مشاهدة النسخة كاملة : وزارة التعليم تقرر رفع مكافأة مراقبى ومصححى الثانوية 70 %............ فما رأيك ؟؟؟
شمعة تحترق 23-04-2011, 09:56 PM علم "اليوم السابع"، أن وزارة التربية والتعليم قررت زيادة مكافآت المراقبين والملاحظين والمصححين ورؤساء اللجان والمراقبين الأوائل المشاركين فى أعمال امتحانات الثانوية العامة المقبلة بنسبة تتراوح من 60 % إلى 70 % عما كانوا يتقاضونه خلال الأعوام الماضية.
وأكد مصدر مطلع بالوزارة أن المعلم الذى يتقاضى أساسى راتب قيمته 400 جنيهاً فى الشهر سيحصل على مكافأة امتحانات ثانوية عامة تصل إلى 2016 جنيهاً بدلاً من 1400 فقط هى إجمالى ما كان يتقاضاه من مكافآت فى فترة امتحانات الثانوية حتى العام الدراسى الماضى.
كما قررت الوزارة زيادة مكافآت الامتحانات المخصصة لرؤساء مراكز توزيع الأسئلة وتجميع أوراق الإجابات وأعضاء لجنة تسليم مظروفات أوراق الأسئلة، بحيث سيتم احتساب يوم عملهم بـ 4 أيام بدلاً عن 3 أيام كانوا يحصلون عليها حتى العام الماضى.
وعلم "اليوم السابع" أن الدكتور "أحمد جمال الدين موسى"، وزير التربية والتعليم، أمر بزيادة مكافآت المشاركين فى أعمال امتحانات الثانوية العامة فى المناطق النائية "مطروح- البحر الأحمر- الوادى الجديد - شمال سيناء - جنوب سيناء - وادى النطرون بالبحيرة -منطقة الباويطى الواقعة بالواحات البحرية والتابعة لمحافظة الجيزة"، حيث سيتم حساب يوم عملهم بـ 4 أيام بزيادة يوم عن الأعوام الماضية.
أما العاملين بديوان عام الوزارة فسيرتفع الحد الأدنى لمكافآتهم من 200 يوم إلى 400، والحد المتوسط من 250 يوما لـ 480 فيما سينخفض الحد الأقصى من 900 يوم إلى 720 وهو ما كان "اليوم السابع" قد أشار إليه فى 6 إبريل الجارى.
http://www.youm7.com/News.asp?NewsID=397368&SecID=65
هويدااحمد76 23-04-2011, 10:24 PM يعنى باقى مدرسين الابتدائي والاعدادي مكافأتهم مش هتزيد عن 200 يوم
mahmodsafaga 23-04-2011, 10:30 PM السلام عليكم
ياباشا احنا مكناش ناخد ربع المبلغ دة فى حاجة من اثنين ياالوزارة كدابة او مديرية التربية والتعليم اللى فى كل محافظة هى اللى حرامية وكانو بسرقونا من غير من حس
وشكرا
Mr: E.Elshair 23-04-2011, 10:41 PM احذر أخى المعلم يريد وزيرنا المزعوم أن يسكننا قبل الامتحانات حتى لا يعلو صوتك
mamdoh.aly 23-04-2011, 10:54 PM الوزارة مرعوبة من امتحانات الثانوية وبتحاول تسكت الملاحظين وخلاص
أ/رضا عطيه 24-04-2011, 12:12 AM شكرا على الخبر
اسامه البنا 24-04-2011, 12:46 AM والنبي لو حد فاهم حاجه يفهمنا هو الخبر ده من مصر ولا موزمبيق
maestro98 24-04-2011, 01:09 AM هما بيشتغلونا وعايزين يخلوا الناس يفتكروا ان الملاحظين كانوا بياخدو المبالغ دي
كله بيهيس
ده انا اخدت السنة اللي فاتت حوالي 450 جنيه وكمان كان اليوم محسوب بيومين
وزارة بتشتغلنا
ايادكو 24-04-2011, 06:41 AM يا أخوانا اللأرقام دى مش صحيحة دول السنة اللى فاتت قالوا إن اليوم بيومين ومحصلش إننا أخدنا الأرقام دى
صفاء عزمى 24-04-2011, 07:34 AM بيقول اساسه 400 ج يحصل علي 1400 يوم
تعال نحسب
7*400/100= 28 ج اليومية 28 * 20يوم اختبار =560 ج الخصم 10 %=520
بدل المبيت=5*24 =120 ج
اجمالي =640
اين 1400 ج
لو كان يوم بيوم ونصف يكون 750ج
علي الفكرة يروح ثانوية يغشش باجبار لا في امن ولا حد يدافع عنه
مستر ايمن محمد راشد 24-04-2011, 08:21 AM انا طلعت مراقبة ثانوية عامة ...الفلوس اللى بنصرفها لو خدناها تانى يبقه كويس ....بناخد شوية فكة ...ازاى تصرف بدل انتقال 20 جنية والحكومة تديلك 6 جنية فى اليوم الواحد يعنى؟؟؟؟ فين بقه 1400 جنية اللى بيقولوا عليهم..لو رئيس لجنة مش بياخد المبلغ ده ..تيجى تقولى ملاحظ هههههه هو مفيش فايدة فيكم مش هتبطلوا كدب وضحك علينا بقه
الاستاذ رباح 24-04-2011, 08:21 AM و الله دى مهزلة ان يصدر هذا الكذب من الوزارة
اين هى 1400 ج اللى بيتكلموا عليها
علشان يدى 2016دا كلام فارغ ان دل على شئ يدل على عدم الوعى وعدم الفهم
السيد الوزير الظاهر انه بيعتمد على مجموعة من المستشارين المضللين
يا ريته يا يعتبر
ولو مش مصدق يشوف اللى قبله هو فين
اما بخصوص رجال الديوان الملكى للوزارة المحظوظين بكل تلك المكافات
باين عليهم هم اللى بيصححوا الامتحانات و احنا نايمين فى البيت
اى حد محترم يقولى شغلتهم ايه بالضبط علشان ياخذوا هذة المكافات
و المعلمين المضحوك عليهم ياخذوا 200يوم
انها حقا مهزلة من السيد الوزير
حسبنا الله ونعم الوكيل
السيد درويش 24-04-2011, 04:59 PM خيابه وعبط ونفس الاسلوب القديم يحاولون الوقيعه بين فئات العمل الواحد اسلوب غبى بس كان بينجح باستغلال افه الحقد الى انتشرت فى المجتمع كادر المعلم اهانه ويتحرم الاداريين عشان تبدأ الحرب بين الفئتين وبتوع الوزاره ياخدوا مكافات خياليه والباقى ملوش لازمه غباء وتخلف السؤال لو بتوع البلومات التلاته هيعتصموا عشان الاخ الوزير يرفع لهم المكافأت ؟ اعتقد ان الخيابه مستمره
نيرمين عباس 24-04-2011, 11:12 PM ياناس اناباسمع ان فى ثورة فى مصر اسمها ثورة 25 يناير صح ولا انا بحلم يعنى ثورة للقضاء على الفساد والعدالة الاجتماعية وبالرغم من كدة هذا التصريح ان الملاحظ بياخد 1400 جنية هذا كذب وافتراء عايزين الاخبار تكون واقعية وعدم نشرها الا اذا اتحققنا من الخبر عشان نصدق ان باقى الخبر صح كلام العضو صفاء هو الحقيقية ياسيادة المحرر قول للوزير تصريحاتة ليست حقيقية وبالاش تعطونا تصريحات غير واقعية علشان نصدق ان النظام السابق انتهى بلا رجعة
محمد حسين الشواربى 25-04-2011, 12:53 AM أنا أكتر مبلغ حصلت عليه سواء في مراقبة أو تصحيح كان 450 و كانت مرة واحدة و ا اتكررتش و باقي السنين من 300 : 400 يبقى فين الالف يا وزير مين اللي اخدها ؟ بهذا التصريح يلا نرفع قضية على الوزارة و ناخد حقنا بحكم قضائي و بأثر رجعي..
نادر خطاب 25-04-2011, 01:17 AM لا ينصلح حال المعلم في وجود هذا الوزير الظالم لان كلامه كذب وهي الامتحانات ثانوية عامة وبس فين الدبلومات والاعدادية والابتدائية ولا دى مش امتحانات والدسوان الملكى بتاع الوزارة يحصل على مكافاة امتحانات 750 يوم على أى اساس
روح ياشيخ ربنا على الظالم وايامك مش كتير في الوزارة لان انت من النظام القديم ليس عندك فكر واضح تصلح بيه ما أفسده الاخرين انشر ياعم
alaa_eltallawy 07-06-2011, 12:49 PM والله معاكم حق كذب و تضليل ونفاق
و اظنه لن ينتهى
انا شخصيا باطلع امتحانات منذ عشرين عام
هى سنة واحدة ايام الجنزورى اظن اخدت فيها 430 جنيه
و المفروض كل سنة الواحد يزيد
تخيلوا السنة اللى فاتت اخذت 316 عفريت
قصدى جنيه
و حسبنا الله و نعم الوكيل
و الى متى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اظن الصمت لم يعد فى صالحنا
NazeeH 07-06-2011, 01:05 PM اشتغالات اشتغالات اشتغالات
omzoda 07-06-2011, 02:59 PM أما العاملين بديوان عام الوزارة فسيرتفع الحد الأدنى لمكافآتهم من 200 يوم إلى 400، والحد المتوسط من 250 يوما لـ 480 فيما سينخفض الحد الأقصى من 900 يوم إلى 720
طيب ما المعلمين يحولوا و يبقوا عاملين بديوان الوزارة بلا شرح ولا امتحانات ولا تصحيح ويريحوا نفسهم
marwa1985 07-06-2011, 03:51 PM طبعا كان متوقع يحصل كده, هى دى السياسه الوقحه من الوزاره لشراء الذمم و اسكات المعلمين و شق صفوفهم..وطبعاً مدرسين ثانوى شغالين دروس و " انا ومن بعدى الطوفان"
فعلا نستاهل اكثر من كده
مستر شكري صيام 07-06-2011, 05:46 PM علم "اليوم السابع"، أن وزارة التربية والتعليم قررت زيادة مكافآت المراقبين والملاحظين والمصححين ورؤساء اللجان والمراقبين الأوائل المشاركين فى أعمال امتحانات الثانوية العامة المقبلة بنسبة تتراوح من 60 % إلى 70 % عما كانوا يتقاضونه خلال الأعوام الماضية.
وأكد مصدر مطلع بالوزارة أن المعلم الذى يتقاضى أساسى راتب قيمته 400 جنيهاً فى الشهر سيحصل على مكافأة امتحانات ثانوية عامة تصل إلى 2016 جنيهاً بدلاً من 1400 فقط هى إجمالى ما كان يتقاضاه من مكافآت فى فترة امتحانات الثانوية حتى العام الدراسى الماضى.
http://www.youm7.com/news.asp?newsid=397368&secid=65
يا اخوانا اذا كان الوزير لا يعلم ان ما يتقاضاه المعلمون في الثانوية العامة لا يتخطي حاجز 600جنية لاغلب المشاركين فمن يعلم ؟؟!!!
علي فكرة الكلام ده كتر وحيكتر خلال الفترة القادمة وبخاصة اثناء امتحانات الثانوية العامة
زي ما حصل قبل اجبار الوزارة علي تنفيذ الكادر عندما ظهرت اصوات حينها تنادي بمقاطعة الثانوية العامة وكان كل يوم تطلع تصريحات عن تنفيذ الكادر
تذكرت في هذه اللحظة [الدكتور ] وزير التعليم السابق حسين كامل بهاء الدين اما كان يقول في البرامج التليفزيونية ويتباهي بان المدرسين يحصلوا علي مرتبات تفوق الالف جنية
الموضوع عاوز وقفة فعلا لان الموضوع لو عدي بالطريقة دي و التلاعب ده حيبقي المعلم ملطشة في كل مكان
وحيبقي عامل النظافة [ مع احترامي ]
افضل من مربي الاجيال
أ/ عادل مسعود 07-06-2011, 07:58 PM مشكووووووووووووووووووووووووووووووووووووووووووووور
انجل اسماعيل 07-06-2011, 08:29 PM الوزير دة مغيب من الى حوالية و هو عاجبة كدة
كلهم شلة حرامية و كدابين و نصابين
أم إسلام 07-06-2011, 08:57 PM علم "اليوم السابع"، أن وزارة التربية والتعليم قررت زيادة مكافآت المراقبين والملاحظين والمصححين ورؤساء اللجان والمراقبين الأوائل المشاركين فى أعمال امتحانات الثانوية العامة المقبلة بنسبة تتراوح من 60 % إلى 70 % عما كانوا يتقاضونه خلال الأعوام الماضية.
وأكد مصدر مطلع بالوزارة أن المعلم الذى يتقاضى أساسى راتب قيمته 400 جنيهاً فى الشهر سيحصل على مكافأة امتحانات ثانوية عامة تصل إلى 2016 جنيهاً بدلاً من 1400 فقط هى إجمالى ما كان يتقاضاه من مكافآت فى فترة امتحانات الثانوية حتى العام الدراسى الماضى.
كما قررت الوزارة زيادة مكافآت الامتحانات المخصصة لرؤساء مراكز توزيع الأسئلة وتجميع أوراق الإجابات وأعضاء لجنة تسليم مظروفات أوراق الأسئلة، بحيث سيتم احتساب يوم عملهم بـ 4 أيام بدلاً عن 3 أيام كانوا يحصلون عليها حتى العام الماضى.
وعلم "اليوم السابع" أن الدكتور "أحمد جمال الدين موسى"، وزير التربية والتعليم، أمر بزيادة مكافآت المشاركين فى أعمال امتحانات الثانوية العامة فى المناطق النائية "مطروح- البحر الأحمر- الوادى الجديد - شمال سيناء - جنوب سيناء - وادى النطرون بالبحيرة -منطقة الباويطى الواقعة بالواحات البحرية والتابعة لمحافظة الجيزة"، حيث سيتم حساب يوم عملهم بـ 4 أيام بزيادة يوم عن الأعوام الماضية.
أما العاملين بديوان عام الوزارة فسيرتفع الحد الأدنى لمكافآتهم من 200 يوم إلى 400، والحد المتوسط من 250 يوما لـ 480 فيما سينخفض الحد الأقصى من 900 يوم إلى 720 وهو ما كان "اليوم السابع" قد أشار إليه فى 6 إبريل الجارى.
http://www.youm7.com/news.asp?newsid=397368&secid=65
ما هذه الأرقام ؟مين كان بياخد المبالغ دي ؟؟!! هو إحنا مش معلمين ولا إيه ؟؟؟؟؟؟؟؟؟!!!!!!!!!!!!!!!!
modym2020 07-06-2011, 10:26 PM حيلة ماكرة لتفادى اضراب المعلمين عن اعمال الثانوية العامة
سقطة كبيرة جدا من وزيرى المالية و التعليم
لما تستبعد المعلمين وتسكتهم بكلمتين ... وبعدين تفرقهم بقرشين !!!
طيب والباقى ...؟؟
|