يا جماعه دا سؤال مش انا لوحدى الى بسأله تقريبا كل طلاب مصر بتسأله....ايه الغايه من موضوع الغياب دا..اموت واعرف اصل الواحد عمرة ما حيروح المدرسه والدروس ويلاقى الوقت الى يكفيه للمذاكرة انا جربت اعمل كدا واللع ما اعرفت واظن اننا نكون مابنروحش المدرسه ومتفوقين احسن ما نكون بنروح كل يوم ومانعرفش اى حاجه فى التعليم ...يعنى مصر حتستفيد مننا لو كنا بنروح المدرسه كل يوم بس جهله ولا مش مشكله موضوع الحضور دا بس الحمد لله متفوقين...يا ريت اعرف رأيكم فى الموضوع دا ...وانا من رايى ان نظام التعليم فى مصر فاشل فاشل فاشل...هيثم الشرقاوى ثانويه عامه

اصلك متعرفش

الاصل ان الطلاب الطبيعيين بيروحوا المدرسة

بس طبعا فى ايجيبت الواحد فينا عندو عشرين درس فى اليوم فيا حبة عينى هيعمل ايه ولا ايه

بس بجد المفروض المدرسة تتراح واللى مش عاجبه عندو منازل هتنور بييييه

يا استاذ محترف انا بتكلم على تفوق وتقدم احنا ملنا بالمدرسه الى حتخدوا فى المدرسه بناخد احسن منه فى الدرس وانت عارف المدرسين بيشرحوا ازاى فى المدارس...يا محترف صلى ع النبى

بص هو احنا عندنا بنروح المدرسة كترفيه يعنى بس الحمد لله قليل اوى لما تلاقى حد بيسمع لشرح المدرسين و الباقى يا اما بيذاكروا يا اما بيحلوا واجب الدروس واللى بيتكلموا واللى بياكلوا يعنى كده ولا كده ادينا بنذاكر ونرفه عن نفسنا برضه :بدل ما نتعقد ونيجى على اخر السنة ونشدفشعرنا :eek::mad:وشكراااااااا;)

إنت في الأساس طالب تعليم .. سواء حكومي أو خاص انت مطالب بالحضور نظير الخدمة اللي بتتقدملك

وطبعًا الملتزم عمره ما هيتساوى باللي مبيلتزمش

عندك حق انا مدرستي شديدة جدااااا في موضوع الغياب
ومن دلوقتي اصحابي اتفصلوااااااا..

يا جماعه والله المدرسن الى عندنا خنقه اوى اوى اوى انا بروح اتخانق معاهم وامشى المهم برضه مجدش رد عليا ايه الغايه من موضوع الغياب؟؟؟؟افهموا السؤال زى منا بقصدة وردوا عليا والنبى الا انا شرى خلاص ما فضلش فيه حاجه اشدها

أنا سألت المستر بتاعي على الموضوع دة و قالي عشان لمل يجي حد من الوزارة يلاقي طلاب ولا يعني عايزهم يقولوا الطلاب مش بييجوا عشان مفيش مدرسين بتشرح و يدخلوا في س و ج . و هاتتأكد من الكلام دة من حاجة(لما بييجي حد من الوزارة (المتابعة)مش بتشوف اية الي بيحصل كل مدرس يصحح الكشاكيل و يكتب الغياب ......... بس طبعا مش كلهم)و حاجة تانية لازم يكون في اجراءات رسمية . يعني الطلاب الي بيزوغوا من المدرسة افرض واحد مات ولا جراله حاجة هيكون مصيبة في رقبت المدرسة فلازم يتكتب غياب

و فوق دة كلوا احنا برضوا بلد الانضباط و النظام ولا اية......................

بردوا كلكوا فاهمينى غلط انا مابتكلمش على انك تنكتب غياب وكدا انا بتكلم موضوع الغياب اصلا بصفه عامه ليه الوزارة ذات نفسها حطاها ليييه هو دا سؤالى مش الغياب بالنسبه للمدرسه انا بتكلم على الغياب بالنسبه للدايرة التعليميه.بس........هيثم الشرقاوى

بص يا هيثم المطلوب ورا موضوع الغياب حاجة بعيييييدة تماما عن الحال المصري حاليا يعني: هما أصلا عاملين الغياب لان أغاب الطلاب بيكسلوا يروحوا المدرسة و دة طبعا مخالف للشروط التعليمية أو تقدر تقول عايزين يقلدوا الأجانب . بس الأجانب بيستفادوا من المدرسة . والحاجة التانية الي بقول ان هي بعيدة عن حالنا . يعني الأهالي بتدفع فلوس عشان ندخل المدارس نقوم احنا مانروحش؟ طبعا خايفييييييييييين على الأهالي و مستقبل المصريييين . والحاجة الي هما فعلا أصدينها ان هما يطلعوا عين المدرسين يعني مالآخر مش هما بياخدوا ماهية يبقى لازم يطلع عينهم.

أما بالنسبة للمصالح الحكومية فهما برضوا بيطلعوا عين الموظفيين
وصدقني هما نفسهم معندهمش سبب مقنع للغياب



و حاجة تانية عايزة أقولها أنا مرة شوفت تعليق على النت واحد بيقول(مصر هي بلد المعذبين في الأرض)
أكيييييييييييد

يا جماعه مصر ملها المسؤلين ودلا الدزم هما الى مسئولين مش عارف بيحبوا يصعبوا الموضوع علينا والله العظيم احنا عقلنا احسن عقل فى العالم بس الى يقدر يشملنا ويوظف العقل دا بشكل صحيح ودا الى بيعملوه الاجانب اه مش عقول ذريه بس توظيف بشكل رائع والله العظيم ربنا ميرضاش بالى احنا فيه دا خااااااااااااااالص وحرام بجد.....هيثم الشرقاوى

هو المفروض نروح المدرسة
بس مش المفروض ياخذوا الغياب

هو احنا موظفين عشان يخصموا مننا المرتب عشان الغياب؟؟؟؟!!!!!!

اه والله دا ناقص يعملوا دفتر حضور وانصراف

نام على الجنب اللى يريحك اللى انت شايفه صح بالنسبالك إعمله
وآخر حاجه تقلق هى الغياب دى

الغايب مش هيقدرو يعملولك به أى حاجه
كله تهوش فى تهويش

الرد رده عليك الاستاذ محمد السادات
ثانيا ليه مش نروح المدرسه ونسأل الاساتذه عن أى شىء مش نعرفه
سؤال قواعد ....مسأله
على قد ما الحضور صعب بس والله مفيد جدا
وإسأل مجرب

وعلى فكرا التعليم فى مصر مش فاشل ولا حاجه
واللى يثبتلك كل دا
أكيد إن مصر خرجت علماء من كل الانواع
وأخر مثل الدكتور/أحمد زيل
ولا ايه
إحنا اللى بإيدينا نخليه فاشل وبإيدينا بردوا يكون أرقى تعليم فى العالم

ضياء انت شوفت لما احمد زويل اتكرم قالوا ايه المواطن الامريكى وماتنساش انه احمد زويل بجلاله قدرة معرفش يعمل اى حاجه هنا فى مصر وكل حاجه اتعملت فى امريكا ولا ايه ..؟؟ يا جماعه طب سؤال انا دلوقتى نفسى ادخل هندسه ليه بقى اخد كيميا وفرنساوى وانجليزى ليه يعنى المواد دى وطبعا المواد دى لا تتصل بالهندسه باى صله ردوا بقى عليا ..؟؟مستنى اهو...............هيثم الشرقاوى

لا طبعا المواد دي لب الموضوع يا كابتن
يعني ماينفعش تبقى مهندس او بتدرس هندسة وانت ماتعرفش انجايزي
وكمان انت ناسي ان الكيميا دي تخصص من تخصصات الهندسة؟ (الهندسة الكيميائية والبترولية او النفطية)
وبعدين هما ايش عرفهم انك عايز تخش هندسة ههههههههههههههههههههههه
كلو بيمشي على كلو

اقولك على سر انا فى الترم الاول روحت حوالى شهر وجالى انظار بالغياب والترم التانى يوم واحد بس ومرة علشان الاستمارة ومرة علشان اعمل بطاقة ومرة اخيرة علشان استفاد من الشرح لاقيت المدرس بيقولى بقالى سنة مشوفتكش وهرانى اسئلة ومشرحش حاجة واصلا النظام اللى حطاه وزارة التربية والتعليم غلط قال الطالب يروح المدرسة محضر الدرس والمدرس يسال طيب ولو حاجة مش عارفها او مفهمتهاش اعمل اية المدرس يسال بنت من اللى بتروح عندة وياللاحراج ويخلى البنات تضحك على وانت بقى تقولى مصر هتستفاد اية يا عم اهى مظهرة على الفاضى بلد بتاعت شهادات صحيح يا عم اصلا نص اللى بنتعلمة بيروح فى الغسيل وملوش فايدة بيعلمونا الكمياء من اول ما اختروعوها يا عم دة كلام وعايزنا نطور

يا اخ اسلام ....انا كل قصدى ان المواد الى تدرسها لازم تكون انت الى تختارها..ولو نظام التعليم عاجبك يبقى ازاى تعرف انجليزى ومهتم بيه ودينك الى هى مادة الدين ما بتقرهاش غير اخر يوم او ما تقرهاش خالص....والله حرااام عليهم......ومال الهندسه بالانجليزى انا مش فاهم وجهه نظرت حضرتك...وانا مش عايز ادخل هندسه كيميائيه ايه لازمه بقى انى ادرس الكيميا..بدل الوقت الى بضيعه فيها ادرس حاجه خاصه بالحاجه الى انا ناوى ادخلها...مش كدا ولا ايه....شكرا للجميع...هيثم

يا جماعه الاصل فى التعليم والطبيعى وجود مدارس
وعلى حسب شخصيتك ونظامك تقدر تستفيد من كل شىء

بلاش يا جماعه نحمل الدوله كل شىء
احنا علينا برده مسئوليه

نعيب زماننا والعيب فينا 000 وما لزماننا عيب سوانا

بص ياهيثم انا مش هتكلم كتير وكدة
احنا المفروض اننا نروح المدرسة لو كانت فعلا مدرسة والمدرسين مدرسين عندهم ضمير مش كل اللى يهمة انة يجى يمضى حضور وانصراف علشان الدروس بتاعت حضرتة متتاخرش انا مش مصدقة ان مكنش فى دروس قبل كدة انا بابا بيقولى اللى كان بياخد درس بنعملة فضيحة ونقول علية فاشل مش انتوا ؟ انا فى ناس اعرفها بتخد درسين فى كل مادة !!
اما بالنسبة ليا انا كنت منتظمة الترم الاول كلة مش بغيب الا اما اكون تعبانة جداااا روحت شئون الطلبة اسال على غيابى لقيتة كتير جداااا سالت المسئولة عن الغياب قالتلى علشان انتى غيابك قليل وفى بنات غيابها كتير فبنشيل ايام من عندهم نحطها عند اللى غيابهم قليل زيك علشان ميتفصلوش طيب انا ذنبى اية؟
الترم دة قولت دى محصلة بعضها اروح زى مش بروح اقعد فى البيت اذاكر احسن مروحتش غير 3 ايام بس يوم كان خيانة قالوا هنكتب الاستمارات وكان كدب واليوم التانى كتبنا الاستمارات فعلا اما اليوم التالت روحت المدرسة لابسة الزى المدرسى وشايلة الكتب واخر انضباط مدرس قابلنى قبل المدرسة قاللى خير الزيارة المفاجئة دى قولتلوا مفيش حضرتك اصل عندى رست من الدروس النهاردة قولت اجى استفيد حاجة فى المدرسة قاللى مفيش حد موجود قولتلوا يعنى حضرتك شايف اية قاللى روحى ذاكرى فى البيت ؟!!

يا جماعه دا سؤال مش انا لوحدى الى بسأله تقريبا كل طلاب مصر بتسأله....ايه الغايه من موضوع الغياب دا..اموت واعرف اصل الواحد عمرة ما حيروح المدرسه والدروس ويلاقى الوقت الى يكفيه للمذاكرة انا جربت اعمل كدا واللع ما اعرفت واظن اننا نكون مابنروحش المدرسه ومتفوقين احسن ما نكون بنروح كل يوم ومانعرفش اى حاجه فى التعليم ...يعنى مصر حتستفيد مننا لو كنا بنروح المدرسه كل يوم بس جهله ولا مش مشكله موضوع الحضور دا بس الحمد لله متفوقين...يا ريت اعرف رأيكم فى الموضوع دا ...وانا من رايى ان نظام التعليم فى مصر فاشل فاشل فاشل...هيثم الشرقاوى ثانويه عامه


ماشى ياشرقاوى
بس بلاش تتكلم فى السياسة
اخوك نادر ثانوية كاكا برضو