مشاهدة النسخة كاملة : يوميات ( كوكى و الوله جارة ) بقلمى الخاص
تامر الطويل 01-05-2011, 02:24 PM يوميات
كوكى والولة جاره
كوكى شاب بسيط كل اماله فى الحياه انه يبقه اغنى رجل فى العالم وينجح بقه فى الامتحان المرتقب وربنا يوفقه ويعرف يغش
عيبه الوحيد والبسيط انه بينسى بطريقه فظيعه يعنى ممكن ينسى نفسه لو بص قدام المرايه
مثله الاعلى شعبان عبد الرحيم فى اغنيه
من أول يناير خلاص هشيل حديد
اما صحبه اللى ديما مجننه وشده وراه فى اى مكان يكون فيه
الله يكون فى عونك يا 000 يا يخرب بيتك ياكوكى نستنى
( ماتيجى نشوف كوكى و الوله جارة)
الحلقه الاوله
تدخل والده كوكى وتفتح الشباب وكوكى نايم وتقوله
إصحى ياكوكى بقه إتأخرت على المدرسه
كوكى / طيب يا يا يا يا
نفسى مرة وحده بس تفتكر إنى ماما
كوكى / انا فاكر انك ماما فى حد ينسى امه
أنا خلاص هصحى
إسكتى بقه
هو الواد جارنا ده صحى ولالسه
إسمه محمود إحفظ إسمه بقه
إنت دلوقتى فى 2ثانوى
طيب يا ما ما
هنام شويه على بال إيهاب مايجى
إيهاب مين ياكوكى
إيهاب جارنا الواد الرخم ده
ياكوكى إسمه محمود
كوكى / طيب لما إسمه إيه ده يجى أنا نسيت طريق المدرسه
الواد حسين ده غبى قوى
حسين مين إنت هتجننى ياكوكى معاك
محمود / إزيك ياطنط
كريم صحى ولا لسه زى العاده نايم
كوكى حبيب قلبى صحى طبعا إدخله يامحمود
محمود / ولد ياكريم
كوكى
ههههههههههههههههه
إيه الاسم ده
كوكى / مش عجبك ياأحمد إسمى
محمود / أحمد مين أنا محمود يابنى ركز بقه إنتى صحبى من أوله إبتدائى ولسه برده مش فاكر إسمى
كوكى / ماهو إسم غريب برده يعنى إيه إسم حسين ده
محمود / حسين حسين بس فوق هنتاخر على الامتحان
كوكى / إمتحان إيه أنا مذكرتش حاجه
هم بيفجئونا
إيه الناس الغريبه دى
والله لأقدم شكوة لوزير التربيه والتعليم
محمود / هما برضه إللى غراب يابنى
دى أبله إيمان كل يوم تفكرك وتقولك
ياكريم فاضل3 أيام على الامتحان فاضل يومين فاضل يوم
ناقص تيجى وتحللك كمان
هههههههههههههههههه
كوكى /يعنى إنت ذكرتولا إيه
انا شاكك فيك من بدرى يالا
بتخونى وبتذاكر من ورايه ياحسين ماكنش العشم
محمود / حسين 000 حسين بس إنجز يابنى هنتأخر على الامتحان
وبعدين انا ولا ذكرت ولا إتقندلت
أنا معايه إللى أهم من المذكرة يابنى معايه برشام
كوكى / ليه مالك ياتوفيق إنت تعبان
محمود / والله إنت هتجننى أنا إسمى محمود
ثم برشام يعنى ملخص المذكرة إللى مذكرتهاش
كتبتها فى ورقه صغيرةعلشان ساعه الامتحان أغش منها
كوكى / يابن الناصحه ياوليد
طيب ماتجيب حته برشام من إللى معاك دى أغش منها
محمود / ماتخفش أنا عملت حسابك على الله يطمر وتفتكر بقه إسمى
بس لو قفشوك بيها متودنيش فى داهيه أنا عرفك غبى
كوكى / عيب عليك ياأحمد
أنا ابلغ عليك ليه يعنى جبان
محمود / طيب يالله بينا هنتاخرعلى الامتحان
كوكى / سلام بقه يايا يا يا
محمود / قولها ياماما وخلاص
الله يخرب بيتك جننتنى ونستنى انا اسمى ايه
كوكى / سلام ياماما
ويمشى كوكى ومحمود للامتحان
كوكى / هات بقه البرشام
محمود / إنت هتجننى يله ما أنا إدتهولك
كوكى / أه صح
طيب إنت مخبى البرشام بتاعك فين
محمود / أنا مخبيه فى كمى
كوكى / طيب وأنا أخبيه فين
محمود / وأنا مالى إتصرف مرة وحده بس لوحدك
كوكى / خلاص يعم دإنتا غبى قوى
مصطفى زميل دراسه / إذيك ياكريم إذيك يامحمود
إيه الجديد معاكم يالئيم إنت وهو
محمود / جديد إيه يعم إحنا هنعتمدعلى نفسنا
إحنا ذكرنا كويس إمبارح صح ياكريم
كريم / طبعا البرشام معايه أهوة وإن شاء الله هحل كويس
مصطفى زميل دراسه / برشام ياولاد الغشاشه
محمود / برشام إيه الله يخرب بيتك
كريم / يعم البرشام إللى إدتهولى
محمود / يعنى خلاص جيت على دىوإفتكرتها
متصدقوش ياعم
ده وادغبى
إحنا ذكرنا
تعاله معايه ياكريم ياحبيبى
إنت بتشدنى كده ليه
إنت غبى يالا ولا غبى
كوكى / ليه أنا عملت إيه
محمود / لاء أبداروحت تقول للواد مصطفى إننا معانه برشام
كوكى / أنا قولت كده ياكداب ياكداب
هتروح النار ياصابر
محمود / صابر مين بس
أه يادماغى منك
إلحقينى من الواد ده ياأمى
إمشى يالله غور
هو ماله ده بيزعل منى ليها أنا عملت إيه
وبعدين ايه جاب ولدته معانه الامتحان هى صقيطه قديمه ولا إيه
وفى لجنه الامتحان
المراقب / كل واحد يبص فى ورقته إللى هشوفه بيكلم زميله أو بيبص فى ورقته هسحب منه الورقه
فهمين ولا أعيد تانى
كوكى / وله وله وله ياجارنا
محمود /عاوز إيه ياعم إنت
كوكى / السؤال الاول إيه
محمود / إنت غبى ياله ماإنت معاك البرشام حل منه
كوكى / ما تقول كده من الصبح أما إنت غبى صحيح
محمود / إنت بتعمل إيه الله يخرببيتك
كوكى / إيه يعم بحل من البرشام
محمود /خبيه أحسن تودينا فى دهيه حل وإنت مخبيه
كوكى / ليه هو أنا بسرق دأنا بحل ياعم
المراقب / بطلوا كلام إنت وهو وكل واحد يبص فى ورقته
كوكى / ياأستاذ ياأستاذ
الواد ده خطه وحش فى البرشام ممكن تقرالى الكلمه دى إيه
المراقب / نعم ياأخويا برشام فى الفصل
تعاله إنت وهوإطلعلى بره اللجنه
وبره اللجنه
كوكى / أه أه أه أه
إنت بتضربنى ليه
ايه الظلم ده
محمود / وله أنا مش عاوز أعرفك تانى أبدا غور فى دهيه ضيعت
الامتحان منى جاتك القرف وإنت غبى
ويمشى كوكى ويروح بيته
فى إيه ياكوكى رجعت بدرى ليه من الامتحان
كوكى / حليت كله يا يا يا يا
المهم جوبت على كل الاسئله
شاطر ياكوكى
وللقصه بقيه وإللى لقاء فى حلقه قادمه جديده من يوميات
كوكى و الوله جاره
بقلم
تامر الطويل
امير الجروح
لوجين20 03-08-2011, 04:06 AM يالهوتى
انت نسيت تكملها يا امير
دى بتاريخ 01-05-2011
يعنى المفروض تكون خلصت دلوقتى
ركز الله يهديك وكملها
*sondos* 03-08-2011, 06:38 AM هههههههههههههههههه
بجد موتني من الضحك
قصة تجنن .. جميلة أوي يا تامر ياريت تكلمها بجد
وشكرااااااااااا ليك كتير إنك بتمتعنا كل يوم بقصصك الحلوة :)
تامر الطويل 03-08-2011, 10:08 PM يالهوتى
انت نسيت تكملها يا امير
دى بتاريخ 01-05-2011
يعنى المفروض تكون خلصت دلوقتى
ركز الله يهديك وكملها
هههههههههههه والله فعلا نستها
وحالا هنزل الحلقه التانيه
تامر الطويل 03-08-2011, 10:10 PM هههههههههههههههههه
بجد موتني من الضحك
قصة تجنن .. جميلة أوي يا تامر ياريت تكلمها بجد
وشكرااااااااااا ليك كتير إنك بتمتعنا كل يوم بقصصك الحلوة :)
ربنا يخليكى ياسندس يارب وحالا هنزل الحلقه التانيه ويارب تنال اعجابكم
لوجين20 03-08-2011, 10:23 PM هههههههههههه والله فعلا نستها
وحالا هنزل الحلقه التانيه
حاول تنزل اللى وراها كمان
عايزة اعرف المعلم احمد ايدى كياس هايعمل فيهم ايه بعد ماراحت منهم عربية البطاطا
تامر الطويل 03-08-2011, 10:45 PM الحلقه الثانيه
محمود/ واد ياكريم
كوكى /عاوز إيه ياله
محمود /هتيجى تلعب معانه ولا لاء
كوكى /بتلعبو إيه؟؟
محمود / ما أنا قولتلك
كورة كورة كوووووووووووووووووورة
كوكى /طيب ياعم إنت بتزعق كده ليه
أنا سمعت إنت غبى
محمود /أنا إللى غبى برده
طيب تعاله يله
بصى بقه ياكريم أنا وإنت والواد حسين وأحمد
كوكى /هنروح فين؟؟
محمود/ هنروح فين إيه!!
هنلعب مع بعض والفريق التانى حماده وإيهاب وسلامه ومصطفى
فهمت ولا أعيد تانى
كوكى / يعم فهمت خلاص ياله نلعب بقه
وفى اثناء اللعب
محمود /باصى الكورة ياكريم واد ياكريم إنت رايح فين باالكورة
وله يخرب بيتك ده جونا إحنا
جووووووووون
إطلع بره يله
كوكى /خلاص مش لاعب معاكم دإنتم حته مش بتعرفو تلعبو
بصو أنا هكون الحكم ، ماشى
محمود / ماشى بس تحكم حلو
كوكى /دأنا ملك التحكيم
يالله إبدء فاول إيه ياعم هو إحنا لسه لعبنا
أه صح يعم أنا بهزر
ضربه جزاء
محمود / غور ياإبن......
ويجرى كوكى على بيته وكل الاولاد تجرى وراه
كوكى /إفتحى الباب بسرعه يايا يا يا......
العيال بيجروا ورايه
الام / فى إيه ياكوكى ؟؟
كوكى /العيال الحمير ملهمش فى الكورة وبيلعبو
وفى الاخر عوزين يضربونى
هو التحكيم باظ من شويه ماهو من ضرب الحكم كل شويه على قفاه بس الحمد لله أنا
قفايه سليم
الام / هم مين دول ياكوكى؟؟
كوكى / الواد جرنا ده كان معاهم بس أنا جريت جرى منهم
دوختهم
يا يا يا يا
أنا هروح أدور على شغل مع الواد جارنا بكرة
إبقى صحينى بكره بدرى بقه
أصل الواد جارنا ده لسانه طويل وبينسا
وممكن مش يفتكر ميعادنه بكرة
الام / حاضر ياكوكى ياحبيبى
وتانى يوم ينده محمود من تحت البيت على كوكى ويقوله
محمود / وله ياكريم هنتاخر يله إصحى بقه
المعلم مستنينا
كوكى /فى حد بينادى عليا يا يا يا
الام /أيوة ياحبيبى ده محمود جارنا
كوكى /عاوز إيه الحمار ده؟
الام / إنت نسيت ياحبيبى
عوزك تنزل علشان تروحو الشغل
كوكى / شغل إيه؟
أه أه افتكرت
إستنا يله أنا نازل أهوة
محمود /إيه يعم ساعه مستنيك تحت هنتاخر كده
كوكى /هو إحنا ريحين فين؟؟
محمود / للمعلم إحمد إدى إكياس
وعند المعلم احمد فى السوق يقف محمود وكوكى قصاده ويقوله محمود
محمود /معلم أحمد أنا محمود وده صحبى كريم إحنا إللى بعتنا الحاج حسين
علشان نشتغل
المعلم احمد / طيب بطل كلام إنت وهو وروحو نزلو العربيه بتاعت الطماطم مع العمال يله بسرعه يله
كوكى / إيه ياعم الرجل ده
محمود / بطل كلام وشيل خلينا نشتغل بقه
كوكى / الله يخرب بيته كل دى شيل
أنا ضهرى إتكسر يله ياجارنا
محمود /خلاص خلصنا اهوة
كوكى /اه يانا ياضهرى
المعلم احمد / يله بقه إنت وهو روحو على الفرش ونادو على الخضار
كوكى / ليه يامعلم هو الخضار تايه منك
وبعدين ايه يامعلم إحنا لسه منزلين عربيه خضار كامله حرام كده
المعلم احمد / بطل إستعباط إنت وهو لو عوزين تكملو شغل معايه
محمود / خلاص ده بيهزر ياسيد المعلمين
يله ياكريم
المعلم احمد / خد ياض انت وهو
كوكى / إيه ده يامعلم ؟؟
المعلم احمد /إكياس ياحبيبى
أى زبون يقرب بس من الفرش تديله كيس على طول تجره بيه إنه يشترى
ياله نادى
كوكى /يله بجنيه الطماطم
يله بجنيه البطاطس
الله يخرب بيت الطماطم على البطاطس
المعلم احمد / بتقول حاجه يله
كوكى / لاء أبدا ياملعم
أنا بنادى أهوة إدى أكياس إدى أكياس
المعلم احمد / مشى الناس مشى الناس
كوكى /إيه الراجل الاهطل ده!!
يله ياجرنا بيقولنا إدى أكياس
ومفيش أى زبون واقف
بطل بقه أنا إتخنقت منك
أه ياضهرى وياصوتى منك لله يله ياجرنا
ومنك لله ياإدى أكياس إنت
المعلم احمد /خد يله إنت وهو كل واحد 20 جنيه
محمود /الله إحنا معانه 20 جنيه بحالها مش قولتلك هتلعب ياكريم
يله بينا نروح نرتاح بقه
أنا هموت من التعب
كوكى /الله يخرب بيتك ياأحمد إدى إكياس
يارب مايلاقى أكياس خالص
وتانى يوم يروح محمود لكريم على البيت علشان يخده ويروحوا الشغل ولما يوصل عنده يصحيه ويقوله
محمود/ وله ياكريم الله يخرب بيتك هنتاخر على الشغل إصحى بقه
كوكى /إنت مين يله وعاوز إيه
محمود /أنا محمود يعم إصحى بقه هنتاخر على المعلم أحمد وده مش بيرحم
كوكى / أحمد مين وأنت مين يعم إنت
محمود / يعم أنا محمود جارك
كوكى /بص بقه يامحمود أنا بصراحه بستعبط
أنا موت إمبارح يابنى ومش هروح لاأحمد إكياس ده
محمود /والله أمال هنشتغل فين
كوكى / أنا مالى أنا دلوقتى عاوز أنام غور يله
محمود /يعم دول 20 جنيه
خلينا نجمع مبلغ ونروح نتفسح ونصيع بقه
كوكى / مش عاوز اتفسح يعم أنا علبال ما أجمع فلوس من الشغلانه الزفت دى هكون موت
محمود /خلاص برحتك بس فى الفسحه هنتعرف ببنات
كوكى /بنات إستنا يا يا يا يا
المهم إستنا أنا جى معاك الشغل
وده لانى بحب الشغل مش علشان البنات
ويروح محمود وكوكى عند المعلم احمد وقصاده يقولهم
المعلم احمد /خد يله "إنت وهو العربيه الكارو دى وروحو إسرحو باالبطاطا دى
كوكى /نسرح إزى ياعمو
المعلم احمد /عمو ياروح عمو
تسرحو يعنى تبعوها ياروح طنط
كوكى / طيب يعم هو السؤال حرا م
إيه ده ياواد ياجارنا عربيه كارو
محمود /إستحمل بقه وخليك راجل
ونادى معايه حلوة ولذيذه يا باطاطا
طعمه ورخيصه ياباطاطا
كوكى /وله وله ياجارنا
مش الواد ده معانه فى المدرسه
محمود /ايوة ده الواد مصطفى الفتان هيروح يفتن علينا ويفضحنا فى المدرسه
إعمل إنك بتشترى بطاطا بسرعه
مصطفى /إذيك يامحمود إذيك ياكريم بتعملو إيه
كوكى /بنبيع بطاطا يعم
هو إنت مش بتشوف
محمود /إسكت الله يخرب بيتك
ده بيهزر يعم إحنا بنشترى بطاطا
هو الراجل راح فين بس
مصطفى /إلحقو مرافق
كوكى /إجرى باالبضاعه ياله ياجارنا
محمود /هى بتعتنا ياكريم إسكت بقه
إيه يعم إحنا بنشتر ى العربيه مش بتعتنا
كوكى /إيه يعم دى بتاعت أحمد إكياس
وإحنا بنشتغل عليها،إنت نسيت ولا ايه
بتقول إيه يله
محمود /ده بيهزر ياباشا ده منظر عيال بتشتغل على عربيه كارو
إسكت بقه ياكريم هتودينا فى دهيه
طيب والعربيه
كوكى / طيب والمعلم أحمد هنقوله إيه
أحمد مين يله
محمود /أبوة ياباشا تعبان ولازم نروحله حالا ممكن نمشى
ظابط المرافق/اه ممكن
حملو العربيه والبطاطا على عربيه المرافق بسرعه
العربيه ياعم
إسكت وإمشى بقه
كوكى / طيب والمعلم احمد!!
مصطفى / هو ماله كريم يامحمود
محمود /ملوش يا مصطفى
بس زعلان على عربيه الراجل الغلبان بتاع البطاطا
وللقصه بقيه وإللى لقاء فى حلقه قادمه جديده من يوميات
( كوكى و الوله جاره )
بقلم
تامر على الطويل
أمير الجروح
تامر الطويل 03-08-2011, 11:41 PM الحلقه الثالثه
ويروح كوكى ومحمود للمعلم احمد وعنده يدور الحوار التالى
محمود /معلم معلم معلم
المعلم احمد /عاوز إيه يله إنت وهو ؟؟
وبعدين إنت إيه إللى جابك إنت وهو؟؟ وفين العربيه والبضاعه ؟؟
كوكى /عربيه إيه ياواد ياجارنا
إنت مين ياعم إنت
محمود /لاء والله إنت جاى دلوقتى وهتنسا ياخويه
كوكى / انت محسود يامعلم والله ولازم تتبخر ياجدع دى المرافق سابت كل العربيات وجات على عربيتك انت
محمود /بصى بقه يامعلم الواد ده سلم العربيه للمرافق
المعلم احمد / بتقول إيه ياروح طنط إنت وهو
هاتو العيال دى
كوكى /إجرى يله ياجارنا
ويمسكهم رجاله المعلم احمد فيبص كوكى لمحمود ويقوله
كوكى /مش قولتلك إجرى منك لله أهم مسكونا
محمود /أنا برضه مش إنت إللى زقتنى وإنت بتجرى منهم ياغبى
كوكى /إحنا أصلا بنجرى منهم ليه ؟؟
هما عوزين مننا إيه الناس الوحشه دى
محمود /بقولك يامعلم أبوس إيدك إ***نى وريحنى من الواد الغبى ده
بص أنا إللى سلمت العربيه إرحمنى من غبائه وموتنى
المعلم احمد /لاء أنا مش هريحك إنت وهو
وله يافؤاد، علقهم يله مكان الموز ،وإكتب عليهم خد واحد أهطل وإكسب الغبى مجاننا ، فتشهم يله
فؤاد /معاهم 40 جنيه يامعلم كل واحد 20 جنيه
كوكى /إيه الظولم ده يامعلم دى مش فلوسى دى فلوس الراجل الاهطل إللى إشتغلنا عنده إمبارح أحمد إدى أكياس
محمود /يخرب بيتك إسكت ده المعلم أحمد
كوكى /أنا قصدى الراجل الطيب المعلم أحمد
المعلم احمد / بقه أنا أهطل ياروح طنط ،أكلوا الواد ده علقه تمام
كوكى /لاء أنا مش جعان، الحمد لله أكلت يامعلم
المعلم احمد /أه يادماغى منك
فك ياض يافؤاد الواد الغبى ده وخليه يروح قبل ما يجننى ، وهتولى صحبه
محمود /ليه الظلم ده يامعلم
الواد كوكى ده هو إللى سلم العربيه أنا مالى أنا
المعلم احمد /ماهو علشان هو غبى لما أنا أضربك هيفتكر إنى بضربه هو
خد
محمود /أه أه اه أه اه
ربنا يخدك ياكوكى ياجزمه
كفايه يامعلم
ويروح كوكى على بيته ولما تشوفه امه تسأله وتقوله
الام /إيه ياكوكى ياحبيبى رجعت النهارده من الشغل بدرى
أمال فين محمود مجاش معاك ليه
كوكى /محمود مين
الام /جارنا وصحبك ياكوكى
كوكى /أه الواد الغريب ده
المعلم بيروقه وهيجى دلوقتى
الام / معلم مين ؟؟
المعلم توفيق يايايايايا
مش مهم بقه ،المهم إنى عاوز أنام، سبينى أنام
وبعد عده ساعات يجى محمود ويدخل على كوكى اوضته ويصحيه وهو بيقوله
محمود /إصحى ياكوكى ياجزمه بقه كده تبعنى وتمشى
وتسبنى للمعلم ورجالته يهرونى ضرب ،منك لله
كوكى /إنت مين ياعم
محمود /يالهوى منك
ياعم انا محمود زفت جارك وصحبك
كوكى /مين إللى ضربك كده ياحسين قولى بس وأنا هضربهولك
محمود /وله إسكت ياله
أنا جيت أقولك إنسا إن ليك صاحب إسمه محمود
كوكى /محمود مين ؟؟؟
يادمااااااااااااااااااااااااااااااااااااااااغى
خلاص غور جتك القرف
كوكى /وله ياجارنا هو إحنا مش هنتفسح ونقابل بنات زى ماقولتلى
محمود /والله ودى إللى إنت فكرها ومش فاكر العلقه إللى إدهالى المعلم احمد
يعم بطل إستعباط بقه
كوكى /هنقابل بنات ولا لاء
محمود /لاء ومش عاوز أعرفك تانى
كوكى /هنقبلهم بقه الساعه كام علشان أجهز
محمود / غور ياإبن .........
انا اللى غلطان انا همشى قبل ما تشلنى
كوكى /نفسى أعرف بس هو زعلان ليه ده
وله ياجرنا وله ياجرنا
محمود /عاوز إيه يعم كوكى
كوكى /يله بينانقابل بنات
محمود /إيه ده هو إنت تعرف بنات ياكوكى باشا
كوكى /طبعا يابنى أنا ليه غرميات كتير أيام شبابى
محمود /بجد طيب متعرفنى على وحده
كوكى /خد عندك رقمها علشان تعرف بس إنى بحبك ياواد ياجرنا
0106283
اى خدمه
محمود /إيه ده يعم الرقم ناقص
كوكى /إزى يابنى الرقم صح، فتح بقه وبطل غباء
محمود /أنا برضه إللى غبى
يعم بص على الرقم
كوكى /اه صح معلش ياواد ياجرنا
إنت عارف البنات والارقام كتير بقه
محمود /هات يعم بقيت الرقم
كوكى /
854أهوة إرتحت بقه
محمود /إسمها إيه؟؟
كوكى /إيه
محمود /يعم إسم البنت صحبه الرقم إيه
كوكى /وأنا إيه عرفنى !!
محمود /إنت هتصتعبط ياكوكى
كوكى /خلاص يعم بهزر معاك
إسمها أسماء
محمود /هات أى إسم منهم وخلص
كوكى /لاء ياغبى هى إسمها إسماء ده إسمها
محمود /أه
طيب إنت عرفتها منين
كوكى /أنا عرفتها من من من
محمود /إيه يعم ماتقول
كوكى /ياإبنى أنا أعرف الكوفت ، انا ايام شبابى كنت فشر حسين فهمى ، شعر اخضر ايه وعيون حمر ايه ، كنت جامد قوووى
محمود /طيب إستنا أما أكلمها
الوووووووو
أنسه أسماء
البنت /لاء الرقم غلط
أنا إسمى أميرة
محمود /خد يخرب بيتك دى أميرة مش أسماء إنت بتشتغلنى ياله
كوكى /الوووووووو
أيوة ياأنسه أميرة
معاكى كوكى
اميرة /نعم ياخويه كوكى مين
كوكى / يابنتى أنا كوكى
صديق اسماء وكفايه كده الواد جارنا وا قف جمبى
اميرة /إنت عبيط يله أنا معرفكش ولا أعرف الواد جارك ده
إنت عاوز إيه
كوكى /عاوز أتعرف
اميرة /نعم ياأخويه
إمشى يله غور ، بدل ما اجى اربيك
محمود /إيه قلتلك إيه ياكوكى ياجامد
كوكى /قفلت السكه فى وشى
محمود /نعم
كوكى /بقولك قفلت السكه فى وشى
محمود /إنت مش بتقول تعرفها يله
كوكى /يعم أنا كنت بهزر معاك، هو إنت ماتعرفش الهزار
محمود /خد ياإبن ......
إستنا دى بتتصل بيا
كوكى /طيب هات التليفون يله ياجارنا أنا إللى مألف الرقم يبقه من حقى
محمود /إمشى يله
البنت طلبانى على تليفونى أنا
الووووووووو يامزة
راجل /مزة ياروح ماما
عاوز إيه من بنتى ياإبن .....
محمود /خد ياكوكى البنت عوزاك بتقولى وحشتها
كوكى /مش قولتلك هات
الووووووووووو ياقمر
راجل /قمر يا ......ياإبن ......عارف لو إتكلمت هنا تانى ياحيوان أنا هعمل إيه فيك
كوكى /الهاتف الذى تحاول الاتصال به ربما يكون مغلقأ
تيت تيت تيت
إيه الراجل أبو لسان طويل ده ياواد ياجارنا
محمود /ياله بينا نتمشى أحسن
ولا أقولك تعاله نروح السينما بيقولو فيها مزز إنما إيه قشطه
محمود /ياله بينا أما أشوف أخرتها معاك
وللقصه بقيه وإللى لقاء فى حلقه قادمه جديده من يوميات
( كوكى و الوله جاره )
بقلم
تامر على الطويل
أمير الجروح
zozza love 04-08-2011, 02:29 AM جميلة اوى
دايمآ كل كتابتك جميل
بسم الله ما شاء الله طبعآ
فى انتظار الباقى
تامر الطويل 04-08-2011, 12:24 PM حاول تنزل اللى وراها كمان
عايزة اعرف المعلم احمد ايدى كياس هايعمل فيهم ايه بعد ماراحت منهم عربية البطاطا
حاضر يالوجين وانا فعلا نزلتها
انتى تأمرى
تامر الطويل 04-08-2011, 12:25 PM جميلة اوى
دايمآ كل كتابتك جميل
بسم الله ما شاء الله طبعآ
فى انتظار الباقى
ربنا يخليكى يارب
وانا بجد سعيد جدا جدا ان قصصى البسيطه نالت اعجابك
smart5533 04-08-2011, 08:55 PM بجد انت رائع انا دلوقتى لما بعرف ان فى موضوع انت كتبه انا لازم اقراه بجد انت رائع
ويلا كمل القصه ديه ومتنساش يوميات اتنين مش متفقين
تامر الطويل 07-08-2011, 01:11 PM بجد انت رائع انا دلوقتى لما بعرف ان فى موضوع انت كتبه انا لازم اقراه بجد انت رائع
ويلا كمل القصه ديه ومتنساش يوميات اتنين مش متفقين
ربنا يخليك اخى الغالى ده بس من زوقك
وبجد انا سعيد جدا بكلامك الجميل ده
ربنا يكرمك يارب
تامر الطويل 07-08-2011, 01:55 PM الحلقه الرابعه
http://www.thanwya.com/vb/clear.gif
ويروح كوكى ومحمود عند السينما وقدامها يبص كوكى لمجموعه بنات ماشيه ويقول لمحمود
كوكى / وله ياجارنا شايف البنات ياله
مش البنات بتوع مدرسه الثانوى إللى جمبنا غفر
محمود / عندك حق ياكوكى أول مرة اعرف إن عندك نظر
فعلا بنات قشطه يامعلم
إحجز لنا بقه التذاكر ياكوكى باشا
كوكى / نعم ياأخويه طيب ماتدفع إنت !!
أنا مالى هو أنا خلفتك ونسيتك
محمود/ من أولها بياعه ياكوكى
عيب دأنا محمود صحبك
كوكى / خلاص يعم إنت هتعيط ،، بس بشرط؟؟
محمود / شرط إيه ياكوكى بيه إشرط يا......
كوكى / بتقول حاجه!!
محمود / لاء أبدا بقول ربنا يخليك
كوكى / شرطى إنك لو قعدت جمب أى بنت تقوم وأقعد أنا مكانك
موافق ولا لاء
محمود / طول عمرك طفس
موافق ،، يعم ياله إحجز بقه فى ليلتك السوده دى
وعند شباك التذاكر يقف كوكى ويمد اديه ويقول لبتاع التذاكر
كوكى / تذكرتين ياعم
بتاع التذاكر/ إصبر ياأستاذ ،، أما أمشى الانسه الاول
كوكى / ليه يعنى !! أنا جاى الاول هى مش أحسن منى
بتاع التذاكر / عيب ياأستاذ ليدزفرست
كوكى / ده عند أم كيكى
أنا مليش فى الكلام ده ،، أنا الاول وهى تستنا
البنت / خلاص يعم بطل زعيق إتفضل خد التذاكر وغور
كوكى / نعم إنت بتقوليلى أنا كوكى ، غور
إنتى مش عندك دم
البنت / أنا معنديش دم ياحيوان
كوكى / أنا حيوان يابقايا بنت ،،، ياشراب على مانلاقيله جزمه
البنت / أنا بقايا بنت يا معضم
كوكى / أنا معضم يا يا يا يا يا
إستنى عليا بس هتيجى
محمود / خلاص بقه ياكوكى سبها وياله بينا
وجوة السينما يقعد كوكى وجمبه محمود بيهديه وبيقوله
محمود / أقعد بقه يعم
كوكى / بنت حلوة بس لسنها طويل
محمود / إلحق دى جيه علينا ،، دى هتقعد جمبك كمان
هههههههههههههههه
دى بتبصلك بقرف وإحتكار
كوكى / إيه يعم إنت بتسخنى
خلاص علشان خطرك إنت بس ياواد ياجارنا أنا مش هكلمها
محمود / ياجبان
كوكى / إسكت بقه الفيلم هيبدء
ده فيلم تايتنك
وفى اخر الفيلم والبطل بيغرق يبص محمود للبنت يلقيها بتعيط فيقول لكوكى
محمود / إلحق البنت إللى جمبكبتعيط
كوكى / ماأنا شايفها من ساعتها ودموعها بوظتلى القميص منها لله الفقريه
ويطلع كوكى من جيبه منديل ويديه للبنت ويقولها
إتفضلى منديل ياأنسه وكفايه كده غرقتينى
البنت / مش عوزة منك حاجه ،، وإسكت بقه خلينى أتفرج
كوكى / عنك ماأخدتى ،، أنا أصلا جزمه إنى عبرتك
لو سمحتى عيطى بعيد دموعك بتيجى على قميصى وهتغرقه
البنت / إقعد بعيد
كوكى / ده الكرسى بتاعى ، وأنا مش هقوم انتى اللى لازم تقومى
واد رخم / إسكت بقه إنت وهى عوزين نتابع الفيلم
يبصله كوكى بقرف ويقوله بغضب وزعيق
كوكى / إيه يعم إحنا حرين ، أنا دافع فلوس
محمود / إلحق ياكوكى الولد جاى علينا
ويقرب الواد الرخم من كوكى ويشده من قميصه ويقوله
واد رخم / كنت بتقول ايه بقه ياروح طنط
كوكى / إيه حكايه طنط معاكم هيبقه إنت والمعلم أحمد
إنت مش عارف أنا إبن مين
واد رخم / إبن بارم ديله يله
طيب خد
كوكى / أه أه أه أه
ويغمى عليه
ويبص الواد الرخم لمحمود ويقوله
واد رخم / إنت معاه ياله
محمود / لاء ولا أعرفه
البنت / إيه يعم إنت مستقوى نفسك على الولد
واد رخم / إسكتى إنتى ياأنسه أحسنلك
البنت / نعم أحسنلى
طيب خد
وساعتها وبس تطير البنت فى الجو زى جاكى شان بالظبط وتنزل ضرب فى الواد الرخم لحد مايقول
واد رخم / أه أه أه أه أه كفايه حرام عليكى
وبعد ربع ساعه يفتح كوكى عنيه يلاقى محمود قصاده بيهزة وبيقوله
محمود / فوق ياكوكى بقه
كوكى / إنت مين يله
محمود / يعم أنا محمود جارك وصحبك
كوكى / إيه إللى حصل وفين الواد ‘إللى ضربته وقطعته
محمود / راح المستشفى
كوكى / إيه ده هو أنا أفتريت عليه قوى كده
محمود / إفتريت عليه إيه يعم !!
دى البنت هى إللى ضربته ، دى طلعت بتلعب كارتيه
كوكى / بجد ، طيب الحمد لله إنى مكلمتهاش
طيب يله بينا نجرى بقه قبل البنت ماترجع تانى وتفتكر الشتيمه اللى شتمتهلها
ويخرج كوكى ومحمود بره السينما يلاقوا البنت قصادهم ولما تشوف كوكى تقوله
البنت / إنت بخير ياأستاذ كوكى
كوكى / أنا والله غلبان وأسف على أى شئ حصل منى بس بلاش تضربينى ، انا ابويا ميت على فكرة
البنت / إيه إللى إنت بتقوله ده ياأستاذ كوكى !!
انا بطمن عليك
كوكى / أنا كويس بس كلمينى من بعيد لبعيد
البنت / طيب ماتخافش
كوكى / أنا مش خايف منك
أنا مرعوب ،، ده الواد كان جته وكومتيه
أمال أنا المعضم هتعملى معايه إيه
البنت / طيب يعم خلاص وعلى فكرة أنا زيملتك فى مدرسه البنات الثانويه ، محمود صحبك قالى انكم فى مدرسه الجمهوريه الثانويه يعنى احنا زمايل ،
كوكى / والله عمرى ما عكست اى بنت من مدرستك
وحتى اساليهم !!
البنت / أسأل مين ياأستاذ ، اظاهر انك تعبان
كوكى / فعلا انا تعبان قوووى ولازم امشى
طيب أنا همشى بقه ماشى
إجرى يله ياجارنا بسرعه
وفى الطريق ومحمود وكوكى ماشين يبص محمود لكوكى ويقوله
محمود / بس إيه مع إن البنت وحش كاسر وعليها ضرب
إنما بنت قمورة يابختك يعم إديتك ميعاد
كوكى / أنا
محمود / أمال أنا؟؟
هى مش قلتلك إنها زيملتنا فى مدرسه البنات الثانويه
المدرسه إللى جمبنا
يعنى بتقولك قبلنى بكرة وإحنا خرجين من المدرسه
كوكى / إنت متاكد إنها كانت تقصد كده
محمود / أمال إيه
دأنا أفهمها وهى طايرة
وبكرة تشوف
وقدام مدرسه الجمهوريه الثانويه وكوكى ومحمود داخلين المدرسه ينده عليهم واحد جته ومعاه كام واحد تانين ويقولهم
واد جته / خد ياله إنت وهو
هوإنتم بقه إللى ضربتم إبن عمى إمبارح فى السينما
كوكى / لا والله يعم دى البنت إللى فى المدرسه إللى جمبنا
واد جته / وحياه أمك إنت وهو
هاتوهم يارجاله
وساعتها وبس يجرى كوكى وهو بيشد محمود من اديه وبيقوله
كوكى / إجرى يله ياجارنا
ويجرى محمود وكوكى وعلى مدرسه البنات يدخلوا ويستخبوا جوة ولما يدخلوا جوة المدرسه يبص كوكى حوليه وهو بيسأل محمود وبيقوله
كوكى / إيه شفونا وإحنا دخلين نستخبى فى مدرسه البنات ولا لاء
محمود / مش عارف ياكوكى
كوكى / إستنا لم أبص كده من على السور
إيه العالم دى يعم كل دى ناس عوزة تضربنا هو إحنا ضربنا مين باالظبط
ابن فاندام
وياريت كمان إحنا إللى ضربناه دى البنت السوسه إللى فى المدرسه دى
تعاله ندور عليها وهى تطلعلهم وتروقهم
محمود / بس منظرنا هيبقه وحش قوى ياكوكى
وهنقولها إيه!!
إحنا خايفين نروح أحسن العيال يضربونا
إحنا مش رجاله ياكوكى تعاله نخرج لهم ونضربهم ونوريهم الرجوله
أنا معاك يله ياجارنا إحنا إتخلقنا رجاله وننضرب وإحنا رجاله
ياله بينا
ويخرج كوكى ومحمود بره المدرسه واول مايشوف كوكى العيال هجمين عليهم يزق محمود بره المدرسه ويطلع يجرى فيبصله محمود ويقوله
محمود / إنت بتزوقنى وتجرى ياكوكى ياجزمه
ماشى ياكوكى خليك فاكرها
ولما يمسك العيال محمود من قفاه يبصلهم ويقولهم
محمود / أنا هقولكم إستنوا بس إسمعونى الولد إللى بيجرى ده هو إللى ضرب إبن عمكم
أة أة أة اة أة
الله يخرب بيت الرجوله ويخرب بيتك ياكوكى
وللقصه بقيه وإللى لقاء فى حلقه قادمه جديده من
يوميات
كوكى و الوله جاره
بقلم
تامر على الطويل
أميرالجروح
هشام عبداللطيف 07-08-2011, 07:58 PM جاااااااااااااامد يا امير
كمل يا مبدع متتأخرش علينا
تامر الطويل 07-08-2011, 09:22 PM جاااااااااااااامد يا امير
كمل يا مبدع متتأخرش علينا
ربنا يخليك اخى الغالى بجد سعيد بردك الجميل ده
تامر الطويل 09-08-2011, 12:37 AM الحلقه الخامسه
محمود / إنت مستخبى فين ياكوكى ياحبيبى
خلاص العيال مشيو إطلع بقه متخفش أنا مش هكلمك
لانها مش غلطتك
الغلطه غلطتى إنى صحبت حيوان زيك
بس أعمل إيه قدرى ونصيبى
كوكى / إيه ياله ياجارنا العيال عملوا فيك إيه؟؟
أنا كنت هطلع أوريهم شغلهم العيال السيس دى
بس خوفت قميصى يتبهدل وانت عارف انه غالى
محمود / وله إسكت ياله
سيبك أنا من ساعه ماعرفتك وانا بنضرب !!
وخلاص جسمى نحس واتعودت على الضرب
المهم الماتش النهارده ، جاىولا متزفت مش جاى
كوكى / ليه المعامله دى ياوله ياجارنا جاى طبعا
ده مطش الاهلى والزمالك؟؟
محمود / أهلى إيه وزمالك إيه يعم
ده مطش مصر والجزائر فى تصفيات كاس العالم
إنت مش متابع ولا إيه
كوكى / أنا عارف بس بهزر معاك ياله ياجارنا
أنا جاى معاك طبعا أكيد هيكون مطش نار ومليان مزز بقه
محمود / مزز !!
بقولك مصر هتلعب يعم
صحصح بقه
كوكى / طيب فهمت يعم ، هاجى معاك الماطش
معاك تذاكر ولاهنشحت
محمود / ياباى عليك ،معايه ياسيدى فلوس بس مش ده المهم ، المهم نلاقى تذاكر
تعاله ندور على تذاكر بقه
وعند شباك التذاكر
كوكى / التذكرة بكام ياعمو
بتاع التذاكر / لسه مش بنوزع دلوقتى ياشاطر ، تعاله الساعه 4
كوكى / إيه ياله ياجارنا الراجل الغتت ده
تعاله نقعد على القهوة لحد الساعه 4 لما أشوف أخرتها معاه
ولما تيجى الساعه اربعه بالتمام والكمال يقول كوكى ل محمود
كوكى / الساعه دلوقتى 4 ، يا لله بينا نروح بقه ياواد ياجارنا احسن الراجل بتاع التذاكر ده شكله رخم وهيتعبنا
وعند شباك التذاكر
كوكى / إيه الزحمه دى ياله ياجارنا ؟؟
كل دى ناس ريحه الماطش أكيد عرفو إن فيه مزز
محمود / يخرب بيتك ياكوكى إنت هتجننى
والله إسمى محمود تحب تشوف البطاقه
وبعدين انا بعتبك على ايه اصلا فى حد يعاتب حيوان على عمايله
إمشى قدامى وتعاله نشوف التذاكر
ولما يوصل كوكى ومحمود لشباك التذاكر بالعافيه يقولهم الراجل بتاع التذاكر ، التذاكر خلصت
محمود /إيه ده بيقولك مفيش تذاكر
إزى يعم مفيش تذاكر
بتاع التذاكر / زى الناس يااخويا التذاكر خلاص بح ، تحب أغنهالك
محمود / إلحق ياكوكى الراجل اللى هناك ده
بيبيع تذاكر فى السوق السودة ،تعاله بسرعه نشترى منه تذكرتين قبل ما يتباعوا
وعند سمسار التذاكر يقرب كوكى ويقوله
كوكى / عمو عمو
عاوز تذكرتين
سمسار التذاكر / هات 800جنيه الاول ياشاطر
كوكى / نعم 800 جنيه ليه هو الاستاد كله مزز
إنت عبيط يعم
سمسار التذاكر / أنا عبيط ياإبن ال..........
كوكى / إجرى يله ياجرنا
سمسار التذاكر / خد هنا ياإبن...........
ويجرى كوكى ومحمود بسرعه من قصاده وفى الطريق يبص محمود لكوكى ويقوله
كوكى / إيه يعم الراجل ده ، بيكرهنى كده ليه؟؟
محمود / خلاص يعم تعاله نتفرج على المطش فى القهوة وخلاص
وفى القهوة
كوكى / إتنين شاى يعم
صبى القهوة / ياأستاذ الكرسى ب10 جنيه والطلب ب5 جنيه
كوكى / نعم ياأخويه ليه جين سينما
أنا هتفرج على الماطش وبس
صبى القهوة / ياأستاذ لو سمحت هات الفلوس لو هتقعد
كوكى / فلوس إيهبس يعم، أنا جاى أشجع مصر وأتفرج باالمرة على المزز ، إزى تطلب منى أنا كوكى المشجع الشهير فلوس
صبى القهوة / قوم ياله إنت وهو من هنا ، انا من الاول مش مرتاح ليكم
محمود / كلم ياكوكى ده بيطردنا
إنت متعرفش إنت بتكلم مين
ده كوكى بيه إبن مراد باشا
كوكى / مراد باشا مين ؟؟
اه مراد باشا اكيد ابويا ما دمت انا ابنه
صبى القهوة / إنت بتهددنى بحته الواد ده
كوكى / إيه يعم أنا مالى هو إللى بيكلمك
ليه الغلط فيا
صبى القهوة / قوم ياله إنت وهو من هنا، حتى لو دفعتولى الفلوس مش هتقعدو هنا ياجربيع
واله ياحوكشه هات المايه السخنه ياله
كوكى / إجرى يله ياجارنا الراجل ده مجنون
ويجرى كوكى ومحمود من القهوة بسرعه ويبص محمود لكوكى بغضب ويقوله
محمود / شوفت عملت فينا إيه ياكوكى
كوكى / يعم أنا مالى
إنت إللى هددت الراجل
وبعدين هنتفرج فين دلوقتى؟؟
محمود / تعاله نروح عند الواد مصطفى الرخم
بيقول إنه جايب تلفزيون 14 بوصه أبيض وأسود إنما إيه تحفه
كوكى / نعم بعد اللف ده كله، أتفرج على تليفزيون أبيض وأسود
طيب هنشوف المزز إزى بقه
محمود / ولد ياكوكى أنا جزمه أصلا إنى فكرت إنك تيجى معايه
إمشى ياله
كوكى / إيه يعم هتتعصب عليا ليه أنا مالى
وهما ماشين يبص محمود يلاقى قهوة مشغله الماطش فيبص لكوكى ويقوله
محمود / بقولك إيه ياكوكى فى قهوة هناك أهيه بس أبوس إديك بلاش
تتكلم خالص مع بتاع القهوة
كوكى / خلاص ياعم مش هتكلم
وفى القهوة
محمود / إتنين شاى لو سمحت
صبى القهوة / إتنين شاى فى الخمسينه للبهوات وصالحه
كوكى / لاء أنا عاوز شاى بس مش عاوز خمسينه
صبى القهوة / نعم ياأستاذ!!
محمود / ده بيهزر معاك ياباشا
إتكتم بقه ربنا يخليك الماتش هيبتدى
الله اكبر جووووووووووووووون
فى أول دقيقه والله وعملوها الرجاله
أيوة كده فرحونا يجماعه
شدو حيلكم كلنا معاكم
كوكى / الاهلى جاب جون جامد أوى ياوله ياجارنا
مشجع متعصب / أهلى !!
أهلى مين ياأستاذ إنت شكلك جزائرى ومتغاظ مننا
هتوهم
كوكى / إجرى يله ياجارنا
إيه يعم العالم دى
ثم فين المزز ياكداب
محمود / يابنى أدم ده مطش مصر والجزائر
تعاله بسرعه نتفرج عليه عند الواد مصطفى الرخم
إظاهر مصر هتولعها وهتكسب الجزائر
وعند شقه مصطفى الغتت
كوكى / واد يامصطفى ياغتت
محمود / إسكت ياكوكى لازم نحترمه شويه إحنا هنتفرج عنده
ياأستاذ مصطفى
مصطفى / أيوة ياله إنت وهو عوزين إيه؟؟
أنا مش فاضى دلوقتى انا بتفرج على مطش الجزائر ومصر
محمود / ممكن ياباشا نطلع نتفرج معاك
مصطفى / لاء إنتو فى الامتحان مردتوش تغششونى ولا تدونى البرشام
محمود / يعم ما الأستاذ طردنا إحنا الاتنين
مصطفى / لاء برده إمشى ياله إنت وهو
كوكى / سبنى انا أكلمه ياله ياجارنا
واد يامصطفى ياغتت ، يابتاع االبنات
إنت ناسى ياله إنك بتهرب من المدرسه كل يوم خميس
مصطفى / خلاص خلاص ، يخرب بيتك ابويا جوة
أنا بهزر معاكم إطلع إنتوهو
الماتش من غيركم وحش
جاتكم القرف
كوكى / بتقول حاجه ياله يامصطفى
مصطفى / لاء أبدا ياكوكى باشا
كوكى / يالله بينا يله ياجارنا إظاهر مصر هتتغلب
فاضل دقيقه واحده من الوقت بدل الضائع والجزائر غلبانه
محمود / يالله بينا ياكوكى
سلام يامصطفى يارخم وشك فقرى يارتنا ماجينا نتفرج على الماتش عندك
واول ما يخرج كوكى ومحمود بره الشقه يسمعوا مصطفى بيصرخ وبيقول
مصطفى / الله أكبرجوووووووووووووووووووووووووون
جووووووووووووووووون لمصر فى أخر دقيقه
إنتم وشكم فقرى
أما مشيتو مصر جابت جون تحفه
متعب المتعب عملها
غور يله إنت وهو ، بره إنتم فقر
كوكى / إجرى يله ياجارنا الواد مصطفى إتجنن
وللقصه بقيه وإللى لقاء فى حلقه قادمه جديده من
يوميات
كوكى والوله جاره
بقلم
تامر على الطويل
أمير الجروح
لوجين20 09-08-2011, 04:20 PM روعه ياتامر
فى انتظار الباقى
بس ماتتاخرش
دموع الروح 18-08-2011, 01:33 AM قصه جميله جدا
فى انتظار باقى الحلقات
bent aboha 18-08-2011, 04:06 AM ههههههه
بجد جميلة جدا
ايه هو ع طول بينسى كدة حتى صاحبه
تسلم ايدك
متابعة
تامر الطويل 10-07-2012, 03:15 PM ههههههه
بجد جميلة جدا
ايه هو ع طول بينسى كدة حتى صاحبه
تسلم ايدك
متابعة
نورتينى اختى الغاليه
تامر الطويل 10-07-2012, 03:36 PM الحلقه السادسه
محمود /إصحى بقه ياكوكى هنتاخر يابنى
كوكى/ عاوز إيه يله ياجارنا ثم هنتاخر على إيه ما إحنا صيع
محمود / هنتاخر على الفرح يعم
فرح الواد محمد إبن عم مصطفى الرخم
إنت مش قولت إنك جاى معايه
كوكى/ الفرح فى رقاصه ولا لاء
محمود/ أنا سمعت إنه جايب رقاصه ؛ بس ليه بتسال ياكوكى
كوكى/ لاء أبدا بس كنت بشوف مستوى الفرح
هى حلوة
محمود / هى مين دى ياكوكى ؟؟
كوكى / الرقاصه يعم
محمود / إنت مجنون يله ولا عبيط
كوكى/ خلاص يعم انا غلطان أصلا إنى بسألك
محمود/ هتيجى ولا لاء ياكوكى
كوكى/ جاى طبعا ده مصطفى ده حبيبى
صديق عمرى
محمود / نعم يااخويه ده لسه طردنا يوم مطش مصر والجزائر وقال إننا فقر ؛إيه المحبه المفاجاه دى
كل ده علشان فى الفرح رقاصه؛ أما صحيح عيل طفس
خلص يعم إلبس يله علشان نروح
كوكى/ طيب خلاص أهوة لبست
يالله بينا بسرعه علشان نلحق الرقاصه ؛ قصدى الفرح
وفى الفرح
كوكى/ إذيك يامصطفى ياحبيب قلبى
مصطفى/ إنت إيه إللى جابك إنت وهو
كوكى/ إيه يعم هو مش إحنا أصحابك
مصطفى/ ولا اعرفكم إنتم فقر والمنتخب خسر المطش مع الجزائر ؛إمشى يله بره إنت وهو
كوكى/ إيه يامصطفى المعامله دى !!
دأنا حتى هغنى النهارده فى فرح إبن عمك وهشرفك ؛مش كده يله ياجارنا
محمود/ نعم ؛؛أه أه ؛؛ده حتى كوكى صوته تحفه وقريب جدا هيعمل شريط
مصطفى / بجد؛؛ طيب إستنا أما اطلع أقدمك للفرح
محمود/ إنت إتجننت ياكوكى هتغنى إزى يابنى دأنت صوتك وحش قوى
كوكى/ أمال يعنى نمشى ومنشوفش الرقاصه
وفاجاه يلاقى كوكى ومحمود مصطفى بيقول
مصطفى / ومعانه دلوقتى المطرب الصاعد والواعد المطرب الفنان كووووووكى
كوكى/ شكرا شكرا ليكم كلكم
أنا هغنى النهارده أغنيه أنا بحبها جدا
ويالله بينا مع بعض
بطل أوده ؛؛وإسمعوده
الغراب ياوقعه سوده ؛؛جوزوة احلا يمامه
بطل أوده ؛؛وإسمعوده
محمود/ الله يخرب بيتك ياكوكى هتودينا فى دهيه
العريس/ إنت بتقول إيه ياحيله ........
كوكى/ فى إيه ياعريس
بقه دى غلطتى إنى بغنيلك وبمتعك إنت والعروسه
العريس /بتمتعنا ولا بتفضحنا
إنت بتتريق عليا وكمان مش عجبك طيب خد
كوكى/ أه أه أه أه
إلحقونى العريس إتجنن
وله ياجارنا إنت روحت فين ياجبان
هو أنا هنضرب لوحدى ولا إيه
إلحقووووووووووووووووووووونى
وبعد ما أخد كوكى العلقه التمام ورموه بره الفرح يلاقى محمود واقف بره وبيضحك فيشيله محمود ويوديه بيته فيقوله كوكى
كوكى/ ماشى يله ياجارنا بقه دى الصحوبيه برده تسبنى وتجرى
محمود/ أمال عوزنى أعملك إيه يعنى ياكوكى
أنضرب معاك
كوكى /وله أنا أصلا مخنوق منك ؛أنا بسببك مشوفتش الرقاصه ؛وكمان إنضربت
إمشى يله مش عاوز أعرفك تانى
محمود/ يعم روح كده
كوكى/ كمان بتغلط أروح فين يله ياجارنا
وساعتها يرن جرس موبيل كوكى فيقول لمحمود
إستنا بس أما أرد على التليفون وبعد كده افضالك
ألوووووووووو
بنت / الاستاذ كوكى
كوكى / أيوة الاستاذ زفت مين معايه
بنت/ أنا منى
كوكى/ منى مين !!
البنت / منى إللى قبلتك فى السينما وإتخنقنا مع بعض
بأماره العلقه إللى أخدتها من الواد فى السينما
كوكى/ أه الواد إللى قطعته ده
إزيك يامنى
منى / الحمد لله ياكوكى ؛إسمك كوكى برده صح
كوكى/ أه إسمى كوكى
محمود / منى مين يله ياكوكى ؟؟
كوكى/ إسكت خلينى أعرف أتكلم يله ياجارنا
ثم مش إنت لسه شتمنى يله إطلع بره من بيتى
محمود /مش طالع
كوكى/ ياغتت
منى / فى حاجه ياأستاذ كوكى
كوكى / لاء أبدا يامنى بلاش أستاذ دى
إتفضلى أأمرى
منى/ ممكن أخد منك ملخص شرح ماده الفيزيا
لان أخويه كان تعبان ومش حضر ولا حصه فى الماده دى
هو زميلك فى نفس المدرسه على فكرة
كوكى/أه طبعا ممكن إنتى تأمرى وكوكى ينفز ياقمر
منى/ نعم ياأخويه من اولها معاكسه إنت هتستعبط
كوكى/إيه إنتى زعلتى أنا بهزر
خلاص بكره إن شاء الله نتقابل وأدهولك
تحبى نتقابل فين
منى/ممكن نتقابل فى الكافيتريا إللى قدام المدرسه بتعتنا بعد المدرسه
كوكى/أوكى يا قم ؛ شوفتى ماقولتش ياقمر أهوة
هقبلها بكرة يله ياجارنا
محمود/ مين دى ياكوكى ياصحبى ياحبيبى
كوكى /البنت المفتريه إللى ضربت الواد فى السينما
محمود/ أيوة يعم ماشيه معاك حلاوة
كوكى/ بلاش قر وحسد
أخيرا همشى مع بنت
محمود/ إستنا إستنا إنت هتجبلها ملخص شرح ماده الفيزيا منين؛ إذا كناأنا وإنتا مش بنفهم ولا بنكتب أى
شئ فى الماده دى
كوكى/ يعنى إيه مش هقابلها
مليش دعوة إتصرف يله ياجارنا
محمود/ هعملك إيه بس
بقولك إيه تعاله نروح للواد حسين الدحيح
كوكى/ حسين مين !!!
محمود/ الواد حسين يعم زملنا
مش فكرة بس وماله بس أقبلها
طيب تعاله بقه نلحق نروحله يارب يرضى يدينا الملخص
حسين موجود
أقوله مين
إحنا أصحابه قوله كوكى صحبك
إذيك ياحبيب قلبى
إنت مين أنا مأعرفكش
يعم انا كوكى صحبك وده الواد جارنا
زميلك فى نفس المدرسه
طيب عاوز إيه يعم كوكى
عاوز ملخص الفيزيا
نعم يااخويه لاء معلش معنديش ملخصات
ليه بس ياحسين
يعم أنا مش أعرفك
طيب هات الملخص وأنا أصورة
مقابل إيه بقه ياكوكى
نعم إنت عاوز مقابل
طبعا دى فرصه
عاوز إيه
عاوز أبقه فى الشله بتعتكم
وألعب معاكم فى أى ماطش كوة هتلعبوة
طيب يعم موافقين
هات بقه ده إنت غتت
بتقول حاجه ياكوكى
لاء أبدا
هات الملخص أما أصورة ياأستاذ حسين
لاء ياشاطر أنا هاجى معاكم وإنتم بتصوروة
أنا عرفكم نصبين إنت وهو
أخيرا معايه الملخص وهقابل منى بكرة
طيب وأنا مش هاجى معاك ياكوكى
نعم ياوله ياجارنا ليه هى طلبتك ولا طلبتنى
ماشى خليك فكرها ياكوكى
وللقصه بقيه وإللى لقاء فى حلقه قادمه جديده من يوميات
( كوكى و الوله جاره )
بقلم
تامر على الطويل
أمير الجروح
شيماء2000 10-07-2012, 06:27 PM ههههههههههههههههههههههههههههههه تسلم ايدك بجد قصه رووووووووعه جدااااااااااااا واستمتعت بقراءتها جدااااا
وحضرتك كل كتاباتك رائعه وانا متابعه كل الى حضرتك بتكتبه فى المنتدى
ومنتظرين المزيد وربنا معاك
الأستاذة ام فيصل 14-10-2012, 12:05 PM جميله اضحك الله سنك منا ورايح كل ماشوف نفسي زهقانه ادخل افك عن نفسي
والله كوكو ذكي همه الناس اللي معاه اغبيه ههههههههههههه
وصلت الحلقه 4
واكمل وقت اخر
دام ابداعك
تحياتي
نحلة المنتدى 01-12-2012, 03:28 AM جميله اوى يا تامر كملها بليز والاهم منها قصه امير
عاوزه اعرفه نهايته مع لوجين
تامر الطويل 17-01-2013, 09:26 PM ههههههههههههههههههههههههههههههه تسلم ايدك بجد قصه رووووووووعه جدااااااااااااا واستمتعت بقراءتها جدااااا
وحضرتك كل كتاباتك رائعه وانا متابعه كل الى حضرتك بتكتبه فى المنتدى
ومنتظرين المزيد وربنا معاك
ربنا يخليكى ياشيماء يارب نورتينى
جميله اضحك الله سنك منا ورايح كل ماشوف نفسي زهقانه ادخل افك عن نفسي
والله كوكو ذكي همه الناس اللي معاه اغبيه ههههههههههههه
وصلت الحلقه 4
واكمل وقت اخر
دام ابداعك
تحياتي
ههههههههههههههههه فعلا كوكى ذكى جدا واللى حوليه ظلمينه نورتينى اختى الغاليه
جميله اوى يا تامر كملها بليز والاهم منها قصه امير
عاوزه اعرفه نهايته مع لوجين
نورتينى اختى الغاليه وحاضر هكمل قصه صحيت من النوم الصبح
تامر الطويل 17-01-2013, 09:42 PM الحلقه السابعه
كوكى / هى إتأخرت كده ليه
إيه الموعيد الزباله دى ، هى مش عارفه ان االوقت كاسيف إن لم تقطعه عورك ، الله عليك ياكوكى يامثقف ، فينك ياله ياجارنا تشوفنى وانا مع مزة لأول مرة فى حياتى
ولحظات وتيجى منى وتقول لكوكى
منى /هاااااااااى إذيك ياكوكى عامل إيه
كوكى /أنا الحمد لله من الصبح واقف الوقفه الغريبه دى زى الحرميه ،
وإنتى جيه بمنتهى البرود تقوليلى هااااى
منى /خلاص يعم أنا أسفه سلام
كوكى /إستنى بس أنا بهزر ،إيه البنت إللى بتتلكك دى
أنا جبتلك الملخص أهوة
إتفضلى ( على الله يطمر فيكى )
بتقول حاجه ياكوكى
لاء ابدا إتفضلى
مرسى جدا ياكوكى
أخويه هيفرح جدا بالملخص ده
سلام بقه أنا هتاخر على البيت
كوكى /نعم ياأختى إنتى بتستعبطى
هو إحنا مش هنخرج سوى ونصيع شويه مع بعض
منى /أه هو إنت جيبلى الملخص ده علشان نخرج مع بعض ونصيع
كوكى /اه طبعا ده أنا كوكى الجن
منى /طيب ممكن ياكوكى ياجن تمسك الملخص والشنطه بتعتى دى ثوانى
كوكى /إيه هتدينى هديه
منى /طبعا ياكوكى إمسك
كوكى /فينك يله ياجارنا تشوف كوكى الجن وهو بياخد الهديه
وفاجاه قلعت منى الجزمه وطاااااااااااااااخ
كوكى /إيه ده إنت بتعملى إيه حرام كفايه يامفتريه
أه أه أه أه
وقصاد محمود صاحب كوكى
محمود/ههههههههههههههههه
إيه إللى عمل فيك كل ده ياكوكى ده إنت متشلفط يا بنى
كوكى /أنا كنت ماشى وبعدين جه إتوبيس كبير وخبطنى
محمود /هههههههههههههه
أه ما هو باين إنه أتوبيس كبير
كوكى /وله ياجارنا أنا مش نقصك إسكت أحسنلك
محمود /علشان تبقه تروح مواعيد غراميه لوحدك تستاهل
شوفت إللى حصل فى المطش يله ياكوكى
كوكى /وهشوف إزى بس وأنا متشلفط كده
محمود /المصرين بعد مباره الجزائر إللى إتعملت فى السودان إنضربو من الجزائرين باالسكاكين والحجاره
كوكى /إنت بتتكلم بجد
محمود/أه والله ده التليفزيون والبرامج كلها بتقول ده
كوكى /طيب وإحنا هنسكت
محمود /أمال هنعمل إيه ياكوكى
كوكى /إحنا لازم نقعد نفكر وبعدين نتشاور وبعد كده نتحاور وبعدين
نتضارس الموضوع، ونحدد الهدف والنتائج من إللى حصل
محمود /نعم إنت عبيط يله
بدل متقول تعالة نعمل مظاهرة
كوكى /مظاهرة إيه إنت عاوز تودينا فى دهيه يله ياجارنا، لاء يعم البوليس والمخبرين إديهم طويله وتقيله
محمود /يعم تعاله نعمل مظاهرة وكفايه جبن بقه
كوكى /أنا مش جبان يله ياجارنا أنا بس خايف من الضرب
على العموم أنا معاك يله ياجارنا هقف من بعيد وهشجعك
ولو حصل ضرب أوعدك إنى أكون أول واحد يجرى
ولد ياكوكى لو مجتش معايه فى المظاهرة مش هتكون صحبى ولا أعرفك
بجد يله ياجارنا
مش هتيجى تزعجنى وتصحينى كل يوم بصوتك المزعج ده
أيوة منك خلاص بلاش تيجى معانه المظاهرة مع إن منى هتيجى
بجد يله ياجارنا منى هتيجى المظاهرة
أه أنا لسه مكلمها وكمان هتجمع كل شلتها من المدرسه
كمان هيكون فى مزز
مقولتليش كده من الاول ليه
طبعا أنا جى معاكم
منى أنا صاحب فكرة المظاهرة دى بس الولد جارنا سرقها منى
إيه رئيك فيا بقه
كويس مع إنى سمعت إنك كنت رافض تيجى معانه فى المظاهرة
إبن الفتانه
إكيد الولد جارنا هو إللى قلك
مش مهم مين قلى المهم إنى عرفت إنك جبان وخلاص وخايف من البوليس
أنا كوكى الشجاع أخاف من البوليس ليه يعنى عيل
أنا قولت للوله جارنا أنا خايف على البنات الرقيقه إللى جيه معانه المظاهرة أحسن تتعور
وعلى العموم وشك حلو ياقمر ومفيش أى بوليس
إلحق ياكوكى البوليس جه
فعلا وشك حلو قوى يامنى
هنجرى ولا هنعمل إيه يله ياجارنا
نجرى نروح فين
السفاره الجزائريه قدمنا ولا زم السفير الجزائرى يمشى من مصر
الله يخرب بيتك يله ياجارنا هتودينا فى دهيه
إمسكو العيال دى
إجرى يله ياجرنا
متسبنى يعم أنا عملت إيه
البنت والوله جارنا دول هما الزعمه
أنا برئى
كله إللى قفايه حرام كفايه
الله يخرب بيتك يا حب
ويخرب بيتك يامنى
أخبار كوكى إيه دلوقتى ياطنط
الحمد لله يامحمود كوكى حبيبى كويس
ممكن نطمن عليه أنا ومجموعه أصحاب
ممكن طبعا يامحمود إتفضلو
إذيك ياكوكى
إمشى بره ياجزمه يله ياجارنا إنت السبب
إنت بتغمزلى ليه ياحيوان
مكفكش الضرب إللى إنضربته بسببك وبسبب البنت
إذيك ياكوكى أنا جيه أطمن عليك سلمتك يابطل
منى إذيك
أنا كنت لسه بشكر محمود أنه عمل المظاهرة الجميله دى كلنا
فداء لمصر
ياإبن الكدابه ياكوكى
وله ياجارنا خد اصحبنا فرجهم على الشقه بتعتنا
إستنى إنتى يامنى أنا عوزك
خير ياكوكى عاوز إيه
أنا كتير كنت فاكر الحب لعبه وتسليه
كتير لعبت بقلوب بنات
كنت فاكر الحب شطارة ولعب باالقلوب
بس بعد مشوفتك وعرفتك وحبيتك كل حاجه إتغيرت
أيوة يامنى أنا بحبك
إنتى هتنامى ولا إيه يامنى
بص ياكوكى أنا منكرش إنى معجبه بطبتك وعفويتك
بس لدرجه الحب لسه إدينى فرصه أعرفك أكتر وأكتر
نعم ياختى هو أنا لسه هنضرب كمان وكمان علشان تعرفينى
أكتر وأكتر
أنا من ساعه ما قبلتك وأنا كل يوم بنضرب
بتقول إيه ياكوكى
لاء أبدا ياقلبى أنا بقول أنا تحت أمرك
إعرفينى كمان وكمان وإنا لله وإنا إليه راجعون
كوكى كوكى
عاوز إيه يامفرق المحبين ياجزمه ياجارنا
عمك تعبان قوى ياكوكى وعوزك ضرورى
بعد إذنك يامنى الواجب بيندينى
ياله ياكوكى بطل رخامه
شوفتينى وأنا صاحب واجب ( حبينى بقه يامنى )
ياله ياأهبل
طيب يله ياجارنا سبنى أرسم شويه
خلاص جاى أهوة رجعلك تانى ياقلبى من جوة
عمى ماله يامرات عمى
عمك ناس جاتله النهارده وحولت ت***ه ياكوكى
وهو أخباره إيه دلوقتى ومين الناس دى
ممكن إشوفه يامرات عمى
إدخله ياكوكى هو عوزك
أخبارك إيه ياعمى
أنا بموت ياكوكى
بموت يامحمود
وله ياجارنا مين محمود ده
إسكت احسنلك ياكوكى
بعد الشر عليك ياعمى
إنت عالم عبقرى وإن شاء الله تخف وترجع للمعمل بتاعك
ولأخترعاتك
إسمعنى كويس ياكوكى إنت ومحمود
أنا قبل ما اموت عاوز أسيب معاكم إختراع خطير جدا إحتار
العالم كله فى وجوده من الاصل
وهو
( أله زمن )
وللقصه بقيه وإللى لقاء فى حلقه قادمه جديده من يوميات
( كوكى و الوله جاره )
بقلم
تامر على الطويل
أمير الجروح
نحلة المنتدى 26-01-2013, 03:59 AM جميله اوووووووووووووى
منتظرين بقيه القصه
لوجين20 14-03-2015, 12:11 AM رحت فين يا امير؟
غيابك طال
لعل المانع خير
Monier 17-03-2015, 10:47 PM فى انتظار التكملة
انت طولت المرادى اوى
|