معلش يا جماعة فيه حته مش فاهمها و ياريت حد يفهمني ><"
هوا استفسار غبي كالعادة بس استحملوني :(

في الفصل الخامس في قانون الغازات

دلوقت القانون العام للغازات
P Vol / T = ثابت

بعد كده فيه حتة بتقول لو الغاز كتلته ثابتة مفيش تسرب مثلا
فممكن اعوض عن الحجم بالكتلة علي الكثافة
و بالتالي طلع صيغة اخري للقانون بعد حذف الكتلة
لحد كده اوك

المهم دلوقت هوا قال لو الكتلة اتغيرت بقي
انا شايف ان مفروض يعوض في القانون العام للغازات عادي
بس هوا معوض في القانون بعد حذف الكتلة
و بالتالي الصيغة اللي بطلعها و اللي الكتاب كاتبها مختلفة

المهم عايز حد يفهمي ليه هوا عوض في القانون التاني اللي مفروض هوا مش اساسي
مفروض يعني يعوض في الاول عشان هيا القاعدة العامة !!!!

وطبعا اكيد كلامه هوا صح بس انا مش فاهم النقطة دي ياريت بقي حد يفهمني ><"
عشان مش عايز احفظ القوانين كده و خلاص !!


وسؤال تاني بردوو في نفس الجزئية
دلوقت لو مفيش تسرب الكتلة ثابتة هل الكثافة ثابتة بردوو و لا ده علي اساس الحجم
ياريت العلاقات دي حد يشرحهالي باستفاضة شوية ><"

(P Vol)/(T m)=R/M
(P Vol)/(T m)= (P' Vol')/(T' m')
القانون الأخير ( التسرب ، الكثافة ، العام ، بويل ، شارل ، الضغوط ، دمجهم ،...)

ده يمكن أشمل صورة للقانون العام

و ده صور القانون العام


P Vol = n R T
P Vol=N K T
(P Vol)/(T m)=R/M
(P Vol)/(T m)= (P' Vol')/(T' m')

اعذرنى مش فاهم قصدك دلوقت لأنى مش مركز
فخبط شوية لو جات يبقى حلو لو مجاتش حد تانى

أنت حاطط القانون ده

P Vol / T = ثابت

و بتعتبره قانون ، بس يا صاحبى الكلام ده مش كلام ناس فاهمة أوى يعنى
لأن لازم تكون عارف الثابت ده بيمثل ايه قبل ما تحل
ده ثابت بيتطلب شروط و لو بصيت للصورة التانية اللى حاططها
P Vol=N K T
يبقى الثابت ده هو NK
بمجرد ما هيحصل تسرب ال N هتتغير يبقى القانون باطل

عمومًا مشكلتك إنك اعتمدت على ثابت من غير ما تعرف هو ايه

عندك الصور ده اشتغل على أى واحد و لازم تتطلع نفس الحلول

أتمنى أكون أفدتك

بالمناسبة الصور ده من الموضوع ده
http://thanwya.com/vb/showthread.php?p=2899218#post2899218
ملخص قوانين الحرارة


و بالتوفيق ،،،،،،،