بسم الله الرحمن الرحيم

طبعاً احنا فى 2011 ... بس تيجى نرجع ورا ... 40 سنة .. تيجى نعد ؟؟؟

2000

1981

1978

1971

حوار بين حسنين و محمد

فى قهوة .. على اغانى العندليب

و نسمع .. (( وقفت.. و الخوف بيعنيها .. تتقفد فنجانى المقلوب .. قالت يا ولدى .. لا تحزن .. فالحب علينا . هو المكتوب .. يا ولدى ))

و نرى يد و دماغ .. حسنين تهتز .. طرباً .. و تدخل موسيقى الدف .. و الفلوت الفردى الى قلبك

و يقول حسنين . : يا محمد اخبار بلدنا .. بقيت كويسة ؟
يقوله محمد : اه .. طبعاً ان شاء الله .. السادات بعد ما مسك .. هيخلصنا من الصهيونية ..
حسنين : و اخبار فلسطين ؟
محمد : اهو بيناضلوا عشان بلدهم تتحرر ..
حسنين : ماشى انا هضطر اقوم دلوقتى عندى ميعاد مع بعض الاصدقاء .. هناقش حاجة فى الاقتصاد
محمد : ماشى يا حسنين اشوفك ان شاء الله على خير ..


..........
و دلوقتى نرجع 2011 تانى و نشوف حوار مع احفاد حسنين و محمد

1971

1985

2000

2011

ميشو .. و زيزو

و على انغام سلاطنة النغم العالمية ... فى كافية صن وينجز بالهرم

Step Up 2 The Street 'low'

(( Shawty had them Apple Bottom Jeans [Jeans]
Boots with the fur [With the fur]
She got the whole club lookin at her
She hit the flo [She hit the flo]
Next thing you know
Shawty got low low low low low low low low ))

ميشو : ازيك يا واد ...
زيزو : عامل ايه يا معلم ... عملت ايه فى حوار نانسى ..
ميشو : W.T.F نسيت ... بس عمتاً هى بت فكسانة
زيزو : Lolz عندك حق .. سيبك انت .. شفت اللعبة الجديدة Tyrant
ميشو : ((اها )) بس مش بعرف العب كل ما اقول خلاص انا هبقى كويس فيها الاقينى .. وقعت تانى
زيزو : Rofl منتا Noop و ال Noops اللى زيك ميلعبوش
ميشو : ماشى ماشى .. اشوفك . Tom. بقى
زيزو : Nah مش هعرف اجى ورايا مشوار مهم جدا ً
ميشو : ايه هو ؟
زيزو : متراهن مع الواد كوكى على 200 جنيه لو كسبته ماتش بلاسى ستيشن
ميشو : يالهوى .. ربنا يوفقك . .. لو فيه حاجة اتصل بيا
زيزو .: ماشى يا ماو .. سلاموز

...............................

ينهار ازرق .. طبعاً فارق السما و الارض .. زمان كانوا بيهتموا بفلسطين .. دلوقتى بالبت نانسى .. زمان كانوا بيتناقشوا فى الاقتصاد .. دلوقتى بيتراهنوا مع (( كوكى )) على ماتش بلاى ستيشن

و كمان لغة القران بقى بيتخللها .. كلمات غريبة علينا .. حتى الانجليزى بوظناه ^^ ... No بقيت nah + Nopes سبحان الله علينا بجد ..

و اللى يموتنى كلمة ماو او مان .. متقول راجل .. و لا الكلمة دى بقيت معدومة عندنا .. و لما نلاقى ناس بتتكلم محترم .. يقولك هيتفلسف او هيعمل فيها فقيق .. انا للاسف بقيت مدمن اللغة لدرجة انى بقيت بقولها ضمن اللغة العادية .. بقينا بنكسل .. نقول لا .. و بنقول No بقينا بنكسل .. نقول معرفش و بنقول .. IDK

و فى الاخر نقولك الزمن غير الشباب .. الزمن غير الناس.. و الزمن رد علينا ..

نعيب زماننا و العيب فينا ... و ما لزمننا .. عيب سوانا

و نهجو ذا الزمان دون ذنب ... و إن كان لزمان لساناً لهجانا

UserNaMo

ThaNwYa

كدا بردوا يا أمجد :angry2:
العنوان خضني :o
لي عودة ان شاء الله للتعليق عليه .

عندك حق

بقينا فى زمن غريب

شكرا عا لموضوع الرائع

بقينااا بنشوف حاااجااات غريبة فعلا
بس اعتقد الناااس دى فئة معينة مش كله
شكرررا على الموضوع الجميل

تصدق انا حاولت افهم العنوان
ماعرفتش ! :d
اجيب يمين اجيب شمال بردو مافيش :d
ممكن الترجمة ؟ :blush:

اما بالنسبة للموضوع فعلا شيء غريب
كل حاجة اتغيرت والاهتمام بدل مايكون اكثر وعيا
نلاقيه بيزداد انحطاطا
بس بعد الثورة نتوسم ان الحاجات دي تكون من الماضي
ونكون جيل رجالة بجد
وربنا يستر
شكرا عالموضوع الجميل

ده بقى اللي بقولوا عليه
gap generation
اكتر حاجة بتعجبني في ايام زمااان
انهم كانوا بيعيشوا حياة مليانة بالتحديات
وبرده كانوا بيعدوها
مش احنا
بس يمكن نبقى احسن بعد
الثورة
ميرسي عالتوبيك الشيق ده

كلمات غريبة فعلا ........واعتقد معظم الشباب بيتكلموا بالطريقة ديه دلوقتى واللى بيتكلم طبيعي بيقولوا عليه فقيق زى ما انت قلت كده:cool:
بس سؤال فضولى بقى يعنى ايه W.T.F & Rofl ؟؟:d
وشكرا على موضوعك:)

شكراً لمرور الجميع .. و الحاجات اللى متكوبة دى .. اختصارات .. يعنى مثلاً W.T.F = What A **** و كلمة Rofl = Rolling On THe Floor Laughing s و الاولى لما حد يقولك حاجة تصدمك تقولها .. و التانية لما معاناه بدور فى الارض من الضحك .. كده يعنى ^^

صراحة استغربت اسم الموضوع :o
بس الحمد لله رجعت لطبيعتى:)

كانت جميلة الحياة زمان بجد
كتير بحلم انى كنت اعيش فيها
الناس كانوا بيحبوا بعض بصدق
وكانوا بيخافوا على بعض
وعلى الرغم من ان وسايل الاتصال مش زى دلوقتى
الا انهم كانوا بيحرصوا على السؤال على البعض
دلوقتى ما شاء الله
مفيش حد بيسأل على حد:(
حتى الناس اللى موجودين دلوقتى زى تيتة وكده
بجد مختلفين تماما
بحب جدا طريقة تعاملهم مع بعض
وبقعد اتفرج عليهم:bosyht9:
حاسه انى خرجت عن الموضوع
بس حضرتك عامل مقارنة بين الحياة زمان ودلوقتى
استغربت من الفرق الشاسع ده
اكيد كانوا زمان عندهم كلمات روشة برده
بس مش بالطريقة اللى موجودة دلوقتى
يعنى مش عارفه ايه الجمال فيها
بجد مستفزة جدا:blush:
معرفش اللغة الغريبة دى
الحاجة الوحيدة اللى عرفتها هى lol
وعمرى ما هفكر اقولها او غيرها من الكلام الغريب ده

يعنى لما بتخيل كده كمان 20 سنة مثلا
هيطلع ايه جديد؟؟؟؟؟
يعنى هيكون فيه الاغرب من ده؟؟
ده احنا هنشوف العجب:o

معلش طولت;)
مرسى على الموضوع:)
وعلى" قارئة الفنجان" هتخلينى اسمعها دلوقتى بقالى فترة مش سمعتها

اولا انا بشكر حضرتك على ترجمة العنوان لانى لم افهمه يمكن جهل باللغة او حاجة . ثانيا مش اللغة بس اللى اتغيرت واصبحت غريبة عن زمان حاجات كتير اصبحت غريبة ولما نستفسر عنها نقول معلش اصل الزمن اتغير ومعرفش ايه دخل الزمن فى الاخلاق والاحترام والتمسك بلغة القران وربنا يهدى الجميع

لسه وما خفي اعظم
يا ترى شو اللي جاي كمان ؟؟؟؟
ربنا يهدي الجميع
تقبلو مروري وتحياتي

نعيب زماننا و العيب فينا ... و ما لزمننا .. عيب سوانا

و نهجو ذا الزمان دون ذنب ... و إن كان لزمان لساناً لهجانا

انت قلتها مفيش تعليق غير كده

الزمن عمره ما كان المشكله لان الاشخاص نفسها هى المشكله

تناسى قضية فلسطين دى اكبر كارثة بس تاكد ان مش الكل ناسى ومسيرهم هيشوفوا تمن كل اللى عملوه فى يوم من الايام وعن قريب مش بعيد

شكرا على موضوعك الرائع

شكرا على الموضوع المهم والشيق ....

اللغة الجديدة اسرع و بتسهل التعامل مع اللى بتكلمو لو كان عارفها بس يعنى ايه Lmoe تقصد Lmao ؟

مش عارف اقول ايه بس زمان كانوا بيتكلموا بالفصحى وبعدين بدأ ظهور العامية (اللغة العربية الدارجة) ودلوقت معظم الشباب مش بيتكلم غير فرانكو أو انجلش عادى بس بلُغة الاختصارات دى... دى مش عيب لا فى الزمن ولا فى الشباب,, ممكن اللى بيكلمك انجلش دا يكون كان اتعلم فى مدرسة لغات او كان بيدرس برة البلد فبقت دى لغتو الاساسية اللى اتعود عليها زى مكلنا متعود على اللغة العامية... رأيى ان لازم الجيل اللى جاى يتعلم الفصاحة من صغرو عشان يحافظ على اللغة العربية.

MG

انا اتعاملت مع ناس زي دي قبل كده
ربما العيب مش في اللغة
العيب في الطموح
الناس دي مش عندها اي نوع من الطموح
حتي و إن كان غير مقتدر مالياً
لكن معندوش طموح او حلم او هدف
و لما توريهم مشروع كبير او عالي بتحس فيهم حماس غريب
يمكن لانهم مش متعودين علي الشغل
طبعاً ده مش الكل
ممكن تعتبرها نسبة منهم
عامةً ربنا يهديهم و يفتح عليهم
تقبل مروري السريع

اللى يعيش ياما يشوف:slap1qk6:

شكراااااااااااااااا لك.
موضوع في غاية الاهمية.
ولكن النموذج ده نسبة قليلة و لكنه اكثر لفتن للانتباه و اطمئن علي شباب بلدك.
‏(الصفحة البيضاء كبيرة فلا تنظر فيها الي نقطة سوداء صغيرة).
شكرا.

زمان كانوا بيهتموا بفلسطين .. دلوقتى بالبت نانسى .. زمان كانوا بيتناقشوا فى الاقتصاد .. دلوقتى بيتراهنوا مع (( كوكى )) على ماتش بلاى ستيشن

و كمان لغة القران بقى بيتخللها .. كلمات غريبة علينا .. حتى الانجليزى بوظناه ^^ ... No بقيت nah + Nopes سبحان الله علينا بجد ..

و اللى يموتنى كلمة ماو او مان .. متقول راجل .. و لا الكلمة دى بقيت معدومة عندنا .. و لما نلاقى ناس بتتكلم محترم .. يقولك هيتفلسف او هيعمل فيها فقيق .. انا للاسف بقيت مدمن اللغة لدرجة انى بقيت بقولها ضمن اللغة العادية .. بقينا بنكسل .. نقول لا .. و بنقول No بقينا بنكسل .. نقول معرفش و بنقول .. IDK




كل ما ذكرته صحيح يا أمجد ويوجد أكثر منه !
سياسة الدولة والتي كانت تهدف إلي تغييب عقل الشباب وتحويلهم إلي ببغاوات تقلد غيرها ولا تعي ما تقلده .
فرأينا تدهور في مراحل التعليم المختلفة , ووضع التاريخ علي هوي كل حاكم , في نفس الوقت الذي تزامن فيه اتجاه كل وسائل الاعلام لكل ما هو تافه والعمل بكل جدية علي ترسيخه في وجدان الشباب بصفة خاصة , فأصبحنا نري الأفلام والمسلسلات والأغاني والبرامج أيضاً كلها تعمل علي تفريغ العقول من كل ما هو مفيد واستبداله بأشياء تافهة تجعل الشباب لا تعي ما يحدث حولها . هذا بخلاف انحسار دور الأسرة والبيت وخاصة في ظل الغلاء والبطالة والسعي دوماً وراء لقمة العيش .
واحد زميلي ( مدرس رياضيات ) سألني مرة عن معني ( lol ) لكن لما قالها قالي يعني ايه 151 ؟ :d:d
طبعاً ضحكت جداً وقلتله كل واحد بيشوفها من تخصصه ;)
شكراً علي الموضوع .
تقبل مروري .

الى يعيش ياااااااااااما يشوف
ولسه؟؟؟؟؟؟

جزاك الله خيرااااااا وشكرا على التوبيك

كل وقت وله ادان

موضوع جميل
بس الان مش كل الناس بتفكر فى نانسى وتامر
بجد موضوع جميل ميرسى

ولسه يا ما هانشوف

بس عنوان الموضوع فظيع مامفهمتش منه حاجه
قلت ادخل اشوف فى ايه
والحمد لله فهمت
ربنا يهدى

نعيب زماننا و العيب فينا ... و ما لزمننا .. عيب سوانا

و نهجو ذا الزمان دون ذنب ... و إن كان لزمان لساناً لهجانا

بحب اوى القصيدة دى


*************

التوبيك كله جميل اوووى والله

بس بردو بلاش اليأس والاكتئاب دة .. لان مش الكل كدة .. وبالعكس احنا يمكن عندنا وعى اكتر من غيرنا

زمان كان فيه بعض التفاهات بردو .. زى لما الرجالة كلها تتلم كأنهم هيعملوا ثورة عشان يسمعوا ام كلثوم .. ماشى كويسة والناس بتحبها بس هى فى الآخر مغنية

وزمان بردو كانت المحجبة دى فلاحة .. ناس كتير اعرفها هى دلوقتى كبيرة فى السن بشوف صورها كانو معظمهم بشعرهم وكدة يعنى

يعنى فيه سلبيات فى الزمنين .. اهم حاجة اننا دايما نبص للأحسن ونغير من نفسنا للأحسن

شكرا كتيير على التوبيك

جزاك الله خيرا

شكررررررررررااااا على الموضوع الجميل
الدنيا دى غريبة بشكل فظيع جدااااااا

موضوعك جميل .. ولسا

ايه ياعم المصطلحات الغريبة دي ... انت كدا دخلت كمان 60 سنة قدام
وبعدين طبيعي تلاقي في فجوة بين الجيل ده واللى قبله ... وبين الجيل اللى قبله واللى قبل قبله
وبين اللى قبل قبله واللى قبل قبل اللى قبله ... ومعاك كمل انت اللفة :d

كما إنه التكنولوجيا بعد ما سهلت التواصل بين جميع الثقافات وجميع اللغات وجميع المستويات الفكرية والاجتماعية
طبيعي تلاقي فكر جديد وثقافة جديدة وسياسة جديدة - مش اعلان جزب وطني ده على فكرة :d-تكون سمة مميزة للجيل ده

وبعدين لو الجيل اللى بتتكلم عنه بتاع نانسي وتامر ... مكنش تامر اتضرب يوم الثورة
انا عن نفسي افتكرته حيتشال فوق الاعناق ... بس الحمد لله طلع بيعيط :d