مشاهدة النسخة كاملة : مدد ياعريان مدد
_GUIDE_ 02-12-2007, 09:43 PM بسم الله الرحمن الرحيم
اتيح لى منذ يومين الذهاب الى احد الموالد
بدات الحكاية عندما دعانى احد الاصدقاء الى الذهاب الى مولد (سيدى المبروك)
فكان ردى عليه الله يبارك فيك
وده مين بئا قالى لى والى من اولياء الله
قولت ونعمة بالله قررت الذهاب ومشاهدة ما يحدث هناك بدافع الفضول والتسلية
وما ان ذهب هناك حتى شاهدت جموع غفيرة من الناس غرفة صغيرة حاولت استطلاع الامر اكتشفت انه المقام المذكور لسيدى المبروك
مرة اخرى حاولت اكتشاف سر هذا لشيخ ماهى كرماته من هو بالتحديد
لم اجد اجابة شافية لسوالى
الغريب والعجيب فى الامر هو حال الناس فى هذا المكان عندما وجدت ان معظمهم جالسون يدخنون الشيش والسجائر الملفوفة
هنا علمت علم اليقين ان هذا الشيخ المبرك كان صاحب مزاج عالى اوى
حاولت مرة اخرى الاستعلام عن الشيخ المذكور ولكن بلا فائدة الغريب
هنا تبادر الى ذهنى الفنان عادل الامام فى فيلم ( امير الظلام) عندما التف الناس حوله من اجل الذهاب الى مقام الشيخ العريان وهناك جملة واحده اسمعها فى اذنى وهى
(مدد ياعريان مدد) تركت المكان ولا تزل تلك الكلمة معلقه فى اذنى قمت بعمل عدة ابحاث خاصة بهذا الموضوع اكتشفت انه يوجد فى مصر
ما يقارب 18 الف مقام معظمها مجهول والغالبية منها يحجوها الناس كل عام من اجل التبارك بيها وتيقنت اكثر ان هذا الشعب موءمن بدرجة كبيرة فرغم كل همومه والمه يلجاء الى الدين فى النهاية حتى لو كان بشى من الجهل ولكن يبقاء بدفع حسن النية
ولا تعليق
Taleba Me7tasa 02-12-2007, 09:51 PM حسن نية ايه يا عم اسلام دول فضحونا ما هو حسن النية دة هو اللي جابنا ورا
دة جهل طب واما هما عايزين يلجأو للدين يقرو قران يصلو نوافل يدعو لربنا ، ربنا وبس
اهم ما في الموضوع انك تكون خدت الحلويات بتاعت المولد :p
_GUIDE_ 02-12-2007, 09:57 PM حسن نية ايه يا عم اسلام دول فضحونا ما هو حسن النية دة هو اللي جابنا ورا
دة جهل طب واما هما عايزين يلجأو للدين يقرو قران يصلو نوافل يدعو لربنا ، ربنا وبس
اهم ما في الموضوع انك تكون خدت الحلويات بتاعت المولد :p
صدقينى الشيطان نفسه لو مات هيذكره ليه محاسن وهيعملوله مقام
بالمناسبة شربت قرفه :D
fares elnet 02-12-2007, 11:42 PM يعنى انت كنت رايح اصلا علشان تشرب قرفه
قول كده بقه وعمال تلف ودور بينا ياراجل من الصبح
والله يا اسلام شعبنا ده شعب طيب متمسك باشياء
ملهاش اى لزمه بس هتقول ايه بس وانت لو كنت نطقت
بكلمه على سيدك العريان ده قصدى سيدك المبروك ده
كنت هتروح سليم من هناك هههههههه
مش عارف كاموا عملوا ايه فيك دول كانوا ينهموك بانك
عاصى وملحد هههههههههه
مدد ياسيدى مدد
وشكرا يا اسلام
MohammeD el_SadaT 03-12-2007, 10:55 AM هههههههههههههههه
أنا من طنطا
وكل ما أقول لواحد كده يقولى شلاه يا سيد يا بدوى
وزى ما يكون باخد البركه منى
يا إسلام إحنا شعب زى ما قولتلكم قبل كده
( هلاس )
postan algana 03-12-2007, 10:59 AM ههههههههههههههههههههههههه
اساسا ده جهل وتخلف
عموما الشعب المصري هو كده
والحدق يفهم انا اقصد ايه
nada hosam 03-12-2007, 03:53 PM هههههههههه
مدد ياسيدى العريان مدد
عموما شعب مصر طيب جدا وبيصدق كل حاجه واى حاجه
وده الاى ماخرا لورا كل الشعوب بتتقدم الا احنا عشان بنيجى عند الهيفه وبنتصدرسوال القرفه كانت حلوه ولا وحشه ولونها ايه
rhma hosam 03-12-2007, 04:11 PM :lol:انت فاكر ان الموالد دى بيعملوها علشان يتذكروا اعمال الاولياء الصالحين
بالعكس دى بيعملوها علشان ينسوا اللى خلفوا الاولياء الصالحين
و اكبر دليل هو المولد النبوى واللى بيحصل كل عام
ياعم هندور على ايه ولا ايه
بالزمه ده مش شعب عبيط
أحمد محمد كمال الدين 03-12-2007, 11:33 PM احنا شعب هلاس عبارة قرأتها فى هذه الردود احنا شعب هلاس فعلا نحب نتكلم ونحكى على الفاضى
ولكن لندرس الظاهرة جيدا قبل أن نتحدث عن جهلنا وتخلفنا طبعا ما يحدث فى الموالد نتاج طبيعى لتخلفنا
ولكنالمهم أن نعرف كيف نعالجها ومن يعالجها كلنا مشتركون فى جهل الاخرين ماذا فعلا لهم لنمحو اميتهم
ما ذا قدمنا لهم لنمحو أميتهم
فقط اتهمناهم بأنهم هلاسين ولا أدرى هل هم الهلاسون أم نحن
الاسطورة 04-12-2007, 07:11 AM ايه يا عم اسلام
سيب الناس تمبسط
ايه يعنى هو انتا ما تعرفش سيدى المبروك!!
ولو مش عارفه
برضو لازم تحترمه
ده اول واحد اجاز شرب الحشيش فى مصر
عشان كده دايمآ تلاقيهم بيشربوا شيشة ويلفوا سجاير قدام المقام بتاعه
طالبة ازهرية 04-12-2007, 08:35 AM على فكرة يا جماعة كلمة مدد ياسيدى العريان او مدد يارسول الله اوغيرة حرام
لان معنى مدد . اى طلب العطاء
والمسلم لايطلب العطاء الا من الله سبحانه وتعالى
فارجوا ملاحظة ذلك
TEMO_KHALED 04-12-2007, 08:46 AM يا سيدي و الله احنا فعلا شعب هلاس بنتمسك بأهيف حاجة ونعملها لو رحت تسأل حد فيهم تعرف صلاة الستخارة_يعني اية قيام الليل مش هيفهموا اصلا انت بتتكلم عن ايه
يروحوا يصلوا صلاة الحاجة لو هما فعلا في حاجة محتاجينها بس هما أصلا وخدين الموضوع عن جهل
my_heart_miss_you 04-12-2007, 09:48 AM الله يرحمك ياشعب
retag allah 06-12-2007, 12:05 PM والله دنيا فيها العجب....
_GUIDE_ 06-12-2007, 08:30 PM يعنى انت كنت رايح اصلا علشان تشرب قرفه
قول كده بقه وعمال تلف ودور بينا ياراجل من الصبح
والله يا اسلام شعبنا ده شعب طيب متمسك باشياء
ملهاش اى لزمه بس هتقول ايه بس وانت لو كنت نطقت
بكلمه على سيدك العريان ده قصدى سيدك المبروك ده
كنت هتروح سليم من هناك هههههههه
مش عارف كاموا عملوا ايه فيك دول كانوا ينهموك بانك
عاصى وملحد هههههههههه
مدد ياسيدى مدد
وشكرا يا اسلام
فى البداية مبروك على الاشراف الادارى
ثانيا شكرا على ردك يا استاذ حسام
ثالثا هى مكنتش قرفة عى كانت شكلها لكن طعمها زى الفول النابت
رابعا معظم اللى كانوا هناك تقريبا مسطيل
بالمناسبة انا كنت رايح علشان اشوف ايه اللى بيحصل فى الموالد دى
طلعت تهيس من العالى :D
هههههههههههههههه
أنا من طنطا
وكل ما أقول لواحد كده يقولى شلاه يا سيد يا بدوى
وزى ما يكون باخد البركه منى
يا إسلام إحنا شعب زى ما قولتلكم قبل كده
( هلاس )
مش هلاس يامحمد طيب زى ما قولت عنده ايمان ومعتقدات دينية بكم غير طبيعى
ههههههههههههههههههههههههه
اساسا ده جهل وتخلف
عموما الشعب المصري هو كده
والحدق يفهم انا اقصد ايه
مش جهل والله ياجماعة لان لو حد اخد باله
معظم اللى بيروحه الموالد دى طبقة كادحة بيحوله يتشبسه با اى حاجة تقربهم من ربنا
وده مش جهل ده ضعف ايمان زهنا التناقد على فكرة
هههههههههه
مدد ياسيدى العريان مدد
عموما شعب مصر طيب جدا وبيصدق كل حاجه واى حاجه
وده الاى ماخرا لورا كل الشعوب بتتقدم الا احنا عشان بنيجى عند الهيفه وبنتصدر
سوال القرفه كانت حلوه ولا وحشه ولونها اي
ه
وهو ده اللى انا قولته من شوية
عمتا زى ما قولت كان ليها طعم مية الفول النابت :D
_GUIDE_ 06-12-2007, 08:41 PM :lol:انت فاكر ان الموالد دى بيعملوها علشان يتذكروا اعمال الاولياء الصالحين
بالعكس دى بيعملوها علشان ينسوا اللى خلفوا الاولياء الصالحين
و اكبر دليل هو المولد النبوى واللى بيحصل كل عام
ياعم هندور على ايه ولا ايه
بالزمه ده مش شعب عبيط
وجهة نظر برضه :D
احنا شعب هلاس عبارة قرأتها فى هذه الردود احنا شعب هلاس فعلا نحب نتكلم ونحكى على الفاضى
ولكن لندرس الظاهرة جيدا قبل أن نتحدث عن جهلنا وتخلفنا طبعا ما يحدث فى الموالد نتاج طبيعى لتخلفنا
ولكنالمهم أن نعرف كيف نعالجها ومن يعالجها كلنا مشتركون فى جهل الاخرين ماذا فعلا لهم لنمحو اميتهم
ما ذا قدمنا لهم لنمحو أميتهم
فقط اتهمناهم بأنهم هلاسين ولا أدرى هل هم الهلاسون أم نحن
انا معترض مع حضرتك انا بعتبر ان دى برئه وطيبة
مش كل اللى بيروحه الموالد دى بيرحوها علشان يهلسه
فى ناس كتير بتتصدق وتدى للغلابة وما اكثرهم فى الاماكن دى
انا حاولت اقلب الموضوع ده كتير ووصلت لنتيجة وحده اننا فعلا شعب طيب بدرجة كبيرة وكم الايمان عنده كبير جدا
ايه يا عم اسلام
سيب الناس تمبسط
ايه يعنى هو انتا ما تعرفش سيدى المبروك!!
ولو مش عارفه
برضو لازم تحترمه
ده اول واحد اجاز شرب الحشيش فى مصر
عشان كده دايمآ تلاقيهم بيشربوا شيشة ويلفوا سجاير قدام المقام بتاعه
ما انا قولت كده برضه انه صاحب مزاج عالى اوى :D
على فكرة يا جماعة كلمة مدد ياسيدى العريان او مدد يارسول الله اوغيرة حرام
لان معنى مدد . اى طلب العطاء
والمسلم لايطلب العطاء الا من الله سبحانه وتعالى
فارجوا ملاحظة ذلك
شكرا على التذكره وانا كاتب اسم الموضوع كده كا نوع من التهكم ليس اكتر
_GUIDE_ 06-12-2007, 08:48 PM يا سيدي و الله احنا فعلا شعب هلاس بنتمسك بأهيف حاجة ونعملها لو رحت تسأل حد فيهم تعرف صلاة الستخارة_يعني اية قيام الليل مش هيفهموا اصلا انت بتتكلم عن ايه
يروحوا يصلوا صلاة الحاجة لو هما فعلا في حاجة محتاجينها بس هما أصلا وخدين الموضوع عن جهل
اعتقد انا معاكى حق فى كلامك
الله يرحمك ياشعب
ويحسن اليك ياحبيبى :D
والله دنيا فيها العجب....
ااااااااااااااااااااااايه دنيا
هو مال الموضوع قلب كده جو تسول :D
|