ممكن مساعدتكم يا دكترة؟؟؟؟؟؟؟؟؟؟ [الأرشيف] - بوابة الثانوية العامة المصرية

الشفق القرمذى

19-04-2011, 12:40 AM

السلام عليكم
انا مصطفى عضو معاكم فى منتدى الثانوية و عايز انضم لاسرة الصيدلة انشاء الله
انا فى اولى ثانوى و هبدا دروس فى شهر 8 انشاء الله
انا كويس الى حد ما فى الرياضة و الكيميا بس مش اوى يعنىو المشكلة انى مش عارف ايه هى طريقة المذاكرة ليهم كويس
ازاى ازاكرهم عشان اجيب مجموع يدخلنى صيدلة
و كمان
التلخيص
كام ساعة الحد الادنى ليهم
هل الكيميا حفظ و بس؟؟؟؟؟؟؟
انا نفسى اجيب 50 رياضة و 50 كيميا ياريت تساعدونى يا دكترة
انى طولت عليكم معلش بس اخر حاجة
لو محصلش توفيق فى الثانوية العامة
ايه رايكم فى الاجامعة الالمانية كلية صيدلة؟؟؟؟؟؟؟؟

لكم تحيااااااااااااااااااااااااااااااتى

msh-tlba

19-04-2011, 04:22 PM

بص يا ابو درش

اولا اهلا بيك في المنتدي

ثانياً انا اخوك في 3 ثانوي , علمي علوم

احب اوضحلك ان قسم المجموعة الطبية من اكتر الاقسام في قسم الكليات بيتصفحه الاعضاء سواء كانوا دكاترة او طلبة ثانوي من علمي علوم او حتي علمي رياضة

فعادي جداً انك تلاقي ان ناس كتير قرأت موضوعك و محدش رد عليك ,,, ربما اللي اتصفحوا موضوعك كانوا طلبة زيك في 1 ثانوي ,,, فمحدش منهم يقدر يفيدك

المهم يا حبيبي ,,, من خلال تجربتي السنة اللي فاتت ,, - برضة عمري ما هكون زي اخوتنا الكبار طلبة الصيدلة - ,,, بس هشارك باللي عندي و ربنا يقدرني و اساعدك

1- ذاكر كل دروسك اول بأول ( معلش هي نصيحة قديمة من ايام ابتدائي ,,, بس للحق ,,, اكتشفت انها سر التفوق في الثانوية العامة )

2- تحدي نفسك ,,, تحدي كسلك ,,, تحدي زهقك ,,, تحدي كل ما يشغلك عن التركيز في المذاكرة ,,,

3- ثق انك تقدر , تقدر , تقدر , تقدر تذاكر الجزئيات الرخمة و المملة , تقدر تحفظ النصوص المقفلة , تقدر تفهم جزئيات الكيميا المليانة , تقدر تحل اصعب المسألة ,,, لو عندك ثقة في ربنا اولاً و في قدراتك ثانياً ,,, صددددددددددقني هتنجز اكتر مما تتخيل ,,

بس خد بالك ,,, بلاش تزود في جرعة الثقة دي ,, عشان احيانا بتقلب بتكبر ع المعلومة و استهتار بها و دي كارثة حاول متقعش فيها في اي مادة مهما كانت

4- بلاش شغل الودنية خاصة في سنة 2 .,,,, ارجوك
و لو مش فاهم يعني اية ودنية ,,, اقول يا سيدي , بلاش تسمع لكلام اي حد من صحابك , دحيح - بليد - نص و نص - انتيمك - جارك - قريبك - مهما كان ,,, اوعي تسمع للي بيقولك انه مش بيذاكر و اللي بيتظاهر انه مشغول بالبنات او الكورة او ,, الخ , اوعي تسمع للي بيعيش نفسه انه بيذاكر 48 ساعة في اليوم ,, اوعي تسمع للي شايف ان المواد كلها صعبة و الدنيا كلها سودة و مفيش امل و الوقت بيجري و انت فاهم الباقي ,,, اوعي تسمع للي باباه و ماماته هيدخلوه الكلية اللي هو يشاور عليها ,,,

خلي مصدر ثقتك في نفسك هو (((( أنــــــــــت ))) و شغلك ,, بسسسسسسسسسسس

دي نصايح كدا مبدئياً

ندخل في التقيل بئا

مفيش حاجة اسمها مادة صعبة او جزئية صعبة ,,, طالما عندك حاجة جوا جمجمتك اسمها ( مخ ) تقدر تعمل المعجزات ,,, ع فكرة البرت اينشتاين مكنش فذ الذكاء و لكنه كان مجتهد كذلك توماس اديسون و غيرهم من العظماء علمياً

بخصوص الرياضة 1
مفهاش اجزاء صعبة ,,, بس فيها اجزاء جديدة ( بمعني انك معندكش اي خلفية تراكمية عنها من السنين اللي فاتت ,,, عشان كدا هتحتاج شغل شوية بس في الاول ,,, و اوعي اليأس ! )
الاجزاء الجديدة فيها - التفاضل : النهايات و اللوغاريتمات ... حساب المثلثات كله تراكمي ع ثوابت انت عندك خلفية عنها م السنة دي ,,, و الجبر مفهوش غير الدوال اللي انت عندك خلفية قبل كدا برضة

بخصوص الكيميا بئا
اسهل ما فيها - و عن تجربة - ,,, و دي كلمة من اخوك الكبير ,,, هي الكيمياء العضوية .
الفصول الاولي كلها سهلة بس محتاجة شوية صم للمعدلات و خاصة معادلات الرابع و الخامس ,.,, الفصل السادس تقريبا انت واخده كله في سنة 1 ,,, الفصل السابع سهلين بس محتاجين شوية مخمخة عشان مسألهم بس

ربنا يوفقك ان شاء الله:078111rg3: