم الى جانب الحاجات الى ذكرهاااااااا الاعضاء

وبردو الموضه الوحشه جدااااااا بتاعه الجل والسلاسل والحظاظاااااااات صراااحه بستحقره جدااااا

ونفس الكلالام ف البنااااااااااااااااااااااااااااااااات

مارسين

20-03-2011, 01:12 AM

موضوع رائع جدا
ربنا يجعلك من اهل الفردوس الاعلى
انا للاسف معنديش كلام اقوله بعد كل اللي اتقال لان غالبا دي اكثر الحاجات اللي بتدايق الواحد
وربنا يهدى الاولاد والبنات

احمد رمضان عبد الله

20-03-2011, 06:18 AM

انا بقي اكتر حاجه بكرهها الكلام بصوت عالي خاصة في الشارع سواءمن ولد او بنت وكمان اللي بيتكلموا في الموبيلات وهم ماشيين حبكت يعني بس علي العموم ربنا يهدينا كلنا صبيان وبنات

هانى الشرقاوى

20-03-2011, 10:10 AM

مبيعجبنيش فى البنت السطحية ..
السذاجة احيانا .. والتى قد تصل إلى حد البلاهة الفكرية

جمانة2

20-03-2011, 12:39 PM

مبيعجبنيش فى البنت السطحية ..
السذاجة احيانا .. والتى قد تصل إلى حد البلاهة الفكرية

مش البنت لوحدها بتكون كدة
فى ناس كتير كدة
بس انا مبتكلمش عن الفكر
انا احيانا بقرا حوارات لبعض
الشباب وبينتقدوا البنات فى حاجا ت
معينة ويقول عليها مش كويسة بسبب
الحاجات دى مع ان هى بتفتكر ان عادى
ودة اللى انا عايزة اوصله للبنات
خصوصا ان فى حوارات احيانا بتكون غير لائقة
من البنات سواء فى المنتدى او الحياة العامة

مصرية وبحب بلدي

20-03-2011, 09:38 PM

اكتر حاجة بتضايقنى هنا فى اعضاء المنتدى ان فى ناس كتير اوى بتاخد الكلام على نفسها
وفى ناس بتفهم الكلام غلط وممكن كمان تحور الكلام
يعنى ابقا قايلة كلمة عادية خالص والاقى اللى يحورها لمعنى تانى وكمان ياخدها على نفسه
اما فى الشباب عامة يعنى
اكتر حاجة بكرهها الشاب التافه اللى ملوش هدف كل همة وهو طالع من بيته
انه يعلق البت فلانة ويثبت فلانة ويكيد فلان بيبقى طالع مش حاطط فى دماغه غير كدة
لاتعليم ولاجامعة ولا كلام فاضى
مرسى ياقمر على الموضوع الجميل

جمانة2

20-04-2011, 01:15 PM

اسعدنى مروركم شكرا لكم

Dr. Hoda Ahmed

20-04-2011, 03:48 PM

موضوعك هام اوى يا جمانه

ويمكن فى اراء كتيرة عجبتنى من اللى قراتها انا مش هعيدها

بس اكتر حاجة بضايقنى الفلسفة الزيادة فى بعض الافراد

وتانى حاجة الهزار الكتير والكلام الفاضى فى الموضوع او غيره بلا اى حدود

usernamo

20-04-2011, 04:06 PM

اكتر ما اكرهه فى البنت .. الذكاء المفرط و السذاجة المفرطة .. احكيلك موقف ... بعد الثورة .. انا مشترك فى جمعيه توعية و كده .. فبوزع ورق توعية .. الاقى بنت تجرى عليا .. كابتن كابتن .. ممكن ورق .. اديها ورقة .. تقولى ايه ده (( اقلى عليها بطاطس ؟)) دى نموذج للسذاجة .. و فى نفس اليوم .. بدى مجموعه من الولاد و البنات خارجين من سنتر تعليمى الورق .. لقيت ترحيب و مش عارف .. لقيت بنت انت بتعاكسنى !! ... مع انى لم اوجه لها تمام الكلام ! (( و مع احترامى ليها .. انا احلى منها اصلاً .. لكن دع الخلق للخالق )) .. ده استفزاز ..

حاجة كمان .. البنات اللى تشرب شيشة مع احترامى للمنتدى .. و ده بيحصل من بنات اعرفهم .. لا و تيجى تقولى تعالى اعزمك .. يعنى مش مكتفية بذنبها .. لا عايزة ذنب غيرها كمان .. و حسبى الله و نعم الوكيل .. اينعم فيه بنات انا بدمع لما بمشى من جنبه .. من ادبها و جمالها .. بس دلوقتى .. طغت الاوروبية على الاسلامية ..

جمانة2

21-04-2011, 04:31 PM

جزاكم الله خيرا
اسعدنى مروركم

أبو صهيب السوهاجي

21-04-2011, 05:46 PM

جمانة2

21-04-2011, 07:27 PM

السلام عليكم ورحمة الله وبعد
فإنني أذكر شيئا هاما جدا الولد يضحك عالبنت بكلمة الحب ويجردها من كل شئ كما أنني لا ألوم الفتاة أكثر ما ألوم أبواها فجميع الأخلاق السيئة يتحمل وزرها أبواها (البنت تقابل الولد بدعوى الحب) كما أن جميع ملابسها مشينة للأخلاق الإسلامية .
بالله عليكم ماذا لو كان بيننا رسولنا صلى الله عليه وسلم والسلام .

معك اخى الكريم ولكن لايجب علينا ان نلوم والداها الا اذا قصروا
فكم منة رجل فاضل بذل كل ما يمكل فى تربية ابناءه ولكنهم انحرفوا عن الطريق المستقيم
وكم من رجل فاسد كان له ةولد من اصلح الصالحين
فالهدى بيد الله لا بيد الاباء

جمانة2

07-07-2011, 09:41 AM

ঔღঔzozoঔღঔ

07-07-2011, 05:38 PM

اولا شكرا ليك على الموضوع

ثانيا انا صراحه لسا جديده فى المنتدى بس اللى ازعجنى خصوصا فى القسم الادبى ان فيه بعض الاعضاء لتكتب كلام غريب وتلاقى اصدقاؤه من المنتدى يقولوله ايه ده جميل انت مبدع انت شاعر وكلام كده غريب ويفضلوا يهزروا مع بعض واما تعلق يقولك دا انا بهزر فلو بيهر الكلام ده ميبقاش فى القسم الالدبى لان فيه ناس فعلا مبدعه وهى اللى تستحق انها تكتل فى القسم ده

وكمان بيضايقنى ان فى بعض الاعضاء بيكتبوا مشاكلهم فى الاقسام المختلفه لكن للاسف محدش بيرد عليهم وانا لو املك الالجابه لرددت

شكرا لك

محمد حسن ضبعون

09-07-2011, 09:46 AM

دعواتى لكى بالتوفيق

Free Canary

09-07-2011, 10:32 AM

شكرا على الموضوع الرووووووعة ده
ربنا يجازيكي كل خير و يوفقك و تنجحي في امتحاناتك و تكوني من أهل الفردوس الأعلى يا رب
قولي آمين :)
_____________
اكتر حاجة مش بتعجبني في الطرفين عموماً هو البعد عن المبادئ و الأخلاق مش بس الدينية لأ كمان الاجتماعية
نسينا اننا عرب و شرقيين و فوق كدة مسلمين و بقينا بنقلِّد الغرب في كل حاجة
يمكن كلامي ده شامل كل العيوب زي التدخين بقى و اللبس الغريب و الضيق و ..............
المفروض اننا نكون أقل تأثرا بيهم و لما نتأثر بيهم نتأثر بيهم في اجتهادهم و نشاطهم و عملهم و تقدمهم مش في أخلاقهم ...... لأن احنا مبادئنا تختلف عنهم بكتيييييييييير :redface:
______________
شكرا مرة تانية :)
تقبلي مروري

جمانة2

09-07-2011, 06:44 PM

جمانة2

09-07-2011, 06:46 PM

اسعدنى مروركم شكرا لكم

Mohamed.A1‏

09-07-2011, 06:55 PM

موضوع جميل و ورائع
وربنا يشفينا جميعن ويدخلنا الجنة ان شاء الله
انا رأي ان اكتر شئ لا يعجب فى البنت هو التكبرو الغرور الشديد
وانها اذا اعجب بها ولد تطنشته لكى يكون عندها عزة نفسى
ولو كانت جميلة يا ساتر بقى
شكراااا على هذا التوبيك الجميل الذى يفتح ما فى النفوس

marmora alamora

09-07-2011, 11:08 PM

انا بصراحه مش بحب الولاد اللى بيدخنوا واللى يلبسوا موضه واللى يلبسوا سلاسل بجد بكرههم

وبحترم اوى الولاد الملتحيه والملتزمين بجد بحس ان فى نور فى وجههم وانهم ربنا بيحبهم وان شاء الله فى الجنه

ربنا ينجحك يا جومانه فى امتحانات الدنيا والاخره وان شاء الله تبقى من اهل الفردوس الاعلى فى الجنه

sasaatwa

10-07-2011, 03:33 AM

جمانة2

10-07-2011, 09:57 AM

انا هدخل في الموضوع علطول
انا مش بحب البنات اللي تدور علي اي حاجه عشان تلفت النظر ليها يعني مثلا لو هي حلوه مش هتحتاج لبس عشان تبين انها حلوه في الشكل بس هي تكون مثلا مش شاطره في الدراسه تقوم داخله علمي علوم من تانيه ثاوي وتقول بقي مادام انا حلوه يبقي لازم اطلع دكتوره وافتح مستشفي:dطبعا ده اي كلام لانها مش شاطره وفي الاخر بتجيب 80 وتقعد تعيط بقي هي لو كانت من الاول فهمت ان هي مش شاطره مكنش ده حصل.
وتاني نوع اللي مش حلوه وتحب تلفت النظر ليها بلبس النقاب <مش تدين> يعني صعب اوي تلاقي واحده حلوه ولابسه نقاب نادر اوي انا بتكلم بصراحه الواحد يشوفها يقول الله علي التدين وبكده بتلفت النظر ليها في الاخراحب اسال سؤال لكل بنت لابسه نقاب وعافكره لو كان ده تدين او حرص انها تتقرب من ربنا انا هكون اول واحد سعيد واحترمها جدا بس للاسف الاغلبيه مش كده المهم السؤال هو انتي لابسه النقاب ليه؟عشان مش حلوه وعايزه تلفتي النظر ليكي ولا تدين؟؟؟باعتزر اني طولت عليكوا ده رايي

ويا ترى دة اسلوب لائق ف طريقة كلامك دى
ثانيا سؤال النقاب دة متوجه لمين؟؟؟؟؟؟؟؟؟؟
ليه انا مثلا؟؟؟؟؟؟؟؟؟ ومطلوب انى اقولك وحشة ولا لا
ثالثا انت ميخصكش حاجة وحدة تلبس النقاب ليه
لان لو لله لها الاجر ولو للنفاق يبقى هيضرها
هى وهينفع المجتمع لان الشباب لما يبص
هيشوف وحدة محتشمة ماشية ومش هيشوف
وحدة متبرجة تخليه يفكر فى المحرمات
ثالثا احترم نفسك اكتر من كدة واعرف ازاى
تتكلم بادب

جمانة2

10-07-2011, 10:08 AM

sasaatwa

10-07-2011, 01:35 PM

ويا ترى دة اسلوب لائق ف طريقة كلامك دى
ثانيا سؤال النقاب دة متوجه لمين؟؟؟؟؟؟؟؟؟؟
ليه انا مثلا؟؟؟؟؟؟؟؟؟ ومطلوب انى اقولك وحشة ولا لا
ثالثا انت ميخصكش حاجة وحدة تلبس النقاب ليه
لان لو لله لها الاجر ولو للنفاق يبقى هيضرها
هى وهينفع المجتمع لان الشباب لما يبص
هيشوف وحدة محتشمة ماشية ومش هيشوف
وحدة متبرجة تخليه يفكر فى المحرمات
ثالثا احترم نفسك اكتر من كدة واعرف ازاى
تتكلم بادب
والله انا بعبر عن رائي دون غلط في احد وانتي لازم تحترمي رائي ده.السؤال ده موجه الي كل واحده لابسه النقاب عشان تلفت النظر مش تدين ومش موجه لاحد بعينه
انا مش عايز اعرف وحشه ولا لا لان كلامي مش موجه لافراد ده مجرد رائ

جمانة2

10-07-2011, 02:47 PM

والله انا بعبر عن رائي دون غلط في احد وانتي لازم تحترمي رائي ده.السؤال ده موجه الي كل واحده لابسه النقاب عشان تلفت النظر مش تدين ومش موجه لاحد بعينه
انا مش عايز اعرف وحشه ولا لا لان كلامي مش موجه لافراد ده مجرد رائ

وانت عايز المنتقبات يردوا عليك يقولوا
ويريت حضرتك متردش وتتناقش تانى
لو حبيت تقول راى اتمنى يكون خارج موضوعى
منعا للخلافات

solidsnake

10-07-2011, 03:21 PM

البنت المسترجلة الفاكرة انها لما تعمل زي مبتشوف في الافلام او تقلد الاولاد
في تصرفاتهم و ألفاظهم و ناسية ان البنت أنوثة و نسيت ان ربنا خلقنا مختلفين
في جميع النواحي و أكتر حاجة تدايق المساواة بين الرجل و المرأة ... استفزاز و نقص
هحكي موقف حصل : قبل كدة كنت في درس في سنتر و في بنتين قعدين جمبي
الاقي واحدة بتقول للتنيا " انا بابا دخل عليا امبارح شفني مش بذاكر ف******* " شوية الفاظ من اللي هما
بجد الفاظ سيئة جدا فبصيت باحتقار كدة . لقيتها بتقول اية هو انا قولت وحشة دا عادي .... المشكلة انها فاكرا كدا عادي
" ما يلفظ من قول الا و له رقيب عتيد "

موقف تاني بنت واقفة تتخانق في الشارع مع صحبتها و بصووت عالي و شتايم اية
مع انها في منطقة راقية شوية و المشكلة أبوها دكتور زي مسمعت من الناس

الحاجة الاهم النت اللي فاكرة انها لو لبست سكيني و تيت بدي تبقي حلوة ...
بجد حاجات ترفع الظغط و تكرة الواحد في الصنف دا

solidsnake

10-07-2011, 03:24 PM

انا هدخل في الموضوع علطول
انا مش بحب البنات اللي تدور علي اي حاجه عشان تلفت النظر ليها يعني مثلا لو هي حلوه مش هتحتاج لبس عشان تبين انها حلوه في الشكل بس هي تكون مثلا مش شاطره في الدراسه تقوم داخله علمي علوم من تانيه ثاوي وتقول بقي مادام انا حلوه يبقي لازم اطلع دكتوره وافتح مستشفي:dطبعا ده اي كلام لانها مش شاطره وفي الاخر بتجيب 80 وتقعد تعيط بقي هي لو كانت من الاول فهمت ان هي مش شاطره مكنش ده حصل.
وتاني نوع اللي مش حلوه وتحب تلفت النظر ليها بلبس النقاب <مش تدين> يعني صعب اوي تلاقي واحده حلوه ولابسه نقاب نادر اوي انا بتكلم بصراحه الواحد يشوفها يقول الله علي التدين وبكده بتلفت النظر ليها في الاخراحب اسال سؤال لكل بنت لابسه نقاب وعافكره لو كان ده تدين او حرص انها تتقرب من ربنا انا هكون اول واحد سعيد واحترمها جدا بس للاسف الاغلبيه مش كده المهم السؤال هو انتي لابسه النقاب ليه؟عشان مش حلوه وعايزه تلفتي النظر ليكي ولا تدين؟؟؟باعتزر اني طولت عليكوا ده رايي

حاسس ان عندك نقص من كلامك ... ربنا يهديك و دع الخلق للخالق

solidsnake

10-07-2011, 03:26 PM

solidsnake

10-07-2011, 03:29 PM

sasaatwa

10-07-2011, 04:16 PM

انا عايزة كل شاب يدخل يقول اللى مش عاجبه
فى اى بنت هنا من الناحية الاخلاقية
وفى اسلوب حوارها مع الاخرين
وايه الحاجات اللى ممكن تسقط صورة البنت
من نظر الشاب
حتى لو كانت تافهة
وتقولوا عالتافهة بالذات لان الواحدة ممكن تغلط
فى شىء تافه وهى مش وخدة بالها

اولا انتي مش من حقك تمنعي اي حد عن المشاركه وابداء الراي الكلام ده كان قبل الثوره انما دلواقتي كل واحد لازم يقول رايئه ويحترم رائ الاخرين.
ثانيا انتي شكلك كده نسيتي عنوان الموضوع بتاعك اللي انا برد علي اساسه
ثالثا ياريت تقرئي الراي بتاعي كويس وبعدين تردي عليه ده لو لقيتي رد
رابعا انا لم اوجه الكلام لشخص معين انا تحدثت عن عده ظواهر نعاني منها منها النفاق وعدم تحقيق الاهداف وعدم الصدق مع النفس قال رسول الله .ص.رحم الله امرئ عرف قدر نفسه.

ايجبت1050

10-07-2011, 04:34 PM

ايه الجمال دا ..هذا جميل جدا ..وان شاء الله هتبقي من اهل الفردوس..

انا اللي مش بيعجبني ان الاعضاء بيخدوا الكلام ع نفسهم ....رغم ان الموضوع بيبقا عام للجميع

رغم انه فى بنات سيئة جدا وهذا غير لائق بالبنت العربيه الشرقية سواء كانت مسلمة او مسيحية

ويوجد شباب منبوزين جدا فى كل تصرفاتهم
والله انا بأحييكى على هذا الموضوع وكان فى خاطرى ان اقوم بهذا العمل
وفقكى الله وانا مستعد لاى مساعدة لسيادتكم

ايجبت1050

10-07-2011, 04:37 PM

شكرا لكى

الله الموفق والمستعان

ايجبت1050

10-07-2011, 04:42 PM

شكرا لكى

الله الموفق والمستعان ؟

scream angle

10-07-2011, 05:41 PM

موضوع بجد رائع جزاكم الله خيرا و لى عودة بأذن الله

جمانة2

10-07-2011, 11:49 PM

البنت المسترجلة الفاكرة انها لما تعمل زي مبتشوف في الافلام او تقلد الاولاد
في تصرفاتهم و ألفاظهم و ناسية ان البنت أنوثة و نسيت ان ربنا خلقنا مختلفين
في جميع النواحي و أكتر حاجة تدايق المساواة بين الرجل و المرأة ... استفزاز و نقص
هحكي موقف حصل : قبل كدة كنت في درس في سنتر و في بنتين قعدين جمبي
الاقي واحدة بتقول للتنيا " انا بابا دخل عليا امبارح شفني مش بذاكر ف******* " شوية الفاظ من اللي هما
بجد الفاظ سيئة جدا فبصيت باحتقار كدة . لقيتها بتقول اية هو انا قولت وحشة دا عادي .... المشكلة انها فاكرا كدا عادي
" ما يلفظ من قول الا و له رقيب عتيد "

موقف تاني بنت واقفة تتخانق في الشارع مع صحبتها و بصووت عالي و شتايم اية
مع انها في منطقة راقية شوية و المشكلة أبوها دكتور زي مسمعت من الناس

الحاجة الاهم النت اللي فاكرة انها لو لبست سكيني و تيت بدي تبقي حلوة ...

بجد حاجات ترفع الظغط و تكرة الواحد في الصنف دا

والله انت اتكلمت فى نقطة مهمة جدا
استرجال البنات دى انتشرت جدا
حتى الولاد معظمهم بقت اهتمامتهم تافهة
باللبس والجيل ولو بقى ميكب رجالى اكيد مش هيتاخرو
بقى الولد يتانث والبنت تسترجل
الفكر الغربى طغى على كل حاجة
والخنوثة كترت فى المجتمع

جمانة2

10-07-2011, 11:50 PM

جمانة2

11-07-2011, 08:29 AM

اولا انتي مش من حقك تمنعي اي حد عن المشاركه وابداء الراي الكلام ده كان قبل الثوره انما دلواقتي كل واحد لازم يقول رايئه ويحترم رائ الاخرين.
ثانيا انتي شكلك كده نسيتي عنوان الموضوع بتاعك اللي انا برد علي اساسه
ثالثا ياريت تقرئي الراي بتاعي كويس وبعدين تردي عليه ده لو لقيتي رد
رابعا انا لم اوجه الكلام لشخص معين انا تحدثت عن عده ظواهر نعاني منها منها النفاق وعدم تحقيق الاهداف وعدم الصدق مع النفس قال رسول الله .ص.رحم الله امرئ عرف قدر نفسه.

دة لو لقيت رد اصلا !!!!!!!!!!!
اسلوبك مضحك جداااااااااااااااااااا
بتكلم كدة على اساس انى بناقش العلامة بن باز مثلا
عموما الاراء اللى نحترمها هى اللى ليها لازمة
حتى لو اختلفت
انما المناقشات على الفاضى و اللى بتبقى مجرد
...................................
اسفة مبحبش ارد على تفاصيلها ولا اهتم بيها
ويريت لما تحب تتكلم على النفاق تبقى تتكلم
عن النفاق وايه ةهو
مش تيجى لطائفة معينة من الناس وتقول كلهم منافقين الا قليل جدا
اما تكلم على النفاق لوحده هنقول ماشى بس من
غير مهاجمة لحد منتقبين او ملتحين
دول منافقين

طالبة المعالى

11-07-2011, 10:12 AM

فى حاجتين هنا مش بتعجبنى فى المنتدى بين الشباب والبنات

الاولى\ مناداة البعض باسمائهم من دون أى القاب
حتى لو اصغر منى او اكبر لازم فى حدود

الثانية\ لما تدخلى أى بروفايل مثلا تلاقى فى قائمة الصداقة كوكتيل

بس كدا
شكرا يا جمانة