الشعر الجميل دا بقلم رفعت (عاشق الجمال) أستاذى اللى مستحيل فى يوم انساه
انا قلت أنزلة هنا فى الموقع تخليداً لذكرى شاعر لم ينشر كلماتة واشعارة وخواطرة غير هنا فى موقع الثانوية العامة
أنا اشتركت فى الموقع دا من سنتين ونص كدا وهو كان عضو نشيط هنا كان مشترك قبلى بكتييييير موش متذكرة بالظبط أمتى
القصيدة دى هو معرضهاش فى اى موقع ومقلش عليها لحد غيرى ومكنش عايز اى حد يقرااها ابدا بس انا قررت انى انزلها فى الموقع هنا أنزل شىء من اشعارة تخليداً لذكرى شاعر بدأ هنا فى الموقع دا زاد حماسة بفضل الموقع دا وأتمنى انة يسامحنى لو فى يوم من الايام عرف انى نزلت شعرة دا وأتمنى انى اسمع منة ولول كلمة واحدة قريب............



إفهمينى
يعنى إيه تفوت ليالى
سهران أفكر فيكى
يعنى إيه قلبى يحبك
من غير ما أشوف عنيكى

طب إيه عجبنى فيكى
وحرك يوم مشاعرى
وليه قلبى شاريكى
ومش ناوى يوم يرجعلى

من يوم فراقك ليا
وهو راح ودعنى
بيقول دى حبيبتى هى
ومحال فى يوم تخدعنى

مش عارف أقوله إيه
معرفش بعدتى ليه
وذنبه إيه حبيبتى
قلبى تقسى عليه

حيران فى كلمه واحده
فى يوم ليا كتبتيها
قلتى كلمه حبيبى
معرفش ليه قولتيها

كنتى فعلا حاسه بيها
ولا كنتى بتخدعينى
ولا عادى إن تقوليها
ومش مهم تعذبينى

فهمينى يا حبيبتى
أسف...يللى كنتى فى يوم حبيبتى
فهمينى ليه جرحتى وليه بعدتى
ومن غير ما حتى تودعينى رحتى غبتى
فهمينى...

عــــــاشق الجمـــــــــال

جميل جدا الشعر ده تسلم ايده
ربنا يطمنا عليه ويرجع انشط من الاول

كنتى فعلا حاسه بيها
ولا كنتى بتخدعينى
ولا عادى إن تقوليها
ومش مهم تعذبينى
عــــــاشق الجمـــــــــال

بجد تسلم إيد عاشق الجمال
وميرسيه جداااااااااا ً لحضرتك على جلب قصيده من قصائد شعراء لمنتدى

وبجد الجزء ده أفضل جزء عجبنى لأنه بيجسد الحقيقه دلوقتى بقه كلمه بحبك سهله تتقال
عشان كده بقت سهله تتنسى

معاك حق ربنا يطمنى عليك يا رفعت وترجعلنا كلنا

كلام مؤثر جدااااااااا
تسلم ايدك

جميلة جدآ
تسلم ايده

فعلا تسلم ايد الشاعر والالستاذ العظيم اللى كتبها وربنا يرجعهولنا بالسلامة ياااااااا رب