السلام عليكم و رحمة الله و بركاته ..

ندخل فى الموضوع على طول

انا عارف ان اسم التوبيك غريب شوية ^^


خلاص ندخل فى الموضوع :mad:


أمبارح كان فى حفــلة للشاعر الموهوب " هشام الجخ "
فى جامعة أسيوط ..

انا و أصحابي كنا جايبين التذاكر تمام قبلها بفترة و رايحين بقى عادي جدا و مبسوطين :022yb4:
لقينا أمة لا اله الا الله .. ^^
قولنا برضه عادي ..
الراجل شاعر و نجم و ليه شعبية برضه ;)
المشكلة بقى فى التنظيم :romarioxp6:
و قفنا حوالي ساعة الا ربع علشان نديهم التذاكر و ندخل ..
بس كان فى واحد عاوز يدخل او واحد و عمال يزق فى ده و فى ده .
طب يا عم الحاج مينفعش .. طب أقفوا طابور و نشوف مين يدخل و مين ميدخلش و قفلوا الباب علشان ينظموا الناس ..
قام مطلع جزام البنطلون:dالا هيدخل و يضرب فى أى حد جنبه ;)

المهم فين و فين لما دخلنا بالعافية ..
و قعدنا و القاعة نضيفة و كل واحد قعد فى مكانه و تمام و كان هشام لسه مطلعش هو أتاخر شوية ^^
لان كان لسه فى ناس بره مدخلتش و كانوا قافلين الباب ..
من هنا لهنا الشباب اللى بره خلاص كسروا الباب الخشب و دخلوا :040vk0:
و اللى كان بيضرب بالحزام ده داخل بعصاية .. و الامن بقى معرفش راح فين لغاية دلوقتي
و اللى بينظموا الحفل بس هما اللى مسؤلين ..

و كانت الحفلة هتبوظ :redface:
لولا الدكتور اللى واقف ع المسرح .. أنقذ الدنيا ..
قالهم سيبوهم يدخلوا دول ولادنا و شباب الثورة و الناس أتفاعلت معاه و كده ..
بس اللى غاظني أكتر ان الواد البلطجي ده حسبوه من شباب الثورة :d

بس الحمد لله اول ما الكل دخل قعدوا باحترامهم و محدش عمل أى حاجة تاني و الحفلة بدأت على خير
و هشام كمان اعتذر على التأخر و انه حصل كده بسببه و كده بس الحمد لله الشباب كانوا محترمين و كانت حفلة لطيفة ..
حتى الواد اللى كان بيضرب ده اول ما دخل و قعد اعتذر للناس ..



بس السؤال هنا .. ؟

ليه طيب رفضوا ان الشباب دول يدخلوا و أما الشباب دخلوا بالعافية سابوهم مع انهم مكانوش كتار و كمان قعدوا بأحترامهم ؟

يا تري احنا اتعودنا على ان لولا الواحد يتعامل معانا بالعافية لوللا نحترمه و نديله حقه ؟
مع ان الشباب دي حقها تدخل من الاول و كمان قعدوا بأحترامهم
ولو مكانوش عملوا كده مكانوش هيدخلوا ..

و الحمد لله اليوم عدى على خير ..

ممممممممممممممممممم والله هو احنا كده المصريين مفيش حاجة ناخدها غير بالعافية وبالضرب تعود بقا هنعمل ايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،

نحن شعب لا نسير إلا بالعصى .. بس اللى انت بتقول عليهم دول .. كان لازم يتعاملوا معاهم بالعصى لان .. مفيش مكان ينفع اى حد يدخله بدون تنظيم .. زى الاستاد و اللى حصل .. و الناس تزعل من التنظيم .. و لما الشرطة تسيب المكان الناس بردو تزعل ان مفيش تنظيم ...

الحمد لله البلاد كلها قامت بثورة و عقلت ... و احنا قمنا بثورة اتجننا ^^ (( و تونس اتهبلوا بردو .. بقوا مشيين فى الشارع بيقولوا هرمنا !))

و يلا ياعم عد الجمايل بقى ... انا الوحيد اللى رد عليك اهو ... مش عارف من غيرى هتعمل ايه .. يبنى و الله ^^ :p :p

ممممممممممممممممممم والله هو احنا كده المصريين مفيش حاجة ناخدها غير بالعافية وبالضرب تعود بقا هنعمل ايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،


لا و الله مش دايما يا جاست ..
هما لو كانوا سابوهم و دخلوهم مكنش حصل حاجة و كانوا هيقدعوا محترمين و كل حاجة ..
حتى بعد ما دخلوا بالعافية قعدوا ساكتين ..

بس نقول ايه ؟

نورتي و الله ^^

حتى فى الحفلات الوطنية بص انا مش عارفة بس فعلا دا اللى بيحصل كتيييييييير وبشوفه قدام عنيا والف شكر انك اتكلمت عن تجربة شخصية .... جزاك الله خيرا

نحن شعب لا نسير إلا بالعصى .. بس اللى انت بتقول عليهم دول .. كان لازم يتعاملوا معاهم بالعصى لان .. مفيش مكان ينفع اى حد يدخله بدون تنظيم .. زى الاستاد و اللى حصل .. و الناس تزعل من التنظيم .. و لما الشرطة تسيب المكان الناس بردو تزعل ان مفيش تنظيم ...

الحمد لله البلاد كلها قامت بثورة و عقلت ... و احنا قمنا بثورة اتجننا ^^ (( و تونس اتهبلوا بردو .. بقوا مشيين فى الشارع بيقولوا هرمنا !))

و يلا ياعم عد الجمايل بقى ... انا الوحيد اللى رد عليك اهو ... مش عارف من غيرى هتعمل ايه .. يبنى و الله ^^ :p :p


هههههههه ..
بس ياد أطلع برة ..
جاست أهي ردت قبلك ^^و نورت الموضوع كمان :p :p

احنا شعبنا جميل و كل حاجة بس المشكلة ان القلة غالبا ما بتسيطر بالبلطجة ^^
و ربنا يستر ع الثورة و الناس كلها تشتغل و تنتج علشان تبقى ثورة بجد مش مجرد مظاهرات ..

يلا معلش هاجي على نفس و أقولهالك ..:p
نورت يا واد ^^

:p

حتى فى الحفلات الوطنية بص انا مش عارفة بس فعلا دا اللى بيحصل كتيييييييير وبشوفه قدام عنيا والف شكر انك اتكلمت عن تجربة شخصية .... جزاك الله خيرا

اه و الله بقت حاجة صعبة
ربنا يهدينا كلنا يارب
و معلش انا آسف و الله على التأخر اصلي لسه شايف ردك دلوقتى
كان بين الردين فمردتش عليهعل طول

جزاك الله كل خير .. ^^

نورتي

احنا فعلا كنا كدة
بس بعد الثورة البيضاء اعتقد ان مش هنقول تانى ان البقاء للاقوى
شكرا على الموضوع الجميل

كااان نفسى احضر اللقااااء بس مش مشكلة تتعوض بقاااا
ندخل فى الموضوع اغلبية الناااااس عندهاااا فكر انهااااا
لو معلتش صوتها وما عملتش مشكلة وحكاااية مش هتااااخد حقهااا خاالص
وفعلا يعنى ده كاان بيحصل كتيرررر فى الفترة اللى فاااتت يقولك
هقعد ساااكت مش هااخد حق ولا بااااطل
ويا رب الفكر ده ينتهى بقا ونشوف زى اللى كان فى الاستفتاااء
طااابور كبير ومفيش حد حاااول يدخل قبل التااانى
شكرررا على الموضوع الجميل ياا محمد

هو ده الشعب مش غريبة ابدااااااااااااااااا

هو ده شعبنا مش غريبه عليه حاجة زى كده ومش جديده

احنا اتعودنا على كده خلاص

الغريب بقى اننا اتعودناا على حاجة غريبه فى بلدنا وبقت بالنسبالنا حاجة عادية جدا ومبقناش بنستغربلها بس هنعمل ايه بقى هيا الدنيا كده

يعنى احنا كطلبة مكناش نعمل الواجب الا لما نضرب علشان نتعلم

فى جمله سمعتها قبل كده فى كرتون

بتقول ان الاقوياء اقوياء بعضلاتهم والحكماء اقووياء بعقولهم

يعنى مش كل حاجة لازم نستخدم فيها عضلاتنا او قوتنا علشان ننفز اللى عايزينه

ولكن لازم نفكر علشان نوصل للى عايزينه

موضوع جميل جدا

بس سؤال :

انا حتى الان لم افهم عنوان الموضوع

وهل الحفله انتهت على خير ولا خسرتوا فلوسكم على التذاكر ومفيش حاجة فى الاخر :blush:

احنا كده شعب مش بيمشى الاا بالضرب واللى تحترمه يعاملك معاملة وحشة جداااااا واللى مش تحترمه يعاملك احسن معامله بس ان شاء الله كل ده هيتمحى بعد قيام الثورة لاننا هنحاول نربى جيل جديد محترم متعلم منظم بدل اللى كان موجود ايام النظام الفاسد وايام تعليمه وشكرااااااااا على الموضوع