مشاهدة النسخة كاملة : شهادة الخبرة والى حصل معايا وياريت الردود
حازم الهنتش 03-05-2011, 04:23 PM عايزين يعملوا شهادة خبرة من تاريخ التعيين 1/3/2011
قولتهم اعمل بيها ايه قالولى خلاص نشطب التعيين ونكتب التعاقد 1/2/2006
هى هى نفس شهادة الخبرة بس بدل التعيين كلمة التعاقد
وختمتها ختم البصمة والنسر ومن مجلس الدينة ختم النسر والبصمة
اخوانى فى المنتدى هل الشهادة تنفع ام لا
منار على 03-05-2011, 05:51 PM ايه اللى يخليها متنفعش يعنى ؟
kholio_ 03-05-2011, 06:06 PM زي الفل يابرنس
بس لو تتفضل وترعهلنا يبقي أفضل
soha_teacher 03-05-2011, 08:52 PM مش فى خانة اسمها الوظيفة الحالية ولا اية تكتبها معلم يبقى ضربت عصفورين بحجر واحد
بس هى كدة زى الفل مفرقتش
بس انا عملت شهادة خبرة وانا معلم مساعد كتبتلى تعين من تاريخ المعلم المساعد
وعلى وظيفة معلم مساعد
صافى 77 03-05-2011, 09:01 PM ربنا معاك بس اعتقد ان المسمى فى شهادة الخبرة لما يكون معلم افضل من معلم مساعد والله اعلم وربنا يوفقك
mohammed ahmed25 03-05-2011, 09:27 PM الله اعلم __ انا سمعت ان علشان يكون الشهاده معترف بها فى دول الخليج يشترط ان تكون معتمده من وزارة التربيه والتعليم
زى نظام الــicdl الخاصه بالمنحه والشهاده الخاصه من اليونسكو
فالخاصه بالمنحه يكون معترف بها فى بعض الدول العربيه ,أما الخاصه فتكون معترف بها فى الكثير من دول العالم
حازم الهنتش 03-05-2011, 10:16 PM مش فى خانة اسمها الوظيفة الحالية ولا اية تكتبها معلم يبقى ضربت عصفورين بحجر واحد
بس هى كدة زى الفل مفرقتش
بس انا عملت شهادة خبرة وانا معلم مساعد كتبتلى تعين من تاريخ المعلم المساعد
وعلى وظيفة معلم مساعد
اه هما خانة الوظيفة الحالية كاتبين:مدرس لغة عربية//
وعاملين شرطتيين خايفين اكتب حاجة تانى
حازم الهنتش 03-05-2011, 10:19 PM الله اعلم __ انا سمعت ان علشان يكون الشهاده معترف بها فى دول الخليج يشترط ان تكون معتمده من وزارة التربيه والتعليم
زى نظام الــicdl الخاصه بالمنحه والشهاده الخاصه من اليونسكو
فالخاصه بالمنحه يكون معترف بها فى بعض الدول العربيه ,أما الخاصه فتكون معترف بها فى الكثير من دول العالم
اه ماهى بتتختم بختم المحافظة وامضاء سكرتير المحافظ واختام البصمة
emy142005 03-05-2011, 10:41 PM يا ريت حضرتك تقولى ايه الاجراءات بالضبط عشان عايزة اعملها انا كمان بس هنا قالولى حتتحسب من اول العقد المميز مش عارفة بقى وسنين الاجر مش حيحسبوها واما نشوف وشكرا ليك
soha_teacher 03-05-2011, 10:46 PM اة سنين الاجر مش بتتحسب
ممكن تجيبى افادة من المدرسة وتختميها وكدة وترفيقيها مع شهادة الخبرة
وعلى العموم شهادة الخبر بتطلع بناءا على طلب بتقدمية لمدير الادارة
والموظفة بتعملهالك وبتمضيها من كذا حد هى بتقولك عليهم وبتختميها فى الاخر سواء بالنسر او بالبصمة معاة لو عاوزة
حازم الهنتش 04-05-2011, 11:37 AM يا ريت حضرتك تقولى ايه الاجراءات بالضبط عشان عايزة اعملها انا كمان بس هنا قالولى حتتحسب من اول العقد المميز مش عارفة بقى وسنين الاجر مش حيحسبوها واما نشوف وشكرا ليك
بتكتبى طلب كلاتى
السيد الاستاذ /مدير الادارة التعليمية
ارجو من سيادتك التكرم بالسماح لى باستخراج شهادة الخبرة ولسيادتكم
جزيل الشكر
مقدمه لسيادتكم
وتمضيه من مدير الادارة
وتقومى بتوريد 7.5 جنيه فى خزينة الادارة وتذهبى لقسم الملفات هطلعلك شهادة الخبرة وتختميها بختم الادارة +ختم البصمة وتذهبى لمجلس المدينة وتختميها وبعد كدة ختم المحافظة وبالتوفيق
وربنا يوفقنا اجمعين
ديدي ود 04-05-2011, 03:01 PM ودي ممكن تفيدنا في ايه
Azhar Aly 04-05-2011, 07:56 PM بتكتبى طلب كلاتى
السيد الاستاذ /مدير الادارة التعليمية
ارجو من سيادتك التكرم بالسماح لى باستخراج شهادة الخبرة ولسيادتكم
جزيل الشكر
مقدمه لسيادتكم
وتمضيه من مدير الادارة
وتقومى بتوريد 7.5 جنيه فى خزينة الادارة وتذهبى لقسم الملفات هطلعلك شهادة الخبرة وتختميها بختم الادارة +ختم البصمة وتذهبى لمجلس المدينة وتختميها وبعد كدة ختم المحافظة وبالتوفيق
وربنا يوفقنا اجمعين
انا عملت شهادة خبرة ب 3 سنين لما كنت بعقد بس بطريقة مختلفة عنكم:
كتبت نص شهادة الخبرة و مضى عليا سكرتير المدرسة والمدير و ش ع الادارة مضوا وختموا بالشعار والبصمة ونفس الموضوع حصل ف مجلس المدينة وبعدها رحت المحافظة وثقتها هناك ووردت مبلغ 6 ج واخر مرحلة التوثيق من الخارجية وكان عبارة عن ختم وطابع فئة 11 ج ع ضهر الشهادة
kholio_ 04-05-2011, 11:27 PM انا عملت شهادة خبرة ب 3 سنين لما كنت بعقد بس بطريقة مختلفة عنكم:
كتبت نص شهادة الخبرة و مضى عليا سكرتير المدرسة والمدير و ش ع الادارة مضوا وختموا بالشعار والبصمة ونفس الموضوع حصل ف مجلس المدينة وبعدها رحت المحافظة وثقتها هناك ووردت مبلغ 6 ج واخر مرحلة التوثيق من الخارجية وكان عبارة عن ختم وطابع فئة 11 ج ع ضهر الشهادة
لو سمحتي ممكن تعرفينا نص شهادة الخبرة
ولو تتكرمي ترفعيهالنا حتي لو متصورة بالموبايل وجزاكم الله كل الخير
Azhar Aly 05-05-2011, 09:19 PM حاولت ارفعها بس مش عارف لكن ممكن اكتب لحضرتك نصها و الخطوات اللى عملتها
Azhar Aly 05-05-2011, 09:57 PM جمهورية مصر العربية
محافظة ..............
مديرية التربية والتعليم ب ................
إدارة ........................ التعليمية
شئون العاملين
الاسم.......................................
الوظيفة .......................................
تاريخ الميلاد ..............................
المؤهلات الدراسية..........................................
تشهد إدارة .................. التعليمية بمحافظة ....................... بجمهورية مصر العربية بأن المذكور اعلاه قد عمل مدرس................................... بنظام التعاقد المميز لمدة..................... اعتبارا من ............................ ومازال على رأس العمل حتى تاريخه وهو على درجة عالية من الكفاءة بدرجة ممتاز ، حسن السير والسلوك وقد اعطيت له هذه الشهادة بناء على طلبه لتقديمها الى من يهمه الامر
المختص
رئيس شئون العاملين
مدير عام الادارة
Azhar Aly 05-05-2011, 10:02 PM الخطوات بعد كتابة نص الشهادة
مضى وختم عليها السكرتير والمدير بالمدرسة وبعدها مضى مسئول الملفات بشئون العاملين ورئيس شئون العاملين و مدير الادارة ثم ختم الشعار والبصمة ثم ختم الشعار بمجلس المدينة والبصمة ثم توثيق المحافظة مع تسديد مبلغ 6 ج لخزانة المحافظة واخيرا توثيق الخارجية ووضع طابع فئة 11 ج و ختم التوثيق
|