أعلنت نقابة «المعلمين المستقلة»، و«المعلمين الشبان»، و«شباب معلمى 25 يناير»، و«ثورة المعلمين» بالإضافة إلى اتحاد المعلمين بالجيزة، السبت ، عزمها تنظيم إضراب عام فى 22 محافظة على مستوى الجمهورية تحت شعار «يوم واحد لا نذهب فيه إلى المدارس»، يوم 17 أبريل الجارى، احتجاجاً على تردى الأوضاع المعيشية والمهنية للمعلمين على مستوى الجمهورية، وتجاهل وزير التعليم، الدكتور أحمد جمال الدين موسى مطالب وشكاوى المعلمين، وللمطالبة بمحاكمة الرئيس السابق، حسنى مبارك، ووزير الداخلية الأسبق، حبيب العادلى .
وقال أيمن البيلى، عضو نقابة المعلمين المستقلة، لـ«المصرى اليوم»، قمنا بالاتفاق مع كل الحركات التعليمية المستقلة، لتنظيم إضراب مفتوح عن التدريس فى 22 محافظة على مستوى الجمهورية، أمام مقار المحافظات والمديريات التعليمية، يوم 17 أبريل الجارى، لتردى أوضاع المعلم المصرى المعيشية والوظيفية، وحتى تتم محاكمة مبارك، الرئيس السابق، ووزير الداخلية الأسبق حبيب العادلى، والمجالس المحلية على جميع مستوى الجمهورية وتشكيل لجنة تأسيسية لإعداد دستور جديد للبلاد، وحل مجلس نقابة المهن التعليمية، وإلغاء القانون رقم (79) المنظم للنقابة لعدم دستوريته.
وقال سيد هيكل، عضو حركة معلمى 25 يناير: «الحركة تتضامن مع ثورة المعلمين وحركة المعلمين الشبان فى الدعوة الى الاعتصام عن الدراسة يوم الأحد المقبل، نظرا للتجاهل المتعمد من قبل وزير التربية والتعليم لمطالب المعلمين المالية الهادفة إلى الحفاظ على كرامتهم، ولإلغاء امتحانات الكادر التى تمثل إهانة للمعلم لكونها لا تعد تقييماً حقيقياً للكفاءة المهنية، ولتحريك الدرجات المالية المتوقفة تحت دعوى عدم تطبيقها على الكادر لأنها حق أصيل لهم كموظفين تابعين للجهاز الحكومى بالدولة، ورفع مكافأة الامتحانات إلى 7% أسوة بالعاملين بالوزارة».
وأضاف، أعلنت عدة حركات فى جميع المحافظات تضامنها مع دعوتنا منها حركتى «معلم مساعد» و«معلمون معتصمون» وغيرهما. وأكد محمد سعيد، عضو رابطة «شباب المعلمين»، أن الدعوة للإضراب لمدة يوم واحد، وستقوم الحركات بتنظيم وقفات احتجاجية بالتزامن فى جميع المحافظات وأمام وزارة التربية والتعليم ومجلس الوزراء، حتى يمكن توصيل مطالب المعلمين للمسؤولين بصورة حضارية. وطالب سعيد، بإصلاح نظام الأجور على ألا يقل الأجر الأساسى للمعلم عند بدء التعيين عن 3 آلاف جنيه مع مراعاة البدلات الخاصة بالأقدمية وذلك بتقليص الحد الأقصى للأجر الشامل لكى لا يجاوز 6 أضعاف الحد الأدنى، بالإضافة إلى اعتماد أساسى الأجور بما لا يقل عن 70% من إجمالى الأجر وصرف حافز بنسبة 100% من الأجر الأساسى لحين تعديل التشريعات والوفاء بمطلب الحد الأدنى.
وقال: «نطالب بتعيين جميع المعلمين غير المثبتين، بغض النظر عن نوع التعاقد سواء من مدرسى الحصة أو العقود المؤقتة بأنواعها المختلفة، وكذلك العمالة المؤقتة بجميع أنواعها فى مجال التعليم».
http://www.almasryalyoum.com/node/393155

اللهم وسع أرزاقنا

ايه هى المحافظات المعتصمة واذى هيكون الاعتصام هيكون عن طريق عدم الذهاب الى المدرسة فقط ام سيكون اعتصام امام المدريات

يا اخي انتو ايه متصبروا شويه يا اخي كل شويه توقف حال الدنيا عايزين تبوزو الثوره ايه ده بمطالبكم الفئويه ديه

انتو بتوع فلوس وبس عايزين فلوس وبس مش عايزين تشتغلو يا باشا احسب انته بتشتغل كام ساعه في اليوم بطلو مطالب فئويه تحت غطاء الثوره الثوره متبريه من مطالبكم الفئويه

انتو بتوع فلوس وبس عايزين فلوس وبس مش عايزين تشتغلو يا باشا احسب انته بتشتغل كام ساعه في اليوم بطلو مطالب فئويه تحت غطاء الثوره الثوره متبريه من مطالبكم الفئويه


لما تكون اسره مكونه من 4 افراد و المرتب 317 جنيه بيندفع منهم مواصلات يعيشو ازاى

ياترى بقى الاخ kubany امن دوله ولا من فلول الديمقراطية انت شكلك مش عايش فى الدنيا هما بتوع الكهرباء ولا البترول ولا البنوك احسن مننا فى اية دة احنا الاساسى اللى بنطلع الناس دول ولا انت مش عايش فى الدنيا ياعم روح بقى اتخنقنا خلاص الله ينتقم من الظلمة

ياجماعة أنا معاكم فى المطالب اللى بتطلبوها ودا حقنا بس فى الفترة دى حرام نعمل اعتصامات لو عملنا اعتصام يبقى علشان محاكمة رؤس فساد النظام السابق حسنى وحبيبب وهكذا ولازم يكون بعد انتهاء اليوم الدراسى لكن بجد حرام نعمل خلل فى المدارس واللهى ياجماعة الكلام دا خوف على البلد الحاجة عادت مولعة نار واحنا باعتصامتنا بندمر البلد نستنى لما تقف وترجع أحسن من الأول نطالب بكل اللى احنا عايزينه من رفع الأجور وخلافه لكن فى الفترة دى احنا كدة بجد بنضيع مكاسب الثورة وهنضيع بلدنا معنا . أنا عارفة أن مرتبنا مش بيكفى أى حاجة
لا إيجار شقة ولا كهرباء ولا مياه ولا تليفون ولا أكل ولا شرب ولا مصاريف العيال وتعبهم بس هنعمل إيه ما احنا كنا عايشين بنفس المرتب قبل الثورة محتاجين شوية صبر شوية ......................برجاء الصبر لما البلد بس تقف وتمشى تانى
إن الله مع الصابرين .

مفيش حاجة اسمها نصبر يا جماعه لان كل ما نصبر على الناس دى هيضحك علينا لازم ناخد حقنا
وحقنا مش بيتاخد غير باعلى صوت لازم نسمعهم صوتنا
والله حرام الذل دا لحد الان ولا حاجة حصلت ولا حد اتعين وامتحانات وامتحنا ولا حد عبرنا ولا مرتب زاد


لازم نتكلم وناخد حقنا انا معاكم معااااااااااااااكم وربنا معاكم يارب

يا معلمين ومربين الاجيال
كفايه اضرابات واعتصامات فى الوقت الى البلد رايحه فيه فى طريق ملوش نهايه ومظلم
صدقونى كلها ايام لو بقينا على هذا الوضع مش هنلاق مرتب الشهر حتى
والله هى دى الحقيقه الى غايبه عن انظاركم
ان الاقتصاد المصرى بينهار بسرعه البرق
والى مش شايف يبص حوليه وهو يشوف الصوره السوده الى مصر فيها
انا بقللك كده علشان تعرف الطريقه الصح الى تجيب بيها حقق
وهى المظاهرات والوقفات السلميه وليس الاضراب وتوقيف عجله العمل والتقدم
وعلى فكره انا لا انتمى للحزب الوطنى او فلوله او حتى امن الدوله

كفاية حرام عليكو انتو مش هترتاحو الا لما البلد تنهار .
وده غلطة الجيش من الاول انتو عايزين شوية حزم .

المظاهرات والإضرابات والاعتصامات والوقفات محرمة شرعاً .
هذا ما أدين الله به لعدم فعلها من رسول الله صلى الله عليه وسلم ولا من صحابته الكرام ولا السلف الصالح مع قدرتهم على فعلها لو أرادوا .

الوزير دة عامل فيها عبيط وودن من طين والتانية من عجين

مش هما بيقولو انو التعليم مش انتاج خلاص يوم ولا اتنين ولا حتى اسبوع مش هيفرق بس لازم المطالب تحقق عشان نعرف نطلع اجيال تنفع تمثل مصر عالميا وادبيا وفكريا فهمتو ياللى معتر ضييييييييييييييييييييين على اليوم ده

مش هما بيقولو انو التعليم مش انتاج خلاص يوم ولا اتنين ولا حتى اسبوع مش هيفرق بس لازم المطالب تحقق عشان نعرف نطلع اجيال تنفع تمثل مصر عالميا وادبيا وفكريا فهمتو ياللى معتر ضييييييييييييييييييييين على اليوم ده
مطالبتشى ليه بمطالبك دى قبل الثورة والبلد مستقرة جاى والبلد فى عدم استقرار وتطالب وتقول يوم ولا اتنين ولا أسبوع مش هتفرق تقدر تقولى هتخرج جيل زى ماأنت بتقول يمثل مصر علميا وأدبا وفكريا . أنا أقولك هتخرج جيل شكله إيه جيل معندهوش ذرة انتماء للوطن جيل بيستغل الفرص لمصالحه الشخصية جيل ماشى على مثل ( اضرب على الحديد وهو سخن) وفى النهاية هيتخرج جيل أنانى فاشل الكل بيأكل فى بعضه كأننا عايشين فى غابة . اتقوا الله فى بلدنا مش بنقولكم اتنزلوا عن مطالبكم بنقول لكم اصبروا شويه لما البلد تستقر الكل بتمنى ثغرة يقفظ بها على مصر .

لا أملك الا أن أقول حرام عليكم أنا أثق ان كل شخص يدعو لاضراب انه لا يحب مصر ولا يحب عمله ولايحب الله ورسوله ولكن له مصلحة شخصية فقط حرام عليكم

لازم نتكلم وناخد حقنا انا معاكم معااااااااااااااكم وربنا معاكم يارب

لازم نتكلم وناخد حقنا انا معاكم معااااااااااااااكم وربنا معاكم يارب


ياريت كل واحد خد حقه يبطل كلامه الفارغ والمحبط وانت مشاكتر منا في الوطنية وبنحب مصر فبلاش افترى وبعدين لما طلعت الشرطة الي قتلت الثوار انقطعت الالسن ليه طيب البترول والبنوك وغيرهم هما نقصين فلوس وزيادات هو انتم تيجوا لغاية حق المعلم وتتكلموا وتتهمونه بالعماله والخيانة وما بنحبش مصر والله حرام عليكم ولو عندكم الي يكفيكم ابعتلنا بقى مسعادة يا جماعة مطلبنا مش هكلف مصر حاجة خالص التعيين والغاء امتحان الكادر ونبدله بتدريب يستفيد منه المعلم مش الغش ويبقى فرحان اخد الكادر وهو غشاش اما الزيادة والفلوس لما نوقف مصر على رجليهه احنا قلنا مش عيزين اوصياء علينا شوفوا حسني مبارك قال اه اتشطروا عليهم وخلي المدرس ياخد حقه حسبي الله ونعم الوكيل في كل من ظلمنا

الى الاخ سيف رسول الله
انا ملاحظ ان كل كلامك وافكارك تنادى بالاضراب والاعتصام و...............و...............و
انا اشك مليون فى الميه ان انت يااما اخوان او من الناس الى عايزه الكل يعترض وخلاص .الناس الى عايزه وقف الحال
على العموم انت ونيتك ربنا الى يحسبك عليها
مع احترامى للاخوان

الناس الي بتقول لا للاضرابات ولا للاعتصامات كلهم اتعينوا
وعلشان البشوات اتعينوا خلاص مش عاوزين حد تاني غيرهم يتعين
ويقولوا البلد بتنهار والبلد بتخرب والبلد بتدمر
وسيادتهم عاملين ودن من طين وودن من عجين زي وزير التعليم بالظبط
علشان هما اكيد عارفين ان كل الوزارات ذادت مرتبات العاملين فيها
وزير الصحة رفع مرتبات الاطباء الجدد الي 1500 جنية مرتب الطبيب المتعين جديد
وزارات الكهرباء والاوقاف والموارد المائية والاثار ذادت مرتبات العاملين فيها تقريباً 50 %
ولما موظفين البنوك وموظفين الاعلام وموظفين الصحة عملوا اعتصامات واضرابات وزراءهم رفعوا مرتباتهم
ومحدش اتكلم خالص
ولما المدرسين يطالبوا بتحسين وضعهم المادي وزيادة مرتباتهم
الكل وقتها مفيش علي لسانهم غير ان البلد بتنهار والبلد بتخرب
يعني اما المدرس يرضي بالملاليم دي واما لو اتكلم يطلع هو الي غلطان
حسبنا الله ونعم الوكيل في وزير التعليم وفي الحاشية بتاعتة
وحسبنا الله في كل معلم هنا بيثبط من عزيمة اخوانه
وده علشان البشوات اتعينوا خلاص
علشان كده مش ناقصين صداع من الناس الي زينا

اللهم وفقنا لما فيه رضاك

الوزير بتاعنا مش راجل و لا ليه كلمه

وزارة التربية و التعليم الوحيدة التى لم يحدث فيها اى اصلاح بل زادت الطينة بلة بعدما صدرت القرارت الوزارية ومنا قرار 75 وم تنفذ حتى الان هذ ابالاضافة الى تردى احوال المعلمين المعيشية وخاصة المعلمين المساعدين ....نعم للوقفة يوم واحد حتى نكون فى الصورة ولا يتم تجاهل مطالبنا .. لماذا يكون المدرس هو المظلوم دائما دا يرضى مين ... حسبن الله ونعم الوكيل

الوزير بتاعنا مش راجل و لا ليه كلمه

340 جنية مرتبى فى الشهر (بالعقد) شغال من 6 سنين 4 سنوات اجر بمرتب 150 جنية فى الشهر دافع فى الدبلومة 800 جنية للكارنيه فقط ومطلوب 220 جنية تمن المذكرات ولسه ال icdl الطف بينا يارب

يا رب اهدي مصر وشباب مصر

(لا اله الا الله ولا حول ولا قوة الا بالله) ديما المعلمين كده عمرهم ماكانوا ايد احده

http://www.thanwya.com/vb/newreply.php?do=newreply&noquote=1&p=3319258

اه والله انامعاكم قلباقالبا
لا لكادر المعلم المهين
نعم للثبيت
نعم لزيادة المرتبات
نعم لرجوع كرامة المعلم

يا جماعة الوزير حافظ مش فاهم كان امس يتكلم عن الرخصة الدولية وضرورة التعامل من النكنولوجيا ودا بالنسبة للمتعاقدين ام الاساسين مش مهم والدبيلومة التربوية للمتعاقدين اما الاساسين فلا والكادر حرية دخولة للاساسين اما المتعاقدين فهم مجبرين علية

على قكرة دفعنا قى الدبلومة 2550جنيهة غير باقى المصروفات

يد الله مع الجماعة

اضراااااااااااااااااااب

الى الاخ سيف رسول الله
انا ملاحظ ان كل كلامك وافكارك تنادى بالاضراب والاعتصام و...............و...............و
انا اشك مليون فى الميه ان انت يااما اخوان او من الناس الى عايزه الكل يعترض وخلاص .الناس الى عايزه وقف الحال
على العموم انت ونيتك ربنا الى يحسبك عليها
مع احترامى للاخوان

مع احترامك لاخوان وانا مليش احترام ولما خلناك ترفع راسك ويبقى ليك رأي وقمنا بالثورة كان ده برده رأيك وبعدين واحد بيدور على حقه وانت عايز منه اه وكمان حضرتك مش شايف الناس كله بتطالب بحقوقها ولا اسمي مش عجبك وحضرتك مين علشان تقلي بتنادي بالاعتصام وهو حضرتك ما تعرفش انحنا رحنا في كل حته تتوقعها نطالب بحقوقنا ولم يستجب احد وعلى فكرة الحقوق المالية قلنا لما نوقف مصر على رجليها محدش عبرنا وحضرتك كنت فين لما خرجوا الي قتلونا في الميدان وطالبوا بالفلوس واخدوها والبنوك الخ هو حضرتك كنت نايم ولا اه ياسيدي الفاضل بلاش نتهم بعض ونظن في الاخرين بالخير وده الي اتعلمناه من الاسلام وختام اشكرك على ردك جزاك الله الف خير

الاضراب اذا كنتم تريدون ان تحافظوا علي البقية الباقية من الكرامة الضائعة والمكانة المهينة التي وصل اليها المعلم والوضع المادي المزري الذي لا يعين نملة على تحمل أبسط متطلبات الحياة... بعد ان كان التدريس اشرف مهنة في التاريخ أصبحنا يقال لنا ( الشغل مش عيب )...الاضراب طالما هذه هي اللغة الوحيدة المفهومة .. طالما هذا هو الصوت الوحيد المسموع ...الاضراب سيجعل المسئولين يشعرون اننا عندنا دم وبنحس زي باقي الناس اللي اخدت حقها...لا تسمعوا للاصوات التي تحبطكم فان فلوس الدروس تكفيهم ...أنا أجلس الان وليس في جيبي مليم واحد واعمل بالحصة منذ 9 سنوات ولم يشعر بي احد.. وحسبنا الله ونعم الوكيل

ليست فئوية بل ثورة تصحيح أوضاع، فالسياسات التى أفقرت مصر وجعلتها في أضعف حالاتها عمدت إلى إفساد الروح المصرية بإهانة التعليم وإذلال المعلم. والمعلمون حينما يقومون اليوم بثورتهم التصحيحية لا يطالبون بمكسب فئوي، بل يطالبون برد الاعتبار للعلم والمعلم. ولابد من إقصاء القيادات التي شاركت في السياسة التعليمية السابقة والتي حافظت على مناصبها كل هذه السنين بالتلون مع كل وزير، والتوسل إلى القيادات بمزيد من الضغط على المعلمين وإذلالهم.
لابد من المحاسبة، ولابد أن يسترد المعلم كرامته
ونحن مضربون عن العمل وعن أعمال الامتحانات في النقل والشهادات حتى يتم عزل هذه القيادات، ورد الاعتبار للمعلمين