طلب من الاستاذ بسررررررررررررررررعة [الأرشيف] - بوابة الثانوية العامة المصرية

234taha

22-04-2011, 02:06 PM

أهم حاجة تعرف انك مية مية يعنى ما نخافش ولا نقلقش وبعدين نفرق بين المواد اللى احنا مذاكرينها كويس واللى احنا مذاكرينها نص نص واللى فى الباى باى وبعدين نبدأ نحدد المدة المطلوبة للتحصيل بس نكون واقعيين فى حسابتنا وما ننساش الايام اللى باقية تقريبا 45 يوم × عدد الساعات الممكنة وما ننساش أوقات الراحة بين المواد (مهمة جدا )
وبعدين نعمل جدول نلتزم بيه (شغل رجالة يعنى ) ويكون المواد فى الجدول موزعة بالتنوع يعنى ما نحطش مادتين فهم ورا بعض ولا مادتين حفظ ونبدأ الشغل مذاكرة من عدة مصادر (كتاب وزارة - كتاب خارجى - مذكرة ) للدرس الواحد وبعد كل باب أو وحدة لازم نقف وافة حساب مع نفسنا ونقدر اللى عملناه ان كان مش كويس نزود وان كويس يبقى فيه أحسن المهم اننا نبدأ وان شاء الله ح تجيب مجموع محترم أنا متفائل لك جدا لأنك بتفكرنى بنفسى اوعى تكسل
توكل على الله واخوانك مدرسى المنتدى وانا معاهم تحت أمرك فى أى استفسار .