ارجع يا ريس‏..!!‏ [الأرشيف] - بوابة الثانوية العامة المصرية

Mo7amed zizo

28-04-2011, 10:40 AM

أ/رضا عطيه

28-04-2011, 11:12 AM

ارجع يا ريس‏..!!‏

أنشأ مجموعة من الشباب صفحة علي الفيس بوك بعنوان إرجع يا ريس علشان‏..‏ تطالب بعودة الرئيس السابق حسني مبارك مرة أخري إلي الحكم‏,‏ وكانت الأسباب كالآتي‏:‏

ارجع يا ريس قبل العيد عشان نعرف نقول عيد مبارك
ارجع يا ريس مش لاقيين اسم لمحطه رمسيس في المترو
ارجع يا ريس... تقريبا نسيت نور الصالون في القصر مفتوح
ارجع لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس.. وحشنا ابنك جمال
ارجع عشان ننزل التحرير تاني وناكل كنتاكي
ارجع.. بقوا يطبخوا ع الفحم في اسرائيل
طب ارجع يا ريس واللي اتفرم يتصلح
ارجع ياريس... شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني.. أو تامر أمين..
ارجع يا ريس انا بقيت بتكلم في السياسة براحتي
ارحمنا وارجع بقي...مين اللي هيغير اسم 620 الف مشروع ومدرسة باسم سعادتك؟
ارجع ياريس شكلنا هنبقي من الدول المتقدمة
ارجع بقي ده حتي هالة سرحان رجعت, يرضيك كده يعني؟؟
يا ريس ارجع انا خايف رغيف العيش يكبر وأنا ناوي اعمل دايت
ارجع بجد, دلوقتي لما مبيعجبناش وزير بيتغير, المسئولون اتبهدلوا من بعدك!
ارجع يا ريس, الإخوان بقوا بيطلعوا في التليفزيون الحكومي
طب بص.. بلاش انت ترجع.. بس جمال وعلاء ضروري يرجعوا قبل رمضان.. هنعمل الدورة الرمضانية ازاي من غيرهم؟

ومين اللى قال إن دول شباب الثورة

ياترى رغيف العيش بكام على الفيس بوك ؟

ارحمونا بألاعيبكم المشينه لكل مصر

وفكروا إزاى نعمل حملة ضد الجزارين ومستودعات الغاز و جشاعةالتجار

هنا فقط سيحترمهم الناس

وانما مايصنعوه يدل على فراغ سياسى وفكرى وبعد تام عن مشاكل الناس الحقيقية
وإليكم أخر الأنباء
يرجع ولامايرجع فات الميعاد وكله مجــــــرد كلام فى كلام
يرجع ولا مايرجع وكل منافق زمان صبح بطل لهذه الأيام
يرجع ولامايرجع والرعب مالينا من ناس تستحق الإعدام
واللى كانوا فى جره وطلعوا بره وبيقيموا الحد باسم الاسلام
لاقضاء بيحكم ولاحد بيصبر على العداله وعلى الأحكام
يرجع ولامايرجع والعميل صبح بطل قومى مغلف بأوهام
يرجع إزاى وكل برادعى بيتغنى بيه كداعية للأمن و السلام
يرجع ولامايرجع وعيد تحرير سينا مرعلينا فى صمت تام
وكأنه نكسه نتبرأ منها وكأن دم شهداء الحروب مجـــرد أفلام
وشهداء ميدان التحرير هم فقط من لهم كل الحق والاحترام
يرجع ولامايرجع واحنا بقينا فى وطن كله ألغام فى ألغام
ــــــــــــــــــــــــــــــــــــــــــــــــــ ـــــــــــــــــ

مش عايزينه يرجع بس ياريت احنا اللى نرجع بالوطن للأمن والأمان
ولامن أجل شخص أو أشخاص ننسى ألاف الشهداء وماقدموه زمان
ونعلى ناس فوق ناس ونعلى عميل أمس ونكتب اسمه فى كل ميدان
ــــــــــــــــــــــــــــــــــــــــــــــــــ ـــــــــــــــــ
حرام عليناياناس تكون مشاعرنا انهارده هى هى مشاعر الصهاينه
كارهين تاريخنا زى أعدائنا ونتجاهله ونتغنى بأمورهابطه و فانيه
عيد الربيع غطى على كل حروب التحريرو السنادى (حاجة تانيه)
ــــــــــــــــــــــــــــــــــــــــــــــــــ ـــــــــ

ومش كل معارض زمان يبقى هو الوطنى والحر الأن
ويامه ناس بتوب مصرى لكن الفكر أوربى وأمريكان
ورأيهم كل مصرى متخلف وعاداته وطباعه مورستان
وعايزنها دوله كله مباح ومتاح ولا حاجة لكل الأديان !
ــــــــــــــــــــــــــــــــــــــــــــــــــ ـــــــــــــــــ
وربنا يولى من يصلح

وشكرا على الموضوع

زمن فطين

28-04-2011, 11:51 AM

الاعلام والدنيا كلها بتقول البلد هتقع

والاقتصاد فى النازل

والفقر هيزيد وفرص العمل هتقل

وهم لازالوا فى مواقع الفوتشوب يتفننون فى صناعة المسليات والمرفهات والتفاهات

فى حين البلد تفتقد للأمن والاستقرار فى الاسعار والعمل

فعلا ناس هايصة على الفيس بوك

وناس لايصه فى سوق الجمعة والعيش وسنينه والغاز وانعدامه والبلطجة ونتائجها

ربنا يهديهم

وجزاكم الله خيرا

TheHighLander

28-04-2011, 12:01 PM

ان شاء الله الخير جاي
ومن فضلكم متحسوسيناش اننا من غير مبارك مش حنقدر نعيش!

زمن فطين

28-04-2011, 12:10 PM

مبارك رحل بكل ماله وكل ماعليه ستعيده العدالة للمصريين

والعنترية فى هذه الاوقات خسارة كبيرة وربما نصل لماهو اسوأ

نريد عودة مصر بالعمل والانتاج وليس بالكلام المعسول

جزاكم الله خيرا