مشاهدة النسخة كاملة : انا اسف بس خبر وحش و مهم.. الغاء الترم التاني ..خبر مؤكد
mfish 22-03-2011, 10:38 PM انا اسف بس في خبر جالي اليوم منذ ساعه من مصدرين
الاول من المدرسه عن ورقه مختومه ان الترم التاني يتلغي و يعتمد الترم الاول بالنسبه للنقل حتي الصف السادس الابتدائي و الاول و الثاني الاعدادي
و الشهادات حيشوفوا حيعملوا فيها ايه و قلت لاصحابي ده اشاعااااااااااااات و لكن
المصدر الثاني اكد لي ذلك من غير ما اجيبله سيره عن ذلك و هو يعمل بالشرطه بالمديريه و اكد لي ان ورقه في خلال يومين سوف تاتي للمدراس بذلك فعلا ........... يا ستاااااااااار الشغل باااااااااااااظ
يا رب يطلع اشاعه برده و اللهي الموضوع ده حيكون قرف و بطاله لي
لانكم تعرفو المدرس مالوش غير الدروس
بس انا قلت لكم عشان تبقوا متواصلين و اللي يعرف حاجه عن الموضوع يا ريت تقولوا
بس بجد لو الموضوع حقيقي انا و اللهي اول واحد مش حسكت و واللهي لاروح الوزاره و اقابل الوزير بنفسه و لو علي جثتي و اقوله اعيش منين ب 350 جنيه حلها لي و قول اعمل ايه و اصرف ايه و اكل بكام مع العلم اني متزوج و اعول طفل ...
ارجو التواصل مع الاخوه الزملاء
بطوط55 22-03-2011, 10:43 PM كل سنه وانت طيب هههههههههههههههههههههههههههه ياراااااااااااااااااااااااااجل قول كلام غير ده
بحراوية من دمنهور 22-03-2011, 10:45 PM حضرتك محافظة ايه وادارة ايه ؟ وهل الخبر ده مؤكد فعلا ؟ وهل ده كمان حيطبق على سنوات النقل فى المرحلة الثانوية ؟ الدراسة عندنا فى البحيرة شغالة وكان مفيش اى شئ اتغير وكله ملتزم والحمد لله سواء طلبة او مدرسين
marwasamy 22-03-2011, 10:48 PM ههههههههههههههههههه هتروح تقولة (اقوله اعيش منين ب 350 جنيه حلها لي و قول اعمل ايه و اصرف ايه و اكل بكام مع العلم اني متزوج و اعول طفل .)..
يعنى من الاخر عرضعرض العيال للبهدلة وعادى لما حتى يحصلهم حاجة المهم الشغل ما يبوظ وتدى دروس صدق انت عايش لوحدك
aleman 22-03-2011, 10:48 PM بالاسكندرية اشاعة كبيرة عن الموضوع ده
بس نزل تكذيب لها بالقناة الخامسة اليوم
ربنا يكرمنا يارب ويكرم مصر واهلها ويهدى الاحوال
أ / طارق عتمان 22-03-2011, 10:51 PM إشاعات ولا يمكن أن يحذث ذلك
إنه لم يحدث والبلد أشد فوضي مما نحن عليه
فكيف تلغي وقد بدأ الاستقرار باجماعة من فضلكم بطلوا تهريج
أحمد قلانه 22-03-2011, 10:55 PM من غير اشاعات
لانها اكيد اشاعة
بس ياريت يقصفه عمره وكفايه لاخر 3 ويريحونا
mfish 22-03-2011, 11:00 PM و اللهي انا معاكم يا ريت يكون اشاعه بس الخبر كان من واحد كل ما تتجل الدراسه او يحصل حاجه يقولي عليها قبلها بيومين او تلاته لانه زي ماقلت يعمل في مديريه الامن و اكيد يعرف اكتر و خصوصا كمان الورقه اللي جت المدرسه
انا في اداره غرب اسكندريه يا رب تكون اشاعه و اللي عارف حاجه عن الموضوع سواء تكذيبه او تأكيده يقوله
aleman 22-03-2011, 11:10 PM مشكور لنقل الخبر
وربنا يكرمنا اجمعين
وكله هيبان الايام القادمة باذن الله
أبراار 22-03-2011, 11:11 PM إن شاء الله ماأعتقدش إنه يكون صحيح مش ممكن بعد مارجعنا يتلغي
وبعدين الوزير قال إن ده مش هيحصل إطلاقا لأن فيه مواد تراكمية زي الرياضة ماينفعش يقع منهم حاجات في النص لأنها مترتبة على بعض
الدزاوى1970 22-03-2011, 11:20 PM هو لسة فية داخلية ووسايط تجيب اخبار طازة اه اللى تغير
hassan43 22-03-2011, 11:34 PM اشاعات
اشاعات
اشاعات
اسكندرية
اشاعات
اشاعات
اشاعات
yasry 22-03-2011, 11:49 PM أعتقد إلغاء ترم كامل من المنهج مخالف لقانون التعليم لأن الترم الأول يكمله الترم الناني وبدونه يرسب كثير من التلاميذ
شيماء20 22-03-2011, 11:53 PM الدراسه مستمره وكان مافيش حاجه حصلت
يبقى ليه التيرم يتلغى؟
فى بعض المحافظات فيها قلق دول ممكن اه يتلغى التيرم عندهم انما على مستوى الجمهوريه لا ماعتقدش
ahmedn 22-03-2011, 11:59 PM هو احناخلصنا من اشاعات التثبيت
طلعتنا اشاعات الالغاء
يا راجل عيب عليك
eva2012 23-03-2011, 12:01 AM كل شىء جايز فى البلد دى اذا كانو حذفو الدروس الاولى من منهج التريم التانى بعد ماتعبنا وشرحنا يبقا بعد مانخلص التيرم يقولك اتلغى ... رغم ان امتحان التيرم التانى 14\5 ... يلا كله سمك لبن تمر هندى
ammhhe 23-03-2011, 12:04 AM الموضوع مش مستاهل الرد
هل اخبار التعليم ياعالم تاتى من الداخلية
والدروس حرررررررررام ابقى وكل عيالك حلال ياعم
emtaha2010 23-03-2011, 12:16 AM :romarioxp6:
القرار الصحيح من موقع الوزاره
http://www2.0zz0.com/2011/03/22/22/992842655.jpg
ahmed sobhi ibrahim 23-03-2011, 12:19 AM :(:angry2::(:(:angry2:
اعتقد انه كلام فارغ و اشاعات و الا ما هو معنى ذهاب الطلاب الى المدرسة
و اين و متى و كيف يتم التعامل مع الطلاب الراسبين الترم الاول
احمدالفطاطرى 23-03-2011, 12:41 AM (اشاعه) اخوانى ارجو عدم الاهتمام ونشر اى خبر يؤدى الى الفوضى
مجرد تعليق من اخوكم:022yb4:
sakr.soft 23-03-2011, 01:22 AM انا معتقدش ان ده يحصل والكلام متناقض تماما منين هيقابل المدرسين يوم الخميس القادم لسماع شكواهم ومنين حذف كتير من المقررات ومنين وضع جدول امتحانات الثانوية ومنين وضع ميعاد لامتحانات النقل 18 مايو والدبلومات 28 مايو والثانوية 11 يونيو تقريبا والوقتي تقولي يلغي معتقدش كلام متناقض تماما
mfish 23-03-2011, 01:32 AM يا جماعه انا من ساعه الخبر و انا ببحث علي النت لحد ما لقيت تكذيب واضح للخبر و الحمد لله انه اشاعه كاذبه و هذا نص الخبر من صوت الاسكندريه عشان تعرفوا انه كان متداول فعلا و بقوه عندنا في اسكندريه و يمكن ده عشان الاسكندريه تعيش حاله من الفوضي الامنيه فعلا و تزيد يوما بعد يوم رغم نزول الشرطه
....
صوت الإسكندرية | S.T.X: مصدر بتعليم الأسكندرية ..لا صحة حول ماتردد من إلغاء الفصل الدراسي الثاني بالأسكندرية
مصدر بتعليم الأسكندرية ..لا صحة حول ماتردد
من إلغاء الفصل الدراسي الثاني بالأسكندرية
================================================== ==============================
طارق حمدي رئيس التحرير on 22 March, 2011 02:29:00
نفي المدير التنفيذي لمديرية التربية
والتعليم بمحافظة الأسكندرية ماتردد اليوم
حول وجود قرار وزاري بإلغاء الفصل الدراسي
الثاني بمدينة الأسكندرية . وقال النيلي
لموقع صوت الأسكندرية أن القرار الذي يتم
تداول صورة منه بين عدد من أولياء الأمور غير
صحيح وتم كتابتة بعيدا عن وزارة التربية
والتعليم ولا يمس بأي علاقة للتعليم . وناشد
النيلي أولياء الأمور عدم الألتفاف حول أي
تصريحات من مصادر غير معروفة أو معلومة يتم أو
أوراق ومستندات يتم توزيعها بعيدا عن النشرات
التي توزع رسميا علي المدارس حرصا علي مستقبل
ابنائنا الطلاب بمختلف المراحل التعليمية
المصدر :صوت الاسكندريه
soutalex.coml
|