مشاهدة النسخة كاملة : سؤال للمشرفين


عمر مصطفى احمد
22-03-2011, 01:10 PM
لماذا الكيل بمكيالين
لماذا هذا التناقض
لما كنا بنتكلم على وقفات واعصامات عشان نتثبت كنتوا تقولوا لا وكنت مثبتين موضوع لا للاعتصامات نعم للاستقرار دلوقتى لما الموضوع اصبح يتعلق بيكم مثبتين موضوعين عن الوقفات والاعتصامات انا اتسال السنا حتى الان نحتاج للاتستقرار انا قلتها قبل كدا وماذلت متمسك بها لو حد فينا ليه مصلحه هيقول نعم للاستقرار ملهوش مصلحه هيقول يا عم سيبوهم يشتغلوا حرام عليكم

بحر العرب
22-03-2011, 02:00 PM
عندك حق والله والحمد لله أن وجهة نظرى فيهم سليمة وأحساسى مخبش
مع أننى كنت باتمنى العكس
عارفين من تخالف أقواله أفعاله يبقى مع من ؟.
أسيبكم تحكموا على نفسكم يا مشرفى المنتدى

بحر العرب
22-03-2011, 02:02 PM
مواضيع الأعتصامات تحذف لو كنا بنحب البلد ديه أما تثبيت الموضوعين يدل على أن الثورة لم تأتى بجديد
أصحاب النفوس الضعيفة فى كل مكان وزمان وربنا ينضف البلد منهم

محمد بيولوجى5
22-03-2011, 02:03 PM
السيد المحترم صاحب الموضوع
دعوة معلمى الدقهليه ليست اعتصمام فئوى ومظاهره تخريبيه
الدعوه : لتحقيق المساوه فقط هل هذا مطلب فئوى
ويتقدم كل معلمى الغربيه والدقهليه بالشكر لادارة المنتدى على هذا الموقف التعاونى

وليد غربية
22-03-2011, 02:11 PM
السيد المحترم صاحب الموضوع
دعوة معلمى الغربية والدقهليه ليست اعتصام فئوى ومظاهره تخريبيه
الدعوه : لتحقيق المساوه فقط كل المحافظات الى نزل اسمائهم تم تعينهم بالفعل احنا رايحين نطالب بتنفيذ قرار التعين تقدر تقولى ليه هما مش بينفذو القرار لو كانو هما حابين الاستقرار
يا سيدى الناس الى فى المناصب دول اوعى تفتكر انهم بيحبو مصر لو بيحبو مصر القرار نازل من 14/2/2011 ليه متنفذش لحد دلوقتى طبعا حضرتك اسمك نزل واستلمت عملك بالفعل
ويتقدم كل معلمى الغربيه والدقهليه بالشكر لادارة المنتدى على هذا الموقف التعاونى

مريم اليكس2011
22-03-2011, 02:53 PM
اكيد مشرفين المنتدي دقهليييييييييييييييييييييييييييين

مستر/ عبدالكريم على عبدالنعيم
22-03-2011, 03:03 PM
نفسي اعرف هما بيثبتوا المواضيع ويحذفوها بناء على قواعد ثابته ولا حسب ارائهم واهوائهم

ارجو من المشرفين الرد لان السؤال ده محيرني من اول ما شاركت فى هذا المنتدى

زياد الشلقامى
22-03-2011, 03:56 PM
أاويدك واصدق على كلامك

وليد غربية
22-03-2011, 04:04 PM
السيد المحترم صاحب الموضوع والأساتذة الكرام الى بيشككو فى مشرفين المنتدى
مما تكون مظلوم وحد يقف جنبك ليه مننا الشكر مش شى تانى
يا جماعه احنا المفروض كنا استلمنا العمل من اول شهر 3 مثل المحافظات الاخرى ولكن يوجد تباطؤ وتكاسل غريب فى المحافظة
الاسكندرية انتى فين من التعين
البحيرة انتى بردة فين من التعين
لازم يكون هناك لكل منكم موضوع وتحددم معاد تتجمعو فيه وتقلو كلمتكم
دعوة معلمى الغربية والدقهليه ليست اعتصام فئوى ومظاهره تخريبيه
الدعوه : لتحقيق المساوه فقط كل المحافظات الى نزل اسمائهم تم تعينهم بالفعل احنا رايحين نطالب بتنفيذ قرار التعين تقدر تقولى ليه هما مش بينفذو القرار لو كانو هما حابين الاستقرار
يا سيدى الناس الى فى المناصب دول اوعى تفتكر انهم بيحبو مصر لو بيحبو مصر القرار نازل من 14/2/2011 ليه متنفذش لحد دلوقتى طبعا حضرتك اسمك نزل واستلمت عملك بالفعل
ويتقدم كل معلمى الغربيه والدقهليه بالشكر لادارة المنتدى على هذا الموقف التعاونى

محمدطعيمة
22-03-2011, 04:16 PM
يا جماعة والله حضراتكم متحاملين علينا جدا
أنا دخلت علي موضوعكم ده حالا لأنني لا يمكن أن أظل أمام الجهاز (24) ساعة ، حتي ولو الجهاز مفتوح وأنا في حالة دخول
قرأت كلام الؤيدين اقتنعت به وكذلك كلام المعارضين
فما الحل ؟
ليعذر كل منكم الآخر ولا يحكم إلا ضميره ولتكن مصلحة بلدكم فوقنا جميعا
( وهذا موقفي الشخصي ) والذي لا يعدو في النهاية أنني واحد من ضمن المئات الذين لهم حق الإشراف في هذه البوابة طبقا لقواعد ولوائح محددة .
كذلك لا علاقة لي بتثبيت هذه الموضوعات علي الإطلاق ،لأنني ضد الاحتجاجات والاعتصامات وما أشبه ولننتظر ربما يقنعكم من ثبتها بوجهة نظره ويدافع عن نفسه

mahmmoud_sakr
22-03-2011, 04:26 PM
الساده الزملاء الافاضل ارجو ان تكون الثقه متواجده بين الاعضاء والمشرفين
ولا نتوجه بالاتهامات بدون فهم وجهات النظر كلنا نعمل كا يد واحده للرقى بالمجتمع المصرى
وعلينا احترام وجهات النظر
ونلتزم بدستورنا ( قوانين المنتدى ) وروح التعاون البناء وليس الهادم

المريسي
22-03-2011, 04:41 PM
برضو محدش قال اية قواعد التثبيت والحزف من المنتدي

أ/محمد على عاشور
22-03-2011, 10:16 PM
انا من قام بتثبيت الموضوعيين المتعلقين بالدقهلية
والغربية فقد راسلنى الاستاذ محمد بيولوجى وطلب منى تثبيت موضوعه وكذلك الاستاذ وليد
هذا المنتدى مللك للمعلم المساعد وقضاياه والوقفات للمطالبة بحقوقهم بشكل مشروع وحضارى سلمية سلمية ما الضرر فى هذا
ام لان من عينوا فى بعض المحافظات واستقروا لايشعروا بمعاناة اخوانهم فى محافظات اخري
مثل الغربية والدقهلية وقنا وغيرها
مع العلم ان المطالب ليست فئوية يا سادة بل لتحقيق العدالة ليس اكثر
ونحن كمشرفين من حقنا ابداء الرأي مثلى ومثل الاخت نداء الجنة فى موضوع الدقهلية

عمر مصطفى احمد
22-03-2011, 10:30 PM
يا جماعة احنا مش ضدكم احنا معاكم احنا كلنا يد وحده وكلنا فى مركب واحد انا مش بتكلم فى الجزئيه دى انا بس مستغرب ليه احنا لما كنا بنطال ان الحكومه بتثبيتنا الناس كلها هاجمتنا وكل كان يقلنا سيبوا الناس تشتغل ليه دلوقتى لما الموضوع بقى يخصكم وليكم مطالب بدوره على الوقفات انتوا بتقولوا وقفات ليست تخريبيه يعنى احنا كنا بنخرب بتقولوا دى مش مطالب فئويه لاننا بنطالب بالمساواه ماحنا كنا بنطالب برضوا بالمساواه جل الوزاراه بتثبت الناس بدون شروط اشمعنا يعنى احنا لازم نقعد 3 سنين عشان نتثبت