http://saydtalzorka.files.wordpress.com/2010/01/pain1.jpg


الحلقه الاولى

منى /الو إلحقنى يااحمد انا بموت سمونى لما عرفوا حكايتى معاك

احمد / منى انتى بتقولى ايه ، انتى فين هما مين دول اللى سموكى

منى / اسمعنى يااحمد يمكن تكون دى اخر كلمه تسمعها منى عوزاك ديما تضحك وتفتكر ايمنا مع بعض أوع يوم تفتكر ان بموتى نهايه قصه حبنا
حتى بعد موتى روحى هتفضل عايش حوليك تحبك وتحميك

احمد / انتى فين يامنى علشان خطرى كفايه قوليلى انتى فين ومين عمل فيكى كده

الووو منى الوووووو ردى عليا ياحببتى الووووو منى منى

بعد مرور 3 سنوات

عماد / مالك بس يااحمد مش ناوى تنسى بقه وتفكر شويه فى نفسك يابنى انت كنت اكبر محامى فيكى يااسكندريه

احمد / علشان خاطرى ياعماد سبنى فى حالى

عماد / اسيبك ازى بس انت مشوفتش نفسك فى المرايا اكيد مشوفتش لانك لو كنت بصيت لنفسك كنت عرفت انا ليه خايف عليك
اللى حصل انت ملكش زمب فيه

اهلها المتخلفين هما السبب

احمد / كفايه كفايه قولتلك كفايه ياعماد

عماد / لاء مش كفايه انت لازم تفوق بقه من الوهم اللى معيش نفسك فيه ومعذبنا معاك

موت منى مش زمبك وانت مكنش فى اديك اى حاجه ممكن تعملها

احمد / قولتلك كفايه يااخى اطلع بره برة برة

عماد / انا هخرج بس هرجعلك تانى وازورك

ويخرج عماد

عماد / دكتور دكتور

دكتور ايمن / ايوة يااستاذ عماد

عماد / احمد يادكتور من ساعه ما جه المستشفى من 3 سنين وحالته بتدهور اكتر واكتر

احمد خلاص ضاع يادكتور خلاص انتهى

تتبع انتظرونى

http://saydtalzorka.files.wordpress.com/2010/01/pain1.jpg

الحلقه الثانيه والاخيرة

عامل / دكتورة مريم دكتورة مريم

مريم / خير فى ايه

عامل / فى تليفون لحضرتك فى الرسبشن تحت

مريم / حاضر جايه حالا

الوووو ايوة ياعمر عامل ايه ياحبيبى

عمر / عامل ايه بقالى ساعه بتصل بيكى على الموبيل وحضرتك قفلاه

مريم / اسفه جدا ياحبيبى انت عارف ديما بقفله لما بدخل المستشفى المهم مالك فى ايه خير

عمر / خير انا عندى كلمتين عاوز اقولهملك ونفسى تسمعيهم كويس لانهم اخر كلام ليا معاكى

مريم / فى ايه ياعمر وايه الكلام الغريب اللى بتقوله ده

عمر / ممكن تسمعينى بقه وتبطلى رغيك الكتير ده نفسى اكمل جمله مفيده من غير ما تقطعينى
انا عمرى ما حبيتك ولا عمرك كنتى فتاة احلامى
انا لما حولت اشغلك واوقعك فى حبى ونكون اصحاب ونقضى يومين حلوين مع بعض وصدرتيلى الوش الجبس قررت ساعتها بس انى لازم امتلكك وتكون بتعتى ليا انا وبس مساله عند وحب امتلاك زى ما تحبى تقولى قولى انا ولا هتفرق معايه اصلا
قولت لما هخطبك هعرف اخد منك اى حاجه انا عوزها معرفتش قبل الخطوبه اخدها بس ياخسارة طلعتى بنت محترمه من النوع القديم بتاع الشرف والتربيه والمبادء
قال ايه كل اما اقرب منك تقوليلى الحاجات دى تيجى بعد الجواز والكلام الفاضى اللى ولا يودى ولا يجيب ده
نهايه الكلام انا بكلمك دلوقتى علشان اقولك ان خلاص فينيته موضوعنا انتهى ياقطه واعتبرى نفسك مفسوخ خطوبتها
سلام وياخسارة الوقت اللى ضيعته معاكى على امل انى ممكن اخد منك اللى انا عوزة
ويالا من غير سلام

دكتور ايمن / دكتورة مريم دكتورة مريم
مالك مسكه سماعه التليفون كده ليه فى حاجه لا قدر الله
دكتورة مريم مالك ريحه فين طب مش هتبعى حاله المريض احمد اللى مدير المستشفى طلب منك متابعتها دكتورة مريم هى مالها دى كمان وايه اليوم العجيب دة

عماد / دكتور ايمن طمنى على حاله احمد النهارده عامل ايه ؟؟

دكتور ايمن / ان شاء الله هيتحسن دكتور محمود مدير المستشفى سلم ملف حالته للدكتورة مريم اشطر دكتورة عندنا فى المستشفى وربنا ان شاء الله هيجعل شفاه على اديها

عماد / طب هى فين دكتورة مريم لما اسألها عن حالته

دكتور ايمن / لسه خرجه حالا من المستشفى بكرة ان شاء الله حضرتك تشرفنا وتعرف منها كل حاجه عن حالت احمد وطريقه علاجه الجديده بس ادعى معايه انه يتقبل فكرة العلاج ده مهم جدا ده نصف الطريق للعلاج

وبعد اسبوع

عماد / بجد كده كتير يادكتور ايمن انا بقالى اسبوع كل يوم اجى علشان اقابل دكتورة مريم وهى مش بتيجى المستشفى وحاله احمد فى تدهور مستمر ياريت تحول ملف احمد لدكتور تانى احمد بيضيع يادكتور وانا مش هستنا اكتر من كده

دكتور ايمن / انا بجد مش عارف اقولك ايه انا مش عارف بس دكتورة مريم مالها وعلى العموم حاضر انا هكلم مدير المستشفى حالا
ايه ده دكتورة مريم وصلت خلاص يااستاذ عماد

فى ايه يادكتورة مريم ايه التأخير ده كله

مريم / انا اسفه يادكتور ايمن كان عندى ظروف

دكتور ايمن / ولا يهمك اعرفك باالاستاذ عماد صديق الاستاذ احمد الحاله اللى مع حضرتك ملفها

مريم / اه اهلا بحضرتك انا كنت هتصل بيكى علشان تحكيلى شويه حاجات وعن الحكايه من البدايه اللى ادت لدخول احمد المستشفى

عماد / القصه باإختصار ان احمد كان بيحب زميله له فى الجامعه حب جنونى واتفقوا على الارتباط بعد التخرج وفعلا بعد التخرج فتح احمد مكتب محاماه كبير ونجح بسرعه غير متوقعه فى مجاله وجه الوقت لأنه يتقدم لحببته منى ولانها كانت من عيله صعيديه فلما اتقدم احمد لأهلها رفضوة من غير اى اسباب ولا حتى نقاش رفضوة لمجرد انه مش منهم يعنى مش من العيله ساعتها احمد نفسيته بقت مدمرة حاول كتير عمرى فى حياتى مشوفت واحد يتقدم لنفس البنت ولعلتها اكتر من 5 مرات وكل مرة يحاول يقنعهم بيه يتقابل بالرفض والتهديد لو مبعدش عنها وفى يوم اتصلت بيه منى وقلتله ان اهلها هيجوزوها ابن عمها بعد اسبوع وراح احمد لأهلها وحاول يكلمهم تانى الا انهم ضربوه وكسروله اديه ولانه كان بيحب منى جدا رفض انه يبلغ عنهم

بعدها بفترة اتصلت بيه منى وقالتله انهم سموها لانهم عرفوا بحكايه هروبهم مع بعض وجوازهم غصب عنهم
ومن وقتها وهو فى الحاله اللى هو فيها دى مش عاوز يخرج من المستشفى ولا عاوز يكمل حياته وكأن حياته ماتت بموت منى

دكتور ايمن / ياااااه فى حب بالشكل ده

انا كنت فاكر الحب ده عمرى ما هشوفه غير فى الافلام وبس

ربنا معاكم انا مضطر امشى دلوقتى عندى حاله لازم اتبعها ربنا يوفقكم

عماد / دكتورة مريم دكتورة مريم روحتى فين

مريم / ايه بتقول حاجه يااستاذ عماد

عماد / بقول حاجه انتى مش معايه خالص

مريم / انا اسف يالا بينا على احمد

عماد / ابو حميد حبيبى اخبارك ايه النهارده دى الدكتورة مريم اللى هتابع حالتك من النهارده

احمد انت مبتردش ليه انت نمت ولا ايه احمد اصح بقه يابنى وبطل كسل

احمد احمد انت ساكت ليه فوق يااحمد احمد ماله يادكتوره

وتجرى مريم على احمد تشوفه وبعدها تسكت ثوانى ودموعها على خدها وتقول

البقاء لله

عماد / احمد لا احمد هيخف وهيكمل حياته احمد حى يادكتورة اتأكدى تانى مش ممكن
احمد اصحى وكلمنى رد عليا يااغلى صديق واصدق حبيب فى الكون

سبتنى برضه ورحتلها يااحمد رحت لروحك وحبيبتك

احمد احمد احممممممممممممممممممممممممممممممممد

النهايه

بقلم

تامر على الطويل

امير الجروح

ايه النكد ده يا حج :p انت عملت زي المسلسلات التركي . البطل يا اما يموت او يجنن بعد الحلقه 250 وبتتعرض علي 360يوم

بس انت لجقت نفسك وحطيتها في كبسوله غم مره واحده :p:p

شكراااااااااااااااااااااااااااااااااااا

انا قرات القصه واتاثرت بس فطست من الضحك علي التعليق عليها

على فكرة بصرف النظر عن النكد ده
بس انت دخلتنا فى ميت قصه
المسلسل التركى ده ليه اجزاء والا ده الملخص السريع بتاعه؟
فين العبرة والدرر اللى هاطلع بيها؟
احمد اتجنن ومان ومنى اتسمت
ده حتى المحامى الشاطر مابلغش الطب الشرعى عشان يجيب حق حبيبته؟
مع احترامى ياتامر
وحيك الملهم لم يحسن صنعك هذه المرة
حاول تعملها تعديل

حقيقي معنديش تعليق يليق بقلمك الجميل
بس أنا كدا هعيط خلاص :(

حقيقي معنديش تعليق يليق بقلمك الجميل
بس أنا كدا هعيط خلاص :(


ربنا يخليكى ياسندس يارب وبجد بكون سعيد جدا بردودك الجميله

على فكرة بصرف النظر عن النكد ده
بس انت دخلتنا فى ميت قصه
المسلسل التركى ده ليه اجزاء والا ده الملخص السريع بتاعه؟
ههههههه ده الملخص السريع
فين العبرة والدرر اللى هاطلع بيها؟
العبر فى ان مش كل حاجه بنحبها لازم نحققها وتكون معانه
العبرة فى الاصرار والتفانى من اجل من احب
العبرة فى الوفاء لدرجه ميتخيلهاش اى عقل
احمد اتجنن ومات ومنى اتسمت
ده حتى المحامى الشاطر مابلغش الطب الشرعى عشان يجيب حق حبيبته؟
مع احترامى ياتامر
وحيك الملهم لم يحسن صنعك هذه المرة
حاول تعملها تعديل


ههههههه وانا بجد سعيد جدا بردك ده وسعيد برئيك واكيد من وجه نظرك عندك حق

انا قرات القصه واتاثرت بس فطست من الضحك علي التعليق عليها

شكراااااااااااااااااااااااااااااااااااا

ايه النكد ده يا حج :p انت عملت زي المسلسلات التركي . البطل يا اما يموت او يجنن بعد الحلقه 250 وبتتعرض علي 360يوم

بس انت لجقت نفسك وحطيتها في كبسوله غم مره واحده :p:p
نورتونى ياجماعه واسف لو كنت غمتكم بقصتى دى

بجد قصه مؤثرة وابكتنى وشكرا يا شاعر

بجد قصه مؤثرة وابكتنى وشكرا يا شاعر

ربنا يخليك يارب وبجد الشكر ليك انت