التنظيم والإدارة يرفض تعيين المعلمين قبل مرور 3 سنوات [الأرشيف]

علي عضاضلي

24-03-2011, 07:58 AM

اولا:
الخبر ما يخصناش .. دة يخص معلمو الاجر والحصة ... يااااااااااااااااااااااااارب نفهم
ثانيا:
احنا متعيناش تبع ال 3 سنين .. احنا اصلا لينا قانون الكادر الخاص بينا .. والكل كان عارف انه اللي نجح في الكادر ومعاة ال icdl فالقرار كان طالع اصلا من قبل الثورة ومن قبل موضوع ال 3 سنين اللي بيتكلمو عليه
ثالثا:
الخبر نزل امتى ؟ ... وهل الموقع الالكتروني نشر الكلام دة؟؟
رابعا :
احنا قبل الثورة د زكي بدر صرح مليون مرة بموضوع تعيينا وكنتم بتكدبو الخبر.. اشمعن الاخبار الوحشة نصدقها على طول ... سبحان الله حاجة غرييييييييييبة !!!
خامسا:
ياريت واحنا بنقرأ الخبر دة نركز شوية..(الخبر بيقول: كانت هناك محاولات من الوزارة لتعيين من مر عليهم 3 سنوت).. بالله عليكم لما القرار بتاعنا طالع من 14/2على موقع الاكاديميةو 22/2 زي ماهو مكتوب في الجوابات عندنا والناس استلمته ،كلة دة نسميه محاولات؟!! طب إزاي ؟؟ .. انا اعرف ان المحاولات تكون قبل ما الوزير يصدر قرار أويمضيه .. وقبل ما المحافظين يمضو عليه مش بعد ما حصل كل دة نقول محاولات.
واخيرا:
معتقدش ان الوزير والمسؤلين بالسذاجة دي انهم يطلعو قرارات ويمضو عليها ويوزعوها على المحافظات والمديريات والناس تستلم وبعد كدة يقولو معلش والله اصل دي كانت محاولات ..!!
بالله عليكم دة كلام معقول.. !!
ــــــــــــــــــــــــــــــــــــــــــــــــ
انا قلت كلمة :عشان نصدق لازم قرار من الامم المتحدة ..ويوقع عليه بان كي مون..وكمان التوقيع يكون بالعربي احسن حد يطلع لنا ويقول دى مش امضيتة ههه...وبرضه مش كفاية.. لازم مجلس الامن يعقد جلسة طارئة ويوافق بالاجماع على قرار تعيينا.. متهيألى دة الحل الوحيد عشان نصدق هههههه