يا جماعه انا معظم المواد ضايعه منى والامتحان فاضل عليه اسبوعين فى حل؟؟ [الأرشيف]

مشاهدة النسخة كاملة : يا جماعه انا معظم المواد ضايعه منى والامتحان فاضل عليه اسبوعين فى حل؟؟

monysony

29-04-2011, 09:04 AM

انا فى اولى ثانوى كنت واخد الترم اللى فات فيزياء ومكنتش عارف حاجه برضه ذى دلوقتى بس جيت فى اخر يومين حفظت شويه فى الفيزياء ونجحت الحمد لله جيت بقى الترم التانى اللى هو بتاع الكيمياء عملت زى الترم الاول ومذكرتش حاجه وعملت حسابى انى هذاكر شويه فى الاخر ولكن للاسف مذكرتش والامتحان فاضل عليه اسبوعين وانا مش عارف الاقيها من الكيماء ولا الاحياء ولا التاريخ ولا ايه ولا ايه فى حد عنده حل ينقذنى من الورطه اللى انا وقعت فيها دى مع العلم انا واللهى شاطر بس مبحبش المذكره اول ب اول وكل ترم بجى اذاكر شويه فى الاخر وخلاص بس انا دلوقتى تايه مش عارف اعمل ايه حد عنده حل يا جماعه اسف على الاطاله

monysony

29-04-2011, 04:42 PM

طب قولولى رايكم مش شرط حل اى حاجه يا جماعه انا محبط !!!

رشا العباسي

29-04-2011, 05:29 PM

حاول تستغل الاسبوعين ومضيعش وقت وقسمهم على المواد الصعبة اللى محتاجه تخلص الاول
ومتزكرش مادة واحدة متواصل علشان متحسش بالملل .مثلا الاسبوع الاول حاول تخلص فيه الاحياء ونصف التاريخ
والاسبوع التانى كمل التاريخ وابدا فى الكيمياء
اتمنى لك التوفيق واعرف انك لو استعنت بالله ووضعت فى حذرك انك تخلصهم هتخلصهم ان شاء الله.

لمسة ورد

29-04-2011, 08:18 PM

انا عندى نفس المواد زيك بس لو انت ركزت هتلحق ان شاء الله
ربنا معنا جميعا

monysony

30-04-2011, 02:30 PM

ان شاء الله هعمل اللى هقدر عليه شكرا ليكم

dr.jasy

03-05-2011, 09:24 PM

السلام عليكم انا مش عارفه بيحصل ايه او مابندخل ثانوى وبنخيب ليه انا من اوائل الاعداديه وشاطره جدا بس فعلا انا بقيت كسوله اوى ومش بذاكر اول باول بس الحمد لله بتعدى
انا بس مش عايزاك تفقد الامل وتتراخى لان لسه معاك وقت زى ماقولت انك شاطر
باذن الله مفيش حاجه صعبه
لازم طبعا الاسبوعين دول تهدى نفسك خالص وتصفى ذهنك جدااااا
وبلاش ضغوط ابدأمن النهارده نام بدرى عشان تصحى الصبح الساعه 8
وتبدا بالماده الاولى انا بصراحه مقسماهم
(العربى واللغه التانيه والانجلش )
مش بضغط على نفسى اوى فيهم لانى مفتحتهمش من اول الترم بس الحمد لله خلصت التلاته فى 3
ايام يعنى كل ماده يوم خلصت بالتمارين وحليت الامتحانات كمان
وده بفضل ربنا طبعا
شوفت الموضوع سهل مش صعب
نجى بقى للمواد التقيله
عندك احياء كمياء رياضه
الاحياء عايزه حفظ وفهم يعنى تكون مركز وفاهم انت بتحفظ ايه نصيحه لو مكنتش بتحضر فيها دروس وعندك خلفيه ولو حتى بسيطه متذاكرهاش لواحدك حاول تظبط ميعاد مع مدرس يلخص لك المنهج او حتى حد كبير يقعد معاك مش شرط يكون خبير
مجرد بس يفتح نفسك
وتبتدى تذاكر وضرورى اوى يكون من كتاب خارجى وتحل التمارين اللى ورا كل درس وتركز كويس جدا جدا جدا
على المفكره الصغيره
الكمياء
براحه مش عارفه اقول ايه بس اكتر حاجه تركز عليها المسائل مش شرط تفهم الدرس وتجيبه من اوله على الاقل يبقى معاك كتاب الامتحان وتحل التمرين وتراجع الاجابات من كتاب الاجابات وتعرف دى جات ازاى ودى اتعملت ازاى وتركز فى الخطوات وتحفظ شكل المسائل والتعريفات بتاعه كل باب كذلك برده تحفظها من المفكره
وتعمل كده مع الابواب كلها
الرياضه بقى
لو مكنتش مع مدرس هتدور على اى اسطوانه تسمع منها الشرح
ولو ملقيتش خلاص يبقى هتعمل زى الكميا
تفتح على التمارين على طول
ويكون معاك كتاب الاجابات وتشوف بيحلها ازاى
وتكرر اكتر من مساله هتلاقى العمليه بقت سهله وانت بتكون مبسوط وانت قاعد بتذاكر
بس
ده من نابع خيبتى قصدى تجربتى الشخصيه طبعا هى حاجه مش كويسه انى اضغط المنهج كده بس هعمل ايه بقى ربنا يهدينى
باذن الله هحاول اغير من نفسى لان السنه الجايه مفيهاش هزار
وانت لازم تنفع نفسك
محدش هينفعك
كفايه كده بقى انا رغايه بس انا بصراحه حاسه بيك متورط زىى بالضبط
ربنا يوفقك

monysony

07-05-2011, 09:05 AM

adel_attalah

16-05-2011, 10:11 PM

كلمة قالوها ولاد النيل .. تسقط تسقط إسرائيل .. يسقط معها كل عميل
اول مطلب للجماهير .. قفل سفارة وطرد سفير
يا فلسطيني يا فلسطيني .. أرضك أرضي .. ودينك ديني
قلمي اكتب به شعري,وبألواني ارسم بها مسري نبي