مشاهدة النسخة كاملة : التمسك بالنصاب القانوني للمعلم
امل اليكس 08-04-2011, 04:57 PM التمسك بالنصاب القانوني للمعلم
السلام عليكم
طبعا القسم ده مفتوح عشان نعرض مشاكلنا المشتركة ونحاول حلها
اول مشاكل المعلم المتعاقد ( طبعا احنا لسه في نظر المدرسين لسه برضوه تعاقد)
المهم
نصاب الحصص
انا نصابي 28 حصة اسبوعيا وفي كمان معايا 30 و32
وطبعا اكثر من نص الحصص في عدم التخصص
يعني يوم نخد فيه حصة واحدة بس راحة وده طبعا
بحجة اننا لسه صغيرين وعندنا نشاط
فادارة المدرسة بتهدنا
المهم عايزة كل اللي يدخل الموضوع يقول نصابه كام
وياريت نعرض حل
بالنسبة ليا انا حبعت فاكس للوزير بالظلم الذي يحدث في توزيع نصاب الحصص
ولو في حل تاني انا معاكم فيه
وعلي فكرة انا في ادارة العامرية وفعلا في عجز كبير بس مدرستي فيها ناس جدولها 12 حصة
ايه رايكم
امل اليكس 08-04-2011, 06:00 PM في ايه يا جماعة وانتم مش مدرسين ولا ايه
محمدقبيص 08-04-2011, 07:49 PM أنا نصابي 21 حصة علوم اعدادي الاسماعيلية
asmaamatter 08-04-2011, 07:57 PM أنا نصابي 25 حصة لغة إنجليزية إعدادي
Mark 2011 08-04-2011, 08:41 PM في اسيوط النصاب القانونى لمعلم ابتدائي 24 و اعدادى 21
aleman 08-04-2011, 08:45 PM التمسك بالنصاب القانوني للمعلم
السلام عليكم
طبعا القسم ده مفتوح عشان نعرض مشاكلنا المشتركة ونحاول حلها
اول مشاكل المعلم المتعاقد ( طبعا احنا لسه في نظر المدرسين لسه برضوه تعاقد)
المهم
نصاب الحصص
انا نصابي 28 حصة اسبوعيا وفي كمان معايا 30 و32
وطبعا اكثر من نص الحصص في عدم التخصص
يعني يوم نخد فيه حصة واحدة بس راحة وده طبعا
بحجة اننا لسه صغيرين وعندنا نشاط
فادارة المدرسة بتهدنا
المهم عايزة كل اللي يدخل الموضوع يقول نصابه كام
وياريت نعرض حل
بالنسبة ليا انا حبعت فاكس للوزير بالظلم الذي يحدث في توزيع نصاب الحصص
ولو في حل تاني انا معاكم فيه
وعلي فكرة انا في ادارة العامرية وفعلا في عجز كبير بس مدرستي فيها ناس جدولها 12 حصة
ايه رايكم
طبعا يا امل الناس اللى جدولها 12 حصة ناس متعينة
ربنا يكرمكم يارب فى الادارة الغريبة دى اللى بنسمع عنها العجب
عارفة ان اول تعاقد لى كان هيبقى فيها
بس شاء ربنا ان اهلى يرفضوا
بعدها بشهر جالى تعاقد بوسط
ربنا يكرم الجميع
Azhar Aly 08-04-2011, 10:33 PM احنا عندنا عجز ف المشرفين ومدرسى الانشطة ف المدرسة فكملت انا و زمايلى مكانهم بجدول من 7 الى 9 حصص تقريبا لكل واحد وانا واخد 7 حصص موسيقى جنب جدولى الاساسى 21 حصة انجلش بس بصراحة انا مش بشرح ولا بحضر حاجة غير الانجلش والكلام ده محصلش معانا الا بعد ما قرر زكى بدر ف اول العام الدراسى الحالى الاستغناء عن الاجر والحصة
رشادي 08-04-2011, 10:52 PM انا لغة عربية إعدادي 21حصة المنيا
امل اليكس 09-04-2011, 10:22 AM عايزين العمل بالتخصص وعدد الحصص ينزل للمعلم المساعد والمعلم الي 18 حصة وكده المدرسة تحسب العجز ولازم تطلب مدرسين انشطة مين يتخيل ان مدرستي لافيها مدرس رسم ولا العاب ولا موسيقي ولا افتصاد طب ليه عيالنا يتحرموا من كل ده
ام مرام 09-04-2011, 12:46 PM ابتدائى 24 - اعدادى 20 - ثانوي 18
ramses2 02-10-2011, 09:59 PM سلام لكل اخوتي المعلمين
اولا انا مدرس انجليزي اعدادي وبتدرب لاكون معلم اول انشاء الله المهم مدرستي فيها عدد 36 حصه انجليزي و معاي مدرس اول أ فقرر الباشا الموجه انتدابي لاحد المدارس التي تبعد عن مقر سكني حوالي 5 كيلوا مشي فاعترضت طبعا فقالوا لي نصابك ناقص 3 حصص فسؤالي هل هي تتحسب كدا ولا المدرس الاول أ دا مشرف ياخد 16 حصف فقط و الباقي لي 36 - 16 = 20 حصه و اقعد في مكاني بدل الشحططه ؟ افيدوني ربنا يخليكم اخوكم متشحطط و الموجهين حطوني في دماغهم و انا مش عاوز غير حقي و شكرا
m_salam 02-10-2011, 10:07 PM يابنى خد 25 حصه واقعد فى مدرستك على فكره المدرس الاول 15 حصه وانت الباقى
فتحى ابو عمر 02-10-2011, 10:34 PM انا معلم اول ابتدائى وكمان شويه ايام ان شاء هاتدرب على الترقيه لمعلم اول أ ولسه نصابى 25 حصه 21حصة دراسات و4 حصص فنيه فى ادارة نبروة بالدقهليه ادارة زباله ومتخلفه فى كل شىء
M.Ahmed Elsaid 03-10-2011, 12:46 PM انا مدرس لغة فرنسية
ولكن عقدى مدرس فصل ابتدائى ..
فى مدرستى .. النصاب القانونى 24 حصة فى الاسبوع لكن:
بشتغل دراسات ومكتبة ورسم ودين .. وطبعا اشراف ونشاط .. وجالى انتداب فى تخصصى 3 ايام فى الاسبوع .. بس المديرة رفضت علشان مين هيشيل الليلة دى كلها ..
وكل دا بحجة العجز فى حين ان معانا مدرسات نصابهم 12 حصة
الحل يا استاذة .. اننا مستنيين المنقطعين يرجعو ويتوزعو على المدارس علشان العجز
وحسبنا الله ونعم الوكيل
Mr/Ali Aswan 03-10-2011, 01:38 PM اقولكم ازاي دلوقتي في تعيينات شغاله الله ينور ماشاء الله يعني انا السنه اللي فاتت كنت بدي 22 حصه دلوقتي ماشاء الله بدي 12 حصه بس بسبب التعيينات الجديده وطول مالحكومه بتعيين ناس مفيش ادني مشكله فايده للجميع وعلي فكره انا زعلان اني مش بدي 22 و24 حصه والله صدقوني ياجماعه ملل يعني ساعات اقعد لحد الحصه الخامسه فاضي وده اصعب من انك تدرس علي طول يا جماعه صدقوني الافضل انك تدي حصص علي طول متبطلش علشن خبرتك تزيد لكن لو مدتش يبقه ايه لازمتها امال انته ايه وظيفتك مش مدرس ده طبعا الفرق بينا وبين اليابنيين اليابنيين كانو زعلانين انهم بياخدو يوم اجازه واحنا بنفرح بساعه تزويغ ونفتخر وبنفرح بيوم اجازه ده فرق الدول المتقدمه والدول الغبيه اسف في اللفظ ناس بتشتغل وناس عايز تاخد فلوس وطلبات والحكومه تعملنا كل حاجه واحنا بس نروح بمضي ونمشي ونزوغ اسف مش اقصد الجميع
Mark 2011 03-10-2011, 07:06 PM عندنا في اسيوط مشكلة النصاب اتحلت لكل المداراس بسبب التعينات الجديدة ما عدا المداراس التى تقع في مناطق نأئية مازال نصاب المدرس 24 حصة في حين انه قد في بعض المداراس وصل نصاب المعلم 12 حصة فاذا استمر نصاب المعلم علي هذا الحال في المداراس النائية المفروض يكون لهؤلاء المعلمين حافز اضافي
raafats2004 31-10-2011, 01:30 AM ارجو من كل المدرسين ارسال شكاوى والامتناع عن الحصص الزائدة عن النصاب
إلى كل معلم مصرى شريف
يواجه أى مشكلة ولم يجد حل
يتوجه بشكواه إلى وزارة التربية والتعليم
طريقة إرسال الطلبات والشكاوي بطرق عديدة :
1- عن طريق البريد والبرقيات بأنواعه علي العنوان الآتي :
وزارة التربية والتعليم
3 شارع صفية زغلول من شارع القصر العيني القاهرة .
2- عن طريق الفاكس علي الرقم الأتى :
0227963734
3- عن طريق البريد الالكتروني :
cservice*email.emoe.org
4- الخط الساخن
19126
5- مكتب الوزير لخدمة المواطنين
0227946145
6- تنسيق التعليم الابتدائى
0227949294
7- تنسيق التعليم الاعدادى والثانوى
0227947335
ملحوظة تم اضافة المفتاح 02 للذين يرسلون الشكاوى من
جميع المحافظات خارج القاهرة
مع تحيات
ثورة معلمى أسيوط
https://www.facebook.com/groups/Assiut.Revolution
اياد2009 31-10-2011, 05:13 PM انا مدرسة حاسب الى متعاقد نصابى 24 حصة بقضى 6 حصص فى مدرسة وبكمل ال18 حصة الباقية فى مدرسة تانية
|