السلام عليكم ورحمة الله وبركاته

الإخوة الأفاضل والأخوات الفضليات

تحية طيبة وبعد

والله طبعا كلنا عارفين إن صدر قرار 75 بتثبيت من أمضوا ثلاث سنوات سواء بالمكافأة الشاملة أو الحصة ولم يحدث بعد

وقالوا إن العاملين بالعقد المؤقت لسة ماكملوش 3 سنين هيمدولهم لغاية ما يكملوا 3 سنين ويتثبتوا


وللتوضيح المكافأة الشاملة بندين:

البند اللي إحنا عليه 3/10 ( أجره الشهري 108 جنيه) وبيتحسب باليوم واليوم اللي تغيبه يتخصم ومافيش أجازات عارضة والحاجات دي

وفيه بند تاني بند 2/2 ( أجره الشهري 260 ) ده غير إنه بيبقى فيه أجازات عارضة ويعتبر زي المتعاقدين



إحنا بقى من العاملين بالمكافأة الشاملة على بند 3/10

اللي حصل في محافظة أسيوط أنه جه قرار للمدارس التابعة لإدارة أسيوط فقط وليس لباقي إدارات المحافظة
(وأنا تابعة لإدارة الفتح ماجاش القرار ده لأن أي قرار بيروح الأول إدارة أسيوط ومدارسها وبعدها بيروح باقي الإدارات ده النظام في المحافظة هنا)

المهم إن القرار ده اللي راح للمدارس التابعة لإدارة أسيوط كما سبق ووضحت خاص باللي ماكملوش 3 سنين

وصل للمدارس دي يوم الثلاثاء الماضي الموافق 12/4/2011


http://dc09.arabsh.com/i/02880/hdw8a0z6a50x.jpg

http://dc09.arabsh.com/i/02880/6fdvsrjxppyy.jpg

وطبعا مُعتمد وموقع من وكيل الوزارة بالمحافظة أ/ محمد عبد السلام

ومع القرار العقد اللي المفروض إحنا هنمضي عليه

http://dc09.arabsh.com/i/02880/h6h5k1s6d6iq.jpg

http://dc10.arabsh.com/i/02880/fhrxi8hq8m2a.jpg

بيقول فيه إنه هيمدولنا يعني العقد هيتجدد تلقائي لغاية مانكمل 3 سنين ودي نقطة كويسة ودي المفروض اللي متوقعة

نيجي بقى للي مش كويس

قال في البند التاني في العقد إنه هينقلنا على بند 2/2 في البند اللي بعده على طول في العقد اللي هو البند التالث قال إننا هنتقاضى نفس الأجر اللي كنا بناخده قبل تحرير هذا العقد؟؟؟!!!!!!!!!!!!!!!!!!!!!

إزاي الكلام ده؟؟؟؟؟!!!!!
وهل ده كلام يُعقل؟؟؟؟!!!!!!!!
بيناقد نفسه في العقد ؟؟؟!!!!!
البند التاني اللي عاوز ينقلنا عليه بينص على إن الأجر 260 تقريبا إزاي عاوز تنقلني عليه وبعديها بتقول هتاخد نفس الأجر اللي كنت بتاخده!!!!!!!!!!!
يبقى حضرتك عملت إيه يعني؟؟؟!!!!!
وإيه اللي كسبناه؟؟؟؟!!!!!!
طيب ماكنتوا سيبتونا زي ماإحنا وجددتولنا العقد تلقائي وخلصنا
وكنا مضينا على كدة
لكن يستخفوا بينا بالشكل ده ونتعامل على إننا أغبيا بالشكل ده لألألألألألأ http://www.******.com/vb/images/smilies/n1/16.gif

طبعا الكلام ده ماينفعش إطلاقاً وتاني يوم اللي هو الأربعاء الموافق 14/4/2011 عدد كبير جداااااااا من العاملين بالمكافأة الشاملة والحصة إتظاهروا طول اليوم أمام مديرية التربية والتعليم
إحتجاجاً ع القرار والعقد العقيم ده

وإتشال وكيل الوزارة السابق اللي معتمد القرار وإتعين واحد جديد أ/ إبراهيم محمد إلتقى بالمتظاهرين ووعدهم بحل المشكلة

تاني يوم الخميس الموافق 15/4/2011 جت إشارة للمدارس اللي راحلها القرار ده بإلغاؤه

http://dc08.arabsh.com/i/02880/zbuf8m6sphr4.jpg

بتنص على إلغاء القرار ده لحين الإستفسار وإنهم يتفقوا على قرار تاني بخصوصنا يكون أفضل طبعا من اللي فات ده

طبعا قلنا كدة خير وكويس وجاب نتيجة وفيه أمل

النهاردة بقى اللي هو السبت الموافق 16/4/2011 ييجي قرار للمدارس برضه اللي راحتلها الإشارة بالرجوع تاني للقرار ؟؟؟؟!!!!!

http://dc10.arabsh.com/i/02880/t1nxwhpx3ffk.jpg

وبيقولك اللي عاوز يمضي عليه ويوقع على بنوده يمضي لغاية مايجيلنا الردود ع الإستفسارات اللي أرسلناها


طبعا المفروض دلوقت إن القرار هيتعمم على كل إدارات والمحافظة

والمطلوب مننا دلوقت إننا نمضي وعادي ونمشي ع القرار اللي لغوه تاني

ياسلام؟؟؟!!!!!
طاب ماتستنوا إنتوا لما ييجي الردود وبعد كدة طلعوا قراركم!!!!!!!

وإزاي نمضي ع القرار العقيم الغبي ده ؟؟؟؟!!!!!!

ومافيش أي إعتبار للمظاهرات اللي حصلت ولا كأن حصل حاجة؟؟؟!!

والله لو القرار ده يُعقل لكنا مضينا عليه

ولو كان حتى قال فيه هيتجدد تلقائي على وضعنا اللي إحنا فيه كنا رضينا برضه

لكن ماتستخفوش بينا وتقولولنا هننقلكوا لبند تاني وماتنفذوش القرارات اللي بينص عليها هذا البند إزااااااي

أنا مش مستوعبة وماشوفتش كدة فعلا

فبأدعوكم لوقفة لإنكار المهزلة دي ورفض القرار ده بأي شكل وعدم التوقيع عليه مهما كان الأمر

وبأدعو المسئولين لإنهم يعاملونا كبني أدمين شوية وياخدوا في حقنا قرار يحسسنا بأدميتنا ويتقوا الله فينا وفي نفسهم كفاية بقى


وأرجو أن أكون وُفقت في نقل الصورة كاملة
اللهم بلغت اللهم فإشهد
وعلى الله قصد السبيل
وهو الموفق والمستعان

ملف به جميع القرارات السابقة لمن يريد التحميل

http://www.4shared.com/file/WZDJ8VN2/New_Folder.html

اللهم لا اعتراض
نحن العاملين بالحصة بمحافظة اسيوط مركز منفلوط وقد مر على عملنا بالحصة اكثر من عشر سنوات وقد جاء القرار بالتثبيت لمن مر عليهم ثلاث سنوات عمل متواصل وفرحنا وقلنا تم رفع الظلم عنا ولكن القرار لم يتم تنفيذه وقالوا ان العقد الذى جاء لنا هو عقد سنوى وبمبلغ 120 جنيه فهل هذا يرضى الله او العاملين الشرفاء ولقد قامت الثورة لرفع الظلم والمعاناه عن الناس وعودة الحقوق الى اصحابها وكفانا ظلم ونحن سوف ندافع عن حقنا حتى اخر قطرة من دمائنا لاننا لن نطالب احد بغير حقنا بل ابسط حقوقنا وهو العمل الدائم والتثيت

حسبي الله ونعم الوكيل هو ده القرار اللي خدوه في شأن اللي أمضوا 3 سنين أو أكتر

أنا تاني سنة ليا وأساسا هتجرالي حاجة بسبب الغباء ده حضراتكوا ليكوا عشر سنين الله يكون في عونكوا والله إنكوا مستحملين كل ده

لاحول ولاقوة إلا بالله لعلي العظيم

ربنا ع الظالم ولعل الفرج قريب

اللهم فرج هم المهمومين ونفس كرب المكروبين

ضحك في ضحك

ارجو من الزملاء عدم الامضاء على التعاقد الى نزل فى مديرية التربية والتعليم باسيوط لانها خدعة من الوزارة لانة فى حالة الامضاء على هذا التعاقد سوف تضيع كل سنوات العمل بالحصة او المكافاة الشاملة ويتم حساب الثلاث سنوات من تاريخ امضاء العقد
ارجو من كل الزملاء تنبيه كل المعلمين بالحصة والعاملين بالمكافاة الشاملة من الوقوع فى هذا الفخ وهو امضاء العقد وبالتالى ضياع سنوات العمل بالحصة

لا إله إلا أنت سبحانك إني كنت من الظالمين

هذه رسالة هامه لكل معلم بالاجر مر عليه 3 سنوات والمفروض ان ينطبق عليه قرار 75 لتثبيت المعلمين
انسى ياحبيبى هتفضل زى ما انت وهيتجدد لك العقد ب 120 جنيه
زيك زى اللى لسه شغال ماكملشى شهرين
الغقود خلاص وصلت المدارس
ارجو وادعو كل معلم مر عليه 3 سنوات الايمضى العقد حتى لا يندم ولا يلومن الانفسه
هذه دعوة لمقاطعة هذا العقد

1 - تنفيذ القرار رقم 75 الخاص بيثبيت المعلمين بالحصة الذين مر عليهم 3 سنوات للعمل بالحصة وايضا كل العاملين بنظام المكافاة الشاملة الذين مر عليهم 3 سنوات اسوة بمحافظة وسيناء والغربية .


2- من لم يكملو الـ 3 سنوات يجدد لهم العقد تلقائي ويتم نقلهم لبند 2/2 مع تنفيذ كل بنوده التي ينص عليها إلى أن يستكملوا ثلاث سنوات ثم بعدها يُثبتوا وفقاً لقرار 75

3- وضع حد للتلاعب بالقرارات العقيمة التى تصدرها المديرية.

4- رفض تام للتوقيع على العقود المرسلة للمديرية، فهى خدعة من الوزارة لانه فى حالة الامضاء على هذا التعاقد سوف تضيع كل سنوات العمل بالحصة او المكافاة الشاملة ويتم حساب الثلاث سنوات من تاريخ توقيع العقد

الخبر في أسيوط دوت كوم

http://assiutdotcom.blogspot.com/2011/04/4_19.html


مطالب تشعل غضب المؤقتين بمديرية التعليم بأسيوط..ووقفة إحتجاجية ومسيرة غاضبة الخميس القادم



اخبار اسيوط 19 أبريل 2011
http://www.mahatetmasr.com/photos/news/18166_main.jpg (http://www.mahatetmasr.com/photos/news/18166_main.jpg)

أسيوط دوت كوم-محمد أشرف


أعلن عدد كبير من مدرسو الحصة بجميع تخصصاتهم والمكافأة الشاملة عن إعتزامهم تنفيذ وقفة إحتجاجية يوم الخميس القادم الساعة 11 صباحاً،ومسيرة تبدأ من امام مديرية التربية والتعليم وصولاً لديوان المحافظة والتقابل مع اللواء ابراهيم حماد المحافظ الجديد.


وذلك لعرض مطالبهم المشروعة والتى تتمثل فى الأتى:


1 - تنفيذ القرار رقم 75 الخاص بيثبيت المعلمين بالحصة الذين مر عليهم 3 سنوات للعمل بالحصة وايضا كل العاملين بنظام المكافاة الشاملة الذين مر عليهم 3 سنوات اسوة بمحافظة وسيناء والغربية .

2- من لم يكملو الـ 3 سنوات يجدد لهم العقد تلقائي ويتم نقلهم لبند 2/2 مع تنفيذ كل بنوده التي ينص عليها إلى أن يستكملوا ثلاث سنوات ثم بعدها يُثبتوا وفقاً لقرار 75

3- وضع حد للتلاعب بالقرارات العقيمة التى تصدرها المديرية.

4- رفض تام للتوقيع على العقود المرسلة للمديرية، فهى خدعة من الوزارة لانه فى حالة الامضاء على هذا التعاقد سوف تضيع كل سنوات العمل بالحصة او المكافاة الشاملة ويتم حساب الثلاث سنوات من تاريخ توقيع العقد.

أولى البشريات

بشرى جميييييييييييييلة

http://www.thanwya.com/vb/showthread.php?t=308778

أنا سعيدة جدااااااا بالخبر ده لأنه معناه إن صوتنا ومطالبنا ووقفتنا مش هتقتصر على أسيوط بس ولكن هتكون كمان في محافظة تاني

والله إستبشرت جداااااا معنى كدة إن صوتنا لن ينقطع بإذن الله ومش هنسكت غير لما نجيب حقنا

وعقبال باقي المحافظات

وأنا من هنا بأدعو باقي المحافظات لوقفات مماثلة بنفس المطالب ولكن في أيام مختلفة وليس يوم واحد للجميع عشان نزلزلهم إن شاء الله ونهزهم ويكون صوتنا أقوى

أين باقي المحافظات؟؟؟؟

والله ياجماعة لو ماخدناش حقنا ماحد هيعبرنا ولا هيدهولنا

وما نيل المطالب بالتمني ولكن تُؤخذ الدنيا غلابا

عاوزين كلنا نكون على كلمة ومطالب واحدة وعلى قلب رجل واحد

وما ضاع حق وراااءهُ مُطالب

وعلى الله قصد السبيل

بالنسبة لعدم عمل وقفة واحدة في يوم واحد والله أنا شايفة كدة أفضل و معنى كدة إن صوتنا لن ينقطع بإذن الله ومش هنسكت غير لما نجيب حقنا

وبعدين ماإحنا وقفنا كلنا في يوم واحد يوم 17 أبريل عملنا إيه ولا حاجة

لكن لما يكون نفس المطالب النهاردة في محافظة وبعد يومين في التانية وهكذا هيكون التأثير أقوى والصدى أعلى

دي وجهة نظري

وبعدين في نقطة مهمة أنا عاوزة أوضحها

إحنا ماعملناش مظاهرة فئوية ولا عملنا أي حاجة

لكنهم من غير أي حاجة كدة خدوا في حقنا قرارات وياريت قرارات صائبة لو كانت قرارات صائبة ماكانش حصل أي حاجة

لكن للأسف أديك حضرتك شايف فهم اللي دفعونا لكدة

لكن إحنا مش غاويين تظاهر ولا تعطيل ولا أساسا من الناس اللي مقتنعة بتظاهرات فئوية في الوقت الحالي ع الإطلاق

لكن هنعمل إيه دول ظلمونا وجاروا علينا وإحنا مش هينفع نسكت

ربنا يوفقنا فلا يضيع حق وراءه مطالب

بإذن الله ومستنشرة خير جدا والعدد هيكون كبير والله المستعان

بس أهم حاجة التنظيم وعدم الغوغائية والهوجائية والرقي في الأسلوب

ويكون مطالبنا مكتوبة في لافتات بشكل راقي

وعلى الله قصد السبيل

ياريت ياجماعة كمان ندعو العملين بنظام المكافاة الشاملة من موظفى الادارة التعليمية باسيوط او موظفى مديرية التربية والتعليم باسيوط وكذلك العاملين بالمدارس حتى لو اضطررنا ان نطلع مكاتبهم ونقولهم تعالوا شاركونا فى المطالبة بحقوقكم لتايدنا فى الاعتصام ومطالبنا كلها واضحة تنفيذ قرار 75 وايضا باقى المطالب الموضحة فى اعلى
ياريت كمان لو حد يقدر يصورلنا الوقفة بالموبايل علشان للاسف موبيلى مفهوش كاميرا علشان الكلام الى هايقوله وكيل الوزارة يكون متسجل صوت وصورة ومثبت عليه ومتكونش وعود وخلاص

ممكن يا اخت ابرار تقوليلى عملتوا ايه وايه الاخبار

أنا بعتذر والله يوم الخميس حصل عندي حالة وفاة وماحدش راح من عندي والله

وماعرفتش أي حاجة من وقتها لا دخلت هنا غير دلوقت

ولا روحت إدارة غير إني سمعت من زميلة ليا إنهم قالولهم إن فيه أخبار كويسة هتسمعوها السبت

جم السبت قالولهم يوم التلات هتسمعوا أخبار كويسة بخصوصكم إن شاء الله

وعرفت إن وكيل الإدارة أو اللي بيقولوا عليه وكيل الوزارة بتاع الجديد كان في القوصية اليومين اللي فاتوا

وقابلوه معلمي الحصة والمكافأة الشاملة وقالولوا إنهم سامعين إن التلات هيكون فيه حاجات كويسة في حقهم ولو ماحصلش الكلام ده هيتظاهروا قدام المديرية

النهاردة أول يوم أنزل الشغل من يوم الخميس وقبل الشغل روحت الإدارة لقيت ناس هناك بتمضي العقد

اللي هو إيه بقى نفس البند اللي فات اللي أنا قلتلكوا عليه في موضوعي

http://www.thanwya.com/vb/showthread.php?t=307961

اللي هو ده


http://dc09.arabsh.com/i/02880/h6h5k1s6d6iq.jpg

http://dc10.arabsh.com/i/02880/fhrxi8hq8m2a.jpg


بس جايين من فوق ومغيرين بدل 2/2

مغيرينها 2/3 والله ومغيرينها بقلم معدلين الإتنين الأولى حاطينلها سنتين بقت 3

وإتضحك علينا تاني والحمد لله

وطبعا بيبيعوا مظروف فيه مصوغات تعيين المظروف ب4 جنيه وفيه 5 نسخ من العقد ده تقدم كل اللي في المظروف

ومعاهم طبعا صور وأصولات من البطايق وشهادات الميلاد والشهادات بتاعتك كلها

ومطلوب فيش وتشبيه

بس أدي اللي شوفته النهاردة

بس قابلت زميلة هناك كانت خلصت كل أوراقها وقدمت وقالتلي إن العقد مش كويس وفيه مظاهرات هتحصل النهاردة عند المديرية

والعقد هيتغير تاني بكرة

وفيه واحدة هناك من الإدارة أنا أعرفها شخصياً أكدتلي إن العقد ده هيتغير بكرة إن شاء الله

وآخر معاد للتقديم يوم 30

ده كل الجديد

بس الواحد والله هيتجنن ويتشل من الإستغفال والإستهبال والإستهتار والإستخفاف اللي بيعملوه معانا

وعليهم بإيه ده كله وليه الذل ده وليه الغباء اللي بيعملوه معانا

أنا عندي عقد 2/3 ده غير العقد اللي عاوزينا نمضي عليه خالص مش هو أساسا

وبيضحكوا علينا ومفهمينا إنه هو

وأول ماأقدر أرفعه لحضراتكوا هأرفعه وأوريهولكوا

حسبي الله ونعم الوكيل لا نافع معاهم وقفات ولامظاهرات ولا إحتجاجات ومستمرين في الغباء والتخلف كأنهم بيعاملوا متخلفين بالظبط

عاوزة أشوف ردكوا بالله عليكوا
ربنا ينتقم من كل اللي بيتخذ القرارات الغبية دي ربنا ينتقم بجد من الظالمين

السلام عليكم ورحمتة الله وبركاتة

الاخوة والاخوات الزملاء الافاضل
نحن المعلمين المتعاقدين (مميز -مكافاءة شاملة-حصة)
ادعو الجميع باذن الله تعالى لوقفة جادة منا جميعا
لتحديد مصيرنا
وان شاء الله نكون جميعا يد واحدة
ادعو الاخوة والاخوات الافاضل باسرع وقت تجميع انفسنا وتحديد مطلب واحد لنا جميعا الان وسريعا
وهو التثبيت للجميع دون استثناء وارجو الا ننخدع بمسكنات الحكومة ولا الوزارة
(واسف لما يقال عنا اننا ننتهز الوقت التى تمر فية البلاد وندعو بعمل اعتصمات )
هل المطالبة بالحق انتهازية
هل ابسط حق من حققونا انتهازية
هل ما نطلبة من امان وظيفى وضمان لنا انتهازية
اقسم لكم بالله العلى العظيم نحن الفئة الوحيدة بالدولة مهدور حقها من كل شىء
فى هذا الوقت تحديدا اطلب من الجميع الاتحاد وان نجمع بعضنا باسرع وقت ممكن وبطريقة منظمة
ونححد فية مطلبنا الاساسى التثبيت الفورى دون رجعة عنة
ارجو المشاركة من الجميع والتواصل لكى نفعل الدور الذى نقوم بة ان شاء الله

وان شاء الله تعالى وباذنة بعد تنفيذ مطالبنا جميعا وسريعا باذن الله
عندى اقتراح ان شاء الله سوف يستفاد منة جميع العاملين بوزارة التربية والتعليم ان شاء الله
وهذا الاقتراح ان شاء الله سيجعل وزارتنا وزارة منتجة بالفعل اخوانى وزارتنا وزارة منتجة ولكن تنتج اجيال واجيال
ولكن ان شاء الله اقتراحى سيجعل الوزارة وزارة انتاج للاجيال وتربى وتعلم عن جدية وعن ضمير حقيقى
وباقتراحى ان شاء الله الذى سوف اناقشة معكم واطرحة عليكم بالمستقبل سلنغى الدورس الخصوصية نهائيا
ونجعل تلك الاموال المهدورة تكون دخل للوزارة وبالتى نربى اجيال تربويا وتعليم صحيحا
وايضا سنجعلها وزارة انتاجية اقوى من وزاة البترول
وباذن الله بعد تلبية مطالبنا كما وضحت لكم ساشرح لكم كيف نجعلها وزارة اناجية تدر على الجميع الدخل الذى يليق بكل فرد يعمل بوزارة التربية والتعليم وان شاء الله بنا جميعا ستكون وزارة التربية والتعليم قوية بجميع افرادها
والتعليم المصرى سيكون الاقوى ان شاء الله
نحو بناء جيل تربوى واخلاقى ومتعلم ومتثقف من ابنائنا الطلاب نتحدى بة العالم ونفتخر
نحو بناء وزارة قوية منتجة متقدمة .
اتمنى من الجميع المشاركة وتحديد موعد وطرق تجميع شكاوى الاخوة والاخوات الافاضل المعلمين المتعاقدين(مميز-مكافاءة شاملة -حصة)
ونقدم الطلبات مباشرة للوزارة ورئيس الوزرة والمجلس العسكرى
وفق الله الجميع

النهاردة كنت في إدارة أسيوط وفعلا نزل العقد الجديد

3/2


اقتباس:
العقد ينص ع التالى
1- مكافاه شهريةتوازى بداية ربط درجة نظيره.
2- علاوه بنسبة 220%+30 جنية علاوة 2005
3- علاوة بنسبة 65% +26 جنية علاوة 2006+15% علاوة 2011
4- العلاوات الاجتماعية
5-منحة عيد العمال
6- مكافاه الامتحانات والحوافز واى مكافاه تقرها الدولة
وطبعا كله ده هتحسب على حسب جدول الحصص
اما عن الاجازات فلينا
6 ايام اجازه عرضة و10 ايام اجازه مرضى واجازات وضع بمقدار ثلاث شهور
كما نستفيد من التامينات وفقا لقانون 79 لسنة 1975
المهم انه المفروض هذا العقد يبدا من 2/5/2011 وينتهى 30 /6/2011 ويجدد تلقائيا من كل عام حتى يتم مرور ثلاث سنوات ثم يتم التثبيت
ده اهم البنود الاى جت بالعقد


هحاول أرفعه ليكوا

ولما رحت الإدارة اللي أنا تابعة ليها إدارة الفتح

لقيت عندهم خبر إن العقد إتغير لكن لسة ماجتهمش حاجة

وكل اللي مضوا ع العقد القديم هيتلغي كل ده وهيكون هو العقد ده اللي هيتمضي عليه

وسألت طيب هو هيتحسب السنين اللي فاتت ولا من تاريخ إمضاء العقد للأسف مافيش حد عارف لسة

لأن القرار لسة نازل ولسة مش عارفين


والمفروض هيجتمعوا كانوا في الإدارة عشان خلاص يستلموا الورق من الناس على أساس العقد ده

وخلال أيام هيحصل إن شاء الله

هو أينعم زي ماحضرتك بتقول ياأستاذ رامي معاك تماما

بس ع الأقل إبتدوا يعاملونا على إننا بني آدمين شوية

وأهو كل اللي بنعمله بيجيب نتيجة الحمد لله

إستبشروا خير وفعلا ماضاع حق وراءه مُطالب

وطول ماإحنا بنطالب هنحقق اللي إحنا عاوزينه بإذن لله

السلام عليكم ورحمتة الله وبركاتة

الاخوة والاخوات الزملاء الافاضل
نحن المعلمين المتعاقدين (مميز -مكافاءة شاملة-حصة)
ادعو الجميع باذن الله تعالى لوقفة جادة منا جميعا
لتحديد مصيرنا
وان شاء الله نكون جميعا يد واحدة
ادعو الاخوة والاخوات الافاضل باسرع وقت تجميع انفسنا وتحديد مطلب واحد لنا جميعا الان وسريعا
وهو التثبيت للجميع دون استثناء وارجو الا ننخدع بمسكنات الحكومة ولا الوزارة
(واسف لما يقال عنا اننا ننتهز الوقت التى تمر فية البلاد وندعو بعمل اعتصمات )
هل المطالبة بالحق انتهازية
هل ابسط حق من حققونا انتهازية
هل ما نطلبة من امان وظيفى وضمان لنا انتهازية
اقسم لكم بالله العلى العظيم نحن الفئة الوحيدة بالدولة مهدور حقها من كل شىء
فى هذا الوقت تحديدا اطلب من الجميع الاتحاد وان نجمع بعضنا باسرع وقت ممكن وبطريقة منظمة
ونححد فية مطلبنا الاساسى التثبيت الفورى دون رجعة عنة
ارجو المشاركة من الجميع والتواصل لكى نفعل الدور الذى نقوم بة ان شاء الله

وان شاء الله تعالى وباذنة بعد تنفيذ مطالبنا جميعا وسريعا باذن الله
عندى اقتراح ان شاء الله سوف يستفاد منة جميع العاملين بوزارة التربية والتعليم ان شاء الله
وهذا الاقتراح ان شاء الله سيجعل وزارتنا وزارة منتجة بالفعل اخوانى وزارتنا وزارة منتجة ولكن تنتج اجيال واجيال
ولكن ان شاء الله اقتراحى سيجعل الوزارة وزارة انتاج للاجيال وتربى وتعلم عن جدية وعن ضمير حقيقى
وباقتراحى ان شاء الله الذى سوف اناقشة معكم واطرحة عليكم بالمستقبل سلنغى الدورس الخصوصية نهائيا
ونجعل تلك الاموال المهدورة تكون دخل للوزارة وبالتى نربى اجيال تربويا وتعليم صحيحا
وايضا سنجعلها وزارة انتاجية اقوى من وزاة البترول
وباذن الله بعد تلبية مطالبنا كما وضحت لكم ساشرح لكم كيف نجعلها وزارة اناجية تدر على الجميع الدخل الذى يليق بكل فرد يعمل بوزارة التربية والتعليم وان شاء الله بنا جميعا ستكون وزارة التربية والتعليم قوية بجميع افرادها
والتعليم المصرى سيكون الاقوى ان شاء الله
نحو بناء جيل تربوى واخلاقى ومتعلم ومتثقف من ابنائنا الطلاب نتحدى بة العالم ونفتخر
نحو بناء وزارة قوية منتجة متقدمة .
اتمنى من الجميع المشاركة وتحديد موعد وطرق تجميع شكاوى الاخوة والاخوات الافاضل المعلمين المتعاقدين(مميز-مكافاءة شاملة -حصة)
ونقدم الطلبات مباشرة للوزارة ورئيس الوزرة والمجلس العسكرى
وفق الله الجميع

ارجوكم اقرأوا العضو (ة) (ابرااار) كاتب ايه....

http://www.thanwya.com/vb/showthread.php?p=3362293&posted=1#post3362293

رفعت لحضراتكو العقد

شوفوه وإقروا بنودهه بتركيز وياريت تفصصوه معايا ونحاول نفهمه مع بعض بالراحة

لأني شايفاه كويس جدا في نظري لو فهمناه كويس ولو هم نفذوه فعلا

إليكم العقد

http://dc15.arabsh.com/i/02915/3eae229jo0qa.jpg

http://dc15.arabsh.com/i/02915/61moez7i636c.jpg

البند الخامس في العقد

اللي فهمته منه إن اللي أمضى 3 سنين هيتم تثبيته بموجب القرار 75

يعني العقد ده المفروض للي لسة ماكملوش 3 سنين

أما اللي كملوا 3 سنين أو اكتر المفروض هيتثبتوا

ده اللي يتفهم من الكلام

وفي إنتظار تعقيبكم

http://www.thanwya.com/vb/images/icons/icon1.gif
انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5//2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة
دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط
معا امام الوزارة يوم 2/ 5/2011

http://www.thanwya.com/vb/images/icons/icon1.gif
انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5//2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة
دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط
معا امام الوزارة يوم 2/ 5/2011

http://www.thanwya.com/vb/images/icons/icon1.gif
انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5//2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة
دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط
معا امام الوزارة يوم 2/ 5/2011

انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5/2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة
دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط
معا امام الوزارة يوم 2/ 5/2011

طظ في اي كلمه عقد
عفوا انتهي زمن العقود
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت
لا بديل عن التثبيت

5/2 لازم كلنا نقف وقفه جامده لا للتخاذل لا للهوان بعد الان

احنا روحنا الادارة ولم يصل اى شى عن هذا العقد للاسف