http://gedarnet.com/up/viewimages/aca3b62057.jpg (http://www.qwled.com/vb/t191035.html)

http://www.january-25.org/images/posts/3962_Large.jpg

عقبال عندكم
ويارب كل اللي لسة ماأتجوزش يتجوز
حتي لو ماعندهوش شقة
ولا ليه وظيفة تأكـَّـله عيش
وانشالله حتي يكون مش لاقي قوت يومه
وقرب يموت من الجوع
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
المهم يكون حرك ومتفائل
وعنده شوية حاجات زي الحرية والإشتراكية
والديموقراطية والشفافية والوحدة
ودي هي اللي ممكن تؤهله انه يخش السجن
أقصد عش الزوجية
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
ويارب كل الناس تفرح
زي ما الإنجليز فرحانين وسعداء
بزواج الأمير وليام وكيت ميدلتون
إللي بعد الزواج حاتبقي دوقة كمبريدج
ووليامز أيضا حايبقي دوق كمبردج
وأنا حانبقي دوق المر
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
وبحسب تقاليد الصعايدة – آسف - قصدي الإنجليز
كل واحد يحاسب عا المشروب بتاعة
فانت حر
تشرب قهوة تشرب مر
تشرب من كيعانك
المهم تدفع الحساب
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
ولأننا دائما ما نحتاج إلي أن نفرح
حتي لو لفرح غيرنا
ودي صفة كويسه علي ما أعتقد
ولذلك أصدرت الأسرة فرمانا
يدعو إلي الفرجة علي فرح الأمير وليام وكيت

http://www.dw-world.de/image/0,,15038970_1,00.jpg

أما إللي كان حازز في نفسي
إن أنا ما سمعتش ولا زغروطة تفرحهم
خاصة وإن الأمير كان شكله مخضوض
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
وده إللي بصراحة عايز حد يجاوبني عليه
ليه كله مخضوض اليومين دول ؟؟!!
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
أعتقد ياجماعة بل أكيد
إن الأميرة ديانا قبل ما تموت
نكشت شعرها وغطت بيه وشها
وقعدت تدعي لوليام ابنها ساعة المغربية
بأن ربنا يفرَّج عليه خلقه
و زي ما بيقولوا ديانا كانت طيبة وبنت حلال

http://www.mushahed.com/wp-content/uploads/2009/05/diana.jpg

عشان كده ربنا استجاب لدعاها
ووليام إتفرج عليه سكان الكرة الأرضية كلها
أما كيت ميدلتون حاتكون أسعد واحدة
لأنها مش حتتعامل مع حما
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
ومع الفارق بين حما والأخري
إلا إنهن في النهاية حموات
ونحن في النهاية بشر
وإن اختلفت اللغات والبشرات
وعشان كده الجماعة سابوا اللي وراهم
وسابوا اللي قدامهم وأجـِّلوا الغدا
* ياجماعة الغدا
ولا حد بيرد
* ياجماعة ياللي هنا الغدا
ولا حد بيرد
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
* ياناس ياللي في البيت الغدا
** استني بس لما نشوف الفرح
* ياجماعة جعنا اعملوا لنا الغدا
** لو مش عاجبك ابعت هات أكل جاهز
* يعني انتوا تتفرجوا علي الفرح
وانا أستلف آخر الشهر

http://www.daralhayat.com/files/imagecache/medium_thumb/files/rbimages/1304005345067708800.jpg

وقعدوا يتابعوا حفل الزفاف
ومش حاقولك علي التعليقات اللي بتتقال
لأن كل واحد منكم سيد العارفين
قعدوا يتكلموا عن العربية الحنطور
http://www.elnashra.com/arts/images2/hh_41897.jpg
يعني هو مش قادر يجيب له عربية ملاكي
تكون أمريكاني أوياباني آخر موديل
دي العربية الحنطور اللي علي البحر أشيك منها
طيب كانوا يقولوا
وكنا بعتنا لهم كام عربية حنطور
من بتاعة السياحة
إللي من أول الثورة وهي واقفة
وكنا عملناها لهم نقطة وأهي تبقي جـِميلة
حاكم احنا جدعان قوي
ونعرف الواجب والأصول
- ياستي هما جم في عربية رولزرويس
وبعدين نزلوا منها وركبوا العربية الحنطور
هو ده النظام الإنجليزي بتاعهم
http://www.youm7.com/images/issuehtm/images/youm/welyam2942011/8.jpg

- نظام إيه ياأخويا
ده باين البنزين خلص من التنك بتاع العربية
عشان مش مفولين العربية كويس
لان البنزين بقي غالي اليومين دول
وكل ده عشان المشاكل إللي في ليبيا
- والا البوفيه والتورتة
ياتري التورتته بتاعته والا تورتة أمه !!
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
لكن اللي لافت نظري في هذا الحفل
هو عدد الخيول السودا



* أيوه صحيح !
إيه الحِصِنة – الخيول - السودة دي كلها
كل دي حصنة سودة ؟!! معقولة !!
انفجرت ضاحكا حتي كاد قلبي أن يتوقف
أكثر ماهو واقف خلقة
**- أمال يعني حمير و صابغينها
ولا تكونش حمير وصابغينها
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
*بس دي حصنة سودة كتير قوي
** ياستي هم مبسوطين
إن عندهم حصنة سودة وبيضا وبني كتير
لكن إحنا عندنا حمير أكتر
وعلي كل لون
ومش مصبوغة
لكن طبيعي وحياتك
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
والله أنا خايف يا جدعان ومتردد
لا يكونوا خدوا شوية حمير وصبغوهم
* لا لا .. دي ما تحصلش من الإنجليز أبدا
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
يادي الفضايح ياجدعان
هوه فيه ناس عندنا كانت بتعمل الحكاية دي
أكيد ربنا تاب عليهم من زمان
وبقوا فلة شمعة منورة
بس الخوف يا جدعان انه في هذا الأوان
يكون فية ناس بدل ما يصبغوا الحمير
بقوا بيصبغوا البني أدمين
وناس تانيين
بقوا يصبغوا ضمايرهم وذمتهم ويلمعوها
زي لاموآخذة ...
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
** بلاش نعيب في حد وخلونا نتفرج بقي

***
وعلي راي الجماعة ناس فرحانة لزواج الأمير
وناس فرحانة بحبس الورور وأبوه الكبير
ولله في خلقه شئون
http://r15.imgfast.net/users/1511/58/17/75/smiles/787926.gif (http://javascript%3cb%3e%3c/b%3E:emoticonp(':محتار:'))
كان الحفل يبعث علي البهجة
الناس شكلها نضيف وكأنها لسه مستحمية
يشبهوا لناس أعرفهم
وماسكين أعلام بلدهم
اثنان مليار بيتفرجوا علي زواج أمير وأميرة
واحنا لسه بنتفرجوا علي فرح اللمبي
إللي مراته بقت حماة دلوقتي
واللي في حفلة زفافه هو وعروسته
كان بيشد الجوزة
وإحنا بنشد في شعرنا
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
إيه ياجدعان
هو انتم كدا تحبوا تقلبوا كل حاجة الي نكد
وتنشنوا علي الكلوبات بمزاج واحترافية شديدة
ياجماعة إفرحوا
بطلوا هواية التنشين علي الكلوبات
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
حاولوا تفرحوا الفرح بيعْدي
ويْعَدِّي بسرعة
- بيعْـدي من العدوي .. ويْعَدِّي يعني يمر
مشتقة من المرور
إيه إللي جاب سيرة المرور دلوقتي
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
مش باقولكم احنا مواهب في ضرب الكلوبات
قصدي في التنشين علي الكلوبات
نشنتوا علي إيه ياللي في بالي ؟!!!
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))
وعلي رأي فضة المداوي
وله حمووووووو إضرب الكلوبات يالــــه
http://r15.imgfast.net/users/1511/58/17/75/smiles/898330.gif (http://javascript%3cb%3e%3c/b%3E:emoticonp(':فهفهة:'))

ربنا هيهني سعيد بسعيدة

ربنا هيهني سعيد بسعيدة
ربنا يهنيء الشعب المصري كله
ويسهل له كل الأمور
حتي يشعر بطعم الفرح والسعادة
التي غابت عنه من سنين
اللهم آمين
وشكرا علي ردك

عرض رائع وأسلوب مشّوق
شكرا على الموضوع

تسلم الايادي على الاقل نقراه حاجه فرايحي اليومين دول
امتحانات والناس اعصابه مشدوده
ومعلومه همه حيقضو شهر العسل في المملكه الاردنيه
هنيئا للشعب الاردني لمزيدا من العجز في ميزانية الاردن
شكرا على الموضوع

مبرووووووووووووووووووك



بس بجد كان فرح ملكى حلو اوى

عقبالنا بعد عمرا طويل

الفستان مكنش حلو ...
تحس انه قديم اوووووووي

حقد طبقي ههههههههه
شكراا ع الموضوع
لذيذ جدااا

اشكرك على نقلك لأحداث وتقاصيل هذا الزواج الملكي
وعقبال يا رب كل الشباب اللي نفسه يتزوج وربنا يقدرهم يا رب

ههههههههه
موضوع جميلـ جدا
اشكر حضرتك عليه
وبجد فعلا احنا محتاجين مواضيع حلوه كده تضيع بأس الامتحان اللى احنا فيه ده
وع فكره يا جماعه الفستان بتعها ده له تاريخ ,,, يعنى مش مجرد فستانـ
حتى قالوا ان فى اخر الحفل حيقولوا ع سر الفستانـ بس انا مكلملتش الفرح للاخر لو حد كمله اكيد حيكون عرف السر
ويابخت الاردن وليام وكيت عندِهم يا بختهم
اشكر حضرتك مره تانيه ع الموضوع الجميل والكلمات الاروع