أعلن عدد كبير من مدرسو الحصة بجميع تخصصاتهم والمكافأة الشاملة عن إعتزامهم تنفيذ وقفة إحتجاجية يوم الثلاثاء القادم 26 ابريل 2011 الساعة 10 صباحاً،ومسيرة تبدأ من أمام مديرية التربية والتعليم بالقليوبية الكائنة فى مدينة بنها امام محطة القطاروصولاً لديوان المحافظة والتقابل مع الدكتور عادل زايد محافظ القليوبية وذلك لعرض مطالبهم المشروعة والتى تتمثل فى الأتى:


1 - تنفيذ القرار رقم 75 الخاص بتثبيت المعلمين بالحصة الذين مر عليهم 3 سنوات للعمل بالحصة وايضا كل العاملين بنظام المكافاة الشاملة الذين مر عليهم 3 سنوات اسوة بمحافظة سيناء والغربية .


2- من لم يكملو الـ 3 سنوات يجدد لهم العقد تلقائي ويتم نقلهم لبند 2/2 مع تنفيذ كل بنوده التي ينص عليها إلى أن يستكملوا ثلاث سنوات ثم بعدها يُثبتوا وفقاً لقرار 75

3- وضع حد للتلاعب بالقرارات العقيمة التى تصدرها المديرية.

4- رفض تام للتوقيع على العقود المرسلة للمديرية، فهى خدعة من الوزارة لانه فى حالة الامضاء على هذا التعاقد سوف تضيع كل سنوات العمل بالحصة او المكافاة الشاملة ويتم حساب الثلاث سنوات من تاريخ توقيع العقد.

ارجو من كل مدرس فى ادارته يرتب مع بقية زملائه والادارات هى
1- ادارة كفر شكر التعليمية
2-ادارة بنها التعليمية
3-ادارة طوخ التعليمية
4-ادارة قها التعليمية
5- ادارة شبين القناطر التعليمية
6- ادارة القناطر التعليمية
7- ادارة غرب شبرا الخيمة التعليمية
8- ادارة شرق شبرا الخيمة التعليمية
9-ادارة قليوب التعليمية
10 ادارة الخانكة التعليمية
11-ادارة الخصوص التعليمية

اللى عنده اقتراح بتغيير الموعد ياريت يقول لنا

معاكم باذن الله يا استاذ عمرو
احنا ادارة طوخ ومعايا باذن الله اكتر من 23 مدرس معرفة شخصية وهجمع اخرين وهتفق معاهم على المعاد اللى انت اقترحته
وبالتوفيق للجميع

بشرى جميييييييييييييلة


أنا سعيدة جدااااااا بالخبر ده لأنه معناه إن صوتنا ومطالبنا ووقفتنا مش هتقتصر على أسيوط بس ولكن هتكون كمان في محافظة تاني

والله إستبشرت جداااااا معنى كدة إن صوتنا لن ينقطع بإذن الله ومش هنسكت غير لما نجيب حقنا

وعقبال باقي المحافظات

وأنا من هنا بأدعو باقي المحافظات لوقفات مماثلة بنفس المطالب ولكن في أيام مختلفة وليس يوم واحد للجميع عشان نزلزلهم إن شاء الله ونهزهم ويكون صوتنا أقوى

أين باقي المحافظات؟؟؟؟

والله ياجماعة لو ماخدناش حقنا ماحد هيعبرنا ولا هيدهولنا

وما نيل المطالب بالتمني ولكن تُؤخذ الدنيا غلابا

عاوزين كلنا نكون على كلمة ومطالب واحدة وعلى قلب رجل واحد

وما ضاع حق وراااءهُ مُطالب

وعلى الله قصد السبيل

ارجو التثبيت

بالنسبة لعدم عمل وقفة واحدة في يوم واحد والله أنا شايفة كدة أفضل و معنى كدة إن صوتنا لن ينقطع بإذن الله ومش هنسكت غير لما نجيب حقنا

وبعدين ماإحنا وقفنا كلنا في يوم واحد يوم 17 أبريل عملنا إيه ولا حاجة

لكن لما يكون نفس المطالب النهاردة في محافظة وبعد يومين في التانية وهكذا هيكون التأثير أقوى والصدى أعلى

دي وجهة نظري

وبعدين في نقطة مهمة أنا عاوزة أوضحها

إحنا ماعملناش مظاهرة فئوية ولا عملنا أي حاجة

لكنهم من غير أي حاجة كدة خدوا في حقنا قرارات وياريت قرارات صائبة لو كانت قرارات صائبة ماكانش حصل أي حاجة

لكن للأسف أديكوا شايفين اللي حاصل فهم اللي دفعونا لكدة

لكن إحنا مش غاويين تظاهر ولا تعطيل ولا أساسا من الناس اللي مقتنعة بتظاهرات فئوية في الوقت الحالي ع الإطلاق

لكن هنعمل إيه دول ظلمونا وجاروا علينا وإحنا مش هينفع نسكت

ايه رايكم فى هذا الاقتراح
ارجو ان نؤجل وقفة القليوبية حتى نهاية شهر ابريل وتكون يوم الاحد 1 مايو 2011 فى يوم الاجازة وفى نفس الوقت يوم عيد العمال وفى نفس الوقت قبل امتحانات اخرالعام بيوم وفى نفس الوقت حتى نعطى مهلة للمحافظ الجديد والمسئولين لتنفيذ القرار كما وعدونا وبعدين الفرق 5 ايام مش كثير يعنى
ايه رايكم
ارجو ابداء الرأى وأرجو أن تكون الوقفة على مستوى الجمهورية وليس على مستوى محافظة القليوبية فقط

طب عايزة اسال حضراتكم انا من ادارة القناطر الخيرية واختى كانت اشتغلت سنة واحدة بس وما اشتغلتشى السنة دى بسبب الواسطة والارف اللى احنا فية وهى متخرجة من كلية التربية وبتقدير جيد جدا دى تعمل اية وموقفها اية علما بان العقد اتعمل لناس ممعهاش تربوى ولا تقدير

يوم الاثنين 2 مايو . خلينا نتوحد عشان صوتنا يوصل

http://youm7.com/News.asp?NewsID=396768&SecID=65&IssueID=164

نحن معكم إن شاء الله يوم 2 / 5 ونرجو منكم إضافة هذه المطالب إلى مطالب المعلمين
1. تغيير المسمى الوظيفى لخريجين كليات التربية العام من مدرس مرحلة ابتدائية ومدرس فصل الى معلم بالمرحلة الإعدادية وفى التخصص الاصلى له
2. تغيير المسمى الوظيفى لأخصائيين وأمناء المكتبات الذين يعملون فى غير تخصصهم الى معلمين فى موادهم الأصلية وتخصصهم الاصلى سواء كان ( عربى – انجليزى – فرنساوى – تاريخ – وغيره )
3. من نقل إلى المرحلة الإعدادية أثناء التعاقد بنشرة نقل و جاء قرار تعيينه مخالف للواقع يتم تصحيح قرار التعيين على المرحلة التى يعمل بها وليس العكس

السلام عليكم ورحمة الله وبركاته
أرجو من كل معلمى القليوبية الذين يعملون بنظام الأجر والحصة والمكافأة الشاملة والذين مر عليهم 3 سنوات سواء متصلة أو منفصلة بس بشرط أن يكون على رأس العمل ومش مهم يكون تربوى على فكرة
أرجو أن يذهب كل واحد إلى إدارته غدا لأن هناك عقودا مميزة (عقد معلم مساعد ) وألف مبروك بس بشرط أن يقدم مايلى :-
1- أصل شهادة الميلاد.
2-أصل المؤهل الدراسى .
3-أصل شهادة الجيش
4-أصل إفادة عن كل سنة عملها على أن تكون مختومة من الماهيات فى الإدارة
5-أصل اقرار القيام بالعمل لكل سنه
6- فيش وتشبيه حديث
7-صورة البطاقة الشخصية
الف الف مبروك للجميع
واى تفاصيل اخرى انا تحت امركم

0113544326
0197747107
وقيمة العقد 350 جنيها