وصل شيك المرتب ومرتبنا 366 جنيه (اسيوط) ودا بعد اضافة 15%

ولما سألنا عن الزيادة قالوا فى شهر سبعة يعنى كل سنة وانتم طيبين


احنا نستاهل اكتر من كدة لما بطلنا نتظاهر رجعنا لعصر الذل تانى


هنفضل لغاية امتى حاسين بالذل

ولما قلنا نتظاهر قالو علشان نرجع كرامتنا وحقنا وفلوسنا اللى بتتنهب من بعض حرامية الحكومة نقول حرام البلد مولعة

ولما بنقول طيب نعمل اضراب عام نقول حرام اتقوا ربنا

نقول نولع فى روحنا علشان يرتاحوا نقول يا راجل هتكفر



اللى حيحصل الايام اللى جاية :

هنستنى لغاية شهر سبعة ومش هناخد مرتبات زى الوزارات التانية وهنقول حاضر

مش هناخد الفوارق من شهر 3 لغاية سبعة اللى طبعا احنا عارفين رايحة فين ونقول حاضر

مش هنعترض على المرتب ولا الحد الادنى للمرتبات لان اكيد المعلم هيكون اقل واحد ونقول حاضر


احنا للاسف متعلمناش ان يكون عندنا كرامة ولا بنعرف نجيب كرامتنا يبقى نستاهل اللى يجرالنا

يا عم الزيادة من مرتب شهر اربعة وده ساعتك هتقبضه في شهر خمسة ولا انت مش من البلد دى وعندنا في الفيوم بعد الزيادة وصلنا 389 جنيه

سبحان الله اسلوب بعض الزملاء في الكلام عن المرتبات يشعرك بالجشع الشديد

بجد حررررررررررررررررررررررررررررررررررررررررررام احنا لسه بنقول عيزين مصر جديده

حضرتك ادارة ايه يا استاذ هاني
انا من ادارة القوصية وقالو مفيش اي زيادة غير في شهر سبعة

سبحان الله اسلوب بعض الزملاء في الكلام عن المرتبات يشعرك بالجشع الشديد
اى جشع حضرتك بتكلم عليه 366 او390 يادوب مصروف أسماء وسلمى
فى رياض الاطفال

يا جماعة انا سمعت ان المرتب دلوقتى على القديم و بعدين الزياده هتبقى بأثر رجعى

يا عم الزيادة من مرتب شهر اربعة وده ساعتك هتقبضه في شهر خمسة ولا انت مش من البلد دى وعندنا في الفيوم بعد الزيادة وصلنا 389 جنيه


هو الفيوم وصل فيها قرار التعيين ولا ايه انا من الفيوم وما حصلش لسه حاجة هو المرتب ارتفع كده امتى انا اخر شهر كان زي ما هو على القديم
عموما يا رب يسمع منك علشان كان اخر حاجة بيقولوا ان المحافظ لسه ما مضاش على قرار التعيين

الف مبروك يا عم تامر على 389 وطبعا يا استاذ ناصر مفيش جشع ولا حاجة داحنا من كتر العز اللى فى وزارتنا مش عارفين نودى الفلوس فين ويا استاذ علاء انا من ادارة اسيوط وشفت شيك المرتب بنفسى

بس نفسى تجاوبوا هو 390 دول بتدفعوا منها مصاريف الايجار ابوا 500 ولا نور ومية وغاز حوالى 200 جنيه ولا مدارس وحصص العيال مش اقل من 500 تانى ولا ايه يا ناس عيب عليكوا ممكن تكون ليكم مصادر رزق تانية وغيركم لأ

الفكرة ان يكون فى عدل مش انا باخد 400 وواحد تانى 3000 الاف على الاقل

لو انتم رضيتوا بكدة تبقوا مش من البلد دى

بصوا الدول التانية بتعامل مواطنيها ازاى وانتم تعرفوا الفرق وبلاش والله نغمة خافوا على البلد لانها بقيت بايخة قوى لان الحق ميزعلش ومن العيب قوى نشوف الغلط ونقول بنخاف على بلدنا لو بنخاف عليها نقول لا لاى غلط مش نقول نسكت علشان الامور تعدى محنا سكتنا 30 سنة عيزين تسكوتوا تانى

هو الفيوم وصل فيها قرار التعيين ولا ايه انا من الفيوم وما حصلش لسه حاجة هو المرتب ارتفع كده امتى انا اخر شهر كان زي ما هو على القديم
عموما يا رب يسمع منك علشان كان اخر حاجة بيقولوا ان المحافظ لسه ما مضاش على قرار التعيين


ياشباب الفيوم احنا محتاجينكم في وقفة يو م الاربعاء القادم
ياريت محدش يتاخر علشان نتعين زي المحافظات التانية
ماشي ياتامر ويامحبو الاسلام
لازم نكون ايد واحدة
علشان نحصل باقي المحافظات

ياجماعة ازاى بس
فى بنى سويف بيتعمل ورق شهر 4 على الجديد اللى هو متضافله كادر و 15 %
يعنى هيبقى حوالى 472 لغير المتزوج وضيفو عليهم 3 جنيه للمتزوج

القوصية 366 فقط
انسى يا صاحبى

انا من الفيوم وفيش اى حاجة حصلت احنا مخدناش مرتب شهر ابريل مش دة حرام

الازهر قبضنا شهر مارس 375 ده من غير ال15% بتاعة شهر اربعة

يا جماعة موظفة فى الحسابات فى القليوبية قالت ان شهر 4 ها يضاف عليه الزيادة ال15% وان زيادة الكادر ها تصرف لوحدها لشهر3و4 مع بعض وبعد كدا ها ينصرف المرتب على بعضه وها يكون حوالى 440 جنيه

احنا بناحد 410 بعد الزيادة في كفر الدوار انتو بتسرقوا

الازهر قبضنا شهر مارس 375 ده من غير ال15% بتاعة شهر اربعة


انت عاوز ايه يعنى
ال15% بتاعة شهر اربعة

عاوز تقبضها فى 3

ايه ده

بصراحة كل محافظة بتقبض مختلف عن التانية ولا اعرف السبب بجد حاجة غريبة جدا

حسبي الله ونعم الوكيل

الحمدلله على كل حال الرزق مش فلوس وبس وكفاية عندك اسماء وسلمى غيرك معندهوش احمد ربنا والاية الكريمة بتقول وإن شكرتم لآزيدنكم صدق الله العظيم ياربى لك الحمد كما ينبغى لجلال وجهك وعظيم سلطانك

والله ياجماعه حتى لو زى ماقلتم هنبقى نقبض 440 جنيه فده عيب هو كمان اما يبقى المدرس بياخد اقل من طالب عنده لو تشوف هتلاقى التلميذ اللى سيادتك بتدرس له بياخد مصروفه فى الشهر ودروسه اكتر من كده بكتير فى حين ان البلد بيتسرق منها مليارات من حقك وحقى وحق ولادك وولادى يبقى اى جشع ؟ ماشى احنا نحمد ربنا وندعى ربنا يبارك فى رزقنا اى كان ولكن ياسيدى الفاضل اللى ملوش مصدر رزق ومبيديش دروس خصوصى يعمل ايه؟
فى حين ان الوزارات التانيه وصل الحد الادنى لاجورها 1200 جنيه يعنى فى فلوس فى البلد اهه يبقى العيب مش فى البلد ولا فى الماليه اللى فى البلد العيب فى اللى مبيعرفش ياخد حقه ما هو قالوا زمان اخذ الحق حرفه واحنا لسه للاسف متعلمناش الحرفه دى وبردو مبقولش نولع فى البد زى ماالبعض بيقول احنا نعمل مظاهرات سلميه ونضرب عن العمل وبكده ناخد حقنا ومنضرش بلدنا بس العدل والمساواه ولا الموظفين اللى فى الوزارات التانيه بيشتغلوا ويتعبوا واحنا قاعدين مشغلين مراوح وبنشرب كركديه بالعكس احنا طالع عيننا فى المناحيه مع اولادهم فى المدارس طول اليوم لو هتحسبها بالعدل يااستاذى الفاضل احنا كاتر فئه تستحق الزياده والتقدير المادى والمعنوى
وحسبى الله ونعم الوكيل

هو فعلا جشع المفروض نخفض مرتبتنا شوية عشان الجشع يروح ولا بلاش ناخد مرتبات خالص عشان نبقي مش جشعين
اصل 395 كتير بيكفوا ويزيدوا كمان ونتبرع منهم للاخوتنا الموظفين في الوزارات التانية عشان يزيدو شوية

[quote=منارسراج;3325460]الحمدلله على كل حال الرزق مش فلوس وبس وكفاية عندك اسماء وسلمى غيرك معندهوش احمد ربنا والاية الكريمة بتقول وإن شكرتم لآزيدنكم صدق الله العظيم ياربى لك الحمد كما ينبغى لجلال وجهك وعظيم سلطانك[/quote

الحمد والشكر لله

سبحان الله اسلوب بعض الزملاء في الكلام عن المرتبات يشعرك بالجشع الشديد

اي جشع ده ال 104 جنيه اللي بنخدهم مش بيكفوا حتي الموصلات
واحد المقابر اللي هيدفن فيها ب 15 مليون وناس تانيه عايشه علي الرصيف ومش معاها حتي 15 جنيه لا حوله ولا قوه الا بالله

ياجماعة ازاى بس
فى بنى سويف بيتعمل ورق شهر 4 على الجديد اللى هو متضافله كادر و 15 %
يعنى هيبقى حوالى 472 لغير المتزوج وضيفو عليهم 3 جنيه للمتزوج



ازاي 472 يا علا!!!!
عمرهم ما يوصلوا لكده
المنوفيه مفيش حاجه عن الكادر....... مع ان هي اول محافظه تم فيها التعيين بس عندنا قالوا في شهر7

وقبضي 342 من غير 15%

ياجماعة الواحد مش عارف يسأل مين عن المرتب الجديد بالضبط . احنا فى الفيوم لم نستلم خطابات التعيين حتى هذه اللحظة 16/4/2011 يارب نستلم الجوابات الاسبوع القادم بعد توقيع المحافظ الجديد على القرار . عندى سؤال مهم لماذا تختلف المرتبات من محافظة لـ محافظة .

اصلا ال 15 % الزياده دول هيطلعو بتاع 20 ج بالنسبه للمعلم المساعد او المعلمين الجداد يعني مكنش ليهم لزمه اصلا

لو حضرتك نظرت الى قرار التعيين الى انتا اخدتة من بتاع شئون العاملين بالادارة هتلاقى نفسك غلطان
قولى ليـــــــــــــــــــــــــــــــة
القرار الوزارى مقسوم لجزئين
الجزء الاول قرار رقم 113 و دة مربوطة 56 جنية يعملوا 217.40 جنية اساسى
الجزء الثانى قرار رقم 114 و دة مربوطة 52 جنية يعملوا 200.40 جنيه اساسى
الفرق بين الاثنين 4 جنية علاوة فرق تاريخ توقيع عقد المعلم المساعد 2008 أو 2009
طبعا 2008 بياخد 56 جنية و 2009 بياخد 52جنية
تاريخ المرتب ده مكتوب فى قرار التعيين و هوة 28/3/2011 يبقى هنقبض شهر اربعة بالزيادة

انت عاوز ايه يعنى
ال15% بتاعة شهر اربعة

عاوز تقبضها فى 3

ايه ده
يا افندى افهم الكلام باقولك شهر 3 قبضناه وشهر اربعة اللى عليه الزيادة لسه مقبضنهوش

ياجماعه زي ما ترسي بقي كله بيطير مابيكملش نصف الشهر

ابشروا يازملائى الفاضلين فى ادارة بلقاس التعليميه قبضنا والحمدلله شهر 4 وطلع367جنيه مصرى فقط لاغير
وبيقولوا احمدوا ربنا طبعا الحمدلله فى السراء والضراء لكن لاتعليق هسيبكم تقوولوا رايكم انتم بذمتكم دول يكفوا ابنى محمد مصروف فى الشهر؟؟؟؟؟؟؟؟؟

البحيرة اخدنا 404ج لغير المتزوجين و406 للمتزوجين
ولا يوجد حتى الان فرق بين اللى اتعين واللى ما اتعينش

السلام عليكم ورحمة الله وبركاته
يا جماعة هوه ايه اللى بيحصل بالظبط
انا باخد فى الشهر 342 جنيه بس
بالزيادة ال 15% يبقى تزيد حركة 29 جنية تانيين
يبقى المجموع 371 يتخصم منهم تأمينات ومعاشات يبقى الصافى زى ما الأستاذ قبض
ولا الحكاية ايييييييه ؟
انا تعبت حاسه انى بقبض غير ما الناس هنا بتقول
يا ريييييييييت حد يفهمنى ؟

وحسبى الله ونعم الوكيل

ياجماعة الحمد الله على كل شئ

احنا الزياده في اسوان 6 جنيه والحمدلله

ازاي 472 يا علا!!!!
عمرهم ما يوصلوا لكده
المنوفيه مفيش حاجه عن الكادر....... مع ان هي اول محافظه تم فيها التعيين بس عندنا قالوا في شهر7

وقبضي 342 من غير 15%


على فكرة جمهورية المنوفية دى اكيد اجمد جمهورية فى مصر

سبحان الله وبحمده سبحان الله العظيم

نفس الحكاية فى الغربية ما فيش زيادة وقالوا هتيجى فى 7 باثر رجعى وسلملى على الاثابة والكادر وال15%