السلام عليكم يا شعب يستحق الحرية ورحمة الله وبركاته لكم اشتاق للحماس والاخلاص والعمل معكم يا أحلى منتدى !!ازيكم ؟؟؟ ايه اخباركم ؟؟ كان لازم ارجع علشان ده وقت الشغل وقت العمل وقت التهئنة لاحلى صحبة فى حياتى الف مبروووووك _ لو كان فيكم لسه حد يفتكرنى _ انا جاية وناوية نشن سوا أضخم حملة ضد التدخين _ هتقولوا عادى مافى حملات كتير ايه الجديد ؟؟ الجديد ان هدف الحملة دى تلت اشياء وبس اولا توعية اضخم كم من المدخنين المصريين بضرورة الاقلاع  ثانيا طلب من وزارة الصحة بعلاج كل المدخنين  ثالثا طلب من وزارة البيئة بحظر مصانع الدخان واستبدال تصنيعها بمنتجات مفيدة !!!

وانا جاية وكلى امل نختار سوا اسم الحملة ولوجو الحملة وخط سيرها و الاقى هنا اعضاء جدعان يخلصوا النية بنية ومن احياها و ينقذوا نفس من الموت المحقق ونشتغل سوا ومين عارف صحة المصريين هتتحسن اد ايه !؟ دخلهم هيزيد ازاى !؟ انتاجيتهم؟ مكانتهم ؟ رضا ربهم عليهم ؟ لما تبقى بلدنا الاولى عالميا فى القضاء على التدخين :)

انا معاكى د/بسمة

حضرتك قوليلى ازاى اساعد فى الموضوع ده
وانا معاكى

علشان نحافظ على الناس اللى بنحبهم واللى بنخاف عليهم
ونخلى بلدنا احسن

اوك انا معاكوا فكرة حلوة جدا

فكره رائعه

وياريت تتنفذ لانى عندى حساسيه من دخان السجاير وبضايق اوى لما بشوف حد بيشربها جمبى

حمد الله على السلامة دكتورة بسمة


حملة موفقة إن شاء الله


ومؤكد موضوع رائع وهدف نبيل
جزاك الله عنه كل خير

وإن شاء الله تلاقى استجابة من فنانى المنتدى فى التوصل للوجو وشعار للحملة
ووقتها ننشره كتوقيع بين الأعضاء وعلى الفيس بوك أيضاً


بالتوفيق إن شاء الله

انا مع حضرتك يا دكتوره
وربنا يوفقنا جميعا
ونخلى بلدنا احسن واحسن

معاااكم ان شااااء الله

معاكم ان شاء الله وللافادة اكثر فى فى كلية التربية جامعة المنصورة دورة ضد الادمان والتدخين ولها نشاط واسع فى المدارس بالذات فممكن هذه الجمعية تساعد حضرتك وشكرا على الموضوع.

ربنا يوفق الجميع
انا معاكو ان شاء الله
لان التدخين انتشر جدا وخصوصا بي طلبة المدارس
ربنا يكرمهم ويبطلو تدخين يارب

السلام عليكمـ

حمدا لله علي سلامتك ؛ << مع انني لا اذكرك http://www.thanwya.com/vb/images/icons/icon10.gif


سعدت بالفكرة

إنها فكرة رآئعة

لكن اقترح أختي الفاضلة

ان كنا نريدها للأهداف المذكورة أعلي

فعلينا أن نبدع ..( آي نجعلها لم تحدث أبداً )

الإبداع : من البدعة ..التي لم تحدث في عهد النبي << أعني البدعة

منها نأخذ كلمة الإبداع

بمعني لم يسبق لشخص عملها

أولاً علينا اللجوء للعنوان

حملة تختص بالتدخين

.. ان كانت للأهداف المذكورة .. فعلينا تغير الاسم بدلاً من حملة لا للتدخين .. نغيرها إلي أن تكون شاملة لجميع الاهداف المذكورة أعلي

؛

من الممكن مسمي .. حملة حماية قلبك !

أو وسع صدرك !

وجاري البحث عن مسمي

بحيث لا يشعر المدخن بأننا نأمره

ونحن نعلم الغرور المسيطر علي المدخن الرفض بكل تأكيد

...

سأحاول المشاركة معكم بإذن الله

راجعوا هذا الفيديو

http://www.youtube.com/watch?v=BxaH32qtIAc&feature=related

....

والسلام عليكم

دكتور بسمة الاسلام جزاك الله خيرا وممكن نعرف ما هى الطرق

حضرتك انا اعمل فى جروب اسمه طموح .. و عملت سابقاً فى رسالة .. و كثير من الجمعيات .. و حاولنا الحض من هذه المشكلة بس بائت هذه المحاولات بالفشل ... فانا ارى التوعية بدون حملات افضل و بدون تعب .. لان التعب لن يوجدى لنا مكاسب ... و انتى تعلمين ان معظم المصريين مدخنين ^^ .. انا معظم اصدقائى يدخنون .. بل اكثرهم .. عدا ثلاثة اربعه .. و اعرف بنات بيشربوا الشيشة .. فصعبة خصوصاً ان الاهل مش قاموا بعملية التوعيةو هم الاجدر بذلك .. و هل صوتنا خير من صوت الاهل .. انا اظن التوعية البعيدة و توعية الاهل هم الاهم .. انا واحد مش ببشرب سجاير عشان والدى اول ما ما شافنى باحول اقلده و انا صغير فى السجاير بطلها تماماً و قل يهول الامر ليا و انا صغير فكبرت بخاف اشربها .. لو كل اب عمل كده .. صعب نلاقى اجيال بيشربوا ^^

اولا جزاكم الله جميعا كل الخير الله يسلمكم usernamo=مع احترامى الشديد لرأى حضرتك وواضح جدا التعب والجهد المبذولين من حضرتك ـ لكن احنا مش مجرد حملة توعية التوعية دى خطوة أولى مبدأية الأهم هو أننا سنقدم طلبا لوزير الصحة بعلاج المدخنين ووزير البيئة بحظر الدخان هو هدف بعييد جدا بس ان شاء الله ربنا هيعنا ومفيش مستحيل بعد التحرير
=حسن عسلة= هنبدأ فى تنظيم أنفسنا الآن فى  مجموعات _=انوار= متفقة جدا معك و مع اقترحاتك وبكده يبقي خدنا أول قرار عملى اسم حملتنا _احمى قلبك _ شيماء اختارى فريق من 3فرق تنضمى ليه هاه _دعاية واعلان _ ولا _علاقات عامة _ ولا _ المادة العلمية ؟؟؟ amenealhoda تمام جدا حضرتك كده اختار فريقك ؟؟ _عاشق البلانكو الابيض _ علاقات عامة ولا دعاية ولا مادة علمية ؟؟ zozalove _ربنا يكرمك مستنية تفاعلكم واختياركم للفريق الىيناسبكم _ الاستاذة ام شاهندة _ جزاكى الله الجنة يا افندم ويارب الاقى فنانين يصنعولنا لوجو و اسميناها مبدأيا احمى قلبك حضرتك تحبى اى فريق ؟؟ _شيماء_مستنية افكارك ومقترحاتك واى فريق تحبيبة habiba &amira بجد جزاكم الله الجنة و مستنية تنويركم تانى للموضوع علشان مصر تستحق اننا نوفر فلوس مواطنينها ونحسن صحتهم و ناخد بايديهم يلا مستنية كل عضو نورلى الموضوع يقولى اى فريق يحب يمسكه

ازيك يابسومتي
وحشاني ياجميل
وحشتني مواضيعك ومشاركتك الجميلة;);)
معاكي طبعا وبجد مش بكره اد التدخين
وربنا يعافي كل مدخن يارب

تسابيح النجووووووووووووووم أهلااااااا أزيك وحشانى اوى والله  الحمد لله انك لسه شغالة وبحماسك والله  ايه رأيك بقى فى الحملة دى _ بصي انا عملت بيج على الفيس ياريت كلكوا تشرفونى عليها وتقولوا لاصحابكم عليها _ ولو عجبك مبدأيا فكرة الحملة التوعية ثم العلاج ثم حظر الدخان _و ان علشان نعمل توعية نتقسم تلت مجموعات دعاية وعلاقات و مادة علمية تقوليلي افكارك ومقترحاتك علشان خاطر الحملة تنجح !!

طبعا انا معكم انشاء الله


قولى لنا بس يا دكتورة نعمل اية واحنا معاكى



فى انتظارك


http://files.fatakat.com/2009/9/1251770060.gif

تسابيح النجووووووووووووووم أهلااااااا أزيك وحشانى اوى والله  الحمد لله انك لسه شغالة وبحماسك والله  ايه رأيك بقى فى الحملة دى _ بصي انا عملت بيج على الفيس ياريت كلكوا تشرفونى عليها وتقولوا لاصحابكم عليها _ ولو عجبك مبدأيا فكرة الحملة التوعية ثم العلاج ثم حظر الدخان _و ان علشان نعمل توعية نتقسم تلت مجموعات دعاية وعلاقات و مادة علمية تقوليلي افكارك ومقترحاتك علشان خاطر الحملة تنجح !!
انت اكثر يابسومتي:blush::blush:
انا الأسعد انك رجعتي تاني بنفس حماسك المعتاد...
المشكلة اني مليش ف الفيس خالص:)
المشكلة في المدخن داا اللي مفروض نركز عليه
بالذات ان المواد اللي بتجري في دمه صعب يتخلي منها
لكن أكيد بالإرادة هيكون كل شيء تمام
http://www.thanwya.com/vb/showthread.php?t=260372
وطبعا انت اللي ممكن تساعدينا ف الموضوعات الطبية دي...:)

ليه عايزينك تنضم لصفحتنا ؟ علشان نحسن صحة المصريين وانتاجية مصر ومكانتها وتقدمها ورقيها  ياريت تعمل لايك وشير لو بتحب لمصرك الخير  أكبر حملة شبابية لتفعيل القضاء على التدخين _بانتظاركم http://m.facebook.com/Save0yourself?refid=20

دلوقتى ومبدأيا الى ان شاء الله اخلص النية لله رب العالمين انه يتفاعل معانا يشوف مواهبه وقدراته وهيقدر يخدمنا فى انه مجال 1= لو مشترك او حد من اهلك مشترك فى جمعيات خيرية كتيرة زى رسالة وصناع الحياة وغيرها يبقي محتاجينك فى العلاقات العامة وتكون شخص دبلوماسي ولبق

ليس لي بالدعاية أو العلاقات

بإمكانكم اعطائي المادة العلمية ؛ وسوف أقوم بالتصميم

شكري لكم

بالتوفيق

.

الى عنده موهبه فى الفن وتصميم اللوجو والشعار أو الى عنده امكانية الوصول للاعلام مرئي مسموع و عنده ميول تواصل مع الناس و البيئة المحيطة يقدر يفيدنا كتير أوى أوى فى مجموعة الدعاية للحملة ان شاء الله

من فضلك
هذا الموضوع موجود بالقسم منذ خمسة أيام
وحتي الأن لا أري به موضوعاً تناقش من خلاله الأعضاء
وبهذا يكون مخالفاً للقسم العام , وسبب تركي له حتي الأن
هو ألا يتم تفسير نقلي له بصورة خاطئة .
ضعي موضوع محدد يتناقش فيه الأعضاء .

أنا معاكي ف الحلمة دي...

بس هيكون ليها أثرفعلي؟

وهتحقق أهدافها لو بدأنا من هنا من المنتدي؟

واتمني الأعضاء يشاركونا بأرائهم

موضوع جميل
بس في حاجه ان المدخنين بش بيحاولو يشوفوا الاعلانات دي
انا حاولت مع حد اعرفه اول مره استمع لكلامي وحاول يبطلها بالتدريج لكن للاسف جاله دور برد فقال ان ده بسبب ان انا مبقتش بشرب سجاير وكلمته تاني فضرب بكلامي عرض الحائط اما اخر مره كلمته فيها اتضايق مني ومشى وسابني ده بعد مزعقلي طبعا
انا كان عندي استعداد اكلمه تاني بس كل ما افتح الموضوع يقفله او يمشي ويسبني
المشكله الاكبر بقى ان اصحابه معظمهم مدخنين ومن كلامه معايا حسيت ان ليهم دخل ايضا في رجوعه للتدخين بعد مبطله في المره الاولى
فانا مش عارفه اعمل ايه وخصوصا ان لاحظت لوجه اعلان دلوقتي ممكن يسمعه عادي وميتاثرش ولما بيسمع عن حملات التوعيه بيقول ان ده كلام فاضي بس انا نفسي اعمل حاجه
فانا معاكي ان شاء الله

مداخلة :

كما أن الارادة القوية لدي المدخنين بتشبسهم للتدخين قوية كما يقال

إلا أننا ان ان قوينا ارادتنا في ذلك ؛

فسوف ننجح بإذن الله في ذلك

لا أفضل اقامة الحملة من المنتدي

يفضل انطلاقها من الفيسبوك

او ننقسم مجموعات ..فيسبوك والمنتدي

..

أنوار = حضرتك مسئول أمام الله من الآن عن تجميع المادة العلمية لأكبر حملة توعية ضد التدخين فى مصر ان شاء الله ونحسبك لها كفء و طبعا سيادتك تحتاج لفريق عمل معاك علشان تجمعولنا اجمل مادة علمية مؤثرة معبرة فعالة تغير فى المدخنين من كل النواحي بالتوفيق ان شاء الله ، بالنسبة لمسئلة الفيس بوك انا حطيت اللينك هنا و حضرتك تقدر تدخل الصفحة وتجمع فى الفريق وتضع استراتيجات العمل و ان شاء الله هنستمر فى مرحلة التمهيد الى ان يكتمل الفريق و نتنج افضل مادة علمية وادبية ودينية تؤثر فى المدخنين

مستر على = كل الاحترام والتقدير لك ولوجهة نظرك ، ولكن سبب وضعى للموضوع هنا لانه موضوع عام فنحن نعانى من خطر داهم فى كل مكان تدخين ايجابى وتدخين سلبي و المطلوب من الاعضاء مناقشة كيفية الارتقاء بمصر إلى الافضل

ماسين = انا عرفة ومقدره محاولاتك بس أحنا حملتنا غير  احنا هنوعيهم وبعدين هنطلب من وزير الصحة يعالجهم  وبعدين هنطلب من وزير البيئة يمنع مصانع الدخان نهائيا و بكده نضمن مستقبل مشرق لمصرنا  وان كان المدخنين مبيلتفتوش فكل شئ غير بعد ثورة التحرير المصريين دلوقتى بيجري فى عروقهم نية للتغيير  والهمة والبركة والحماس والاخلاص فينا نعمل اعلانات صح وتوعية صح الصح ونعالجهم صح و نستبدل الدخان بمنتجات صح  بس محتاجين ارادة ونية واخلاص  تحبى تبقي ضمن اى فريق ؟

السلام عليكم يا شعب يستحق الحرية ورحمة الله وبركاته لكم اشتاق للحماس والاخلاص والعمل معكم يا أحلى منتدى !!ازيكم ؟؟؟ ايه اخباركم ؟؟ كان لازم ارجع علشان ده وقت الشغل وقت العمل وقت التهئنة لاحلى صحبة فى حياتى الف مبروووووك _ لو كان فيكم لسه حد يفتكرنى _ انا جاية وناوية نشن سوا أضخم حملة ضد التدخين _ هتقولوا عادى مافى حملات كتير ايه الجديد ؟؟ الجديد ان هدف الحملة دى تلت اشياء وبس اولا توعية اضخم كم من المدخنين المصريين بضرورة الاقلاع  ثانيا طلب من وزارة الصحة بعلاج كل المدخنين  ثالثا طلب من وزارة البيئة بحظر مصانع الدخان واستبدال تصنيعها بمنتجات مفيدة !!!

مستر على = كل الاحترام والتقدير لك ولوجهة نظرك ، ولكن سبب وضعى للموضوع هنا لانه موضوع عام فنحن نعانى من خطر داهم فى كل مكان تدخين ايجابى وتدخين سلبي و المطلوب من الاعضاء مناقشة كيفية الارتقاء بمصر إلى الافضل


ذكرتي في موضوعك ثلاثة نقاط ولم تقومي بتوضيح كل منها , وهذا جعل غالبية الأعضاء الذين شاركوا في الموضوع لا يعرفون ما يقولون سوي أنهم يؤيدون هذه الحملة .
اكتبي موضوع وقومي بتوضيح النقاط الثلاثة حتي يتم النقاش فيها ويكون النقاش علي أساس محدد وليس فهم وتصور كل عضو للموضوع ولا تنسين بأن غالبية الأعضاء هنا طلاب وطالبات وليس لدي الغالبية منهم الدراية الكاملة بهذه النقاط .
فقط لا تجعلين الموضوع يبدو في صورة أخذ مقترحات من الأعضاء دون فهم واضح للمطلوب .

خلاص يا مستر انا اسفة  لو سمحت رجاء شخصي احذف الموضوع والغى عضويتي  جزاكم الله خيرا  فعلا المنتدى لم يعد يسمح بتواجدى الان فهو للطلاب  شكرا 

على فكره موضوع حلو اوووى
بس فى النهايه مبنوصلش لحاجه
انا ولدى بيدخن بطريقه رهيبه جدااا وحولنا كتير معاه يبطل شويه وفجاه يمنع التدخين خالص وفجاه يرجعلها تانى
بس هو الفتره الى جايه طالع عمره ادعولوا انو بيطلها خالص