عن نفسى انا تعبت من الكلام فى المنتدى و كله بيرد و ما حدش بيعمل حاجة

أنا قررت عن نفسى انى اترشح نيابة عن مدرستى ايزيس الثانوية بنات - إدارة شرق فى انتخابات النقابة

فعلى مدى سنوات لم نرى مدرس بجد فى النقابة و انتم عارفين النقابة كان بيتم اختيارها ازاى

لا للكلام و على من يدعمنى بنزوله معى فى قائمة تحمل اسم المنتدى بعد موافقة الإدارة فليفعل لقد مر عصر الكلام و ايضاً عصر المظاهرات و الاحتجاجات لنأخذ كلنا اجرأت فاعلة فعالة و نرجو من إدارة المنتدى تثبيت صفحة لكل محافظة بمن يرشح نفسه للنقابة

و اعتقد بدل ما أحنا بنهاتى و بنقول معلمين بلا نقابة أنا نمثل نفسنا و نأخد حقوقنا بالطريقة المشروعة

انا بالفعل نسقت من عدد من الزملاء وناويين نرشح نفسنا و كل واحد بيساعد فى مدرسته ( إدارة شرق التعليمية - محافظة الآسكندرية

احنا حنغير بأيدينا و مش حنتكلم و مش حنشحت حقوقنا

و ياريت مرة ثانية صفحة ثابته لمرشحى كل محافظ و و إنشاء الله النقابة العامة ولادها يكونوا من اعضاء المنتدى

رمزى عطية
مدرسة ايزيس الثانوية - بنات
0124534007

نقابة جديدة لأرجاع حقوقنا المسروقة

و شكراً لكم

الاعتصامات و التوقف عم العمل مش حيجيب لنا حقوقنا

احنا عمالين نكتب نفس المواضيع هى هى بقالنا شهر و كل واحد بكتب اللى زميله بيقوله

لازم نتخذ اجراء قانونى و نأخذ حقوقنا

كل واحد لازم يقول اللى يقدر عليه

لو فضلنا كده ساكتين حنداس تحت الرجلين

مش من الوزارة بس بل من الطلبة و الإدارة و النقابة الظالمة

المجتمع شايفنا سارقين فلوس أولياء الأمور

لقد حان الوقت لتغيير هذه النظره و حصولنا على حقوقنا كاملة بدون إهداء

و رجاء للمرة الثانية لإدارة الموقع يجب مساعدتنا على الحصول على حقوقنا

يجب وجود صفحة لكل محافظة و لكل إدارة

لن نسمح لأولادنا ان يصفونا بالجبن فى المستقبل يجب ان نحصل لهم على حقوقهم


و أنى أرجو الشرفاء من ابناء محافظة الاسكندرية أن يدعموا طلبى هذا و سوف نعلن عليكم برنامجنا حتى نتشارك و نتحاور و نخرج من حالة الجمود التى نحن بها


و شكراً للجميع مسبقاً

نحن معك يا أستاذ رمزى

متى يتم تقديم طلبات الترشيح واين
احنا لم نسمع اى حاجة عنها
وحسبى الله ونعم الوكيل

الطلبات فى النقابة بس الظاهر مقفلين عليها عشان يبقى برضة الوقت فات

استمارة التفويض فين

مؤسسة مصر التعليمية (Educational institution Egypt)
ثورة التعليم المصرى التعليم