!!! كن قليل الأدب كى تكسب إحترام الناس !!! [الأرشيف]

MohammeD el_SadaT

26-11-2007, 06:19 PM

بسم الله الرحمن الرحيم

السلام عليكم ورحمه الله وبركاته

الطيبه والأخلاق الحميده

هكذا هم اغلب الناس دوماً يفسروا طيبتك وتعاملك برفق معهم على أنه ضعف منك

هكذا يظن الكثير وعلى هذا النحو يعاملك معظمهم

عندما تتنازل عن حق لك فقط لكي لاتجرح مشاعر الخرين

فهم فى ذلك الوقت يلقبونك بالضعيف ( الجبان ..... مسميات أخرى حيائى يمنعنى من كتابتها ولكن أعلم أن الجميع يفهم مقصدى )

ويصرخون فى وجهك .ألا تستطيع أخذ حقك منه ... إنت جبان إنت مش راجل والكثير من هذا القبيل ..!!!

لم هذه النظره التى ينظرها لك الكثير عندما

عندما تعطي شيئاً مما تملك لأحد ما ليس لشئ بل رغبة في عدم إحراجه

فيفسرو ما فعلته على أنه ضعف

عندما تصفح عن من أساء إليك ... فقط لكي لا تنشأ الكراهية والعداوه بينكما ... فيقال لك أنت جبان لا تسطيع أخذ حقك ....!!

عندما يكشر البعض عن أنيابه باتجاهك ... وتقابلهم بالإبتسامة العذبه

... فتسمع بعض الكلمات التى لا يمكن لبشر تحملها ...!!

عندما تتلطف ،،بالأسلوب تستخدم العبارات الرقيقة تجاه الآخرين

... يتقال عنك دا شبه المرأه دا بتاع كلام ( حلنجى )..!!

إذاً بعد أنا قرأت وبالأكيد قد مررت بالكثير من ذلك

.. فإليك بالحل الوافي .. والدواء الشافي ..والجواب الكافي

..وإنتظر النتائج ...

فلتقل أدبك ... وتتهمج في أسلوبك ... وتسلب الآخرين حقوقهم إضافة إلى حقك ...

وتكشر عن انيابك في ظل الآخرين متبسمين ... ولاتعطي بل تمنع ... ولاتتهاون بل تصرخ ...

ولاتغفر الأخطاء بل أنعت من فعلها وعليك بالزجر فإنه لهم رهبه وخوف ... !!

وإستخدم أقبح العبارات في النقاشات .. وتلفظ بأوقح الألفاظ في الحوارات ...!!

عندئذ ... سيعمل الآخرين لك ألف حساب ... سيخافوا منك ... سينتظروا ردة فعلك ...

لن يحاولوا إيذائك ولو بكلمة ... يترقبون ماتريد .. ينفذون دون طلب ...

***********************************

أليس هذا هو حال المجتمع الذى نعيش فيه يرفض أن نكون متحلين بالصفات الحميده الأدب والإحترام وما إلى ذلك
ويحرضنا على أن نكون من ذوي الكره والإنــتــقام

هل هذه حقيقه واقعيهـ أمـ أنا أتخيل ذلك...!!

بس هيا دى الدنيا الى احنا عيشنها
فعلاً
ولا انتو ايه رأيكم

:(:(:(:(

كركركوكو

26-11-2007, 06:26 PM

وان كان اغلبيه المجتمع تحترم من يقل ادبه
ابداء انت بنفسك ولا تحترمه
وشكرا ليك علي موضوعك الجميل

احمد رضا

26-11-2007, 06:27 PM

والله انا مش هتكلم كتير يا سادات في الموضوع ده
بس ما دام انت شايف انك بتعمل حاجة صح سيبك من كلام الناس
عمرك ما هتعجبهم لو وقفت علي صوابع ايديك وطلعت بيها السلم

سيبك من كلام الناس مش هيجوا يقفوا معاك في مشكلة هما اللي مكبرينها
الناس بتحب تتفرج علي المشاكل
ده الملخص
شكرا علي الموضوع الجميل يا محمد باشا

fares elnet

26-11-2007, 06:35 PM

MohammeD el_SadaT

26-11-2007, 06:37 PM

وان كان اغلبيه المجتمع تحترم من يقل ادبه
ابداء انت بنفسك ولا تحترمه
وشكرا ليك علي موضوعك الجميل

العفو يا جميل ومنور الموضوع برد حضرتك
بس تفتكر
إن ده هيغير حاجه دا بقع طبع والطبع يغلب التطبع
يعنى القذاره وقله الأدب
واللماضه بقت سمه من سمات المواطن المصرى
الولد بيتولد من بطن ولدته بقله ادبه وسخته وقذرته
وطبعاً كلنا لمسين ده وحسينه فى الشوارع المصريه

MohammeD el_SadaT

26-11-2007, 06:40 PM

واحـد من النــاس

26-11-2007, 06:44 PM

ازيك يا سادات ..

فعلا يابني والله عندك حق في كلامك كله ..

وانا كنت كده .. طيب يعني وباعدي .. انما من فترة قريبة أوي اتعلمت ان الواحد المفروض يبقى رخم وهزاره تقيل ع الناس ويبدأ العداوة ويصالح بمزاجه ( حتى لو هيبدأ الصلح ) .. يرد الضربة ضربتين وهو اللي يبدأ اللسع قبل مايتلسع .. وساعات يبقى طيب ودمه خفيف .. :) يعني بغزالة ومالوش أمان .. بمعنى اصح لو كنت غامض بردو في تصرفاتك الناس هتحترمك ومحدش ياخد عليك .. ;)

مـ الآخر .. الهجوم خير وسيلة للدفاع !!!

بس رأيي ده مش على كل الناس .. على معظمهم بس .. انما المحترمين عاملهم باحترام وطيبة طبعاً :)

كلامك واقعي ونصايحك مفيدة وصحيحة عملياً .. لكن نظرياً ما ينفعش موضوعك يتحط في كتاب اسمه ( كن قليل الأدب تكسب احترام الناس ) :d

ده رأيي حتى لو حد اختلف معايا :)

شكرا على موضوعك يا باشا :)

MohammeD el_SadaT

26-11-2007, 06:44 PM

والله يا محمد مش عارف اقولك ايه

بس فعلا فيه مواقف تتطلب الامور دى فعلا

بس الغالب بيكون اخذ الحق حرفه بمعنى ممكن

تعمل اللى انت بتقول عليه ده بس ماتعرفش تاخد حقك فى المجتمع

وممكن تكون ذو اخلاق عاليه وتكون مؤدب وتعرف تاخد حقك فى المجتمع

يعنى ممكن وممكن حسب الظروف اللى بتكون حواليك والناس اللى بتتعامل معاها

وشكرا لموضوعك الرائع والجميل ده

واسف للاطاله فى الرد بتاعى

يا استاذ حسام حضرتك طول برحتك انا بحب أقرأ رد حضرتك جدااااااااا
حتى لو هتناقش كل كلمه فى الموضوع

فعلاً أخدان الحق حرفه وصنعه
بس
فيه ناس مينفعش معاهم غير قله الأدب والنزول لمستوى وضيع ومنحط عشان
تقدر تعيش معاهم
وتتعامل معاهم ولو إتعملت بالفطره والإحترام
هتاخد على ( قفاك ) أسف على اللفظ بس هى دى الحقيقه

كركركوكو

26-11-2007, 06:54 PM

وان كان اغلبيه المجتمع تحترم من يقل ادبه
ابداء انت بنفسك ولا تحترمه
وشكرا ليك علي موضوعك الجميل

M I D O

26-11-2007, 09:13 PM

كلامك صح ميه فى الميه !!

M I D O

26-11-2007, 09:14 PM

بس ازاى نقدر نتحكم فى اخلاقيتنا بعيد عن ده

ازاى نقدر نتعامل مع الغير حسب شخصيته ؟

كركركوكو

26-11-2007, 09:23 PM

العفو يا جميل ومنور الموضوع برد حضرتك
بس تفتكر
إن ده هيغير حاجه دا بقع طبع والطبع يغلب التطبع
يعنى القذاره وقله الأدب
واللماضه بقت سمه من سمات المواطن المصرى
الولد بيتولد من بطن ولدته بقله ادبه وسخته وقذرته
وطبعاً كلنا لمسين ده وحسينه فى الشوارع المصريه

بص انا هسألك سؤال ( انت محترم ولا لاء ومولود محترم ولا لاء وبتعامل الناس بأحترام ولا لاء)
ومين غير ما انت ترد طبعا انت راجل محترم واحترامك زايد كمااااااااان
مختلفناش
يبقي زي ما انت حضرتك محترم في زيك كتير مولدين محترمين وبيعاملوا الناس بأحترام
يبقي مقدرشي احكم علي الكل ممكن اقول 60 % مثلا
وشكرا ليك مره تانيه

sweety girl

26-11-2007, 09:38 PM

عندما تصفح عن من أساء إليك ... فقط لكي لا تنشأ الكراهية والعداوه بينكما ... فيقال لك أنت جبان لا تسطيع أخذ حقك ....!!
انا معاك يا محمد بس فى ناس لازم ناخد حقنا منهم والا هيزودو فى اسائتهم دى

ونفس الكلام ينطبق على باقى الأمثله

dr.zomba

26-11-2007, 10:16 PM

موضوعك جميل وزي العسل وميت فل و14 وانا هعلق علي نقطتين بس

بسم الله الرحمن الرحيم

السلام عليكم ورحمه الله وبركاته

عندما تتنازل عن حق لك فقط لكي لاتجرح مشاعر الخرين

فهم فى ذلك الوقت يلقبونك بالضعيف ( الجبان ..... مسميات أخرى حيائى يمنعنى من كتابتها ولكن أعلم أن الجميع يفهم مقصدى )

ويصرخون فى وجهك .ألا تستطيع أخذ حقك منه ... إنت جبان إنت مش راجل والكثير من هذا القبيل ..!!!

لم هذه النظره التى ينظرها لك الكثير عندما

في الزمن دا يا محمد الي يتنازل عن حقه يبقي لامؤخذه عبيط

هو في طبعا حاجه اسمها العفو عند المقدره بس دي مثلا اول مره وتاني مره انما بعد كدا العين بالعين والسن بالسن

عندما تعطي شيئاً مما تملك لأحد ما ليس لشئ بل رغبة في عدم إحراجه

فيفسرو ما فعلته على أنه ضعف

يعني هقولك مثال انت ممكن تكبر دماغك وتتنازل احيانا مش ضعف بس مكبر دماغك انما لما تلاقي الناس هتفتكرك مش قادر تاخد حقك ولا معندكش شخصيه يبقي ساعتها بقي لازم تفوق وتفهم انك كدا مش طيب انت عبيــــــط

عندما تصفح عن من أساء إليك ... فقط لكي لا تنشأ الكراهية والعداوه بينكما ... فيقال لك أنت جبان لا تسطيع أخذ حقك ....!!

لا طبعا انا اقدر اتنازل مره واتنين برضو بس في الزمن دا لازم اعمل لنفسي شخصيه وموقف

بس مش معني الكلام الي قولته دا اني لازم اكون قليل الادب ولا حاجه

لا انا اقدر اكون محترم واقدر اخد حقي

وموضوع جميل يا محمد

MohammeD el_SadaT

27-11-2007, 01:08 AM

الرهينه

27-11-2007, 01:18 AM

فتاة الاسلام

27-11-2007, 03:24 AM

فتاة الاسلام

27-11-2007, 03:25 AM

محبة الله

27-11-2007, 03:46 AM

النهاردا بس عرفت قوانين التعامل مع الناس
وهيا
انك ماتحترمش حد
ماتعملش حساب لحد
ماتثقش فحد
ماتجاملش حد
ماتسبش حقك لحد
ماتحبش حد
ماتضحيش عشان حد
خلاص دى بئت غابة
ماعادش فى بشر نزل منهم منتج واحد فى السوق وخلص
يعنى حاجة انقرضت
انسى المبادىء والاخلاق
انسى كل الناس
انسى اللى حبيتهم وحبوك
انسى انسى وماتعملش غير لنفسك وبس
عشان ماحدش هينفعك غير نفسك
وماحدش هيقول ع اللى بتعملو صح ايا يكن اللى عملتو
اسفة رغيت كتير
شكرا يا سادات زود النكد والغم زود زود ماهى خربت

MohammeD el_SadaT

27-11-2007, 04:37 AM

وان كان اغلبيه المجتمع تحترم من يقل ادبه
ابداء انت بنفسك ولا تحترمه
وشكرا ليك علي موضوعك الجميل

مهو انا كده كده مش هحترمو
بس المشكله فى التعامل معاه أو معاااااااااهم

لازم تنزل لنفس المستوى

SEMSEMA ELMASRY

27-11-2007, 05:35 AM

اولا انا بشكرك يا محمد على الموضوع الرائع وانا عجبنى جدا جدا
بس يا محمد انت لما بتعامل الناس بتعامل ربنا فى الاول ودى حاجة بتبقى بينك وبين ربنا
وانت غلطت فيهم مغلطتش مش بيعجب حد والكل بيتكلم سواء انت صح ولا غلط
هو ده مجتمعنا عشان كدا مدام انت واثق فى نفسك وانك ماتبعملش حاجة غلط يبقى خليك فى الصح واللى يتكلم يتكلم وعادى جدا كبر دماغك وصدقنى طول ما انت صح مهما اى ح يتكلم ربنا هيجبلك حقك لحد عندك لانك مابتغلطش فى حد

postan algana

27-11-2007, 08:38 AM

MohammeD el_SadaT

27-11-2007, 12:35 PM

كلامك صح ميه فى الميه !!
بس ازاى نقدر نتحكم فى اخلاقيتنا بعيد عن ده

ازاى نقدر نتعامل مع الغير حسب شخصيته ؟

ما هى دى المشكله

MohammeD el_SadaT

27-11-2007, 12:39 PM

بص انا هسألك سؤال ( انت محترم ولا لاء ومولود محترم ولا لاء وبتعامل الناس بأحترام ولا لاء)
ومين غير ما انت ترد طبعا انت راجل محترم واحترامك زايد كمااااااااان
مختلفناش
يبقي زي ما انت حضرتك محترم في زيك كتير مولدين محترمين وبيعاملوا الناس بأحترام
يبقي مقدرشي احكم علي الكل ممكن اقول 60 % مثلا
وشكرا ليك مره تانيه

طب بقى بالذمه ال60% دول مهمش صعبانين عليك وإنت بتكتبها
إنت فاهم يعنى ايه عايش فى وسط 100 واحد 60 منهم معندهومش أخلاق
و20 بيفكرو يمشو صح ولا غلط و 10 تايهين و10 إحتمال يكونو محترمين

MohammeD el_SadaT

27-11-2007, 12:40 PM

انا معاك يا محمد بس فى ناس لازم ناخد حقنا منهم والا هيزودو فى اسائتهم دى

ونفس الكلام ينطبق على باقى الأمثله

ما هو ده اللى إحنا بنقول عليه من الصبح
طب قوليلى إزاى هتخدى حقك منهم
غير لما تنزلى لمستواهم

MohammeD el_SadaT

27-11-2007, 12:45 PM

الاسطورة

27-11-2007, 12:52 PM

محمد الموضوع مش معقد
واحد محترم بيعاملك
فوق دماغك من فوق
واحد مش محترم
ياخد فوق دماغه
وساعتها مافيش حاجة اسمها انا محترم
عشان المحترم فى موقف زى ده بياخد على شاشته#!!!

MohammeD el_SadaT

27-11-2007, 01:10 PM

موضوعك جميل وزي العسل وميت فل و14 وانا هعلق علي نقطتين بس

بس مش معني الكلام الي قولته دا اني لازم اكون قليل الادب ولا حاجه

لا انا اقدر اكون محترم واقدر اخد حقي

وموضوع جميل يا محمد

منور يا عادل بس
مش ملاحظ إن كلامك عكس بعضه

MohammeD el_SadaT

27-11-2007, 01:18 PM

تفتكر هو ده الحل
اننا احنا اللى نتغير وللاوحش
احنا كده عايزين نصلح غلط بغلط اكبر منه
معتقدش ان هو ده الحل
وبعدين فى طيبه بتبقى زايده عن حدها لدرجة انها بتتحول الى شئ سلبى وهو ما يسمى بالجبن
يعنى خليك طيب زى مانت عايز بس مش فى كل وقت ومش مع اى حد
وميرسى يا سادات موضوع رائع

عارف إن ده مش الحل بس تعرفى دلوقتى
والله أنا مش عارف أنا هقولها إزاى بس للأسف هو ده الواقع
الوحش بس هو اللى بيقدر يعيش

الشهاده مش بقت بتعمل حاجه
وعلى رأى ريكو وأحمد حلمى راحت عليكى يا دنيا وراح زمن الشهادات وبقيتى يا دنيا ماشيه على السقفه وعلى الصاجات

MohammeD el_SadaT

27-11-2007, 01:22 PM

معتقدش ان دة الحل علشان نعرف نتاقلم مع الناس اللى حولينا وعلى فكرة دة بتوقف على عقلية واسلوب الناس اللى بتتعامل معاهم
يعنى فى ناس اسلوبها عالى وراقى فى الكلام والتعامل اظن دول مش محتاجين اننا نغير
انما فى ناس مستحيل ينفع معاها الاحترام والطيبة فبيضطروا ان الواحد يقى زيهم مع انى مش احبذ دة
فالحل الوحيد ان الانسان يفضل على طبعة ولو حب يعيرة يغيرة للاحسن مش للاوحش

شكرا على موضوعك سادات

بصى سؤال بسيط إنتى وإنتى ماشيه فى الشارع
بتقبلى كام واحد ماشى فى حاله وملوش دعوه باللى رايح واللى جاى
ولا بيعاكس فى دى ولا بيرزل على ده

على فكره يا جماعه انا مش عامل دعوه للفساد بس أنا صعبان عليا الحل

MohammeD el_SadaT

27-11-2007, 01:27 PM

MohammeD el_SadaT

27-11-2007, 01:36 PM

am_online5

27-11-2007, 01:41 PM

علي فكرة مش كل الناس بتفسر الاحترام بالطريقة دي
انا معاك ان في ناس كتير بتفسره كدة

بس دة مش دافع علشان تكون قليل الادب علشان تاخد احترام الناس
ولك جزيل احترامي
شكرا علي موضوعك

MohammeD el_SadaT

27-11-2007, 01:50 PM

عندك حق يامحمد
الناس فعلا كده لما تسكت بيحسوك ضعيف ولازم
تثبت وجودك بااسلوب غير محترم وليس له وجود في الدين الاسلامي
بس انا بعترض معاك
احنا لازم نتعامل بالاسلام والسلام عمره ماقال كده
لازم نسامح عشان ربنا يرضا عنا
وشكرا للموضوع
وجزاك الله خيرا لطرح هذه المشاكله

ونعم بالله يا مى
الاحترام شىء جميل بس لما يبقى لسه فيه حاجه اسمها احترام

الحياه بقت نيله
وميغلم بيها الا ربنا سبحانه وتعالى

MohammeD el_SadaT

27-11-2007, 01:53 PM

محمد الموضوع مش معقد
واحد محترم بيعاملك
فوق دماغك من فوق
واحد مش محترم
ياخد فوق دماغه
وساعتها مافيش حاجة اسمها انا محترم
عشان المحترم فى موقف زى ده بياخد على شاشته#!!!

ماشى يا حج محمود شوف الكلام إنت لسه عايش فى فيلم
ميدو مشاكل
الناس راحت القمر

فعلا الواحد لازم يعيش على الونجين

Taleba Me7tasa

27-11-2007, 02:14 PM

MohammeD el_SadaT

27-11-2007, 02:56 PM

علي فكرة مش كل الناس بتفسر الاحترام بالطريقة دي
انا معاك ان في ناس كتير بتفسره كدة

بس دة مش دافع علشان تكون قليل الادب علشان تاخد احترام الناس
ولك جزيل احترامي
شكرا علي موضوعك

عارف إن فيه ناس محترمه بس الواحد يتعامل إزاى مع باقى الناس دى
ومتقوليش متتعملش معاهم

يعنى مهو عشان أتعامل معاهم لازم أكون قليل الأدب

MohammeD el_SadaT

27-11-2007, 02:58 PM

خلاصة الكلام يا سادات اننا بنراعي ربنا ف الاول وف الاخر في اي حاجة ومنها تعاملاتنا مع الناس وكمان اللي هيقول عليا جبان او "عبيط" ده انسان جاهل ومش فاهمني فمش دة اللي احطه ف دماغي واقارن بيه الناس الكويسة اللي لسة موجودة ولو انا مضطرة اتعامل معاه هاتعامل بحدود لكن مش هغير من طباعي وشكرا ع الموضوع

ونعم بالله
بس ايه هى الحدود دى
؟؟؟؟ !!!!
وياترى انا لو رعتها هو هيرعيها
؟؟؟؟ !!!!
ولو مرعهاش مش هتعامل معاه ولا هكون مضطر للتعامل
؟؟؟؟ !!!!

أسأله كلنا لانز نسـألها لنفسنا

Taleba Me7tasa

28-11-2007, 02:39 PM

يا سادات الناس اللي بنضطر اننا نتعامل معاهم مثلا زمايل ف الشغل فبنتعامل معاهم ف حدود الشغل خد ده وهات ده مش انه مثلا اهزر معاه واروح واجي معاه ارفع التكليف مثلا يعني ماخليهوش ياخد عليا
و
انت ليه مكبر الموضوع الحياة دي زي ماتقول كدة فن فيه اللي بيعرف يعيشها وحاببها ومرتاح (نسبيا) وفيه اللي ضارب لخمة اوي او مهزار اوي فبيتهزا والاتنين ف الاخر بيعيشو

بس لو بقيت قليل الادب زي ماعنوان الموضوع بيقول هكسب احترام ناس لكن هخسر قصاده احترام وحب ناس اكتر وهخسر احترامي لنفسي

BASMATY

28-11-2007, 07:06 PM

شكرا ليك اولا على الموضوع
بجد الموضوع ده يستاهل النقاش لان بجد دى مشكلة لان كتيييير الواحد بيعامل ربنا فى تعامله مع الناس بس الكل بيفسرها ان كدة ضعف فى الشخصية وانك لما تسامح حداو تعمل فيه معروف يبقى كدة بتلغى شخصيتك وليه متتفسرش ان دى طيبة مش اكتر بس بصراحة فى زمنا ده مينفعش فيه الطيبه نهائى حتى الانسان الطيب من كتر مبيشوف من الناس غصب عنه لازم يتغير والا اعتقد انه استحاله يقدر يساير ويعيش فى الزمن ده انا مش بكلم ان الواحد يتصف بصفات مش كويسة بس حتى الواحد فى تعامله مع المحترمين ال مش مستوى منحط ولا حاجة بردك بضطر ان تفرد سلطتك عشان ال قدامه سورى (مش يركبه )انا متاسفة على اللفظ
بس اعتقد ان وصلكم ال عاوزة اقوله

BASMATY

28-11-2007, 07:07 PM

Drowns in a sea grief

13-02-2008, 06:03 PM

موضوع مهم فعلا يا محمد
بس هقلك على حاجة
ممكن الى انت بتصفح عنوا دة
بدال ميشكرك او على الاقل يعرف قمتك
بياخد الحكاية دى ضدك و مبتعرفش تاخد حقق بعد كدة
لا معاة ولا مع غيروا و دى عن تجربة و ميرسى على الموضوع يا جميل

مس رانيا حسن

13-02-2008, 06:37 PM

مع الاسف كلامك صحيح يا اخ محمد والوقف ده حصل معايا شخصيا فى بدايه عملى كمدرسه
كنت بعامل الطلبه كانهم اخواتى لكن للاسف طيبتى اتفهمت غلط لكن باستعمال الشده معاهم
الوضع اختلف ومش عارفه ليه

عموما شكرا على موضوعك

بارك الله فيك

هاشم الظلاط

13-02-2008, 06:47 PM

موقفك مع الطلبة مختلف لان معاملة الطلبة لازم تكون معاملة جادة وحازمة فى بعض المواقف علشان ما تتفهمش ضعف

mR . mOstafa Fathi

13-02-2008, 06:51 PM

.. فإليك بالحل الوافي .. والدواء الشافي ..والجواب الكافي

..وإنتظر النتائج ... فلتقل أدبك ... وتتهمج في أسلوبك ... وتسلب الآخرين حقوقهم إضافة إلى حقك ...

وتكشر عن انيابك في ظل الآخرين متبسمين ... ولاتعطي بل تمنع ... ولاتتهاون بل تصرخ ...

ولاتغفر الأخطاء بل أنعت من فعلها وعليك بالزجر فإنه لهم رهبه وخوف ... !!

وإستخدم أقبح العبارات في النقاشات .. وتلفظ بأوقح الألفاظ في الحوارات ...!!
عندئذ ... سيعمل الآخرين لك ألف حساب ... سيخافوا منك ... سينتظروا ردة فعلك ...لن يحاولوا إيذائك ولو بكلمة ... يترقبون ماتريد .. ينفذون دون طلب ...

هو مش غالباً
صوابع ايدك مش زى بعضها
طرق معملتك مع دا ومع
دا انت اللى بتحددها لما تعرف شخصية اللى قدامك

واغلبها طبعا اللى

[QUOTE][
فلتقل أدبك ... وتتهمج في أسلوبك ... وتسلب الآخرين حقوقهم إضافة إلى حقك .../QUOTE]

وشكراً لموضوعك