السلام عليكم ور حمة الله
شوفو يا جماعة انا طالبة فى تالته ثنوى ازهر (علمى) السنه دى بدات معايا بدايه مش تمام وقابلتنى عقبات كتير ضيعت كتير من وقتى :( وعارفه ان فى كتير منكم زيى علشان كده انا بدات الموضوع ده )
وان شاء الله اللى هيستمر معايا ندخل كلية قمة مع بعض
اسفه لو طولت عليكم
دلوقتى باقى شهرين على الامتحان (يبقى لازم كل يوم نستغله لاقصى حد ) هقولكم ازاى
1-نبدا كل يوم لازم نحفظ قران مش مهم الكمية المهم المداومة عليها/

2-كل واحد فينا يدى حد من المساكين (صدقه ) والافضل تكون من مصروفه الخاص

3-ندعى ربنا على اد ما نقدر (ادعونى استجب لكم) ونصلى ركتين قبل الفجر (خير من الدنيا وما فيها)
4- نحفظ كل يوم مالا يقل عن 20 كلمة فى الانجليزى (تزود ماشى تنقص لألألأ)

5-نبدا كل يوم من النهارده نضغط على نفسنا لازم لازم نخلص كل يوم مادة (محدش يقولى مقدرش ومستحيل والكلام الفاضى ده لأ نقدر ربنا وهبنا قدرات جبارة مستنية تخرج (وان شاء الله هاتخرج)

6-ندخل كل يوم باليل حوالى الساعة عشرة وكل واحد يقول انه خلص النهارده وده طبعا بيديه دفعه كبيرة للامام :028ja7: :078111rg3:واللى مالحقش يخلص نشجعه ونخليه يخلص يعنى كل ما تدخل هاتستفيد وربنا يوفقنا السنه دى ونعدى منها على خير وكل واحد يدخل الكلية اللى نفسه فيها :وكمان الفكرة دى بتخليك تلتزم لانك كل يوم لازم تدخل وتقول عملت اي النهارده يلا يا شباب عايزة كل اللى معايا مايخرجش من شهر ابريل الا وهو طاحن المواد كلها

السلام عليكم ور حمة الله
شوفو يا جماعة انا طالبة فى تالته ثنوى ازهر (علمى) السنه دى بدات معايا بدايه مش تمام وقابلتنى عقبات كتير ضيعت كتير من وقتى :( وعارفه ان فى كتير منكم زيى علشان كده انا بدات الموضوع ده )
وان شاء الله اللى هيستمر معايا ندخل كلية قمة مع بعض
اسفه لو طولت عليكم
دلوقتى باقى شهرين على الامتحان (يبقى لازم كل يوم نستغله لاقصى حد ) هقولكم ازاى
1-نبدا كل يوم لازم نحفظ قران مش مهم الكمية المهم المداومة عليها/

2-كل واحد فينا يدى حد من المساكين (صدقه ) والافضل تكون من مصروفه الخاص

3-ندعى ربنا على اد ما نقدر (ادعونى استجب لكم) ونصلى ركتين قبل الفجر (خير من الدنيا وما فيها)
4- نحفظ كل يوم مالا يقل عن 20 كلمة فى الانجليزى (تزود ماشى تنقص لألألأ)

5-نبدا كل يوم من النهارده نضغط على نفسنا لازم لازم نخلص كل يوم مادة (محدش يقولى مقدرش ومستحيل والكلام الفاضى ده لأ نقدر ربنا وهبنا قدرات جبارة مستنية تخرج (وان شاء الله هاتخرج)

6-ندخل كل يوم باليل حوالى الساعة عشرة وكل واحد يقول انه خلص النهارده وده طبعا بيديه دفعه كبيرة للامام :028ja7: :078111rg3:واللى مالحقش يخلص نشجعه ونخليه يخلص يعنى كل ما تدخل هاتستفيد وربنا يوفقنا السنه دى ونعدى منها على خير وكل واحد يدخل الكلية اللى نفسه فيها :وكمان الفكرة دى بتخليك تلتزم لانك كل يوم لازم تدخل وتقول عملت اي النهارده يلا يا شباب عايزة كل اللى معايا مايخرجش من شهر ابريل الا وهو طاحن المواد كلها
عليكم السلام ورحمة الله

انا عاوزه اشترك معاكى
بس انا شايفه اننا كفاية اننا نقرأ قران و الحفظ يبقى فى الاجازة ( دا بالنسبالى يعنى عشان انا مش ازهر)
لان لو حطيت على نفسى اعباء كتير مش هنفذ ولا واحد منها يعنى هحفظ مناهج و قرآن فحس انه كتير اوى كدة

وبالنسبه للمساكين .. طب فى ايام مش بخرج فيها اديلهم ازاى انا:d

و فعلا لازم نصلى الفجر ونصحى بدرى بيبقى وقت كويس و صلاة الفجر زى ما قولتى بالدنيا وما فيها

حكاية المادة دى بقى مستحيل اصلا
ازاى هخلص مادة فى يوم وبيبقى عليا دروس بكرة عاوزه واجبات!
الافضل اننا نحدد لنفسنا اننا نذاكر كل يوم جزء من مادة لغاية ما نخلصهم مع بعض مرة اولى وبعدين نعمل لكل مادة اسبوع نراجع تانى عليهم

بس دى ملاحظاتى على كلامك ياقمر
وايه رأيك

بس ايه علاقة الموضوع بقسم التنمية البشرية^_^



اة نسيت اقولك انا فى 2ثانوى و ادبى ونفسى ادخل كلية اعلام

ربنا يوفقك وتدخلى اللى نفسك فيه
وبالنسبة لعلاقة الموضوع بالتنميه البشرية انا بصراحة مش عرفت احطه فين وقلت ان ده يبقى انسب مكان ليه
وبالنسبة لموضوع ان مذاكرة مادة يوميا مستحيل ولا يهمك ذكرى اللى تقدرى عليه فى الاول وطبقى نظريتى (انا عملت لنفسى نظرية فى الموضوع ده) وهى((( كل يوم خطوة للامام))) يعنى تبداى باللى تقدرى عليه وتزودى صفحة كل يوم بكده صدقينى بنهاية الشهر ده هتكونى قربتى جدا ان يتقال عليكى (موس مذاكرة)
هههههههههههه بجد مش بهزر وماتنسيش تدخلى كل يوم بعد ما تخلصى وتقوليلى انك اتقدمتى خطوة للامام

شكراااااااااااا

مشكوووووووورره

سورى يا جماعة مش عرفت ادخل النت عندى بيقطع بس ليه مش لقيت اى حد عمل حاجة من اللى قلنا عليها

طب اضحكو عليا وقولو انكم عملتم اى حاجة حتى

بس انتم اكيد بداتم انا عن نفسى اتقدمت خطوة يلا مستنياكم تتقدموا انتم كمان

نخلص ماده في يوم هههههههههه
هو احنا في اولي ابتدائي
دا الكتاب بيبقي 400 صفحة علي الاقل

شكراااااا على الموضوع
جزاكم الله كل خير

شكرا ليكي جدا
وموضوعك جه في وقته
وانا رايي كمان بعد اذنكو ان الدخول عالمنتدى لازم نقلل منه وده لمصلحتنا وانا بجد بحاول وربنا معايا ومعاكم ان شاء الله

فكره جميله
حفظ القران لو أية واحده كل يوم
والكلمات ومننساش المراجعه الاسبوعيه يعنى نخصص يوم نراجع فيه على كل الى حفظناه
بس الاهم العزيمه والارده القوية التى تحافظ على ذالك

ادعوووولى بجد انى انتظم ف الصلاااااااااااااااااااااااااااه
محتاجه دعواتكم اوى اوى

كلااااااااااااااامك صح وفى غاية الاهمية
مشكوووووووووورةع الموضوع

ايوه كدا خلينا فى المهم ربنا يوفقنا جميعا
على فكره انا تالته ثانوى ازهر علمى زيك............

جزاك الله خيرا

ربنا يوفقكم يا اخوانى

طيب ممكن تحددوا القدر اللى يكون مناسب لكل اخوانكم علشان لا ييأس احد منهم لو لويستطع يقوم بما حددتموه

دى نصيحة اخ اكبر ليكم

انا مريت بالحاجات دى وانا فى ثانوى

اخوكم مستر محمد ... رياضيات

ربنا يبارك فيكي .... وشكرا ... لان لازم كلنا نساعد بعض ونقف جنب بعض ... ولازم نفتكر دايما ان نتوكل علي ربنا في اي حاجه هنعملها وربنا لاينسي اجر من احسن عملا