مشاهدة النسخة كاملة : اشمعنا البحيره
alaa ammar 20-03-2011, 11:37 AM ليه محافظة البحيره آخر من يعلم وآخر من يفعل
إلى الآن لم يتم تنفيذ قرار تعيين المعلمين المساعدين المستوفون الشروط
وايضا لم يتم البت فى اجراءات تثبيت العاملين بالاجر ممن امضوا 3 سنوات
هى دى مش قرارات وزاريه
ولا البحيره مش بيفهموا
رجاءا متابعة ابناء البحيره الكرام
aleman 20-03-2011, 11:46 AM البحيرة على مااعتقد مرتبطة بينا بالاسكندرية
بحراوية من دمنهور 20-03-2011, 01:37 PM اخر الاخبار اللى عرفتها ان اوراق جميع المعلمين المساعدين اللى نجحو فى الكادر موجودة من يوم الخميس فى التنظيم والادارة اللى جنب مبنى المحافظة وانهم شغالين فى تسوية الدرجات بتاعتنا وكلها يومين بالكتير ويتم ارسالها للمديرية ثم الادارات يعنى ده كلام لسسة عارفه واحد زميلنا من موظف اسمه استاذ طارق موجود فى الدور الارضى فى التنظيم والادارة وقال ان باذن الله اخرها عندنا يوم التلات ويتم ارسالها باذن الله للمديرية فخلينا دايما على دماغهم ودايما نتابع الاخبار من التنظيم والادارة لحد منتعين باذن الله
جارةالوادى 20-03-2011, 01:42 PM ان شاء الله خير كل تاخيرة وفيها خيرة ياجماعة مستعجلين على ايه احنا دايما اخبارنا اكيدة معلش يعنى لازم نتمهل عشان نشوف الناس كلها عملت ايه ونعمل زيهم
جارةالوادى 20-03-2011, 01:57 PM عارفين بقى ان فيه سنة كاملة مااخدناش فيها بدل المعلم واتصرفت لنا بس سنة واحدة بدل سنتين وبعتو منشور بيها وهيتصرف كل 6 شهور مع بعض يعنى باذن الله الفرج قريب والدنيا مش سودة كحل خالص يعنى
جارةالوادى 20-03-2011, 01:58 PM اخر الاخبار اللى عرفتها ان اوراق جميع المعلمين المساعدين اللى نجحو فى الكادر موجودة من يوم الخميس فى التنظيم والادارة اللى جنب مبنى المحافظة وانهم شغالين فى تسوية الدرجات بتاعتنا وكلها يومين بالكتير ويتم ارسالها للمديرية ثم الادارات يعنى ده كلام لسسة عارفه واحد زميلنا من موظف اسمه استاذ طارق موجود فى الدور الارضى فى التنظيم والادارة وقال ان باذن الله اخرها عندنا يوم التلات ويتم ارسالها باذن الله للمديرية فخلينا دايما على دماغهم ودايما نتابع الاخبار من التنظيم والادارة لحد منتعين باذن الله
انا بتفائل باخبارك جدا وبحس انك متابعة اوى وبتسالى عموما يارب
طه عرب 20-03-2011, 02:15 PM والله والغربية كمان آخر نوووووووووووووووم
حاتم عبد السلام 20-03-2011, 02:15 PM ياريت الكلام ده يكون صح
eslamkobessy 20-03-2011, 02:54 PM إسكندرية كذلك
عاشقه الجنه 29 20-03-2011, 03:35 PM عارفين بقى ان فيه سنة كاملة مااخدناش فيها بدل المعلم واتصرفت لنا بس سنة واحدة بدل سنتين وبعتو منشور بيها وهيتصرف كل 6 شهور مع بعض يعنى باذن الله الفرج قريب والدنيا مش سودة كحل خالص يعنى
يعنى ايه الكلام ده ياجارة الوادى ارجوكى وضحى اكتر لان بجد بسمع حجات غريبه اوى عندكم فى البحيرة بالذات فى الماليات
hob7a 20-03-2011, 03:45 PM فعلا انهارده سمعت ان هيتصرف لينا 50% كادر باثر رجعى 6 شهور يعنى هتعمل 386ج
فى امال حاجه تعوض حاجه وخصوصا اننا لم نصرف الشهر المكافاه
احمد محمد الدفراوى 20-03-2011, 04:41 PM ياخوانا احنا مش ايد واحده ليه انا رحت النهارده وكنت اتمنى ان اجد عدد هناك بس مع الاسف هما حوالى 5 او6
وانا من فتره انادى لازم نكون اي واحده بس مع الاسف المهم ا ن انا اتمشورت انا والجماعه اللى معانا من التنظيم والاداره للمدريه لحد ما وصلت للى قالته الاخ او الاخت بحراويه من دمنهور ان فيه دفعه دلوقتى فى التنظيم والاداره
وهم 4009 من المعلمين المساعدين وانا منهم الحمد الله اللى امتحنو الكادر وال icdlدول اول دفعه لكنى وعدت الاخوه اللى كانو معى هناك الى هما فى الدفعه الثانيه ان انا ح اكون معاهم لجد لما كلنا نستلم جوابات التعين ايه راى الاخوه
ملحوظه فيه خبر حلو تانى مادى كبير بس مش ح اقوله دلوقتى لحد لما اتاكد منه
ريهمسة 20-03-2011, 05:04 PM ربنااااااااا يوفق الجميع
جارةالوادى 20-03-2011, 05:39 PM يعنى ايه الكلام ده ياجارة الوادى ارجوكى وضحى اكتر لان بجد بسمع حجات غريبه اوى عندكم فى البحيرة بالذات فى الماليات
يعنى حضرتك احنا لم ناخذ اصلا بدل المعلم من وقت ماتعاقدنا معلم مساعد فى 3/2008 واخدناه فى 2009 يعنى لنا سنة كاملة عند الحكومة قررت ترجعه لنا اخيرا كل 6 شهور مع بعض ودى نشرة موجودة عندنا فى الادارة والااريين بيعملوها حاليا وهتتصرف بعد المرتب مش غريبة يعنى ولاحاجة وعلى فكرة احنا المحافظة الوحيدة اللى مااخدناش الشهر المكافأة والاداريين واللى ماخدوش كادر هما بس اللى خدوه ومش شهر لاء ده 20 يوم بس
hassan43 20-03-2011, 07:01 PM ليه محافظة البحيره آخر من يعلم وآخر من يفعل
إلى الآن لم يتم تنفيذ قرار تعيين المعلمين المساعدين المستوفون الشروط
وايضا لم يتم البت فى اجراءات تثبيت العاملين بالاجر ممن امضوا 3 سنوات
هى دى مش قرارات وزاريه
ولا البحيره مش بيفهموا
رجاءا متابعة ابناء البحيره الكرام
على فكرة البحيرة هى المحافظة الوحيدة من دون المحافظات اللى كانت بتطلع منها اشاعات كتيرة
فى الشهور الكتيرة اللى فاتت ايام يسرى الجمل وزكى بدر ................ الله لا يرجعهم
المحافظة الوحيدة اللى كنا بنسمع منها ان مرة الكشوف نزلت و مرة ناس استلمت و مرات كتيرة كانوا بيطلعوا اشاعات ليس لها اساس من الصحة
و اهو لما جه التعيين المحافظة الوحيدة اللى لا حس و لا خبر
و بيقولو مش عارفين ليه هما متأخرين ؟
المهم
ربنا معاكم
و ان شاء الله تتعينوا قريب
بس عن شرط خلى نيتكم صافية شوية
ما تزعلوش منى
انا بقول اللى شفته
ربنا يجعل فرجه قريب ان شاء الله
جارةالوادى 20-03-2011, 07:06 PM على فكرة البحيرة هى المحافظة الوحيدة من دون المحافظات اللى كانت بتطلع منها اشاعات كتيرة
فى الشهور الكتيرة اللى فاتت ايام يسرى الجمل وزكى بدر ................ الله لا يرجعهم
المحافظة الوحيدة اللى كنا بنسمع منها ان مرة الكشوف نزلت و مرة ناس استلمت و مرات كتيرة كانوا بيطلعوا اشاعات ليس لها اساس من الصحة
و اهو لما جه التعيين المحافظة الوحيدة اللى لا حس و لا خبر
و بيقولو مش عارفين ليه هما متأخرين ؟
المهم
ربنا معاكم
و ان شاء الله تتعينوا قريب
بس عن شرط خلى نيتكم صافية شوية
ما تزعلوش منى
انا بقول اللى شفته
ربنا يجعل فرجه قريب ان شاء الله
هههههههه شكرا على النصيحة بس احنا فعلا نيتنا صافية بس محافظتنا بتاعة اللى اصلا مش عارفين حاجة ومحدش يقدر يفيدك بكلمة نصيبنا بقى الحمد لله
بس الاهم المساندة بالدعوات وبلاش تقطيم الله يكرمك الفتايين شغالين فى المنتدى كله مش البحيرة بس يعنى
بحر العرب 20-03-2011, 07:06 PM إن شاء اللخ خير ربنا يتمم فرحتنا جميعا بتعيينكم واستلام جوابات التعيين
sami zaloa 20-03-2011, 07:08 PM احب اوضح لكم ان الاستاذ طارق اللى شغال فى التنظيم والادارة هو اللى راح بنفسه للتربية والتعليم وجاب منهم الاسماء مع ان دى مش شغلته المفروض الاسماء تيجيله عن طريق موظف التربية والتعليم فى البحيرة ولكن لما ابتهال وياسين كذبوا علينا اكتر من مره وقالوا احنا بعتنا الاسماء للتنظيم والادارة ذهبنا له وحكينا الموضوع له قال الاسماء لم تصل وكان ذلك يوم الثلاثاء وذهب وقابل ابتهال ونحن انتظرناه فى مكتبه حتى جاء فقال ان ابتهال وعدته انها هتبعت الاسماء يوم الاربعاء ولكنها كالعادة لم ترسلها فذهب بنفسه وجاب الاسماء حبيت اوضح ان فيه ناس محترمين مثل الاستاذ طارق وناس كدابين زى ابتهال وياسين.
المهم اللى جاى وخدوا بالكم الاسماء هيتم توقيعها من المحافظ وبعد كدة التنظيم والادارة هيمشوا فى اجراءات الافراج عن الدرجات وهذا اجراء روتينى فى الوقت ده المفروض ان التربية والتعليم تسلمنا جوابات التعيين فى بداية الاسبوع القادم دون الارتباط بإجراءات التنظيم والادارة وهذا ما قاله لى الاستاذ طارق ...........ولكن انا عرفت ان ابتهال شرف هتعطل الموضوع وهتتحجج انها فى انتظار اجراءات التنظيم والادارة وهذا غير قانونى هى عايزة تأجل الموضوع كله لشهر سبعه علشان كدة لازم اول الاسماء ميتم توقيعها وترجع للتربية والتعليم لازم لازم نضغط على ابتهال لتسلمنا الجوابات والا والله ما حد هيستلم قبل شهر سبعه وانا متابع مع الاستاذ طارق كل الاجراءات وهبلغكم
ولو تتذكروا اناعملت موضوع بعنوان "احنا يأسنا من متعاقدين البحيرة " لان كل ما اروح الاقى 2 اصدقاء معى فقط ياريت نتعاون علشان نبقى زى المحافظات الاخرى ونتفك من ابتهال اللى عامله خبيرة قانونيه
بحراوية من دمنهور 20-03-2011, 08:05 PM احب اوضح لكم ان الاستاذ طارق اللى شغال فى التنظيم والادارة هو اللى راح بنفسه للتربية والتعليم وجاب منهم الاسماء مع ان دى مش شغلته المفروض الاسماء تيجيله عن طريق موظف التربية والتعليم فى البحيرة ولكن لما ابتهال وياسين كذبوا علينا اكتر من مره وقالوا احنا بعتنا الاسماء للتنظيم والادارة ذهبنا له وحكينا الموضوع له قال الاسماء لم تصل وكان ذلك يوم الثلاثاء وذهب وقابل ابتهال ونحن انتظرناه فى مكتبه حتى جاء فقال ان ابتهال وعدته انها هتبعت الاسماء يوم الاربعاء ولكنها كالعادة لم ترسلها فذهب بنفسه وجاب الاسماء حبيت اوضح ان فيه ناس محترمين مثل الاستاذ طارق وناس كدابين زى ابتهال وياسين.
المهم اللى جاى وخدوا بالكم الاسماء هيتم توقيعها من المحافظ وبعد كدة التنظيم والادارة هيمشوا فى اجراءات الافراج عن الدرجات وهذا اجراء روتينى فى الوقت ده المفروض ان التربية والتعليم تسلمنا جوابات التعيين فى بداية الاسبوع القادم دون الارتباط بإجراءات التنظيم والادارة وهذا ما قاله لى الاستاذ طارق ...........ولكن انا عرفت ان ابتهال شرف هتعطل الموضوع وهتتحجج انها فى انتظار اجراءات التنظيم والادارة وهذا غير قانونى هى عايزة تأجل الموضوع كله لشهر سبعه علشان كدة لازم اول الاسماء ميتم توقيعها وترجع للتربية والتعليم لازم لازم نضغط على ابتهال لتسلمنا الجوابات والا والله ما حد هيستلم قبل شهر سبعه وانا متابع مع الاستاذ طارق كل الاجراءات وهبلغكم
ولو تتذكروا اناعملت موضوع بعنوان "احنا يأسنا من متعاقدين البحيرة " لان كل ما اروح الاقى 2 اصدقاء معى فقط ياريت نتعاون علشان نبقى زى المحافظات الاخرى ونتفك من ابتهال اللى عامله خبيرة قانونيه
والله يا استاذ سامى فى كتير جادين وعايزين نعرف راسنا من رجلينا ونعرف امتى هنستلم جوابات التعيين ويجى مرتباتنا مع الاساسيين فى نفس الكشوفات بس المشكلة مين يكون عنده الثقة ويضحى بيوم او يومين عارضة نكون كلنا فيه موجودين عشان حتى على الاقل نكون 30 معلم ونقدر نقابل وكيل الوزارة وناخد حقنا وانا حاكون موجودة دايما فى التنظيم والادارة والمديرية و وربنا يكرمنا جميعا بس عمرنا محنستنى لشهر 7 باذن الله والا فى كلام تانى بجد
sami zaloa 20-03-2011, 08:42 PM والله العظيم انا و2 أصدقائى اخذنا يوم الثلاثاء عارضه بسبب اننا جلسنا اكتر من ساعة منتظرين الاستاذ طارق فى التنظيم والادارة ويوم الاحد اللى قبله وصلنا المدرسة بعد الحصة الاولى لاننا انتظرنا المسئول العسكرى اللى كان فى اجتماع مع التنظيم والادارة اللى كانوا مضربين عن العمل ونأعجوبة لم يتم التشطيب علينا ومستعدين للتضحية بالعارضة كلها من أجل هذا الموضوع بس 30 يبقوا معانا يا أخت بحراوية
emooo_22 20-03-2011, 09:39 PM على فكرة انا مستعد انى مروحش المدرسة خالص الان
بس المهم يكون فية اتفاق وتاكد ان ابتهال هى اللى معطلة الدنيا
ساعتها كلنا ايد واحدة فى اى يوم نروح المديرية للضغط عليها
واتعجب من الاخوة فى البحيرة على اى اساس نحن عاملين
العقد انتهى ومحدش عارف حاجة
وحسبى الله ونعم الوكيل
مهندس زراعى 20-03-2011, 10:38 PM ال3 سنوات تشمل سنوات الاجر+العقد ولا عقد بس ممكن التوضيح ؟
جارةالوادى 21-03-2011, 01:42 PM ال3 سنوات تشمل سنوات الاجر+العقد ولا عقد بس ممكن التوضيح ؟
حضرتك احنا كلامنا على اللى استوفى الشروط ومعلم مساعد وامتحن الكادر واسمه ظهر فى كشوف التعيينات ولم يجرى اى اجراءات للتعيين زى باقى المحافظات الاخرى يعنى تعاقد معلم مساعد
محمدمدبولي1 21-03-2011, 02:07 PM المهم نطالب بالاقدمية كمان حيث اضافة فترة الخدمة السابقة
انارحت 3 مرات وكل مرة مس بلاقي حد واخر مرة كنا 3 وعلي فكرة انا الي بعت يس لبتوع التنظيم والادارة
الرعب3250 21-03-2011, 02:56 PM اسوء واجبن محافظة
مني 22 21-03-2011, 04:23 PM احنا كمان فى الدقهلية ومفيش اى حاجة
tatateto 21-03-2011, 05:30 PM ليه محافظة البحيره آخر من يعلم وآخر من يفعل
إلى الآن لم يتم تنفيذ قرار تعيين المعلمين المساعدين المستوفون الشروط
وايضا لم يتم البت فى اجراءات تثبيت العاملين بالاجر ممن امضوا 3 سنوات
هى دى مش قرارات وزاريه
ولا البحيره مش بيفهموا
رجاءا متابعة ابناء البحيره الكرام
لالالالالالالالالالا ما تقلقش فيه بورسعيد بعد البحيرة !!!! حط في بطنك بطيخة صيفي!!!
علي عضاضلي 21-03-2011, 05:33 PM بالتوفيق للـ.. بحراوية ولـ.دمنهور
|