أنا لسه راجع من الميدان

بس الصراحة راجع زعلان

كان نفسى اطلع المنصة

انا طول عمرى لثورة عنوان

بس للاسف حتى المنصة

عاوزة واسطة او معرفة

وانا غلبان

ولا حد عبرنى ولا حد قالى

تلت التلاتة كام

كان نفسى اقوال اشعار

ملعون ابو الشعر

ملعون ابو بيرم ونزار

كان نفسى اتغنى بالثورة وبالثوار

انا بجد زهقان

وواخد على خاطرى

من الميدان

مليون الف منافق

مليون الف جبان

وناس مناظر واشكال والوان

وناس بيتجى نص ساعة

بتعرض نفسها فى الميدان

بس اللى يفرح ان الميدان

كان مليان

ودة اكبر دليل

ان الثورة مستمرة

والناس فاقت من حالة التوهان

ومحاكمة مبارك مطلب شعبى

والاعدام من نصيبه مش عايزة كلام

الشاعر
عبد الحميد بدوى

ما شاء الله
كلمات رائعه جدا
راقت لى كثيرا
بجد كلمات تحفه
جزاكم الله كل خير
اتمنى لكم مستقبل باهر..

اشكرك وتحياتى يا غاليتى

ليه كده ماتزعلش قول وشباب الثورة هيسمعوك شارك معهم على الفيس بوك والتويتر :):):)

انا على الفيس موجود بقوة ومن اكتر من عشر سنين وانا بكتب للثورة وللحرية

اخي العزيز أنت كتبت للثورة معبرا عن مشاعرك ثم أردت أن يسمعك الناس فلم تتمكن من ذلك... ليس شرطا أن تلقي شعرك في ميدان التحرير لتكون شاعرا ثوريا المهم أنك مصري صادق ثار وانفعل وترجم ثورته شعرا ... أما إن كنت تود أن تكون مشهورا ، أو تحت الأضواء فهذا موضوع آخر

أرجو أن يمنحني الإخوة الأعضاء والمشاركين قليلا من وقتهم ليقرأوا بعض كتاباتي:-
مين اللي خلى الشمس تطلع
بعد ما طال الانتظار؟
مين بدمه وهمته
جاب النهار؟
مين اللي قال للدنيا فوقي وافهمي
إزاي بكلمة لأه
ييجي الانتصار؟
مين اللي حرر حلم مخنوق جوه خوفه ؟
مين اللي كسر للظلم أعوانه وسيوفه؟
مين اللي فتح عين بلدنا؟
دول ولادنا ... دول ولادنا
دول البشاير
أبطال يناير
اللي وقفوا كلهم وسط الميدان
*********
أول مرة نشوف الدم بيطرح ورد أبيض
يفتح شبابيك الأمل
قبل حلم الناس ما يهرب
كان خلاص
قربت اصدق انه مش طالع نهار
مستحيل نقدر نغير ..أو نفكر.. أو نعبر
بس هما قالوا ممكن ...
قالوا لازم ندي للحلم الحياة
علمونا الدرس حتى منتهاه
******
قال إيه
دول مش كام مليون
دول كام ميه
معظمهم حرامية
ولا هما جيل مطحون
ولا عاطل ولا مظلوم
ولا ناس بتدور في زبالة
عشان تتعشى
دول قلة مندسة
وأجندات
وأجانب
مش مكسوف من نفسك
حد يغطي نور الثورة بكلام خايب؟؟؟!!!
حد يلف الورد البلدي في خيش وزكايب؟؟؟؟!!

رائع يا محيى تحياتى لحرفك الرشيق

كلمات جميله ومعبره
تسلموا عليها

بصراحه روووووووووووووووووووووووووووووووووووووعه

ممممممممممممممممممممشكورين