مشاهدة النسخة كاملة : بعبعَ أرشميدس .... نحن بالمرصاد
طالب الابداع والتميز 27-03-2011, 10:22 AM السلام عليكم ورحمة الله وبركاته ...
لا أعلم الحال على مستوى طلاب الثانوية فى مصر ، ولكن ما أراه من تخوف وانكماش من قاعدة أرشميدس بين زملائنا وإخواننا الأحباء دفعنى إلى الحيرة والاستغراب لماذا كل هذا القدر من القلق والخوف من قاعدة لا أرى أنها لغز محير ،
فقررت ان أكتب هذا الموضوع لللنقاش فيما يتعلق بتقنيات أو أساليب (أو تكّات) حل مسائل أرشميدس فيما يتعلق باتزان القوى مثلا أو الحجم المغمور والطافى وغيرها من الأمور التى يلتبس الأمر فيها على الطلاب ......
فكل من أراد شيئًا من تلك التى سبقت يكتبها فى هذا الموضوع ولا أدعى أننى سوف ألبى حاجته ولكنى وغيرى سوف نتناقش حولها ... كل يدلى بدلوه حتى نروى ظمأنا ونتشبع من تلك القاعدة حتى تنكشف عنها الغمة و تنبسط أمام كل من
صعب عليه حلها ....
فى انتظار ردودكم .... والله الموفِّق..
H_Dody 27-03-2011, 12:51 PM فكرة كويسة جدا ً
ويسعدنى أنى أكون أول واحدة أشارك فيه
بس ما تزهقش منى بقى من كتر الأسئلة ...ماشى
طالب الابداع والتميز 27-03-2011, 01:01 PM يا أختى أفرغى ما فى جعبتك و أهلا بيكِ
أى سؤال هنحاول نغطيه بإذن الله
H_Dody 27-03-2011, 01:13 PM هو سؤال بس هو حضرتك مدرس لغة عربية
H_Dody 27-03-2011, 01:20 PM ما بلاش جعبتك والكلام ده عشان أنا مش بحب العربى
Future Eng 27-03-2011, 01:51 PM فكرة كويسة جدا ً
ويسعدنى أنى أكون أول واحدة أشارك فيه
بس ما تزهقش منى بقى من كتر الأسئلة ...ماشى
فكرة كويسة اوى وانا تانى مشترك معاكم
the_LeAdeR101 27-03-2011, 04:08 PM يا أختى أفرغى ما فى جعبتك و أهلا بيكِ
أى سؤال هنحاول نغطيه بإذن الله
هههههههههههههههههههههههههههههههههههههههههههههههههه ههههههههههههههههههههههههههههههههههه
حلوة جعبتك دى يا برنس
ما بلاش جعبتك والكلام ده عشان أنا مش بحب العربى
هههههه
اللغة العربية لغة القرأن
H_Dody 27-03-2011, 04:14 PM لما أقول إنى مش بحب العربى ده ما يتعلقش خالص بالقرآن
dama207 27-03-2011, 05:30 PM لما أقول إنى مش بحب العربى ده ما يتعلقش خالص بالقرآن
كلام سليم و ان شاء الله انا معاكم
طالب الابداع والتميز 27-03-2011, 06:33 PM يا أختى
أنا أولا طالب ثانوية عامة مش مدرس ولا حاجة
بس بعشق اللغة العربية وعشان ما يبقاش فيه زعل
مش هكلم فصحى ......
هاتى اللى عندك واحنا هنقوم بالواجب ..... كده حلو؟؟؟
طالب الابداع والتميز 27-03-2011, 06:40 PM هههههههههههههههههههههههههههههههههههههههههههههههههه ههههههههههههههههههههههههههههههههههه
حلوة جعبتك دى يا برنس
هههههه
اللغة العربية لغة القرأن
lماشى يا حبيب ..... صباح الفل
طالب الابداع والتميز 27-03-2011, 06:52 PM - لفتة :
* بالنسبة لمسائل قوة الشد :
لكل من يحفظ قوانين قوة الشد : أرجوك بلاش حفظ ...
إذا مثلًا عندنا كرة مجوفة مربوطة فى قاع إناء ملئ بالماء كيف توجد قيمة الشد ...
ببساطة شديدة : الكرة متزنة .. إذن هنا قوى لأسفل تتزن مع قوى لأعلى ( لا حظ أننا أغفلنا القوى الأفقية لأنها متزنة و لا تخصنا)
الاتزان يعنى التساوى أى أن القوى لأعلى تساوى القوى لأسفل
نحدد القوى لأعلى والأخرى لأسفل ونساويهم ببعض .... بسيطة خالص
الوزن طبعًا لتحت(لأأسفل) ( ولا عندك شك؟) ...... على فكرة لو شلت كورة وسبتها هتقع ..عارف ليه ؟؟؟؟ بسبب وزنها ...
الدفع من اسمه بيدفع الكورة يعنى فى عكس الاتجاه أى لفوق (لأعلى) عشان كده لما تحط ايدك فى الميه بتخف ..
لسه قوة لشد وهى الأهم ... تخيل معايا لو سبنا الكرة هيحصل ايه ؟؟؟ ( الكورة هتطلع لفوق )
يعنى قوة الشد بتمنعها من انها تتطلع لفوق يبقى بالفقاقة اتجاهها لأسفل .؟؟؟
بعد كده لما حددت الاتجاهات تجيب القوى لأسفل فى طرف والقوى لأعلى فى طرف وعوض يا سيدى .. والله سهلة
Fg + Ft = Fb
Ft = Fb - Fg
والله أعلم ...
طالب الابداع والتميز 27-03-2011, 07:02 PM الصورة فى المرفقات قد توضح أكثر ...
طالب الابداع والتميز 27-03-2011, 07:14 PM وهنا فى الصورة لما تكون الكورة مشدودة من فوق ...
داندن 27-03-2011, 09:57 PM انا كمان معاكم
ارشميدس ده مكرهني في الفيزياء
CAn u see me 27-03-2011, 10:35 PM ارشميدس مش صعبة اوى كده بس فى افكار غبية
بس
the_LeAdeR101 27-03-2011, 11:21 PM يا أختى
أنا أولا طالب ثانوية عامة مش مدرس ولا حاجة
بس بعشق اللغة العربية وعشان ما يبقاش فيه زعل
مش هكلم فصحى ......
هاتى اللى عندك واحنا هنقوم بالواجب ..... كده حلو؟؟؟
هو دا الكلام
mo_wa_2977 28-03-2011, 02:12 AM متشكرين يا باشا وعلى فكره الحته بتاعت قوة الشد انت فكرت فيهت بمخك صح وانا والله كان تفكيرى فيها كده ومتشكرين جدا على التوضيح ونرجو المزيد مش نقعد نتكلم وخلاص علشان خاطرى الامتحانات قربت
طالب الابداع والتميز 28-03-2011, 10:38 AM - مشكورين على التفاعل .... ومستنى أى استفسارات ...
طالب الابداع والتميز 28-03-2011, 11:03 AM وفى المرفقات كيفية إيجاد كتلة الثقل اللازم لغمر قطعة من الجليد الطافية كليا تحت الماء ....
طالب الابداع والتميز 28-03-2011, 10:40 PM فى انتظار استفساراتكم
einstien 31-03-2011, 01:39 PM جسم بدا حركتة بسرعة 2 م/ث فوصلت سرعتة الى 6 م /ث علما بان كتلته 1000 كجم فاحسب الشغل المبذول اثناء الحركة
طالب الابداع والتميز 31-03-2011, 11:54 PM جسم بدا حركتة بسرعة 2 م/ث فوصلت سرعتة الى 6 م /ث علما بان كتلته 1000 كجم فاحسب الشغل المبذول اثناء الحركة
يا أخى هذه مسألة لأولى ثانوى والمنتدى ده للثانوية العامة فضلا عن إن الموضوع عن أرشميدس ....
mmamma 01-04-2011, 12:06 AM والله اللى حاطط المسألة دى اعتقد انه عايز كمية الحركة مش الشغل لان الشغل بيجى من العلاقة
ق*ف
وده قانون فى الرياضة 2
sandred 05-04-2011, 12:41 AM انبوبة ذات شعبتين تحتوي علي ماء اوجد ارتفاع الزيت اللزم صبه في الفرع احد الفرعين ليزداد ارتفاع الماء في الفرع الاخر بمقدار 6 سم علما بان كثافة الزيت 800
Hima Ryan 05-04-2011, 01:09 AM 7.5 سم ؟؟؟
sandred 06-04-2011, 04:34 AM خلاص عرفتهاالناتج 15
طالب الابداع والتميز 06-04-2011, 02:45 PM تم التعديل
Dr. Hoda Ahmed 06-04-2011, 04:27 PM جزاكم الله كل خير على كل ما تقم به من جهود فى جميع الاقسام العربى والفيزياء بجد مجهود رائع
ما شاء الله عليك
يا ريت الاهانة ما تكونش لاى حد بيقدم خدمة او بساعد مع انه مش مجبور على كده
بلالل 06-04-2011, 05:50 PM 7.5 سم
والحل فى المرفقات ...
على فكره الحل كده مش مظبوط لانه مش عاوزارتفاع الماء ولكن ليزداد ارتفاع الماء في الفرع الاخر بمقدار 6 سم
فهيبقى 15 سم
طالب الابداع والتميز 06-04-2011, 08:29 PM اسف اوى ...
انا فهمت المسألة غلط ..
وجارى التعديل ..
طالب الابداع والتميز 06-04-2011, 08:41 PM الحل بعد التعديل ...
طالب الابداع والتميز 06-04-2011, 08:47 PM جزاكم الله كل خير على كل ما تقم به من جهود فى جميع الاقسام العربى والفيزياء بجد مجهود رائع
ما شاء الله عليك
يا ريت الاهانة ما تكونش لاى حد بيقدم خدمة او بساعد مع انه مش مجبور على كده
شكرا على الإطراء الطيب .... ومشكورة على المرور ...
Mo7aMeD.aMeR 07-04-2011, 10:01 AM المشكلة فى اشميدس دراسة الجسم وانته حافظ القوانين
طالب الابداع والتميز 10-04-2011, 01:02 PM ى انتظار اى استفسار
بيتر خليل 10-04-2011, 04:51 PM دا ايه الحلاوة دى عبقرى و الله
طالب الابداع والتميز 10-04-2011, 09:13 PM الله يخليك ... مش عارف عبقرى على ايه ...
بس عموما مشكور على المرور ..
|