التمسك بالنصاب القانوني للمعلم

السلام عليكم

طبعا القسم ده مفتوح عشان نعرض مشاكلنا المشتركة ونحاول حلها


اول مشاكل المعلم المتعاقد ( طبعا احنا لسه في نظر المدرسين لسه برضوه تعاقد)

المهم


نصاب الحصص

انا نصابي 28 حصة اسبوعيا وفي كمان معايا 30 و32

وطبعا اكثر من نص الحصص في عدم التخصص


يعني يوم نخد فيه حصة واحدة بس راحة وده طبعا

بحجة اننا لسه صغيرين وعندنا نشاط


فادارة المدرسة بتهدنا


المهم عايزة كل اللي يدخل الموضوع يقول نصابه كام


وياريت نعرض حل


بالنسبة ليا انا حبعت فاكس للوزير بالظلم الذي يحدث في توزيع نصاب الحصص


ولو في حل تاني انا معاكم فيه

وعلي فكرة انا في ادارة العامرية وفعلا في عجز كبير بس مدرستي فيها ناس جدولها 12 حصة

ايه رايكم

نصابي 24 حصة بخلاف الاحتياطي

نصابي 24 حصة بخلاف الاحتياطي


يعني تقريبا 28 في الاسبوع

علي فكرة مش بقبل الاحتياطي بسب الجدول طبعا

انا مدرس فصل

تقريبا مش بطلع من الفصل

انا نصابي 24 حصة

ومدرس الفصل كمان نصابه كبير جدا

انا جدولى 21 حصه بعد التعيين* : كان 27 وتنازلت عن حصص لأبله خريجة 2010 عشان يبقى ليها جدول و تاخد أى عقد

* لو افترضنا ان فيه تعيين بدون درجه اساسا

انا 24 حصة

انا فى ادارة برج العرب
نصابى 24 حصة منهم 8 بس فى التخصص لان المدرسة صغيرة ومفيهاش غير فصل لكل صف
ومع ذلك فى عجز فى المدرسة ومدير المدرسة بناءا على قرار من وزير التربية والتعليم الاسبق مضانا على قرار ان فى حالة العجز يوصل النصاب ل 30 حصة

يابنتى كل الإدارات والمدارس فيها عجز . أنا عن نفسى معايه 30 حصة غير الاحتياطى وكل ما نكلم يقولوا مفيش ميزانية وزعوا الحصص الزيادة على المدرسين اللى فى المدرسة . مع العلم المتعاقد والأساسى شايل نفس الحصص 30

إدارة شرق المنصورة فيها مدرسيين شايلين 5 حصص فقط فى الأسبوع
وفى مدرسيين بدون حصص نهائى
مفيش حرية بدون عدالة
ادارات فيها زيادات رهيبة وجايبين فيها تعيينات جديدة الكوسة والواسطة شغاله الله ينور
والمحافظ كمان مكحلها واشتكيناه للنائب العام
يقال انهم بيحققو معاه
مش عارف ازاى لسه موجود فى مكانه لغاية دلوقتى

البعض يقول انه لا يجوز اعطاء الحصص الاحتياطى و الاشراف لكل من الاخصائى و المدرس الاول و الوكيل ما مدي صحة هذا الكلام و ما موقف المدرس المنتدب من الاحتياطى و الاشراف

يابنتى كل الإدارات والمدارس فيها عجز . أنا عن نفسى معايه 30 حصة غير الاحتياطى وكل ما نكلم يقولوا مفيش ميزانية وزعوا الحصص الزيادة على المدرسين اللى فى المدرسة . مع العلم المتعاقد والأساسى شايل نفس الحصص 30


يبقي لازم نتمسك بنصابنا الحقيقي عشان نجبر الوزارة بالتعاقد مع مدرسين جدد وده لصالح الجميع

يا امل صعب الكلام ده
رسمى احنا نصابنا 24 حصة
فقط
ولو معك 24 حصة
مش من حقهم يدوكى احتياطى او امن حتى

انا 21 غير الاح0تياطى طبعا المفروض يكون 24 بس ده لان المدرسة فيها ناس زيادة فيه زميلتى 17 وغيرها كمان معندوش جدول خالص

البعض يقول انه لا يجوز اعطاء الحصص الاحتياطى و الاشراف لكل من الاخصائى و المدرس الاول و الوكيل ما مدي صحة هذا الكلام و ما موقف المدرس المنتدب من الاحتياطى و الاشراف


الحصص الإحتياطى مفروض انها بتتوزع فى الجدول
ح ح ح ح
ولما يكون الفصل غائب مدرس عربى يبقى يدخل مكانه عربى
الغائب رياضيات يدخل رياضيات
ان توفر ذلك
الأهم فالمهم

انا معايا 24 حصة بس طبعا التخصص 21 و3 العاب ورسم ودي اكثر حاجة مضيقاني لان المديرة عندي متحيزة بتدي حد 24 حصة تخصصه وحد تاني حصص اقل وتخصصه برده ومن ده كتير

عايزين العمل بالتخصص وعدد الحصص ينزل للمعلم المساعد والمعلم الي 18 حصة وكده المدرسة تحسب العجز ولازم تطلب مدرسين انشطة مين يتخيل ان مدرستي لافيها مدرس رسم ولا العاب ولا موسيقي ولا افتصاد طب ليه عيالنا يتحرموا من كل ده

نصابي 24 حصة بخلاف الاحتياطي
يعنى تقريبا مش بطلع من الفصل

انا نصابى 21حصه غير حصه او اتنين احتياطى بس ده بمزاجى زبين بعضنا يعنى

نصابى 24 بعد ما عملت مشكلة مع الموجة لانو كان عايزهم 27 وحلها انو جاب مدرسة بالحصة ودا افضل ليها عشان يتعمل لها عقد ربنا يقوى الجميع

عندنا فى المدرسة المدرس الاساسى بيرفض يمضى على الحصص الاحطياطى
رغم اننا كل منا معه نصابه واكتر شوية

يبقي لازم نتمسك بنصابنا الحقيقي عشان نجبر الوزارة بالتعاقد مع مدرسين جدد وده لصالح الجميع

بصى يا أمل مع احترامى لك وأنك معك حق فى كل اللى بتقوليه لان دا حقنا بس أنا كان أهم حاجة عندى التعيين ودا الحمد لله تم للجميع . ومفيش عندى أى مشكلة أنى اشتال 30 حصة عما يجيبوا مدرسين لأن أهم حاجة عندى دلوقتى البلد تهدى كل حاجة عادت نار . بجد حرام مصر عادت بتضيع مننا ولازم نحافظ عليها شوية لما الأمور تتيسر سوف نطلب بذلك لكن دلوقتى مفيش أى مشكلة نتعب شوية أحنا يعنى بنتعب فى إيه أحنا بنعلم وبناخد ثواب كبير من الله على ذلك ودا أهم حاجة .