مشاهدة النسخة كاملة : اول مرة انتخب فى حياتى
اييمى 19-03-2011, 10:17 AM نزلت لاول مرة فى حياتى انتخب وهو احساس غريب اوى
كنت اول حد نزل من الساعة 8 الصبح انا وكل عائلتى نزلنا مع بعض وكل واحد فينا عبر برايه
كنت فاكره انى هموت قبل ما اشوف اليوم ده
اخيرا حسيت انى عايشة ومش مهم اى حاجة تانية
الحرية حلوة بجد
حبيت اشارك كل زملائى الاحساس الجميل ده
الكل ينزل مش مهم تختار ايه المهم انك قلت رايك بحرية
ما تسالش غيرك انت هتختار ايه فكر وقرر انت وبس
اميمة طه 19-03-2011, 10:20 AM لا والله انا كنت بانتخب قبل كده بس كنت اروح قرب المغرب عشان المشاكل والخناقات كلها بتبقى الصبح وكنت باروح مع صحباتى واحنا راجعيين بنعزم بعض على اى حاجة حلوة وبالمرة نشترى من الصيدلية حاجة تضيع اللون اللى بيبقى على الايد
اييمى 19-03-2011, 10:26 AM ازيك يا اميمة ومبروك التعيين وعقبالنا
قبل كده كنت هنتخب ليه النتيجة كانت جاهزة محدش مستنى رايي النتيجة محسومة وكله محصل يعضة
لكن دلوقتى انتخابات بجد ورايي ليه مكان بجد وهيتسمع
انا ما نمتش طول الليل من التفكير
على فكرة الدنيا هادئه جدا ومتحضرة اوى ومفيش اى مشاكل الناس واقفة فى طوابير طويلة جدا ومحدش بيضايق حد ولا حد بيتخانق
بجد منتهى التحضر
shery_mcsd 19-03-2011, 11:53 AM انا كمان رحت و استفتيت و بصراحة احساسي غريب كأننا في يوم العيد و هو فعلا عيد عيد الحرية
بصراحه احساس مش ممكن كلام الدنيا كلها يوصفه
يا ريت الكل ينزل و يشارك
علي عضاضلي 19-03-2011, 11:59 AM وانا اللي كنت فاكر نفسي انا بس اللي أول مرة بيروح يدلي بصوتة ... دة باين معظم ابناء جيلي زي كدة
بحراوية من دمنهور 19-03-2011, 12:02 PM فعلا والله احلى احساس انك تكون رايح تدى صوتك وعارف ان صوتك هيفرق فى النتيجة وحاسة الناس كلها حماس ورايحين مجموعات وفى فعلا سلوك حضارى والكل منظم وحابب التجربة اللى كلنا كنا محرومين منها فعلا عمرى مرحت ادلى بصوتى قبل كدة ولا اعرف ايه الخطوات المتبعة وقتها لكن من هنا ورايح اى شئ لازم يكون بصوت الشعب والله احساسى بعد الثورة انى ماشية فى بلدى ملكى ومحدش بعد كدة يقول انا واقف فى ملك الحكومة من هنا ورايح البلد ملك الشعب ورايى حاقوله بحرية طالما بيتقال فى اطار شرعى وبطريقة حضارية والله احنا نستهال كل احترام من العالم احنا شعب جميل ومنظم ولكن كان ينقصنا الروح و احساس الحرية اللى بنعيشه وحنعيش فيه طول العمر ان شاء الله
ابن الأكرمين 19-03-2011, 12:13 PM http://profile.ak.fbcdn.net/hprofile-ak-snc4/195810_116942938383470_2030540_n.jpg
محمد حسين الشربينى 19-03-2011, 12:39 PM لأول مرة نحس برأينا وان رأينا سيؤثر بأذن الله
عن وعى فهم
نعم لتعديلات الدستورية
نعم لتعديلات الدستورية
نعم لتعديلات الدستورية
نعم لتعديلات الدستورية
نعم لتعديلات الدستورية
mahmmoud_sakr 19-03-2011, 01:26 PM نعم لتعديلات الدستورية
emey_102 19-03-2011, 01:26 PM انا ايضا اول مرة اذهب واقول رايى بجد اول مرة احس ان مصر بلدنا
mhegazi 19-03-2011, 01:32 PM وانا كمان دي اول مرة اروح اقول صوتي
بجد حسيت النهاردة ان البلد دي بتاعتنا
فوزىالمنياوى 19-03-2011, 01:38 PM أنا متعود على الذهاب للانتخابات ولكن بصراحة النهاردة جوايا احساس غريب وسعادة حقيقية لم اشعر بها من قبل فى أى انتخابات، وتحيا مصر.
اييمى 19-03-2011, 01:45 PM اول مرة كلنا نحس ان دى بلدنا وان احنا مش عايشين ضيوف فيها
صوتك ليه قيمة بجد سواء نعم او لا انت حر تختار ومحدش يقولك تختار ايه
اجمل احساس فى الدنيا الحرية
اميمة طه 19-03-2011, 01:50 PM ازيك يا اميمة ومبروك التعيين وعقبالنا
قبل كده كنت هنتخب ليه النتيجة كانت جاهزة محدش مستنى رايي النتيجة محسومة وكله محصل يعضة
لكن دلوقتى انتخابات بجد ورايي ليه مكان بجد وهيتسمع
انا ما نمتش طول الليل من التفكير
على فكرة الدنيا هادئه جدا ومتحضرة اوى ومفيش اى مشاكل الناس واقفة فى طوابير طويلة جدا ومحدش بيضايق حد ولا حد بيتخانق
بجد منتهى التحضر
الحمد لله انا كويسة وشكرا انك فكرانى
salama201043 19-03-2011, 01:57 PM فعلا والله احلى احساس انك تكون رايح تدى صوتك وعارف
mohammed ahmed25 19-03-2011, 02:23 PM وانا كمان اول مره انتخب فى حياتى --لكن بعد ما خرجت من اللجنه اتعقدت عشان نسيت انى اتأكد اذا كانت الورقه مختومه
محمد عاطف 22 19-03-2011, 02:44 PM نعم للتعديلات الدستورية
gero sat 19-03-2011, 03:56 PM انا مش عارف الاخ محمد حسين دة داير فى كل حتة يفرض رايه على الناس ليه يا اخى احنا نفسنا ما حدش يفرض رايه علينا خلاص الزمن دة ولى ولا انت مش واخد بالك لسة ان الثورة قامت ارجوا ان تحتفظ برايك لنفسك لان من الاخر رايك دة ما يخصش اى حد الا انت............................................... ... فيا ريت نفهم الديمقراطية دى صح
الرعب3250 19-03-2011, 04:20 PM فعلا اول مرة ليها طعم جميل والجي احسن
ام رهف 19-03-2011, 05:01 PM http://profile.ak.fbcdn.net/hprofile-ak-snc4/195810_116942938383470_2030540_n.jpg
ياريتك كنت موجود يابن الاكرمين احساس جميل جدا وخصوصا انك حاسسس انك فاهم وصوتك مؤثر ربنا يردك انت وكل المصريين اللي برة مصر الى بلادكم سالمين غانمين
العروبة2 19-03-2011, 10:55 PM انا رحت الساعه 8 ص بكل فرحة وكان الانتظار فى الطابور بمنتهى التحضر ولم يكن هناك اى مشاكل ومع كل الاحترام للإشراف القضائى كان المستشارين في منتهى النبل وكانوا بنفسهم بيساعدوا الضرير والمسن وكمان كان الجميل انك تسمع ( بعد اذنك لو سمحت- من فضلك ..........)منتهى الادب والذوق الكلمات دى بعد 25 يناير كأنك أول مرة تسمعها بجد كان طعم الظلم وحش قوى وقد اية الحرية جميلة!!!!!!!!!!!!!
|