omar_2hg
26-03-2011, 11:38 AM
كتبت القصيدة في ذات اليوم التي تحمل عنوانه
في تمام حوالي الساعة الثانية ظهرا
1 فبراير
الأمن هرب وانسحب
وجيشي للبوابات فتح
قولي لينا مين
ومين يمنع دماغي تتفتح
قال إيه شعب مؤيد ! ده فيه سلاح وخيول
فهمني وعيني أنا برضه مش مسطول
طب فين بس الأمن يا سيادة المسئول
تعالي بره القصر وقولي يا معزول
حاطط ف ودنك قطن ولا الدي جي معمول
عايز هموم سعبك صفحة ومش تطول
قال ده مدير مكتبك ما تقوله مش معقول
اطلع ف يوم كدبه ما الكدب بقي ببلاش
ما هو مش عشان كرسي بقيت علينا ملك
ما الملك مش أبدي إلا لرب العرش
وقبل ما تفتي انت ملك علي مين؟
ولا بلاش قولي وديت فلوسنا فين؟
فاكرين تصدير الغاز ولا بقيتوا ناسيين
لما باعوه لعدو واحنا له عايزين
الشعب هو الملك مهما صبرنا سنين
وجاي ف آخر يوم بعد سنين تلاتين
بيقولي هحاور كل المعارضين
بس ليه يقبلوا وشبابنا مش راضيين
وحتي لو قبلوا أنا عندي بس سؤال
مين قوم المظاهرة ومين عملكوا رجال؟
ولو انتوا قوادنا احنا عملناكم
وزي ما جينا حيينا ورفعناكم
سهل أوي نخلي الأرض تعلاكم
ده شعبي سف التراب والذل مع سيادتك
وبرضه وقف صابر راضي بإرادتك
معلش دي أزمة
برقابينا ضفرك
غليت رغيف العيش فقالوا مسموحلك
قلت أنا همشي عندي وجع جبار
من رغيف العيش مشلتش المسمار
ولا خدت بالي من كل عقب سجار
ولا بلاش منه خليني أقولك
مش لاقي أتجوز ! شقة يا ريس
خدها المستثمرين
طب والشعب يتكيس !
رفعت المرتبات بس دي ملاليم
والي كان بجنيه فجأة بقي بعشرين
قلنا ياله وماله , تسلم يا نور العين
بس معلشي كان عندي بس سؤال
هي دي علاوة ولا دهه استهبال؟
قالولي اخرس سيرة الرئيس تتصان
ورجعت من تاني شفت العذاب ألوان
ودروت ع أحمد أحكيله إيه بيوجع
متعود أشكيله أصله واد مجدع
كان سأل ظابط كان راجل أجدع
قولي يا دفعة مين لينا بيسمع
ليه النظام أطرش لا بيجدي ولا ينفع
ولما وصلت البيت رحت سألت عليه
ردوا عليا وقالوا والله مش موجود
طب خرج من امتي
والله مش معدود
سألت طب مع مين
قالولي مع محمود
محود ده كان أستاذ بس لبس أزرق
واسأل عليه ميدو لما قال زحمة
ودندنله حلمي قصيدة ف مسلسل
وعرفت اصل الحكاية لما قال أزرق
يلا عشان نخلص وأنا كمان أخرس
بذمتك بسألك
يا أيها النظام
مش كفاية يعني ولا مش حرام
شعب انضرب واتحرم واتهان
ويبقي ظالم ده برضه كلام
كفاية عليك يا ريس الانتحارين
الي قصاد الوزارة ماتوا والعين
ومظاهراتنا الي ملتلك الميادين
فاسمعني بيني وبينك وبعيد عن السامعين
واعتبرها فضفضة بين اتنين رايحين
ولا اعتبرني مجرد واحد بس ليك بنصح
لا عدت هطول عليك ولا فيهم همدح
وأنا مش بكره مصر
لاحسن تقول بفضح
ده انا ابن مصر ولسمها بنضح
أنا بس بترجاك
سبنا ......... نفرح
عمر حسني
في تمام حوالي الساعة الثانية ظهرا
1 فبراير
الأمن هرب وانسحب
وجيشي للبوابات فتح
قولي لينا مين
ومين يمنع دماغي تتفتح
قال إيه شعب مؤيد ! ده فيه سلاح وخيول
فهمني وعيني أنا برضه مش مسطول
طب فين بس الأمن يا سيادة المسئول
تعالي بره القصر وقولي يا معزول
حاطط ف ودنك قطن ولا الدي جي معمول
عايز هموم سعبك صفحة ومش تطول
قال ده مدير مكتبك ما تقوله مش معقول
اطلع ف يوم كدبه ما الكدب بقي ببلاش
ما هو مش عشان كرسي بقيت علينا ملك
ما الملك مش أبدي إلا لرب العرش
وقبل ما تفتي انت ملك علي مين؟
ولا بلاش قولي وديت فلوسنا فين؟
فاكرين تصدير الغاز ولا بقيتوا ناسيين
لما باعوه لعدو واحنا له عايزين
الشعب هو الملك مهما صبرنا سنين
وجاي ف آخر يوم بعد سنين تلاتين
بيقولي هحاور كل المعارضين
بس ليه يقبلوا وشبابنا مش راضيين
وحتي لو قبلوا أنا عندي بس سؤال
مين قوم المظاهرة ومين عملكوا رجال؟
ولو انتوا قوادنا احنا عملناكم
وزي ما جينا حيينا ورفعناكم
سهل أوي نخلي الأرض تعلاكم
ده شعبي سف التراب والذل مع سيادتك
وبرضه وقف صابر راضي بإرادتك
معلش دي أزمة
برقابينا ضفرك
غليت رغيف العيش فقالوا مسموحلك
قلت أنا همشي عندي وجع جبار
من رغيف العيش مشلتش المسمار
ولا خدت بالي من كل عقب سجار
ولا بلاش منه خليني أقولك
مش لاقي أتجوز ! شقة يا ريس
خدها المستثمرين
طب والشعب يتكيس !
رفعت المرتبات بس دي ملاليم
والي كان بجنيه فجأة بقي بعشرين
قلنا ياله وماله , تسلم يا نور العين
بس معلشي كان عندي بس سؤال
هي دي علاوة ولا دهه استهبال؟
قالولي اخرس سيرة الرئيس تتصان
ورجعت من تاني شفت العذاب ألوان
ودروت ع أحمد أحكيله إيه بيوجع
متعود أشكيله أصله واد مجدع
كان سأل ظابط كان راجل أجدع
قولي يا دفعة مين لينا بيسمع
ليه النظام أطرش لا بيجدي ولا ينفع
ولما وصلت البيت رحت سألت عليه
ردوا عليا وقالوا والله مش موجود
طب خرج من امتي
والله مش معدود
سألت طب مع مين
قالولي مع محمود
محود ده كان أستاذ بس لبس أزرق
واسأل عليه ميدو لما قال زحمة
ودندنله حلمي قصيدة ف مسلسل
وعرفت اصل الحكاية لما قال أزرق
يلا عشان نخلص وأنا كمان أخرس
بذمتك بسألك
يا أيها النظام
مش كفاية يعني ولا مش حرام
شعب انضرب واتحرم واتهان
ويبقي ظالم ده برضه كلام
كفاية عليك يا ريس الانتحارين
الي قصاد الوزارة ماتوا والعين
ومظاهراتنا الي ملتلك الميادين
فاسمعني بيني وبينك وبعيد عن السامعين
واعتبرها فضفضة بين اتنين رايحين
ولا اعتبرني مجرد واحد بس ليك بنصح
لا عدت هطول عليك ولا فيهم همدح
وأنا مش بكره مصر
لاحسن تقول بفضح
ده انا ابن مصر ولسمها بنضح
أنا بس بترجاك
سبنا ......... نفرح
عمر حسني