السلام عليكم ورحمة الله وبركاته مين فيكم سمع عن احصاء السبت الاخير هو احصاء استقراري للمدارس يؤخذ فيه بيانات المدارس والهيئات والابنيه التعليميه وعمل احصاء للعاملين الاساسيين في الهيئات التعليميه وهو يتم كل اخر شهر ويسمي احصاء السبت الاخير وطبعا النهارده تم عمل احصاء السبت الاخير بدون ان توضع اسماءنا نحن المعلمون الجدد في هذا الاحصاء وعندما ذهبت الي الادارة اليوم وقلت لهم بان شيئا لم يتغير بل بالعكس ما زلنا نمضي في دفاترنا القديمه دفاتر العقود المميزة قالتلي ما يقدرش ينقلك الا لما ياتي الاعتماد المالي في شهر سبعه يعني من الاخر الجواب نبله ونشرب ميته وده اللي كنت خايف منه اطلب من كل عضو يشوف كشف احصاء السبت الاخير وهو موجود مع اخصائي التطوير بمدرستك لو اسمك ادرج مع الاساسيين يبقي انت اثبت غير كده يبقي تروح انت ماززلت عقد مميز ولكن كل ما حدث انك اصبحت مكيف ههههههههههههه وادي رابط احصاء السبت الاخير في موقع الوزارة عشان محدش يقول عليه متشائم ولكنها الحقيقه المرة اسمك ادرج معاهم تبقي اثبت اذا لم يكن فانت مهمش وتعامل معاملة العقود
http://services.moe.gov.eg/
http://schools.moe.gov.eg/emp_static/

طب م انا عملت موضوع قبل كده وقلت يااااجماعة غيروا البيانات القديمه في الاحصاءولا حياة ...
انا عملت كل ده من اسبوع وبياناتي خلاص في الاحصاء جديدة..
انتوا اللي نايمين شويه
وبعدين يا سيد انت مش متشائم ولا حاجة انت فعلا بتحب الغم واوعي تزعل مني
اما انت اتعينت وخلاص غيرت اسمك الي المعلم الحزين
علشان خاطر ربنا شوية تفاؤل بقي.........

اخواني احنا غير معترف بينا في المدارس

على انا اتأكدت ان اسمي في الاحصاء الاستقراري ضمن الاساسيين و عندما اتصلت بمسئول الاحصاء بالادارة أكد اننا يجب وضع أسمائنا ضمن الأساسيين و كفايه تشاؤم يا جماعه لأن موضوع التعيين ده صفحة و قلبناها خلاص و دلوقتي بندور على الصفحة اللي بعدها
(على فكرة انا محافظة الشرقية - ادارة الحسينية )

طيب اشمعنا عندنا مطلبوش مننا طيب نشتكي فين احنا مش عارفين حاجه والادارة نايمين ده حقنا ابسط حقوقنا مطولنهاش وكل ما حد يكلمهم يقولك مع الاعتماد المالي اذا هي كدبه

اللة ينوررررررررررررررررررررررررررررررر

يعني انت كنت معلم مساعد حزين ودلوقتي معلم حزين ومتشائم كمان والله العظيم انا اللي عامل الاحصاء بتاعنا بنفسي ومكتوبين مع الاساسيين وبنمضي مع الاساسيين من ساعة ما استلمنا الجوابات في 1/3/2011 وموجه القسم هو اللي قالي اكتبوا اسمائكم بعد اسم المدير في نفس الدفتر وبالنسبة للاحصاء انا سلمته بنفسي وانا باراجعه مع المسئول قالي الناس اللي اتثبتوا في ها التاريخ يكتبوا مع الاساسيين احلفلك بالطلاق علشان تصدق وتبطل تشاؤم وبعدين الكلام دا خلاص عدناه وعملنا منتدى جديد وخلصنا من الهم القديم بقى ما تفسدش علينا فرحتنا بقى اله يخليك

يوم الخميس 31-3 تم عمل الاحصاء الاستقراري بالمدرسة ولم تدرج اسماء المعينين الجدد ضمن قائمة الاساسيين وتم الاتصال بقسم الاحصاء للاستفسار عن ذلك وقال موظف الاحصاء ان تدرج اسمائهم ضمن المتعاقدين لانه لم يصل شئ بخصوصهم حتى الان وهذا ما حدث بالفعل ( ادارة مطاي التعليمية )

عندك حق يا حزين واضح أنه بينضحك علينا فى المنيا كل كلامك صح بخصوص معاملتنا كمتعاقدين وإلى الآن لم يتم تسجيلنا فى دفتر الأساسيين والمدير بيقول لما يبان لكم حل محدش عارفكم شغالين أزاى

وليد من المنوفية
تم إدراج جميع المعلمين(المساعدين) المعينين حديثا فى الإحصاء الإستقرارى لعام 2011 ضمن المعلمين الأساسيين

ههههههههههههههههههههههه ايه كل الناس اسمها في احصاء السبت الاخير كلكم اتكتبتم وانا بس ومدرستنا out of the game

انا اسمي نزل في الاحصاء
وكذلك صفحة الموظف تفتح مكتوب فيها الدرجة
لانه كان لازم تسلم صورة من الجواب مع صورة من اقرار القيام بالعمل لقسم الاحصاء

الاستاذ المعلم الحزين كفاك تشكيك
احصاء السبت الاخير يتم اعداده في نهاية السنة الميلادية
احنا في محافظة حلوان مرتباتنا زادت الي 466.65
وكمان تم تسجيل اسماؤنا في كشف 1 سري يعني هيبقي لينا الحق في المراقبة علي امتحان الشهادات لاول

في حاجة مش فهمها في ادارة بسيون بعد اول عام تعاقد تم كتابة اسمائنا في احصاء السبت الاخير وبنمضي في دفتر الحضور والانصراف عادي مع المعلمين حتي لما اتنقلنا كفر الزيات بنمضي معاهم عادي بس اسماء المتعاقدين سابقا كانت تحت بعض في اخر الكشف وده شيء طبيعي لاحترام السن والاقدمية وبالنسبة للتعين خلاص امره انتهي وشوية كده ونبقي نطالب بالكدر الي باله اكثر من سنة ولا نكتفى بصرفه من 1-3-2011 او حتي نرفع قضية ومن سبشي حقنا

السلام عليكم الاخ الكريم لاتتشائم كثيرا واستبشر خيرا ان شاء الله الاوضاع هتتغير فى خلال شهور قليلة جدا وخليك مع الكداب لغاية..........شهر 7 وبعدين انت عارف ايه اللى ممكن نعمله

حد عنده فكره عن الاحصاء في بني سويف ؟

أسمع إت احصاء السبت في المرحلة الابتدائية
هل يوجد في الاعدادية ....... حد يقولي
:excl::excl::excl:

بعد التحية والسلام : إلى المعام الحزين أنا دخلت على الرابط وفتح صفحة الأكاديمية أعمل إييييييييييييييييييييييييييييييييييييييييييييييهول ك الشششششششششششششششششششششششششششششكر

رحت فين يامعلمنا الحزين

يا قوم احصاء السبت الاخير اتلغي من زمان في الأقصر يعني كان موضة وحمضت

حد عنده فكره عن الاحصاء في بني سويف ؟

الاحصاء فى بنى سويف تم بطريقة تمام وتم حساب المتعاقدين ضمن الاسايين عادى كلنهم اساسيين من فترات
انا تابعة لادارة الواسطى واسمى كان فى كشوف الاساسيين

الاستاذ المتشائم جدا لقد تك تعينك وهذ مسألة انتهت بعد صدور القرار الوزارى رقم 53 بتاريخ 14-2-2011 لذا كفاك تشكيك

احنا فى إدارة السرو محافظة دمياط فعلا مدخلناش السبت الاخير فى شهر مارس
لكن موظفة شئون العاملين عندنا قالتلى النهاردة ان اسمى هيدخل مع الاحصاء الجديد فى شهر ابريل من يوم ما قرأت موضوع حضرتك وانا اعصابى تعبت متشكرين يا عم على التشاؤم ده كله

احنا فى إدارة السرو محافظة دمياط فعلا مدخلناش السبت الاخير فى شهر مارس
لكن موظفة شئون العاملين عندنا قالتلى النهاردة ان اسمى هيدخل مع الاحصاء الجديد فى شهر ابريل من يوم ما قرأت موضوع حضرتك وانا اعصابى تعبت متشكرين يا عم على التشاؤم ده كله
تحت امر حضرتك اي خدمه كل متحبي تتشائمي تعالي واقري موضوعاتي فعلا يا جماعه انا اسف بالنسبه لاحصاء السبت الاخير ان شاء الله كلنا هنتكتب فيه في شهر ابريل ومبرووووووووووووووك التثبيت فعلا