مشاهدة النسخة كاملة : خلى بالك من زرايرك


Specialist hossam
02-04-2011, 01:37 AM
بسم الله الرحمن الرحيم

المكان


الورشة الفنية لتصنيع ( العمدة الآلي )



الزمان


كمان عشرميت سنة كده و لا حاجة ,



الموضوع
الأسطى بلية... أحد عباقرة الوطن الأفذاذ , توصل لتصنيع روبوت ذكي http://aljazeeratalk.net/forum/images/smilies/120.gif,

يا ألف نهار أبيض ... http://aljazeeratalk.net/forum/images/smilies/64.gif يا ألف نهار مبروك

عقبال عندك يا أم فاروق



المشكلة :

الروبوت شغال بالريموت كنترول ,

و كل ما الروبوت يتعامل مع شخص , يعطي لهذا الشخص الريموت كنترول بتاعه ,

يروح الشخص ده قايل له : انت روبوت غبي ,

و يروح الشخص ضاغط على الزراير و يخليه يخبط نفسه في الحيطة
http://aljazeeratalk.net/forum/images/smilies/63.gif


و شوية و يقول له : انت روبوت عبيط

و يروح ضاغط على الزراير و يخليه يوقع نفسه من على السلم

و ...... غيرها



صاحبننا المخترع المعلم بلية حاول بشتى الطرق إنه يتغلب على المشكلة http://aljazeeratalk.net/forum/images/smilies/58.gif دي

و ما قدرش ,

ولاد الحلال دلوه على حكيم صيني http://aljazeeratalk.net/forum/images/smilies/35.gif من زمن الفن الجميل اسمه ( تشانج لي ) ,

قالوا له : روح و اسأله على المشكلة بتاعة الروبوت بتاعك ده

قام المعلم بلية ما كدّبش خبر ,

و ركب ( توك توك نفاث ) http://aljazeeratalk.net/forum/images/smilies/48.gif للصين

و نزل بعد السور عند تاني فتحة يمين وسأل عن الحكيم ( تشانج لي )

لكن ما حدش كان عارفه !!



لحد ما واحد صيني ابن حلال سأل الأسطى بلية , و قال له :

هم قالوا لك الحكيم ده في الصين البلد و لا الصين المحطة http://aljazeeratalk.net/forum/images/smilies/72.gif ؟؟

أصل هنا الصين المحطة ,

خد لك ( توك توك تيربو ) بإتنين يوان -عملة الصين- يوديك الصين البلد و اسأل هناك ,

و فعلا , وصل الصين البلد ,

و وصل للحكيم ,

و حكى له المشكلة ,

راح الحكيم رد عليه و قال له :


" برمج الروبوت بتاعك من جديد ,

و خليه ما يعطيش http://aljazeeratalk.net/forum/images/smilies/62.gif الريموت بتاعه لحد يتحكم فيه "

.
.
.
.
.
.


نسيب المستقبل و الروبوتات

و نرجع للحاضر و للبشر

البشر اللي بيعملوا زي الروبوت البايظ http://aljazeeratalk.net/forum/images/smilies/130.gif ,

و بيسمحوا للآخرين http://aljazeeratalk.net/forum/images/smilies/73.gif يتحكموا في مشاعرهم و حالتهم النفسية


تلاقي أول ما حد يقول لك :

إنت ما بتفهمش ,

انت غبي ,
http://aljazeeratalk.net/forum/images/smilies/68.gif


انت ضعيف الشخصية ,

انت .....

أول ما حد يقول لك حاجة زي كدة بتصدقه ,

و بتسمح له يلعب في زراير مخك و مشاعرك

و بكلامه يخليك مكتئب و فاقد الثقة في النفس و محبط و .....

و ما سألتش نفسك :

" لماذا تعتمد مشاعري على الأفكار الموجودة في رؤوس الآخرين ؟؟ "

[ مائة طريقة لتحفيز نفسك - ستيف تشاندلر]



ليه أخلي مشاعري ( أنا ) تتغير بسبب ما في رأس ( واحد تاني ) http://aljazeeratalk.net/forum/images/smilies/80.gif ؟؟

مشاعري ( أنا ) المفروض تعتمد على ما في رأسي ( أنا )


مش مفروض http://aljazeeratalk.net/forum/images/smilies/94.gif أسمح لحد تاني إنه يمسك زراير عقلي و مشاعري

و يخليني مكتئب أو محبط أو فرحان أو زعلان



لازم تعرف

" إن أعظم مفتاح للنجاح هو :

الانضباط الذاتي اللازم لمساعدتك على التحكم الكامل والتام بعقلك

وتذكر أنه من الأهمية القصوى أن يكون الشيء الوحيد الذي تتحكم فيه تحكماً كاملاً هو :

موقفك الذهني أو العقلي ."

[ المفتاح الرئيسي للثروة - نابليون هيل ]



يعني موقفك الذهني و العقلي هو الزراير بتاعتك

ما تسمحش لحد أبداً إنه يلعب فيهم و يبوظ لك حالتك النفسية http://www.aljazeeratalk.net/forum/images/smilies/46.gif,

مش أي حد يقول لك كلام وحش عن نفسك تصدقه ,

مش أي حد يحاول ينرفزك http://aljazeeratalk.net/forum/images/smilies/108.gif تتنرفز

مش أي حد يحاول يعصّبك تتعصّب
no one can make me happy
no one can make me sad



و ركز قوي في أي كلام أو تصرفات من الآخرين تجاهك

لازم تفلترها , و تدخل الجيد و ترمي السيء

و ما تخليهاش تدخل عقلك على طول و تبوظه زي ما كتير من الناس بتعمل



" فمعظمنا يهتم أكثر بما يضعه في حوض الوقود في سيارته

أكثر من اهتمامه بما يضعه في عقله آخر اليوم "

[ مائة طريقة لتحفيز نفسك - ستيف تشاندلر]

.............



لن أسمح للآخرين أن يتحكموا في مشاعري و لا بحالتي النفسية ,

آراء و أقوال الآخرين فيّ لا تعبر عن حقيقتي

أنا أعرف نفسي أكثر من أي أحد ,

أنا أتحرر من آراء و أقوال الآخرين تجاهي ,

أنا أتحكم في مشاعري و انفعالاتي و حالتي النفسية .
I am what I do want to feel




......................



أنا كده خلصت الموضوع



لا تنسونا - إحنا و مصر :) - من صالح دعائكم بالخير

جزاكم الله خيرا

...و لا تنسوا كاتب الموضوع الأصلي من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة


tazbee6.blogspot.com

(http://tazbee6.blogspot.com/)

Mr. Ali 1
02-04-2011, 11:42 AM
ينقل إلي قسم التنمية البشرية .

Specialist hossam
02-04-2011, 01:02 PM
شكرا على نقل الموضوع للقسم المناسب

سيسلينا
05-04-2011, 07:28 PM
فعلا الكلام صح فى ناس كتير بتقول رأيها فينا واحنا بنصدقه على طول من غير من فكر

شكرا ليك لأنى استفدت كتير من الموضوع

Specialist hossam
07-04-2011, 12:31 AM
شكرا على المرور