مشاهدة النسخة كاملة : خلاص ههتجنن بليز ساعدونى بليز بليز محتار
ahmedosamanassar 05-05-2011, 04:26 PM يا جماعه بليز
انا جالى ورقة الرغبات انا اولى ثانوى
و عندى فى المواد الأختيارية
قلولى لو عاوز علمى رياضة حط رياضة 2 و فزياء اجبارى و اختار بين علم النفس و الأجتماع و بين الأقتصاد و الأحصاء انا محتار
مش عارف اعمل ايه و ده مسقبلى
وياجماعه بليز ردو مش تسبونى
ويا ريت لو فى مقارنة بين المنهجين بالدروس و هل هى صعبة ولا لأ بين الأثنين
بليز انا زى اخوكو
اخوكم احمد اسامة
ahmedosamanassar 05-05-2011, 04:29 PM انا لسة واخد استمارة الرغبات النهارده بليز ساعدونى
ThèGôldènBôy 05-05-2011, 05:32 PM انا من رأيي علم النفس اسهل
ThèGôldènBôy 05-05-2011, 05:38 PM متقلقش ممكن تغير زي ما انت عاوز في المادة الادبية لحد لما تكتب استمارة 2 ثانوي
المادة الادبيه هتاخدها في 3 مش في 2
PrinCeSs MeRaMar 05-05-2011, 08:46 PM خلصوا امتحاناتكم و بعدين فكروا يا جماعه
الاستماره ده ملهاش لازمه خالص
بيملوها بس علشان تقسيمة الفصول
ahmedosamanassar 05-05-2011, 08:49 PM يا ريت لو فى مقارنة بين المنهجين بالدروس و هل هى صعبة ولا لأ بين الأثنين
بليز انا زى اخوكو
ThèGôldènBôy 05-05-2011, 09:27 PM يا ريت لو فى مقارنة بين المنهجين بالدروس و هل هى صعبة ولا لأ بين الأثنين
بليز انا زى اخوكو
انا مش عارف اولك اية الحقيقة
مهو انت في سنة اولى بتاخد فكرة عن المواد كلها علشان تحدد في المرحلتين هتاخد اية
لاكن حكاية المقارنة دي معتقدش ان حد هيكتبهالك
ThèGôldènBôy 05-05-2011, 09:29 PM خلصوا امتحاناتكم و بعدين فكروا يا جماعه
الاستماره ده ملهاش لازمه خالص
بيملوها بس علشان تقسيمة الفصول
والله دة انا الي اعتقدت علشان كدة انا معملتهاش
انا فاضي اروح المدرسة علشان استماره :d
ahmedosamanassar 06-05-2011, 06:49 PM انا اختارت اقتصاد واحصاء و المستوى الرفيع عربى بما انى هتعمل مع الأرقام فى علمى رياضة اصلا المفروض مش يشتتونا دلوقتى سوال هو ممكن فى ثانية ثانوى اغير من رياضة لعلوم لو ماعجبنيش رياضة عشان الناس بيخفونى من رياضة 2
bent aboha 06-05-2011, 11:43 PM اولا ما تقلقش خالص من موضوع الاستمارة ده ممكن تغير اى مادة انت عاوزها
وما تسمعش كلام حد الى يقولك صعب وسهل ولا كانك سمعت حاجة صدقنى
انا دلوقتى فى تالتة ومريت بنفس الى مريت بيه
الاقتصاد والاحصاء سهلة وعلم النفس كمان سهل
سيب كل حاجة على ربنا وان شاء الله ربنا هيكرمك
ونصيحة منى لاخويا ما تسمعش كلام الناس وخصوصا اصحابك
لازم تعرف ان ده مستقبلك انت ولازم قبل كل حاجة تعرف انت بتحب ايه وبتكره ايه
ahmedosamanassar 07-05-2011, 08:38 PM شكرا مش عارف اوئلك ايه
بس ممكن سوال انتى اخترتى مستوى رفيع ايه و سهل ولا لأ و السوال ده لكل الناس
bent aboha 08-05-2011, 12:45 AM انا اخدت مستوى رفيع جغرافيا والحمد لله سهل
الادبى بياخدوا جغرافيا والعلمى لغة عربية
وده طبعا ممكن تغيروا فى اى وقت
وشد حيلك وربنا معاك باذن الله
ahmedosamanassar 08-05-2011, 10:12 PM انا اخدت مستوى رفيع جغرافيا والحمد لله سهل
الادبى بياخدوا جغرافيا والعلمى لغة عربية
وده طبعا ممكن تغيروا فى اى وقت
وشد حيلك وربنا معاك باذن الله
انتى علمى ولا ادبى
bent aboha 09-05-2011, 01:42 AM انا الحمد لله اخترت ادبى من الاول لانى كنت عارفة انا عاوزة ايه بالظبط
وعشان كدة طبعا اخدت جغرافيا
Haneen_Riri 09-05-2011, 08:25 PM يابنى اهدا كده ومتقلقش انا عن نفسى خدت علم نفس بس احتمال اغير السنه الجايه ان شاء الله يعنى مش مشكله وبعدين ايه حكايه ان الناس بتخوفك من علمى رياضه دى لا متقلقنيش يعنى مش همسك مسطره حرف التى ولا ايه ههههههههههههه
اه كنت هنسى انا خدت مستوى انجليزى لانى بصراحه بكره العربى اوى يبقى مش معقول اخده مستوى فوق المنهج الاساسى
Nada Dody 20-06-2011, 02:52 PM اه كنت هنسى انا خدت مستوى انجليزى لانى بصراحه بكره العربى اوى يبقى مش معقول اخده مستوى فوق المنهج الاساسى
انا كمان بكره العربى جدا و بحب الانجلش خالص
بس صحابى خوفونى من المستوى انجلش قالولى صعب و كلمات كتيير و مش بتيجى و قالو لى هتتعبى فيه فبلاش
و انا مش عارفة اختار ايه ؟؟
sad nono 21-06-2011, 01:11 AM انا كمان بكره العربى جدا و بحب الانجلش خالص
بس صحابى خوفونى من المستوى انجلش قالولى صعب و كلمات كتيير و مش بتيجى و قالو لى هتتعبى فيه فبلاش
و انا مش عارفة اختار ايه ؟؟
بصوا يا جماعة انا زيي زيكوا بالظبط
لكن مفيش حاجة بقا اسمها اصحابي خوفوني ووو
عشان الواحد يتأكد انو اختار الاصلح ليه لازم يستخير ربنا يعني يصلي ركعتين استخارة ويقول فيهم دععاء الاستخارة
ويوكل امره لربنا وهو هيقدر الخير اينما كان
وبالتأكيد الخير ليا غير الخير ليكي غير الخير لاي حد تاني
عشان كدا لما تيجي تاخدي قرار .. اسمعي كل وجهااات النظر وبعدين استخيري واختاري انتي دا مستقبلك انتي
يعني مثلا انا كان كل الناااس بتقولي خدي كيمياء استخرت وخدت احيااء يعني والحمد الله ربنا يوفقنا جميعا .. ومتخليش كلام حد يأثر عليك ..
|