مشاهدة النسخة كاملة : طه حسين ... مات وترك وراءه همّ الثانوية العامة
طالب الابداع والتميز 29-03-2011, 06:22 PM سؤال يفرض نفسه ، لا يسعنى إلا طرحه ، وأرجو إجابة ، كل ما أريده إجابة ولكن تكون مرضية .....
- ما الفائدة لى كطالب أن أدرس السيرة الذاتية لكاتب كطه حسين ؟؟؟؟؟
كل من عنده رد يضعه حتى ينتهى أمرى إما بالاقتناع بصحة كلامى أن لا فائدة منها أو بالاقتناع أنى ضيق الأوفق ووزارة التربية والتعليم أدرى بما يفيد ولا يفيد ......
josephmorris 30-03-2011, 12:24 PM على الارجح ان احنا نتعرف على حياة كاتب كبير زى طه حسين ... ونتعلم مواقف منها زى الاصرار مثلا والصبر والعزيمه
وانه بقى كاتب كبير فى ظروف صعبه جداا ونتعرف على معانى ولغويات جديده
بس مينفعش طبعا يبقى طاب علمى بيذاكر كهربيه ومغناطيسيه وارشميدس ووراثه وDNA او فراغيه وميكانيكا
ومجبر انه يحفظ اشياء لا قيمة لها زى وصف لبيته فى الريف وبيته فى القاهرة والسلالم والطريق والقهوة وكانوا بياكلوا ايه وبيشربوا ايه
وطه حسين معروف عنه التطويل والوصف
طبعا فى جهد كبير جدااا مبذوول .. ممكن نستفيد منه فى مواضيع تانيه هتفيدنا اكثر
كفايه ان احنا نتعرف على اهم النقط فى حياته اللى تفيدنا وفى نفس الوقت منكونش مجبرين ان احنا نحفظ التطويل والوصف ده
بس انا اللى محيرنى مش ده ...اللى محيرنى ان انا لو حاولت افتكر يوم كامل من اسبوع فات عمررى ما هقدر
ازاى طه حسين وصف حياته من طفولته وايامه تقريبا بالتدريج .... حاجه بجد غريبه جداا جداا
بس زى ما انت عارف we have no choice
Aya.N 30-03-2011, 12:33 PM علشان يقعدوناااااااااااااااااااااااااااااااا...ويخلونا نحب التعليم
هو لو كان على الصبر والعزيمة والاصرار ...
فدول خلاص احنا اتعلمناهم من اول مادخلنا ثانويه عامة
طالب الابداع والتميز 30-03-2011, 01:56 PM على الارجح ان احنا نتعرف على حياة كاتب كبير زى طه حسين ... ونتعلم مواقف منها زى الاصرار مثلا والصبر والعزيمه
وانه بقى كاتب كبير فى ظروف صعبه جداا ونتعرف على معانى ولغويات جديده
بس مينفعش طبعا يبقى طاب علمى بيذاكر كهربيه ومغناطيسيه وارشميدس ووراثه وdna او فراغيه وميكانيكا
ومجبر انه يحفظ اشياء لا قيمة لها زى وصف لبيته فى الريف وبيته فى القاهرة والسلالم والطريق والقهوة وكانوا بياكلوا ايه وبيشربوا ايه
وطه حسين معروف عنه التطويل والوصف
طبعا فى جهد كبير جدااا مبذوول .. ممكن نستفيد منه فى مواضيع تانيه هتفيدنا اكثر
كفايه ان احنا نتعرف على اهم النقط فى حياته اللى تفيدنا وفى نفس الوقت منكونش مجبرين ان احنا نحفظ التطويل والوصف ده
بس انا اللى محيرنى مش ده ...اللى محيرنى ان انا لو حاولت افتكر يوم كامل من اسبوع فات عمررى ما هقدر
ازاى طه حسين وصف حياته من طفولته وايامه تقريبا بالتدريج .... حاجه بجد غريبه جداا جداا
بس زى ما انت عارف we have no choice
يا اخى ماشى أنا متفق معاك ....
اتعلمنا الصبر والإصرار والعزيمة ( أهو كلام وخلاص ) ....
ليه بقى ييجى فى الامتحان مثلا ويقولى فى الجزء الثانى فى بدايته ايه الصوت اللى سمعه طه حسين ؟؟؟
أقوله قرقرة الشيشة ؟؟؟؟؟؟ دى مش حاجة عجيبة ؟؟؟؟
وبالنسبة للغويات والمفردات وتعلم أسلوب الكتابة ده شئ جميل جدًا يا ريت يركزوا على المفردات
و فى الامتحان يجيبلى حاجات صعبة معانى ومتضادات وإيحاءات وغيرها دى ماشى
لكن ليه يخلينى أحفظ حياة طه حسين اهو احنا فاضيين.....
دى سياسة بايظة فاسدة مضمونها ( عبى واحشى وبعد السنة فرغ وامشى ) ....
دى حاجة تجنن ....
a7mad 3abdo 30-03-2011, 11:55 PM سؤال يفرض نفسه ، لا يسعنى إلا طرحه ، وأرجو إجابة ، كل ما أريده إجابة ولكن تكون مرضية .....
- ما الفائدة لى كطالب أن أدرس السيرة الذاتية لكاتب كطه حسين ؟؟؟؟؟
كل من عنده رد يضعه حتى ينتهى أمرى إما بالاقتناع بصحة كلامى أن لا فائدة منها أو بالاقتناع أنى ضيق الأوفق ووزارة التربية والتعليم أدرى بما يفيد ولا يفيد ......
مبدئياً كل الكلام اللي هقوله دا وجهة نظري ,,
ممكن تتعارض معاك و ممكن تتفق .. و في الاخر كل واحد له رأي
ندخل علي سؤالك ,
شوف يا اخي ,,
قصة الايام دي من اعظم الكتب اللي ممكن تقرأها في حياتك
و انا يروقني كثيرا اسلوب طه حسين ...
انت عندما تدرس قصة الايام فأنت لا تدرس سيرة ذاتية فحسب ..
ولكنك تتعلم اسلوباً راقياً في الكتابة العربية ...
و مش معني الاسلوب معاني , و مفردات , وايحاءات
معني الاسلوب هو التراكيب اللغوية اللي استخدمها , طريقة عرض الاحداث , والتسلسل , و حاجات كتير اوي
من الاخر : بتعلمك ازاي تكتب انشاء ..
هتعلمك حاجات في حياتك العملية بالفعل ...
ازاي تكتب شكوي في حياتك العملية , تقرير , رسالة , بحث ...
حتي لو كان بحث علمي , او مجال دراستك علمي
و عندك دروس كتير ممكن تتعلمها من القصة
و مش هقولك : الاخلاص و المثابرة و الكلام الاجوف دا
هقولك انك من خلال دراستك للقصة , تعرفت علي الحالة النفسية للأعمي ,
خد بالك انك لما بتقرأها بتشوف الحياه امامك كأنها صورة متحركة بالفعل
والكلام دا تحسه بجد لو انت بتتذوق القصة
فتتعجب , ازاي واحد اعمي و يصف الدنيا بأروع ما يمكن من المبصر !!
و لعلك تقف امام بعض الجمل في القصة , يعني مثلا لما تعرف انه كان بيعيش ب نصف قرش و رغيف في اليوم , و الراجل كان راضي
ان الناس دائما و خصوصا في المجتمع المصري اعداء التغيير - طبعا مش بتكلم علي كل الناس -
و اللي عايز يغير دا بيبقي مفسد
يكفي انك بتضيف لخبراتك الحياتية خبرة تانية ..
و انا شايف ان الراجل عرض شخصيته بحيادية شديدة .. ابرز الجانب السلبي قبل الايجابي
و دي حاجة تخليك تقبل اكثر علي القصة
المشكلة بقي عندك : سؤال الامتحان
يعني انا مالي طه حسين كان بيفطر ايه ,,
عندك حق في الجزء دا ..
بس القصة في حد ذاتها عظيمة .. و بجد عرفت يعني ايه عميد الادب العربي لما قرأتها
يعني بص : حاول تتذوق القصة اكثر من قراءتها و انت مضطر او حفظها ...
انا من رأيي اللي مافيش حد ممكن يوافق عليه
ان اسئلة القصة في الثانوية العامة تكون اختيارات و صح و غلط
طبعا الناس كلها هتشتمتني :d
يعني تبقي اسئلة خفيفة و وتركز اكثر علي اسئلة مش موجودة في القصة
زي ايه رأيك في شخصبة طه حسين , و اخوه , ...
ايه اللي انت استفدته من القصة ؟
+ معاني كلمات و ايحاءات
و طبعا دا مش ممكن يحصل في ثانوية عامة ...
و علي فكرة , لو اخترت اي قصة في العالم تدرسها , هتواجهك نفس المشكلة
لنـــــــــــــــــا الـــلـــه
طالب الابداع والتميز 31-03-2011, 12:50 PM أخى الغالى والحبيب ... وجهة نظرك صحيحة 100% وأنا لا أتعارض معها إطلاقا ...
قد يكون الخطأ منى فى الإيحاء بشجب او استنكار اختيار القصة .... لا والله
أنا أعيب فحسب أسئلة الامتحان لا غير .... سياسة الحفظ والاستظهار
أنا لا أنكر قصة الأيام ومن أنا حتى أنكرها أو أقلل من شأنها ؟؟
الموضوع هو أننى أتعجب من نظام الامتحان !!!
فتلاحظ أن هناك فجوة كبيرة جدًا بين الأهداف المرجوة من دراسة القصة وبين كيفية اختبار
تحصيل الطالب لهذه الأهداف ...
فكما قلتَ الأهداف من القصة سامية وجميلة ولكن ما مدى التطبيق عليها فى نظام امتحان الثانوية
أنت تقول نتعلم بعض القيم ونستزيد من الخبرة إلى جانب الاتجاه الأدبى والأسلوب الكتابى ومهارات النقد وغيرها
ولكن نجد فى الامتحان شيئًا آخر .. وطبعًا أنا كطالب كل همى الامتحان وحسب .. أنا شعبة علمى وهذه الأدبيات بالكاد ستفيدنى فيما
بعد ....
ولصياغة سؤال بشكل أفضل .....
- لماذا أنا كطالب مطالب بحفظ حياة طه حسين ؟
- لو قلنا القصة تهدف إلى ما سبق ذكره ، فلماذا يقتضى نظام الامتحان منا حفظ القصة بدلا من التحقق من تحصيل الطالب لهذه الأهداف ؟؟؟
a7mad 3abdo 31-03-2011, 02:02 PM ولصياغة سؤال بشكل أفضل .....
- لماذا أنا كطالب مطالب بحفظ حياة طه حسين ؟
- لو قلنا القصة تهدف إلى ما سبق ذكره ، فلماذا يقتضى نظام الامتحان منا حفظ القصة بدلا من التحقق من تحصيل الطالب لهذه الأهداف ؟؟؟
اتفق معك تماماً ,
لا فائدة من حفظ حياة اي كاتب ...
يكتفي بالتعرف عليها من خلال القراءة و الفهم الجيد ,
و استنكر ايضا الطريقة التي يوضع بها سؤال الامتحان !!
و استنكر كذلك الحفظ في اي مادة :
فما فائدة الحفظ ان كان بإمكانك الرجوع الي امهات الكتب في حياتك العملية و في اي وقت ؟!
و اري انه يكفي التعرف علي اهم النقاط الاساسية و الخطوط العريضة من اي مادة ...
وذلك لتسخير الذاكرة لحفظ ما هو اكثر اهمية .. و للتعرف علي الخبرات العلمية و الحياتية المختلفة
التي لا يمكن ان تتعلمها بمفردك .. او من خلال كتاب .
ولكن .. هل من اقتراحات لنمط فعال و مقبول يمكن ان يحل محل هذا النظام الأجوف ؟!
الوسوفي الحزين 31-03-2011, 02:21 PM والله ما تعلمنا حاجه دا اسلوب من اساليب النظام السابق لنوم عقل الطلاب عن التفكير والتخاذل هو يعني طه حسين رسول من الرسل علشان ندرس حياته وليه مش بيجيبوا المعاصي بتاعته ولا هو المسيح عليه السلام
a7mad 3abdo 31-03-2011, 08:14 PM لو كان طه حسين مازال حياً , وفي منصب وزير التربية والتعليم كان سيرفض تدريسها للطلاب !!
انا من رأيي ان تكون القصة مادة مستقلة بذاتها , بعيدا عن اللغة العربية , ولا تحسب من ضمن المجموع
مثل التربية الوطنية مثلا ...
والاسئلة تركز علي الاستفادة الحقيقية من القصة , لا من احداثها
بمعني : اقتباس جزء كبير من القصة و طرحه في ورقة الامتحان ,
ويكون السؤال محدد : حلل هذا الجزء , ووضح ما فيه من جمال , وبين ماذا تستفيد من ذلك في حياتك ...
و تكون الاجابة تبعا لوجهة نظرك !!
هل من مؤيد ؟
CAn u see me 13-04-2011, 03:10 PM الاجابة:علشان تقفل سؤال القصة
طالب الابداع والتميز 19-04-2011, 01:10 PM الاجابة:علشان تقفل سؤال القصة
يا ريت يا أخى كان سؤال سهل وبسيط ومضمون كنا مش هنشتكى ...
لكن مذاكرتها صعبة جدا وخاصة للى ذاكرته ضعيفة زى حالاتى عايز يقرا القصة 50 مرة عشان تثبت وبالتالى تصفى على
3 درجات فى الامتحان بعد القسمة دى حاجة تشل ...
..Nour.. 05-05-2011, 05:31 PM - ما الفائدة لى كطالب أن أدرس السيرة الذاتية لكاتب كطه حسين ؟؟؟؟؟
حتي المدرس بتاعنا بيقولنا ملهاش اي لازمة مع الاعتذار والاحترام طبعا لطه حسين
بس كان الاحسن يثبتوا قصة القدس
كل الناس بتقول انها جميلة جدا
besogoodboy 07-05-2011, 07:05 PM دي قصة غبية جدا وملهاش لازمة هيعونا نحفظ بياكل بطباطس يخي دا نظام فاشي والقصة دي ليها اهداف سياسية
محمد السيد الديب 07-05-2011, 07:21 PM اتفق معك تماما
the cute daisy 15-05-2011, 07:30 PM فعلا شئ مستفزززززززز و رخم
لو حد قرا الرواية دي لوحده من غير ما يكون مجبر علي دراستها (و من غير حفظ طبعا) هيستفيد منها كتير
انما الأسلوب ده غبي
ايه اللي يخليني احفظ هو كان بياكل ايه و بينام امتي؟؟؟؟
دا غير انه بيرفع الضغط ممكن يعلم التفاهة
the cute daisy 15-05-2011, 07:34 PM لو كان طه حسين مازال حياً , وفي منصب وزير التربية والتعليم كان سيرفض تدريسها للطلاب !!
انا من رأيي ان تكون القصة مادة مستقلة بذاتها , بعيدا عن اللغة العربية , ولا تحسب من ضمن المجموع
مثل التربية الوطنية مثلا ...
والاسئلة تركز علي الاستفادة الحقيقية من القصة , لا من احداثها
بمعني : اقتباس جزء كبير من القصة و طرحه في ورقة الامتحان ,
ويكون السؤال محدد : حلل هذا الجزء , ووضح ما فيه من جمال , وبين ماذا تستفيد من ذلك في حياتك ...
و تكون الاجابة تبعا لوجهة نظرك !!
هل من مؤيد ؟
مؤيد جدا جدا جدا
دا هيوسع أفق الطالب و يخليه يركز علي جوانب تانية خالص غير التفاصيل اللي ملهاش لزمة
النجمه الطموحه 15-05-2011, 07:47 PM والله انا كل اما آجي اذاكرها اصاب بالاكتئاب واللي غايظني اكتر ان طه حسين مسبش حد في حاله كان بينقد كل الناس............
osos_44 19-05-2011, 07:19 AM ده راجل خنيق عمره ما شكر حد على حاجة ومكنشى راضى باللى هو فيه ابدا بدليل
لو انت بتذاكر هتلاقيه كل اما جيب سيرة مرتبه بيقولك :-
وكان لا يزيد عن ,...............
Basma52 25-05-2011, 01:12 PM والله انا معاك في كل كلمة يعني قبل ما ناخدها المستر كان يقولنا القصه طويله
وعايزه تركيز بس ميزتها ممكن تجاوب من اللي احنا فاهمينه
بس لما اخدتها بجد قصه معقده وكرهتها وقلت للمستر ايه الفايده اننا ندرسها ي
يعني طويله وكلها حشو ومفيش فيها احداث مهمه الا اتنين تلاته
وكمان تجيب احباط يعني بجد مش معقول انسان بشر يتحمل الحياه القاسية دي
وكان عندنا موجه لغه عربيه بنسأله ليه الحشو دا كله والتطويل والاكل والبيت... الخ كلام مفيش فيه فايده
رد وقال للامانه العلميه اننا ننقل كل حاجه بالتفصيل مش نقتصر في الجانب الفقير
ونطول في الجانب الحلو !!!!
وكمان مفيش ترتيب احداث وكلماتها معقده وتكرار الصبي والشيخ كل دا يلخبط الطالب بجد
شويه يكون كبر يرجع تاني لما كان صغير فيه ترتيب الاحداث ..؟؟
احنا ايه ذنبا في دا كله الله اعلم ندرس قصه من 33 فصل عشان نجاوب سؤال واحد بس !!!
بجد ربنا يعينا ونخلص على خير
Mr.axe 29-05-2011, 01:10 PM تصدق بالله انتا برنس الله يحرق طه حسين على اياامه انا مالى وماله بس
bebo4ever 02-06-2011, 11:10 PM تصدق بالله انتا برنس الله يحرق طه حسين على اياامه انا مالى وماله بس
مهما كان طه حسين ميجوزشى عليه الا الرحمه واحنا مسلمين حرام نشتم حد متوفى ولا ايه
nooneasme1 04-06-2011, 09:01 AM ارجو من المدرسين التعبير عن عدم رغبة الطلبة فى دراسة قصة الأيام عندما يكونوا مع موجهين المادة
nooneasme1 04-06-2011, 04:02 PM يا اخى ماشى أنا متفق معاك ....
اتعلمنا الصبر والإصرار والعزيمة ( أهو كلام وخلاص ) ....
ليه بقى ييجى فى الامتحان مثلا ويقولى فى الجزء الثانى فى بدايته ايه الصوت اللى سمعه طه حسين ؟؟؟
أقوله قرقرة الشيشة ؟؟؟؟؟؟ دى مش حاجة عجيبة ؟؟؟؟
وبالنسبة للغويات والمفردات وتعلم أسلوب الكتابة ده شئ جميل جدًا يا ريت يركزوا على المفردات
و فى الامتحان يجيبلى حاجات صعبة معانى ومتضادات وإيحاءات وغيرها دى ماشى
لكن ليه يخلينى أحفظ حياة طه حسين اهو احنا فاضيين.....
دى سياسة بايظة فاسدة مضمونها ( عبى واحشى وبعد السنة فرغ وامشى ) ....
دى حاجة تجنن ....
متفق معاك يا أخى
Khaled Essam 04-06-2011, 08:10 PM قصة ليس لها أي قيمة غير التنكيد على الطالب
ويا ريت لو حد يعرف بس ... طالب علمي هيستفيد إيه من منهج العربي أصلًا في 3 ثانوي؟؟؟
هوا حيجيلي في هندسة حاسبات مثلًا يقول لي: ما العوامل التي هيأت للبارودي أن يكون رائدًا للإحياء والبعث؟
ولا هييجي في كلية الطب يقول لهم: والنبي قولوا لي إيه هيا عناصر الرواية ... ولا لحظة التنوير ... ولا ... ولا ....
كلام ليس له أي علاقة بالحياة الواقعية على الإطلاق ....
وغير كده هوا مفيش حد غير طه حسين اللي كافح في حياته يعني؟؟ o.0
Jehad Mohamed 04-06-2011, 08:15 PM مادة العربى مادة زى اى مادة اخرى سواء للعلمى او الادبى فمش تقدر تغير فيه حاجة لكن بقى القصة دى مملة اوى ومش عارفة هستفيد منها ايه بعد كده
يوسف سالم 04-06-2011, 08:23 PM دعونى القى نظرة على حسب علمى
ان كان المنهج المقرر سابقاً هو القدس قصة تتكلم عن القدس لكن لما وجدوا فيها (امريكا واسرائيل واعداء مصر) من حماسة وتقديم شباب يتخذون صلاح الدين وغيرة مثلاً اعلى اجبروا مصر على تقديم شئ _ ليس بالبسيط لطه حسين_ ينغمروا فية وايضاً رومناسية وتعلم الصبر وغيرة .
وشكـــــــــراً
|