السلام عليكم
اليوم كنت مع زميلتى بادارة شرق
هى والحمد لله اتعينت بس فوجئت امبارح بموظفة القبض بتقولهم ان مرتبهم واقف بسبب ان جواب التعيين لم ينزل للمهيات بالادارة وبالتالى مافى مرتب خالص
فذهبنا اليوم للادارة بشرق وفعلا الموظفة طلعت ملف زميلتى واخذت اقرار القيام بالعمل وطلبت تصويره مرتين ثم كتبت لها جواب صغير من اصل ونسختين يفيد انها تعيين جديد واعطتها اصل وصورتين من اقرار القيام بالعمل واصل وصورتين من هذا الجواب الصغير
وقالت لها اعطى صورة للمهيات وصورة للحسابات وصورة للبطاقات(ودى هتلاقوها بالدور الثانى بالادارة)
ارجو تبليغ جميع الزملاء للذهاب للادارة بشرق بدءا من غدا حتى يتسنى لهم صرف مستحقتهم
كما ان المرتب زاد عليه بدل معلم وهى 74ج
اى اصبح 489.80ج للمعلم تعيين جديد

كما يجب على الزوج المعلم او الزوجة المعلمة (تعيين جديد) احضار صورة من قسيمة الزواج وتسليمها فى المهيات لاخد 2ج على الاساسى (للزوجة معلمة تعيين جديد)


وبالنسبة للتعاقدات وصلت نشرة للادارة بعدم فسخ اى تعاقد مميز او عادى
وانما هيكملوا عادى ومافى تجديد للعقد نهائى ولا قطع للعقد
وانما يستمروا بالمدارس عادى خالص

طبعا الكلام ده من ادارة شرق فقط
لانى ملحقتش اروح لوسط وانا اصلا اعمل تابعة لها
باذن الله غدا اروح واشوف وضعنا ايه
والله الموفق

من فضلك بالنسبة لادارة المنتزة اية اخر اخبارها في هذا الموضوع

ممكن اعرف 490 ازاي

من فضلك بالنسبة لادارة المنتزة اية اخر اخبارها في هذا الموضوع[/

لا اعلم عن ادارة المنتزة اى شئquote]

[quote=aaaaa_s;3380805]ممكن اعرف 490 ازاي

لا اعرف بس الكشف كانوا مجمل المرتب 489.60ج


ارجو من تعيين جديد بوسط الذهاب للتعينات فوق مع احضار نموذج111 تأمين صحى من القبارى
لانى اليوم كنت بوسط فطلبوه ضرورى لعمل دفتر تامين جديد ثابت وليس يتجدد كل سنة كما قالت لى الموظفة
وارجو تبليغ الزملاء اللى كتبوا فى استمارة ضم المدد السابقة بداية التعاقد من 1/4/2008 وهم يعملون بالتعاقد من قبل كده سرعة التوجه للادارة وتصوير ورقة جديدة فيها اول تعاقد لهم لاضافته
واليوم الموظفة اعطتنى ورقة المعاش وقالت لى لازم ختم المدرسة عليها

اللي مجوز 4 هياخد 8 جنيه بحالهم يا سلاااااااااااااااااااااااااااااااااااااااااااام

لاحظوا الزيادة دى على الاساسى
اكيد هتفرق
والله الجنيه بيفرق فى الزمن ده

خبر حلو اووووووووووى اكيد طبعا المنتزة زييهم بس هما عندهم بطىء شديد فى تنفيذ القراراات

عموما خبر حلو اوى وعقبال الى بعدهم ياريت لو فى اى خبر من اسكندرية بتقال وانا متابعه

للأسف بقي أنا من ادارة العامرية وشفت كشف مرتب شهر مايو لاقيته زي شهر ابريل اجماله 389,90 زينا زي اللي لسا متعينوش اشمعنا بقي شرق اكتر ب100 جنيه ممكن أستاذة ايمان ترفع صورة لمفردات المرتب عندهم بشرق علشان نروح به للادارة عندنا ونعرف الفرق فين و ليه لانه من الواضح جدا انه مسلسل الفساد والاهمال مازال مستمر في هذه الادارة الكريهة.

2جنيه مش على الاساسى

ياترى انتم اللى اتعينتم دخلتم امتحان كادر 1 /4 اللى لسة نتيجته ماطلعتش ولا دخلتم امتجان نوفمبر اللى فات و نجحتم علشان كدة عينوكم و ياترى هم بعتوا لكم علشان تتعينوا و لا انت بتروحوا تسألوا من نغسكم ولكى جزيل الشكر ياأختى العزيزة

للأسف بقي أنا من ادارة العامرية وشفت كشف مرتب شهر مايو لاقيته زي شهر ابريل اجماله 389,90 زينا زي اللي لسا متعينوش اشمعنا بقي شرق اكتر ب100 جنيه ممكن أستاذة ايمان ترفع صورة لمفردات المرتب عندهم بشرق علشان نروح به للادارة عندنا ونعرف الفرق فين و ليه لانه من الواضح جدا انه مسلسل الفساد والاهمال مازال مستمر في هذه الادارة الكريهة.


فعلا
الكشف لسه زى ماهو فى العامريو ووسط
شرق بس هم اللى غيروا وهيقبضوا من الشهر القادم بالزيادة والكادر
اما وسط
للان مش هنقبض غير ال15 % بس
لان لسة ورقنا منزلش تحت بالتعيينات
يعنى وعليكم خير على 7كده عقبال ما الكل يسلم ورقه

ياترى انتم اللى اتعينتم دخلتم امتحان كادر 1 /4 اللى لسة نتيجته ماطلعتش ولا دخلتم امتجان نوفمبر اللى فات و نجحتم علشان كدة عينوكم و ياترى هم بعتوا لكم علشان تتعينوا و لا انت بتروحوا تسألوا من نغسكم ولكى جزيل الشكر ياأختى العزيزة



كلامنا على المعينين فعليا
اللى امتحنوا كادر العام الماضى

ولا تقلقى لو لسة امتحنتى الشهر اللى فات ده باذن الله ناجحة ومعينة كمان
بس هى اجراءات فقط

وبعدين المواضيع دى (مواضيع التعيين)لا تقلقى بتنتشر وتتعرف علطول
كلنا بنبلغ بعض بسرعة او ما حد يسمع حاجة
والمنتدى هنا اتاح لنا سرعة وحرية التواصل مع بعض يا علية

ارجو من زميلاتى وزملائى المعينين حديثا بادارة وسط سرعة شراء استمارة111 من التامينات الصحية لعمل كشف طبى جديد للمعينين
مع حجز دور بالتليفون اللى على الاستمارة
لان المواعيد متاحة من اول شهر 6


ادارة شرق مش مطلوبة منهم لانهم عملوها من زمان
ارجو تبليغ باقى زملائنا بالادارة
لان ورقنا لسه فوق بالتعيينات لم ينزل لقسم الملفات
ولسة مافى اخبار من الادارة عن الكادر
مافى مدرسة لسه حسبت الكادر
وانما اللى اتعمل ال15% فقط لا غير
بشرق باذن الله هيقبضوا كادر مع الشهر الجديد او اللى بعده بالكتير

شكرا جزيلا على ردك الكريم وربنا يعمل اللى فيه الخير للجميع

انت محترمة يا إيمان ، وربنا يجعلك من سعداء الدنيا والآخرة