نفسى أقول الشعر فى ساقية الصاوى
نفسى أكتب للمطربين الكبار غناوى
نفسى كلامى يتحفظ ويتعمل عليه حكاوى
نفسى شعرى يتقال
فى الشوارع وفى البيوت
و فى المدارس وعلى القهاوى
نفسى اكتب بحرية
واصرخ بحرية وأعيش بحرية
من غير ما انافق ولا اعمل حاوى

من صغرى والشعر مصاحبنى
بحبه اكتر من ابنى
كل اما افكره يحيينى
الاقيه بي***نى
كل اما افكره يقوينى
الاقيه بيهزمنى
للكلمة جرس
والكتابة روح
وانا روحى ريحة منى
كل يو م بغرق مش لاقى
الا ينشلنى

طول عمرى باكتب وخلاص
بس باكتب باحساس
حتى ساعات بلاقى الكتابة
نفسها زهقت منى
بكتب لنفسى وبكتب لبكرة
نفسى الكلمة تزرع شجرة
تطرح فكرة
بكتب ليكم
ما انتم اللغة والحروف
رغم القهر والحزن والخوف
رغم الفقر والغلب على قد ما تشوف
بشوفها بتغنى

الشاعر
عبد الحميد بدوى
http://www.alsakher.com/vb2/images/misc/progress.gif

شكرا لحضرتك وربنا يحقق أمنيتك

تقبل مرورى

اششششششششششششكرك يا استاذة