مشاهدة النسخة كاملة : لو كنت في يوم في الموقف ده ......هتعمل ايه؟؟؟؟
THE CodeR 15-04-2011, 12:10 AM السلام عليكم و رحمة الله و بركاته
هدخل في الموضوع علي طول
تخيل نفسك كده
طالب ثانوي طموح زي كتير من اعضاء المنتدي
عندك دروس و مدرسة بتروحها و حياة طبيعية
غير ان حياتك يشوبها بعض الاحداث الغامضة
يعني
تلاحظ و انت نازل اغلب دروسك انه بيشوف واحد قاعد في القهوة اللي في شارعكم
و ماسك جرنال
طيب ماهو ده طبيعي في اي قهوة
لكن الغريب انك تلاقي الشخص ده موجود في اي معاد تنزل فيه لدرسك او حاجة
او تلاقي شخص واقف في شارعكوا عامل نفسه بيتكلم في التلفون و كل مرة بيعمل حاجة شكل
لكن المرعب و المخيف
انك و انتا بتجيب عيش مثلاً بعد مطرة او حاجة و الشارع فاضي
و تلاقي عربية تعدي من قصادك و واحد ياخدلك 3 صور بسرعة و العربية تهرب بعد كده
تخيل هتعمل ايه؟؟؟؟
الموقف ده حكاهولي واحد صاحبي
حصل معاه
و النهاردة حصل معايا موقف مشابه حسيت فيه اني متراقب
لو مكاني
هتعمل ايه؟؟؟؟
منتظر ارائكم
المياة 15-04-2011, 12:18 AM بجد فعلا مش عارفة بس الأكيد أني هترعب وهروح البيت بسرعة ومش هنزل غير مع أهلي
THE CodeR 15-04-2011, 12:25 AM بجد فعلا مش عارفة بس الأكيد أني هترعب وهروح البيت بسرعة ومش هنزل غير مع أهلي
دي النتيجة الفورية للموقف ده
لكن الظروف بتحكم غير كده بعد كده
ثم بالنسبة لولد مينفعش اقول مش نازل الا مع بابا و ماما........دي تبقي عيبة كبيرة في حقي يعني
لكن شكراً لمرورك
اكيد هنعرف من اعضاء تانيين التصرف السليم
X-Designer 15-04-2011, 12:32 AM ركـز وماتحكمش من مره واحده شوف الموضوع هيتكرر تاني ولالا
لو تكرر وعاوز تتـاكد بقي اعمل كده بالظبط بصله طبعا هيعمل مش
واخد باله اجـري وشوف هيحصل ايه بس اوعاك تعمل كده
بالليل ولا في وقت مافيهوش حد لا لو اتكرر الموقف في مكان فيه ناس اعمل كده
وشوف هيجري وراك ولالا ولو هربت منه شوف هيجيبك ولالا
علي فكرة في اقتراح كان ممكن يتقال بس قبل الثورة انه مثلا امن دولة
وانت ليك ملف بس المشلكة امن الدولة اتلغي اصلا ربنـا يتسر
THE CodeR 15-04-2011, 12:43 AM ركـز وماتحكمش من مره واحده شوف الموضوع هيتكرر تاني ولالا
لو تكرر وعاوز تتـاكد بقي اعمل كده بالظبط بصله طبعا هيعمل مش
واخد باله اجـري وشوف هيحصل ايه بس اوعاك تعمل كده
بالليل ولا في وقت مافيهوش حد لا لو اتكرر الموقف في مكان فيه ناس اعمل كده
وشوف هيجري وراك ولالا ولو هربت منه شوف هيجيبك ولالا
علي فكرة في اقتراح كان ممكن يتقال بس قبل الثورة انه مثلا امن دولة
وانت ليك ملف بس المشلكة امن الدولة اتلغي اصلا ربنـا يتسر
انا سألت واحد خبرة في امن الدولة و اتمسك فيها 3 مرات
قالي نفس الكلام
لو شفت الراجل ده تاني او الموقف اتكرر معاك ابقي اتصل بيه
بس هو ربنا يعينه في النيابة العامة بكرة :d
و انا بفكر يعني اقفشه مرة في حتتي و اتفق مع حبايبي في الحتة نعمله كمين و نعرف حكايته
بس
و انا حاسس برضه انه امن دولة
بالنسبة لصديقي هي امن دولة مية في المية لان الكلام ده كان قبل الثورة بكام يوم
لكن بالنسبالي الله اعلم
شكراً لمرورك يا مستر اكس
المشاركات دي بتحسن الحالة النفساوية برضه :d
warda2011 15-04-2011, 02:19 AM امن دوله ههههههههههههههههههه
ربنا يطمنك موضوع يخوف بجد
BaNZeR 15-04-2011, 02:36 AM انا عمال ابص على تاريخ المشاركة واتأكد ... أمن الدولة ودلوقتي حيعوز منك ايه ؟؟ ولحساب مين ؟؟
انت بتعمل ايه انا معرفوش ياد :d
amira elnaggar 15-04-2011, 12:51 PM غريب اوى الموقف دى
لكن مش عارفة اعمل بس ممكن اخد رقم العربية وابلغ البوليس
Dr. Hoda Ahmed 15-04-2011, 05:53 PM مش عارفه بس اكيد انت عامل حاجة فعلا لو كان قبل الثورة نقول مثلا كنت بتتكلم فى السياسة او كنت ضد مبارك وعايز تعمل انقلاب ولا حاجة على الحكم
لكن دلوقتى الامر مريب فعلا
بس انا شايفة تعرض الامر على من اكبر منك او ليهم سلطة يقدروا يعرفوا اصل الموضوع ومين الناس دى
بس لو تاكدت فعلا انهم قاصدينك
THE CodeR 15-04-2011, 06:21 PM امن دوله ههههههههههههههههههه
ربنا يطمنك موضوع يخوف بجد
طبعاً موضوع يقلق
لكن مش هموت نفسي من القلق او الخوف
اللي عنده حاجة يعملها
و شكراً لمرورك
انا عمال ابص على تاريخ المشاركة واتأكد ... أمن الدولة ودلوقتي حيعوز منك ايه ؟؟ ولحساب مين ؟؟
انت بتعمل ايه انا معرفوش ياد :d
صدقني يا بانزر انا لا اعرف لحساب مين ولا ايه هدفهم من مراقبتي
هو تقريباً الحاجة الوحيدة الجديدة اللي مقلتلكش عليها هو اني هستغل الفكرة بتاعت الجهاز اللي شرحتهولك قبل كده اني هعمل بيه قنبلة مدمرة عشان بتوع الانتفاضة
قلت اساعد بأي سلاح او اي حاجة
ده تقريباً الجديد الوحيد
مفيهاش حاجة مريبة خالص عني :d
غريب اوى الموقف دى
لكن مش عارفة اعمل بس ممكن اخد رقم العربية وابلغ البوليس
ده حصل لصاحبي
و هو صور النمرة بتاعت العربية
لكن معرفش يعمل بيها ايه
هو هيبلغ عن امن الدولة عند البوليس؟؟؟
صعبة شوية
ده البوليس ممكن يعمله مشكلة في الموضوع ده
هي ضاعت منه بعد كده علي اي حال يعني
بس ربنا ستر و الثورة ظبطت البلد
لكن لسه مش بالكامل علي ما اظن
شكراً لمرورك علي الموضوع
مش عارفه بس اكيد انت عامل حاجة فعلا لو كان قبل الثورة نقول مثلا كنت بتتكلم فى السياسة او كنت ضد مبارك وعايز تعمل انقلاب ولا حاجة على الحكم
لكن دلوقتى الامر مريب فعلا
بس انا شايفة تعرض الامر على من اكبر منك او ليهم سلطة يقدروا يعرفوا اصل الموضوع ومين الناس دى
بس لو تاكدت فعلا انهم قاصدينك
انا مكانش ليا دعوة بالسياسة
انا كنت مع صاحبي ده في مشروع اسمه اكيد هنعمل حاجة صح
و كان هدفنا حملات توعية صحية و اجتماعية و غيرها و خدمات و حاجات كده
و طبعاً قبل الثورة الكلام ده كان امن دولة وش
لكن دلوقت الموضوع اتغير
لكن مش عايز اكبر الموضوع قبل ما اتأكد 100% اني متراقب
ساعتها اشوف الاكبر مني فعلاً يساعدني
شكراً لمرورك و لابداء رأيك
مصرية وبحب بلدي 15-04-2011, 10:33 PM بجد موقف يخوف اوى
مش عارفة اقول ايه صراحة
اوعى تكون عامل عملة من ورانا
ربنا يستر
Mohamed.Helmy 15-04-2011, 10:48 PM احم احم ..
بص يابوحميــد ..
عشان مانشوفش المضووع من زاوية واحدة ..
أولا .. شوف نفسك انت عملت ايه يخلي ان حد يعمل معاك كده .. راجع نفسك يعنى شوف انت عملت ايه ..؟!
ثانيا .. ماتحكمش خلاص انه واحد بيراقبك " انت " و انك انت المقصود .. فى ناس ممكن تكون بتصور عادي او بيكون بيصور حد غيرك ..
ثالثا .. طالما انت ماشي صح و ما بتعملش حاجة غلط يببقى متخفش من أى حاجة و اعرف انك انت مش المقصود بالحركة دي ..
و لو شوفته تاني اتأكد كويس انك انت المقصود .. و روحله قوله نعم فى حاجة ؟ وشوف هيقولك ايه بس طبعا اطمن ان فى ناس حواليك ..
و لو اتكرر الموقف معاك أكتر من مرة و أتأكد انك المقصود بكده .. يبقى أكيد انت عملتلك عملة :d
و ساعتها تاخد رقم العربية و تبلغ البوليس ..
و ربنا يستر علينا جميعا ^^
رقيه. 16-04-2011, 10:33 PM الله يكون في عونك الحكاية دي مقلقة جدا وخصوصا لو كان سببها فعلا المشروع ده،بس ع العموم توكل علي الله وما دام نيتك سليمة ف المشروع بتاعك يبقي باذن الله ربنا مش هايذيك بسببه،وفكرة انك انت وجيرانك تمسكوا الراجل ده وتوضبوه عشان يعترف حلوة اوي .بس اهم حاجة تتاكد عشان ما تظلمهوش وكمان ما يبقاش شكلك وحش قدام جيرانك
usernamo 17-04-2011, 03:03 AM اقولك تعمل ايه ... استناه .. انت و مجموعه من اصحابك .. و و اول ما يعدى بالعربية وقفوه بأى طريقة بالطوب بقى بأى حاجة تانى .. و لو وقف .. هاته .. كده يا معلم .. و اساله هو عايز ايه .. و طبعاً .. تكتفه عشان لو كان معاه سلاح .. لان مفيش امن دولة .. حالياً.. و امن الدولة السابق .. واضح ان صاحبك مش خبرة فيه .. لان امن الدولة .. مش محتاج ينزل و يصور .. بيجيبك .. من غير ما يعرف حتى انت فين .. و بيبقىعارف معلومات تحركك ... مش هيصورك و ينزل الصورة على غلاف مجلة ميكى جيب ! .. و الاحتمال انه هيكون حاجة من اتنين .. يإما واحد صاحبك بيلعب استغماية رزلة معاك .. او بلطجى عارفك شخصياً .. و عايز منك حاجة .. و فزى ما قلتلك حاول انت و اصحابك .. توقفوه ...
و طبعاً كلامى كان موجه لصاحبك ^^ ..
THE CodeR 17-04-2011, 03:20 AM بجد موقف يخوف اوى
مش عارفة اقول ايه صراحة
اوعى تكون عامل عملة من ورانا
ربنا يستر
عمايلي كتييييييييييييير
انا بتاع مشاكل اساساً لس كلها بتكون لحق ليا او لحد من صحابي
و غالباً ما بتنتهي بكارثة
و اللي يعرفني علي المنتدي اكيد عارف عني كده
انهي واحدة فيهم الله اعلم
لكن ربنا يتسر علي رأيك
و شكراً لمرورك
احم احم ..
بص يابوحميــد ..
عشان مانشوفش المضووع من زاوية واحدة ..
أولا .. شوف نفسك انت عملت ايه يخلي ان حد يعمل معاك كده .. راجع نفسك يعنى شوف انت عملت ايه ..؟!
ثانيا .. ماتحكمش خلاص انه واحد بيراقبك " انت " و انك انت المقصود .. فى ناس ممكن تكون بتصور عادي او بيكون بيصور حد غيرك ..
ثالثا .. طالما انت ماشي صح و ما بتعملش حاجة غلط يببقى متخفش من أى حاجة و اعرف انك انت مش المقصود بالحركة دي ..
و لو شوفته تاني اتأكد كويس انك انت المقصود .. و روحله قوله نعم فى حاجة ؟ وشوف هيقولك ايه بس طبعا اطمن ان فى ناس حواليك ..
و لو اتكرر الموقف معاك أكتر من مرة و أتأكد انك المقصود بكده .. يبقى أكيد انت عملتلك عملة :d
و ساعتها تاخد رقم العربية و تبلغ البوليس ..
و ربنا يستر علينا جميعا ^^
ماهو المشكلة اعرف انا عملت ايه
انا عملت كتير
و ليا اكتر من صديق في امن الدولة و منهم دخلوه و اتعذبوا فيه كمان
و شاركت و عملت في كذا و كذا كذا
لكن الراجل ده كان قاصدني انا
و دي الحاجة الوحيدة اللي متأكد منها
لو شفته تاني هثبته في الشارع و هخليه يطلع بطاقته كمان
بس اشوفه تاني
شكراً لمرورك يا حلمي
شكلي هروح في داهية يا حلمي :d
الله يكون في عونك الحكاية دي مقلقة جدا وخصوصا لو كان سببها فعلا المشروع ده،بس ع العموم توكل علي الله وما دام نيتك سليمة ف المشروع بتاعك يبقي باذن الله ربنا مش هايذيك بسببه،وفكرة انك انت وجيرانك تمسكوا الراجل ده وتوضبوه عشان يعترف حلوة اوي .بس اهم حاجة تتاكد عشان ما تظلمهوش وكمان ما يبقاش شكلك وحش قدام جيرانك
المشروع عمره ما هيقف حتي لو حد هددني في وشي و قالي وقفه
ده حلم اننا نغير بلدنا و نعمل حاجة صح
و لا يمكن حد يقدر يحبطنا ابداً
و عامةً انا ساكن في شبرا و الناس بتحب تضرب حتي بدون مشكلة :d
مش هيكون فيها كسوف خااااالص :d
شكراً لرأيك الجميل يا رقية
اقولك تعمل ايه ... استناه .. انت و مجموعه من اصحابك .. و و اول ما يعدى بالعربية وقفوه بأى طريقة بالطوب بقى بأى حاجة تانى .. و لو وقف .. هاته .. كده يا معلم .. و اساله هو عايز ايه .. و طبعاً .. تكتفه عشان لو كان معاه سلاح .. لان مفيش امن دولة .. حالياً.. و امن الدولة السابق .. واضح ان صاحبك مش خبرة فيه .. لان امن الدولة .. مش محتاج ينزل و يصور .. بيجيبك .. من غير ما يعرف حتى انت فين .. و بيبقىعارف معلومات تحركك ... مش هيصورك و ينزل الصورة على غلاف مجلة ميكى جيب ! .. و الاحتمال انه هيكون حاجة من اتنين .. يإما واحد صاحبك بيلعب استغماية رزلة معاك .. او بلطجى عارفك شخصياً .. و عايز منك حاجة .. و فزى ما قلتلك حاول انت و اصحابك .. توقفوه ...
و طبعاً كلامى كان موجه لصاحبك ^^ ..
اهو ده رأي يقلقني بقي
بلطجي يعرفني دي العن ميت مرة
لاني كنت مهدد بال*** في فترة من عمري
و الموضوع كان انتهي بقاله شوية
لكن لو رجع كده تاني تبقي كارثة
الله يطمنك يا امجد
الله يطمنك
yara attia 17-04-2011, 11:26 AM آمممممممممممم
موقف يقلق بصرآحة
شوف آنت آلآول تقول لولدك وولدتك ده لو مش قآيل لهم
واستني كده كام يوم في لبيت مش تخرج منه
آسبوع مثلآ
وبعدهآ آبدآ آخرج عآدي وشوف آلموضوع هيتكرر تآني ولآ
ولو آتكرر خلي فعلا آهل حتتك يتفقوآ معآك وظبطوه وآعرف هو عآيز منك آيييييه ؟؟؟
بس كده
تقبل مروري
mano 4 ever 17-04-2011, 05:41 PM اكيد انتى عملت حاجه اعترف الانكار مش هيفيدك
احلى حياه 18-04-2011, 12:46 PM ههههههههههههههههههههههههههههههههههههه
على اساس اني مثلا شخصية مهمة ؟ :p
شكلكم عاملين حاجة ..<>
امم ..عادي جدا ، هقول معجبين بيا < >
فاطمة الزهراء كارم 18-04-2011, 01:01 PM هتغر فى نفسى قوووووى هههههههههههه
THE CodeR 19-04-2011, 12:07 AM آمممممممممممم
موقف يقلق بصرآحة
شوف آنت آلآول تقول لولدك وولدتك ده لو مش قآيل لهم
واستني كده كام يوم في لبيت مش تخرج منه
آسبوع مثلآ
وبعدهآ آبدآ آخرج عآدي وشوف آلموضوع هيتكرر تآني ولآ
ولو آتكرر خلي فعلا آهل حتتك يتفقوآ معآك وظبطوه وآعرف هو عآيز منك آيييييه ؟؟؟
بس كده
تقبل مروري
والله اللي عنده حاجة يعملها
انا مش هعيش خايف من حد
لكن في حالة او اتكرر مش هيخرج من المنطقة علي رجليه .............
شكراً لمرورك علي الموضوع
اكيد انتى عملت حاجه اعترف الانكار مش هيفيدك
:d :d :d
اعترف يا واد يا تيت :d
فعلاً انا بتاع مشاكل
لكن عشان اعرف ايه اللي عملته خلاني اتراقب محتاجة وقت
و شكراً لمروك الظريف
ههههههههههههههههههههههههههههههههههههه
على اساس اني مثلا شخصية مهمة ؟ :p
شكلكم عاملين حاجة ..<>
امم ..عادي جدا ، هقول معجبين بيا < >
المعجبين لحد البيت كمان ؟؟؟؟؟؟؟؟؟
ممكن اكون شخصية مهمة ولا حاجة :d
ممكن اكون واد سياسي و علي طول متراقب
ساعتها بقي هقول معجبين
و اخليهم يطلعوا يشربوا شاي كمان و اتصاحب عليهم و في الاخر
اتروق بقي علي مزاج منهم :d
هتغر فى نفسى قوووووى هههههههههههه
...................:d
شكراً لمرورك
و عقبال ما تتراقبي بإذن الله كده :d
احلى حياه 19-04-2011, 10:23 AM كن على علم يا أخي ...ربما يكون مقلب قد دُبّر لك من اصدقاءك !
فــ أنت لا تدري ،،
ولا بأس في فنجان من القهوة ، :p
|