مشاهدة النسخة كاملة : عصام شرف رئيسا للجمهورية


ناصر المتولى أحمد
20-04-2011, 04:31 PM
جيت فى وقتك يا شرف* تنشر الخير والشرف*


تِجرى بِينا من ماضينا* اللِّى كان مليان قرف*


جيت فى وقتك ياشرف*


...هو دا الحاكم بجد* اللِّى ما بيظلمش حد*


اللِّى ما يفقرش شعبه * وهو عايش فى الترف*


جيت فى وقتك ياشرف*


كنا فى الماضى فى إهانه* ناكل العيش بالمهانة*


واللِّى يشكى واللِّى يبكى* فى المعاقل يِنجرف*


جيت فى وقتك ياشرف*


جيت فى وقتك يا عفيف* يابو قلب أبيض نضيف*


لجل ناس كرهوا حياتهم* ملوا نومهم ع الرصيف*


جيت فى وقتك يا عفيف*


جيت تعيد شكل الرغيف* اللِّى كان فعلا رغيف*


قمح مصرى مش مسرطن* وزنه كامل مش نحيف*


جيت فى وقتك يا عفيف*


الأمل عاد لما جيت* والثقة فينا بنيت*


عاد ربيعنا من جديد* بعد ما طال الخريف*


جيت فى وقتك يا عفيف*


ابنى على مش تخاف* احمى مصر من الجفاف*


ازرع احصد ويا شعبك دا احنا عشنا سنين عجاف


ابنى على مش تخاف*


احنا وياك ع الطريق* ننقذ اللى كان غريق*


ننصف الحر البرىء * احنا قوة مش ضعاف*


ابنى على مش تخاف*


رجع المسروق لنا* احنا أولى بحقنا*


واللى جاى نحميه أكيد * بالأسود مش بالخراف*


ناصر المتولى أحمد


مدرس اللغة العربية


مدرسة السنبلاوين الثانوية بنات

عبد العزيز الشراكي
21-04-2011, 03:42 PM
أخي العزيز / أ . ناصر
إنما يعرف الفضل لأهل الفضل أهل الفضل ، جزاك الله خيرا ، ويارب أصلح ولاة أمورنا.

ناصر المتولى أحمد
05-05-2011, 07:55 PM
تحية للجيش المصرى



ياجيش يامصرى حميت مصر من الويلات


قلوا لك : إضرب عليهم


قلت : لأ . هيهات


أضرب أخويه وأبويه إزاى يا ريسنا


لأ . مش هنرضى تعيش وأهلنا أموات



حبك فى قلبى ياجيش زى مياه النيل


فى كل عصر أنت فيه حامى حقوق الجيل


عمرك ما خنت البلد ولا كنت لحظة عميل


جميلك أنت علينا تتغنى فيه مواويل



لما حكمت البلد داويت جراح الشعب


والأمر مش فبركة ، الأمر أصلا صعب


لكن أسود الحدود اتعودوا ع النصر


اتعودوا ع العمل من غير كلام ولا لعب



كان نفسى أكون جندى فيك ولم يصبنى الدور


بس عزائى الوحيد إنى بهواك مبهور


حبيت أعبر عن الحب اللى جواية


لقيته أكتر كتير إنه يكون فى سطور




ناصر المتولى أحمد


معلم أول اللغة العربية


بمدرسة السنبلاوين الثانوية للبنات

إلهام صلاح لاشين
05-05-2011, 10:32 PM
شرف كم أحب وأحترم هذا الرجل أكثر الله من أمثاله

شكرا لك تقبل مرورى

zozza love
06-05-2011, 05:46 PM
فعلا دكتور عصام من افضل ما افضل
اشكرك ع القصيده

Mo7amed zizo
06-05-2011, 06:11 PM
دكتور عصام شرف انا بحبوا جدااااااااااااااااااااااا
وبرشحه برئاسة ... يااااااااريت يترشح ... ده زى الفل وهو ده ال هيظبط البلد فى الظروف دى