السلام عليكم
بما ان مفيش قسم للإيطالي معرفش ليه
انا عملت الموضوع هنا لأنه استفسار خاص باللغه التانيه عامةً سواء فرنساوي , ألماني , إيطالي .. او حتى اسباني
.
.
انا في اولى ثانوي
واللغه التانيه بتاعتي ... ايطالي
و بصراحه انا كان نفسي جدا اخد اسباني مش ايطالي بس مفيش في اسكندريه غير مدرسه و احده اللي فيها فرنش و ايطالي و الماني و اسباني
باقية المدارس فيها تلاته بس
المهم انا دبت مجموع المدرسه دي بس بابا مرضاش يدخلني عشان بعيده
فانا دلوقتي ايطالي
و صحبتي اسباني في المدرسه التانيه دي و تعرف واحده في مدرسه مفيهاش اسباني بس خدت اسباني بس بشرط انه يكون على مسؤليتها .. يعني تاخد فيه درس بره لأنهم مش هيوفرولها مدرس و كل اللي هيعملوه انهم هيدوها امتحان الترم اسباني

.
.
فانا عايزه استفسر ... ينفع اغير اللغه التانيه بتاعتي ؟؟ وتكون اسباني و انا اللي هتكفل بدراستها مع نفسي برده يعني مش لازم يوفرولي مدرس في المدرسه .. ؟؟
طبعا انا عارفه ان السنه خلاص يعتبر خلصت
بس هل ينفع اغيرها .. لسنه تانيه يعني
وانا هتصرف و اتعلم منهج سنه اولى (درس) و هاخد كورس
في ناس قالتلي مينفعش عشان لازم اللغه التانيه تكون من سنه اولى
بس انا شايفه ان سنه اولى حاجه لوحدها .. !! ... يعني مش شهاده يعني هما بيضيفو مجموع تانيه على تالته... اولى ملهاش دعوه
فا هل ينفع اني اطلب منهم اني ابقى اسباني و آخد الدرس مع صحبتي و اتكفل بتعليم منهج سنه اولى و امتحن اسباني في سنه تانيه .. ولا ايه ؟
انا بجد يا جماعه محتاجه مساعده في الموضوع ده اوي
لأنه مرتبط بمستقبلي
لأني ان شاء الله اجيب مجموع و ادخل كلية ألسن و هاخد انجلش و سبانيش
يعني محتاجه الاسباني
و انا عارفه ان عادي ممكن تكون اللغه التانيه ايطالي عادي
بس انا قصدي ان الايطالي و الاسباني شبه بعض جدااااااااااااااا بطريقه تلخبط
وانا طبعا لازم اتعلم ايطالي حلو اوي عشان امتحان تانيه و بعد كده لما اخد اسباني في الكليه هيتلخبط مع الايطالي عشان صعب التفريق بينهم ( انا جربت الاتنين قبل مادخل ثانوي)
فا بجد هيبقى صعب اوي افصل بينهم
.
.
انا عارفه ان الاغلب هيكون مينفعش احول دولقتي
بس زي ما شرحت وجهة نظري .. اتمني يكون في احتمال
بجد ياريت حد يرد عليا
دي مسألة مصير و تحديد مستقبل