هى كل حاجه بقت كدا؟! [الأرشيف] - بوابة الثانوية العامة المصرية

مشاهدة النسخة كاملة : هى كل حاجه بقت كدا؟!

shimaa2009

03-04-2011, 10:44 AM

كتير بنشوف ناس واخدين حاجات مش حقهم

واخدين اماكن و مناصب

القاب و هدايا و جوايز

و هما ميستحقوهاش

حاجه بجد تحرق دمى اما بشوفها

تعالوا نشوف شويه أمثله

والى يذعل ياخد فيزا ...

زميل ف العمل

أقل منى فكريا و مهنيا بكثير

ولكنه أعلى منى ف الدرجه

يشيد بخبرته و مجهوده ال ...

مع إنى افعل اشياء اكبر منه بكثير

ولا يشيد بى احد

ويصبح هو الموظف المثالى

وانا أظل الجندى المجهول

ترى لماذا يحدث هذا !!!

زميله فى المدرسه لما اراها منذ فتره طويله وبعدين قبلتها بقولها انتى فينك يابنتى ؟
قالتلى كنت مشغوله فى الكليه

كليه!!كليه ايه !!قالت دخلت كليه هندسه خاصه بفلوس بعد الدبلوم:bosyht9:

قالت ياسبحان الله ناس تعبت وموتت نفسها ومادخلوش الكليه اللى نفسهم فيها وناس دخلوها على الجاهز

بنت الدكتور اللى فى الجامعه تتعين وكل اوامرها مجابه بس علشان الواسطهابقا ! واللى تعبت وزاكرت تروح تقعد فى البيت مش عاوزين النهارده؟!

الامثله كتير جدا

وبنقابلها كل يوم ف حياتنا

ف كل مكان

بس دول الى فاكرهم...

يا ترى مين السبب ف الكلام دا ؟

هل الواحد لازم يتحلى ببعض النفاق
ليخدع به الاخرون و يزيد به مكانته عندهم ؟

مش لاقى حل للمشكله دى بجد

حد عنده حل للى ميستحقوش دول !!

كرستال اردنية

03-04-2011, 11:26 AM

اختي الكريمة
يشرفني اني اول من رد على موضوعك الرائع
اختي في زمنا هاد المفروض تستغربي اللي قاعد في مكان او منصب بيستحقه
لانو كل العالم صارت بالواسطة تتعلم بواسطة , تشتغل بواسطة حتى ازا بدك تركب في مواصلات نقل عام صارت واسطه
فأفضل حل انك تساير الركب لانو مابيطلع بايدك شي لانو الكل هيك يعني على رأي المثل( ايد واحدة ما بتصقفش )
تقبلي مروري وتحياتي

عاشق البلانكو الابيض

03-04-2011, 11:55 AM

للاسف كل الناااس بقت مااشية بالواااسطة
مفيش اى حد بياااخد حقه غير لو كااان مسنود
مش عاارف هنعرف نتخلص من الكلام ده الايااام
القااادمة ولا هنفضل زى مااااااا احنااا كده
شكرررا على الموضوع الجميل

سمر2000

03-04-2011, 04:32 PM

ان الله لا يضيع عمل عامل منكم فاذا اجتهدتى وماختيش المكان يبقى عند الله لكن بدون احباط بيقين فى الله ان حقى مش هيضيع لكن لو الشيطان تدخل هيقولك حقك اوعى تسيبيه وبكل الوسائل نفاق رشوه ويقنعك انو حقك والله لو ليكى محدش واخده غير يبقى منبكيش على اللبن المسكوب ونجتهد فى غيره وهى دى الحياه

عمر ابو قطرة

03-04-2011, 04:53 PM

فعلا
الموضوع دا كثر بشدة في اخر ايام الريس
بس
دا عيب في الناس نفسها
يعني مثلا
فيه ايه لما ادخل المرور مثلا ومرشيش مثلا يعني فيه ايه لو الموظف حسسني انو عاوز فلوس ( رشوة ) فيها ايه لو قات لا مش حرشي اي حد
اللي بيحصل اني اشوف حد معرفة يمشي الورق ويكون معاي
واجلس في المكتب اشرب الشاي
والورق برة المكتب واحد زي زيو بيلف بيه من المكتب دا الي المكتب دا
اعرف بقا راس كبيرة مين كدي
وفي النهاية
اي خدمة يباشا
يرد
الله يخليك
مخلينك للتكياه
هههههههههههههههه

مادم في ظهر لايضرب الواحد علي بطنو

عرفتو بقي العيب من مين
العيب منينا اهنا الشعب
لانرمي اللوم علي الموظف
لانو يكون في موقف الاحراج

وبختصار اتحدي اي حد اذا مكانش دا اللي بيحصل في اي هيئه حكومية
نقول ايه
شيئ واحد
حسبنا الله ونعم الوكيل في كل من اعان او فعل هذا الفساد بين الناس

zozza love

03-04-2011, 05:03 PM

CAn u see me

03-04-2011, 05:11 PM

اولا موضوع جميل جدا
بس اعتقد ان موضوع الواسطه والرشوف وكل حاجه على الجهاز ده حيروح علشان تقريبا كل حاجه اتغيرت بعد الثوره
معتقدش ان حد من حقه يتعين فى الجماعه ويلاقى ابن العميد هو اللى تعين مش حيسكت
اعتقد ان زمن الخوف والساسجه راح خلاص
الان بقى زمن الناس اللى فايقه
اللى مش بتسيب حقها
لانها عرفت ان الى بيسيب حقى مره حيسيبه 100 مره
وزى ما قالت الكلام ده كان قبل الثوره
واعتقد بعد الثوره الموضوع مختلف تماماُ
وشكرا على الموضوع

نسبة التغير لن تتعدى 10 %
لان.......الواسطة..هل هي حل اختياري..أم إجباري ؟!؟..

هل أصبحت الواسطة جزءا من تعاملاتنا الحياتية أم أصبحنا نحن جزءا لا يتجزأ منها..

ربما أصبحت الواسطة أسرع الحلول وأكثرها نجاعة..
بدل الوقوف لساعات طويلة في انتظار ما تستطيع إتمامه في دقائق معدودات..

وربما كان أرحم من رشوة مجبر على دفعها حتى تأخذ حقك..
وتنهي مصالحك..

فهل هي حجج نحن اخترعناها ..
أم هي فروض أصبح واجب علينا تأديتها حتى تسير بنا عجلة الحياة ؟؟

Hopeful Girl

03-04-2011, 05:26 PM

فعلا الواسطة دى وحشة أوى

بتخلى الواحد يحس بظلم فظيع

وبتعطيه الاحساس بالحباط

وانه مهما عمل

مش هيعرف يوصل للى عايزه

علشان غيره بكل بساطة وصل للمكانة دى

وهو مش بقى ليه لازمة

بس

خلاص

الكلام ده كان قبل الثورة

قبل ما يتعدل النظام

البلد هترجع أحسن

وان شاء الله مش هيبقى فيه واسطة تانى

بس

فيه حاجة

المفروض احنا اللى نكون عايزين ده

المفروض نعمل المستحيل

ونحاول بكل ماعندنا

ونستعين بالله

وهو سبحانه وتعالى

هيعطى كل واحد اللى يستحقه

EbTeSaM91

03-04-2011, 08:54 PM

عندك حق فى كل كلمة قولتيها

كل حاجة بقيت فى زماننا بالواسطة

اللى له ظهر زى مابيقولوا

ودى اكتر حاجة تعبانا فى حياتنا

وزى ماقولتى بنت الدكتور بقيت كلمتها مجابة

والله عندنا فى الجامعة اولاد الدكاترة ياخدوا الامتحانات ويجيبوا امتياز

والباقى يتصحح بالبركة

وقدمى تظلم بقى وادفعى فلوس ولاحياة لمن تنادى

مش هنقول غير حسبى الله ونعم الوكيل فى اللى انعدم من قلوبهم الضمير

ويمكن الثورة تغير الناس دى

وشكرا ع الموضوع الرائع

تقبلى مرورى

usernamo

03-04-2011, 09:07 PM

طيب .. ردود شفتها بتنعت فى الظلم و الوسطة و كده .. طب ما احنا لوا ناس هنستخدم الواسطة .. يا شيماء .. لو جالك شغل بعد الجامعه .. قليل و مثلاً والدك او عمك اتوسطلك فى شغل احسن .. و فيه ناس كتير عايزاه بس انتى هتخشى واسطة .. هل هترفضى ؟! صعب شوية صح ؟!
انا طالب ثانوية عامة .. كنت جايب فى الاعدادية .. 98% ^^ .. رحت لمدرسة ثانوى .. قالولى لا مش هناخدك .. بقولهم .. ليه قالولى ساكن بعيد .. قلتلهم لا . فيه اصحابى ساكنين ابعد منى .. و جم عادى .. قالولى لا .. بكل بساطة قمت مدخل والدى فى الموضوع .. سورى يعنى بقوا زى الجزمة و فى 5 دقايق .. و المصحف فى 5 دقايق .. دخلت المدرسة .. و نقيت الفصل.. و خدت الكتب اللى المدرسة كلها مكنتش لسه استلمتها .. و تقوليلى ليه مش تستخدم الوسطة ؟!

حاجة تانية ... زميلة والدتى فى الاذاعه و التليفزيون .. كانت تريد انها تطلع رخصة .. ! اظن من حق اى مصرى بيعر يسوق يطلع .. راحت هناك .. قالها لا .. من غير حتى اختبار .. و الكلام ده بعد الثورة على فكرة .. تقولوا يهديك يرضيك .. انا شغلى بعيد لازم اسوق و مش عارف ايه .. قالها طب تعالى بعد اسبوعين !! فقامت اتصلت بوالدى بردو .. من غير اختبار .. طلعلها الرخصة .. يعنى هى ممكن تكون مش بتعرف تسوق .. و اهى طلعلها الرخصة اهو ..

حاجة تالتة .. انا مثلاً لو حبيت اخش شرطة .. اللى انا نفسى فيها من زمان .. هل هقدر اخش من غير واسطة .. مع ان ينطبق عليا كل الشروط ... بس معتقدش يبقى هضطر انى الجأ لوالدى بردو .. و هخش بردو حتى لو انا اكتع و احول و ميت .. هذه هى مصر و ستظل كذلك ليه بقى ؟!

لان الشعب المصرى .. تعود على كلمة مشى حالك .. لو هنتغير يبقى 85 مليون مصرى .. مش رئيس و ووزراء ...

ملحوظة اخيرة .: انا مش بعتمد على الواسطة .. بس هى مصر هى اللى بتخلى الواحد لازم يكون معاه واسطة ^^